Levi 19
19
Imithetho yobungcwele
1INkosi yathi kuMose: 2Tshono kulo lonke ibandla labakoIsrayeli uthi: Wobani ngcwele, ngoba mina Nkosi ngingcwele.#Levi 11:44–45; 1 Pet 1:16 3Wonke umuntu kahloniphe unina loyise. Gcinani amaSabatha ami; ngiyiNkosi uNkulunkulu wenu.#Eks 20:8, 12; Dute 5:12, 16 4Lingaphendukeli kuzo izithombe, lingazenzeli onkulunkulu ababunjiweyo. NgiyiNkosi uNkulunkulu wenu.#Levi 26:1; Eks 20:23; 34:17; Dute 27:25
5Nxa linikela eNkosini umhlatshelo weminikelo yokuthula, liwunikele ukuze lamukeleke. 6Uzakudliwa ngosuku lokunikela kwenu loba ngakusasa; konke okuseleyo ngosuku lwesithathu kuzatshiswa ngomlilo. 7Uba udliwa ngosuku lwesithathu, kuzakuba yisinengiso; kawuyikwamukeleka. 8Wonke umuntu owudlayo uzathwala ububi bakhe, ngoba wonakalisile okungcwele kweNkosi; lowomuntu uzakukhutshwa ebantwini bakibo.
9Lapho livuna isivuno selizwe lakini, lingavuni ngokupheleleyo kuze kufike emngceleni wensimu; futhi lingabuthi okuseleyo lapho seliqedile ukuvuna.#Levi 23:22; Dute 24:19–22 10Lingakhi zonke izithelo zezivini zenu; futhi lingakhi izithelo zezivini ezivuthukileyo; kodwa zitshiyeni zibe ngezabayanga lezabemzini. NgiyiNkosi uNkulunkulu wenu.
11Lingebi, lingakhohlisani, lingaqambelani amanga.#Eks 20:15; Dute 5:19#Eks 20:16; Dute 5:20 12Lingafungeli ibizo lami amanga, lize lihlambaze ibizo likaNkulunkulu wenu. NgiyiNkosi.#Eks 20:7; Dute 5:11; Mat 5:33
13Lingacindezeli umakhelwane wenu, lingamphangi. Lingagcini iholo loqatshiweyo ubusuku bonke kuze kube sekuseni.#Dute 24:14–15 14Lingaqalekisi izacuthe, lingakhubekisi iziphofu, kodwa lesabe uNkulunkulu wenu. NgiyiNkosi.#Dute 27:18
15Lingahluleli ngokungalungi; lingakhethi ongumyanga loba omkhulu, kodwa lahlulele umakhelwane wenu ngokulungileyo.#Eks 23:6–8; Dute 16:19 16Lingahambahambi linyeya phakathi kwabakini; lingamelani lomakhelwane wenu. NgiyiNkosi.
17Lingazondi umfowenu enhliziyweni zenu; khuzani umakhelwane wenu, kodwa lingabi lasono ngenxa yakhe.#Mat 18:15 18Lingaphindiseli, lingabi lasikhwili labantwana babakini; thandani umakhelwane wenu njengalokhu lizithanda lina. NgiyiNkosi.#Mat 5:43; 19:19; 22:39; Mark 12:31; Luka 10:27; Roma 13:9; Gal 5:14; Jak 2:8
19Gcinani izimiso zami. Lingavumeli inkomo zenu zikhwelwe ngezolunye uhlobo. Lingahlanyeli emasimini enu inhlobo ezimbili zenhlanyelo. Lingambathi izigqoko ezenziwe ngamalembu amabili ehlukeneyo.#Dute 22:9–11
20Uba umuntu elala lesigqilikazi esikhombileyo, esingahlengwanga, singakhululwanga ngesihle, kuzakuba lecala. Kabangabulawa, ngoba sasingakhululwanga. 21Kodwa yena uzakuletha eNkosini umnikelo wecala, ngasemnyango wethente lokuhlangana, ngitsho inqama ibe ngumnikelo wecala. 22Umpristi uzakumenzela indlela yokubuyisana ngenqama yomnikelo wecala phambi kweNkosi ngenxa yesono asenzileyo, athethelelwe isono sakhe.
23Lapho selifikile elizweni, lihlanyele izihlahla ezinengi ezidliwayo, lizakuthi izithelo zazo ziyazila kini; zizazila kini iminyaka emithathu, zingadliwa. 24Ngomnyaka wesine zonke izithelo zazo zizakuba ngcwele, zibe ngumnikelo wokubonga eNkosini. 25Ngomnyaka wesihlanu lingadla izithelo zazo, ukuze zithele kakhulu. NgiyiNkosi uNkulunkulu wenu.
26Lingadli lutho olulegazi. Lingenzi imilingo, lingavumisi.#Gen 9:4; Levi 7:26–27; 17:10–14; Dute 12:16, 23; 15:23 27Lingageli inwele zenu ezisemaceleni, lingageli izindevu zenu.#Levi 21:5; Dute 14:1 28Lingazisiki emizimbeni yenu ngenxa yabafileyo, lingazicabi. NgiyiNkosi.
29Lingoni amadodakazi enu ngokuwenza abe ngamawule, funa ilizwe lehlelwe yikuphinga, ligcwale ububi.#Dute 23:17 30Gcinani amaSabatha ami, lihloniphe indlu yami engcwele. NgiyiNkosi.#Levi 26:2
31Lingayi kulabo abalamadlozi lezanuseni; lingabadingi ukuze lingco liswe yibo. NgiyiNkosi uNkulunkulu wenu.#Dute 18:11; 1 Sam 28:3; 2 Kho 23:4; Isa 8:19
32Sukumelani oyimpunga, limhloniphe umuntu omdala, lesabe uNkulunkulu wenu. NgiyiNkosi.
33Nxa owezizweni ehlala lani elizweni lakini, lingamhluphi.#Eks 22:21; Dute 24:17–18; 27:19 34Owezizweni ohlala lani uzakuba njengowokuzalwa elizweni phakathi kwenu, limthande njengalokhu lizithanda lina; ngoba lani lalingabantu bezizweni elizweni laseGibithe. NgiyiNkosi uNkulunkulu wenu.
35Lingahluleli ngokungalungi ekulinganiseni ubude, loba ekulinganiseni izilinganiso, loba ekulinganiseni ubunengi.#Dute 25:13–16; Zaga 20:10; Hez 45:10 36Wobani lezikali zokulinganisa ezilungileyo, lezilinganiso ezilungileyo, lehefa elilungileyo, lehini elilungileyo. NgiyiNkosi uNkulunkulu wenu owalikhupha elizweni laseGibithe. 37Gcinani zonke izimiso zami lezahlulelo zami zonke, lizenze. NgiyiNkosi.
Currently Selected:
Levi 19: BE1978
Highlight
Copy
Compare
Share
Want to have your highlights saved across all your devices? Sign up or sign in
Bible Society of Zimbabwe 1978
