Nani 26
26
AbakoIsrayeli babalwa elizweni laseMowabi
1Kwathi emva komkhuhlane iNkosi yakhuluma loMose loEleyazare indodana kaAroni umpristi, yathi:#Nani 1:1–46 2Balani ibandla lonke labakoIsrayeli abaleminyaka engamatshumi amabili lengaphezulu, ngezindlu zabo, bonke abangaphuma impi. 3UMose loEleyazare umpristi bababuthanisa emagcekeni aseMowabi, ngaseJordani eduze leJeriko. 4Babala labo abaleminyaka engamatshumi amabili lengaphezulu, njengokutsho kweNkosi kuMose. AbakoIsrayeli abaphuma elizweni laseGibithe babeyilaba:
5URubeni, izibulo likaIsrayeli. Amadodana kaRubeni ayenguHanoki, okwavela kuye abakoHanoki; loPalu, okwavela kuye abakoPalu; 6loHezironi, okwavela kuye abakoHezironi; loKarimi, okwavela kuye abakoKarimi. 7Lezi zinsendo zabakoRubeni; babezinkulungwane ezingamatshumi amane lantathu, lamakhulu ayisikhombisa, lamatshumi amathathu. 8Indodana kaPalu yayinguEliyabi. 9Amadodana kaEliyabi ayengoNemuweli loDathani loAbiramu. Yibo labo, oDathani loAbiramu, abakhethwa libandla ukuba baphikisana loMose loAroni; babengabeqembu labantu bakoKora abaphikisana leNkosi. 10Umhlaba wavuleka, wabaginya kanye loKora ekufeni kwaleloqembu, lapho umlilo uqothula amadoda angamakhulu amabili lamatshumi amahlanu; wona aba yisixwayiso. 11Kanti amadodana kaKora kawafanga.
12Amadodana kaSimeyoni ngensendo zawo ayenguNemuweli, okwavela kuye abakoNemuweli; loJamini, okwavela kuye abakoJamini; loJakini, okwavela kuye abakoJakini; 13loZera, okwavela kuye abakoZera; loShawuli, okwavela kuye abakoShawuli. 14Lezi zinsendo zabakoSimeyoni; babezinkulungwane ezingamatshumi amabili lambili, lamakhulu amabili.
15Amadodana kaGadi ngensendo zawo ayenguZefoni, okwavela kuye abakoZefoni; loHagi, okwavela kuye abakoHagi; loShuni, okwavela kuye abakoShuni; 16loOzini, okwavela kuye abakoOzini; loEri, okwavela kuye abakoEri; 17loArodi, okwavela kuye abakoArodi; loAreli, okwavela kuye abakoAreli. 18Lezi zinsendo zamadodana kaGadi; babezinkulungwane ezingamatshumi amane, lamakhulu amahlanu.
19Amadodana kaJuda ayenguEri loOnani; uEri loOnani bafela elizweni laseKanani. 20Amadodana kaJuda ngensendo zawo ayenguShela, okwavela kuye abakoShela; loPerezi, okwavela kuye abakoPerezi; loZera, okwavela kuye abakoZera. 21Amadodana kaPerezi ayenguHezironi, okwavela kuye abakoHezironi; loHamuli, okwavela kuye abakoHamuli. 22Lezi zinsendo zikaJuda; babezinkulungwane ezingamatshumi ayisikhombisa lesithupha, lamakhulu amahlanu.
23Amadodana kaIsakari ngensendo zawo ayenguTola, okwavela kuye abakoTola; loPuva, okwavela kuye abakoPuva; 24loJashubi, okwavela kuye abakoJashubi; loShimroni, okwavela kuye abakoShimroni. 25Lezi zinsendo zikaIsakari; babezinkulungwane ezingamatshumi ayisithupha lane, lamakhulu amathathu.
26Amadodana kaZebuluni ngensendo zawo ayenguSeredi, okwavela kuye abakoSeredi; loEloni, okwavela kuye abakoEloni; loJaleli, okwavela kuye abakoJaleli. 27Lezi zinsendo zabakoZebuluni; babezinkulungwane ezingamatshumi ayisithupha, lamakhulu amahlanu.
28Amadodana kaJosefa ngensendo zawo ayenguManase loEfrayimi. 29Amadodana kaManase ayenguMakiri, okwavela kuye abakoMakiri; uMakiri wayenguyise kaGileyadi; kuGileyadi kwavela abakoGileyadi. 30La ngamadodana kaGileyadi; uIyezeri, okwavela kuye abakoIyezeri; loHeleki, okwavela kuye abakoHeleki; 31loAsiriyeli, okwavela kuye abakoAsiriyeli; loShekema, okwavela kuye abakoShekema; 32loShemida, okwavela kuye abakoShemida; loHeferi, okwavela kuye abakoHeferi. 33UZelafehadi indodana kaHeferi wayengelamadodana, kodwa elamadodakazi wodwa. Amabizo amadodakazi kaZelofehadi ayenguMahla loNowa loHogila loMilka loTiriza. 34Lezi zinsendo zikaManase; babezinkulungwane ezingamatshumi amahlanu lambili, lamakhulu ayisikhombisa.
