Eks 17
17
AbakoIsrayeli basola uMose ngamanzi
1Ibandla lonke lakoIsrayeli lasuka enkangala yaseSini, lahamba lihlala amalombolombo njengokulaya kweNkosi, lamisa eRefidimi; kodwa kwakungelamanzi okunatha.#Nani 20:2–13 2Ngakho abantu bamsola uMose bathi: Sinike amanzi, sinathe. UMose wathi kubo: Lingisolelani na? Liyilingelani iNkosi na? 3Lapho abantu bomela amanzi, bamsola uMose bathi: Wasikhuphelani eGibithe ukuba usibulale thina labantwana bethu lenkomo zethu ngokoma na? 4UMose wasekhala eNkosini esithi: Ngizakwenza njani kulababantu? Sebelungele ukungikhanda ngamatshe. 5INkosi yathi kuMose: Dlulela phambi kwabantu, uhambe labanye babalisa bakoIsrayeli, uphathe intonga yakho owatshaya umfula ngayo, uhambe. 6Ngizakuma phambi kwakho edwaleni eliseHorebe; uzalitshaya idwala, kuphume kulo amanzi ukuze abantu banathe. UMose wenza njalo phambi kwabalisa bakoIsrayeli. 7Wabiza indawo leyo ngokuthi yiMasa lokuthi yiMeriba ngenxa yokusola kwabakoIsrayeli langenxa yokuyilinga kwabo iNkosi besithi: INkosi ilathi yini loba atshi na?
Ukulwa kwabo loAmaleki
8Kwasekufika uAmaleki, walwa labakoIsrayeli eRefidimi. 9UMose wasesithi kuJoshuwa: Sikhethele amadoda, uphume uyekulwa loAmaleki; kusasa ngizakuma engqongeni yentaba, intonga kaNkulunkulu isesandleni sami. 10UJoshuwa wenza njengokutsho kukaMose, walwa loAmaleki. UMose loAroni loHuri bakhwela engqongeni yentaba. 11Kwathi lapho uMose ephakamisa isandla sakhe, abakoIsrayeli banqoba; kodwa lapho eyehlisa, uAmaleki wanqoba. 12Kodwa izandla zikaMose zadinwa. Ngakho basebethatha ilitshe, balibeka phansi kwakhe, wahlala kulo. UAroni loHuri babamba izandla zakhe, omunye engapha lomunye engale, ukuba zihlale ziqinile laze latshona ilanga. 13UJoshuwa wamchitha uAmaleki labantu bakhe.
14INkosi yasisithi kuMose: Loba lokhu ogwalweni kube yisikhumbuzo, ukuqonqosele uJoshuwa ukuthi ngizakuqothula ukukhunjulwa kukaAmaleki emhlabeni.#Dute 25:17–19; 1 Sam 15:2–9
15UMose wakha ialtare, walitha ibizo lokuthi iNkosi iluphawu lwami; 16wathi: Phatha uphawu lweNkosi. Izakulwa loAmaleki izizukulwana ngezizukulwana.
Currently Selected:
Eks 17: BE1978
Highlight
Copy
Compare
Share
Want to have your highlights saved across all your devices? Sign up or sign in
Bible Society of Zimbabwe 1978
