Dute 24
24
Imilayo yokwahlukana
1Uba indoda ithatha umfazi, angabe esathandeka kuyo, ngoba ifumanisile kuye into embi, kayimlobele incwadi yesahlukaniso, imnike yona, imkhuphe endlini yayo.#Mat 5:31; 19:7; Mark 10:4 2Umfazi esesukile endlini yayo angahamba, athathwe ngenye indoda abe ngumkayo. 3Uba lindoda yesibili ingasamthandi, imlobele incwadi yesahlukaniso, imnike yona, imkhuphe endlini yayo; loba lindoda yesibili eyamthathayo abe ngumkayo isifa, 4leyondoda yokuqala eyamxotshayo ingamthathi futhi abe ngumkayo, lokhu esengcolisiwe; ngoba lokhu kuyinto eyisinengiso eNkosini; kaliyikonakalisa ilizwe iNkosi uNkulunkulu wenu elinika lona ukuba ngelenu.
5Umuntu osand’ukuthatha umfazi kayikuphuma impi, futhi kayikuphatha umsebenzi omkhulu; uzakuhlala ekhaya wonke umnyaka ekhululekile ukuba athokozise umkakhe amthetheyo.
Eminye imilayo
6Kakungabi khona umuntu ozathatha ilitshe lokuchola loba imbokodo ukuba kube yisibambiso; ngoba ngokwenza njalo uthatha ukuphila kube yisibambiso.
7Uba umuntu efunyanwa ethumba omunye wabakibo koIsrayeli, amphathe njengesigqili loba amthengise, lowomuntu uzakubulawa. Ngalokhu lizaqeda ububi phakathi kwenu.#Eks 21:16
8Nxa ubulawa yibulephero, qaphelisisa ukuba wenze konke abapristi abangamaLevi abakulaya khona; njengalokhu ngibalaya, qaphela ukuba lawe wenze njalo.#Levi 13:1—14:54 9Khumbula lokho iNkosi uNkulunkulu wakho eyakwenza kuMiriyamu endleleni ekuphumeni kwakho eGibithe.#Nani 12:10
10Nxa useboleka umakhelwane wakho ulutho, ungangeni endlini yakhe ukuba uthathe isibambiso sakhe.#Eks 22:26, 27 11Uzakuma phandle, lowomuntu omebolekayo uzakuletha isibambiso kuwe. 12Uba engumyanga, ekunike ingubo yakhe yaba yisibambiso, ungalali layo; 13kodwa uzasibuyisela kuye isibambiso lapho ilanga litshona, ukuba alale ngengubo yakhe, akubonge; lokho kuzakuthiwa yikulunga phambi kweNkosi uNkulunkulu wakho.
14Ungacindezeli inceku eqatshiweyo engumyanga leswelayo, loba ingowabakini, loba ingowabezizwe abahlala elizweni lakini komunye wemizi yakini.#Levi 19:13 15Mnike iholo lakhe insuku ngensuku, ilanga lingakatshoni, ngoba engumyanga, uyaliswela; uba ungenzi njalo, yena uzakhala eNkosini ngawe, kube yisono sakho.
16Oyise kabayikubulawa ngenxa yabantwana, labantwana kabayikubulawa ngenxa yaboyise; wonke umuntu uzakubulawa ngenxa yesakhe isono.#2 Kho 14:6; 2 Lan 25:4; Hez 18:20
17Ungonakalisi ukwahlulelwa kowemzini lentandane; ungathathi ingubo yomfelwakazi ibe yisibambiso;#Eks 23:9; Levi 19:33, 34; Dute 27:19 18kodwa khumbula ukuthi wawuyisigqili eGibithe, wakhululwa lapho yiNkosi uNkulunkulu wakho; yikho ngikulaya ukuba wenze njalo.
19Lapho uvuna ensimini yakho, ukhohlwe isithungo ensimini, ungabuyeli ukusithatha; sizakuba ngesowezizwe lesentandane lesomfelwakazi, ukuba iNkosi uNkulunkulu wakho ikubusise kuwo wonke umsebenzi wezandla zakho.#Levi 19:9, 10; 23:22
20Nxa usukhile izihlahla zakho zeoliva, ungaphindi ukukha okuseleyo ezingatsheni; lokho kuzakuba ngokowemzini lokwentandane lokomfelwakazi.
21Nxa usuvunile izithelo zesivini sakho, ungathathi okuseleyo lapho usuqedile; kuzakuba ngokowemzini lokwentandane lokomfelwakazi. 22Khumbula ukuthi wawuyisigqili elizweni laseGibithe; yikho ngikulaya ukwenza lokho.
Currently Selected:
Dute 24: BE1978
Highlight
Copy
Compare
Share
Want to have your highlights saved across all your devices? Sign up or sign in
Bible Society of Zimbabwe 1978