35La ngamadodana kaEfrayimi ngensendo zawo; uShuthela, okwavela kuye abakoShuthela; loBekeri, okwavela kuye abakoBekeri; loTahani, okwavela kuye abakoTahani. 36Le yindodana kaShuthela, uErani, okwavela kuye abakoErani. 37Lezi zinsendo zamadodana kaEfrayimi; babezinkulungwane ezingamatshumi amathathu lambili, lamakhulu amahlanu. Yilawo amadodana kaJosefa ngensendo zawo.
38Amadodana kaBenjamini ngensendo zawo ayenguBela, okwavela kuye abakoBela; loAshibeli, okwavela kuye abakoAshibeli; loAhiramu, okwavela kuye abakoAhiramu; 39loShefufamu, okwavela kuye abakoShefufamu; loHufamu, okwavela kuye abakoHufamu. 40Amadodana kaBela ayenguAridi loNamani; kuAridi kwavela abakoAridi, lakuNamani kwavela abakoNamani. 41Lawo ngamadodana kaBenjamini ngensendo zawo; babezinkulungwane ezingamatshumi amane lanhlanu, lamakhulu ayisithupha.
42La ngamadodana kaDani ngensendo zawo; uShuhamu, okwavela kuye abakoShuhamu. Lezi zinsendo zikaDani ngensendo zazo. 43Zonke insendo zabakoShuhamu zaziyizinkulungwane ezingamatshumi ayisithupha lane, lamakhulu amane.
44Amadodana kaAsheri ngensendo zawo ayenguJimna, okwavela kuye abakoJimna; loIshivi, okwavela kuye abakoIshivi; loBeriya, okwavela kuye abakoBeriya. 45Amadodana kaBeriya ayenguHeberi, okwavela kuye abakoHeberi; loMalikiyeli, okwavela kuye abakoMalikiyeli. 46Ibizo lendodakazi kaAsheri lalinguSera. 47Lezi zinsendo zamadodana kaAsheri; babezinkulungwane ezingamatshumi amahlanu lantathu, lamakhulu amane.
48Amadodana kaNafitali ngensendo zawo ayenguJazeli, okwavela kuye abakoJazeli; loGuni, okwavela kuye abakoGuni; 49loJezeri, okwavela kuye abakoJezeri; loShilema, okwavela kuye abakoShilema. 50Lezi zinsendo zikaNafitali ngensendo zazo; babezinkulungwane ezingamatshumi amane lanhlanu, lamakhulu amane.
51Inani labakoIsrayeli lalizinkulungwane ezingamakhulu ayisithupha lanye, lamakhulu ayisikhombisa, lamatshumi amathathu.
Ilizwe lizahlukaniswa ngenkatho
52INkosi yathi kuMose:#Nani 34:13; Josh 14:1–2 53Ilizwe bazakwahlukaniselwa lona libe ngelabo njengenani lamabizo alotshiweyo. 54Isizwe esikhulu usinike ilizwe elikhulu, lesizwe esincinyane usinike ilizwe elincinyane; yileso lalesosizwe sizanikwa ilizwe laso njengenani labantu baso. 55Kodwa ilizwe lonke lizahlukaniswa ngenkatho; inkatho izakwenziwa ngamazwe, ukuze anikwe izizwe zaboyise. 56Ilizwe lizakwahlukaniselwa izizwe ngenkatho, phakathi kwezikhulu lezincinyane.
Isizwe sakoLevi
57Nanka amaLevi abalwayo ngensendo zawo; uGerishoni, okwavela kuye abakoGerishoni; loKohathi, okwavela kuye abakoKohathi; loMerari, okwavela kuye abakoMerari. 58Nanzi insendo zikaLevi; usendo lwabakoLibini, lolwabakoHebroni, lolwabakoMahli, lolwabakoMushi, lolwabakoKora. UKohathi wayenguyise kaAmramu. 59Obizo lomkaAmramu lalinguJokebedi indodakazi kaLevi, owazalelwa uLevi eGibithe; wazalela uAmramu oAroni loMose loMiriyamu udadewabo. 60UAroni wazala oNadabi loAbihu loEleyazare loIthamari.#Nani 3:2 61Kodwa oNadabi loAbihu bafa lapho benikela ngomlilo ongafanelanga phambi kweNkosi.#Levi 10:1–2; Nani 3:4 62Bonke abesilisa ababalwayo phakathi kwamaLevi, kusukela kulabo abalenyanga kusiya phezulu, babezinkulungwane ezingamatshumi amabili lantathu; kababalwanga phakathi kwabakoIsrayeli ngoba benganikwanga ilifa phakathi kwabakoIsrayeli.
63Yibo labo ababalwa nguMose loEleyazare umpristi, ekubaleni kwabo abakoIsrayeli emagcekeni aseMowabi ngaseJordani eduze leJeriko. 64Phakathi kwalabo kwakungekho muntu wabakoIsrayeli ababebaliwe nguMose loAroni umpristi enkangala waseSinayi; 65ngoba iNkosi yathi: Bazakufela enkangala. Kakusalanga muntu kubo ngaphandle kukaKalebi indodana kaJefune, loJoshuwa indodana kaNuni.#Nani 14:26–35
Currently Selected:
Nani 26: BE1978
Highlight
Copy
Compare
Share
Want to have your highlights saved across all your devices? Sign up or sign in
Bible Society of Zimbabwe 1978
