Dute 30
30
AbakoIsrayeli bazabusiswa ngokuphenduka langokulalela
1Lapho zonke izinto lezi sezehlele phezu kwenu, isibusiso lesiqalekiso engizibekileyo phambi kwenu, lizikhumbule phakathi kwezizwe zonke lapho iNkosi uNkulunkulu wenu elixotshele khona, 2lizabuyela eNkosini uNkulunkulu wenu lina labantwana benu, lilalele ilizwi layo ngenhliziyo yenu yonke langomphefumulo wenu wonke, kukho konke engililaya khona lamuhla. 3INkosi uNkulunkulu wenu izalihawukela, ibuyise abathunjiweyo benu, ilibuthe futhi ebantwini lapho iNkosi uNkulunkulu wenu elihlakazele khona. 4Uba bekhona abakini abaxotshelwe emikhawulweni yomhlaba, lalapho iNkosi uNkulunkulu wenu izakulibutha, ilithathe, 5ilibuyisele elizweni okhokho benu abalithumba ukuba libe ngelenu, liphumelele, lande kakhulu kulabokhokho benu. 6INkosi uNkulunkulu wenu izakuhlambulula inhliziyo zenu lenhliziyo zenzalo yenu, ukuba liyithande iNkosi uNkulunkulu wenu ngenhliziyo yenu yonke langomphefumulo wenu wonke ukuze liphile. 7INkosi uNkulunkulu wenu izakwehlisela zonke iziqalekiso lezi phezu kwezitha zenu labafo benu ababelizingela. 8Lizabuya lilalele ilizwi leNkosi, ligcine yonke imilayo yayo engililaya yona lamuhla. 9INkosi izakuliphumelelisa kakhulu emisebenzini yonke yezandla zenu, enzalweni yezisu zenu, lenzalweni yenkomo zenu, lezithelweni zomhlaba wenu; ngoba iNkosi izakuthaba futhi ngokuliphumelelisa, njengalokhu yayithaba ngokhokho benu, 10uba lilalela ilizwi leNkosi uNkulunkulu wenu, ligcine imilayo yayo lezimiso zayo ezilotshwe kulolugwalo lomlayo, liphendukela eNkosini uNkulunkulu wenu ngenhliziyo yenu yonke langomphefumulo wenu wonke.
11Ngoba lumlayo engililaya wona lamuhla kawulukhuni kini, futhi kawukhatshana lani. 12Kawukho ezulwini ukuba lithi: Ngubani ozakusenyukela aye ezulwini, asilandele wona ukuba siwuzwe siwugcine na?#Roma 10:6–8 13Futhi kawungaphetsheya kolwandle ukuba lithi: Ngubani ozakuwela ulwandle, asilandele wona ukuba siwuzwe siwugcine na? 14Kodwake ilizwi liseduze lani, lisemilonyeni yenu lenhliziyweni zenu ukuba liligcine.
15Khangelani, ngibekile phambi kwenu lamhla ukuphila lokulunga, ukufa lobubi. 16Uba lilalela imilayo yeNkosi uNkulunkulu wenu engililaya yona lamuhla, liyithande iNkosi uNkulunkulu wenu, lihambe endleleni zayo, ligcine imilayo yayo lezimiso zayo lezahlulelo zayo, lizakuphila lande; iNkosi uNkulunkulu wenu izalibusisa elizweni elingena kulo ukulithumba. 17Kodwa uba inhliziyo zenu ziphenduka lingalaleli, liduhiswe, lidumise abanye onkulunkulu, libakhonze, 18ngiyalitshela lamhla ukuthi lizakubhubha; kaliyikuhlala isikhathi eside elizweni elizangena kulo ukulithumba selichaphile iJordani. 19Lamuhla ngiyabiza izulu lomhlaba ukufakaza ngani ukuthi ngibekile phambi kwenu ukuphila lokufa, isibusiso lesiqalekiso. Ngakhoke khethani ukuphila ukuba liphile lina lenzalo yenu, 20liyithande iNkosi uNkulunkulu wenu, lilalele ilizwi layo, libambelele kuyo; ngoba lokho kuzakulilethela ukuphila lokwanda kwensuku zenu ukuze lihlale elizweni iNkosi eyafunga kubokhokho benu oAbrahama loIsaka loJakobe ukubanika lona.#Gen 12:7; 26:3; 28:13
Currently Selected:
Dute 30: BE1978
Highlight
Copy
Compare
Share
Want to have your highlights saved across all your devices? Sign up or sign in
Bible Society of Zimbabwe 1978
