Dute 12
12
Ukukhonza iNkosi kumele kube sendaweni eyodwa
1Lezi ziyizimiso lezahlulelo elizakuzigcina elizweni iNkosi, uNkulunkulu wabokhokho benu, elinike lina ukuba libe ngelenu zonke insuku zokuhamba kwenu emhlabeni. 2Impela lizakudiliza zonke indawo lapho izizwe elizakuzinqoba zazikhonzela khona onkulunkulu bazo, ezintabeni eziphakemeyo lasemaqaqeni langaphansi kwezihlahla zonke eziluhlaza; 3lizadiliza ama‐altare azo, libulale insika zazo zokukhonzela, litshise insika zazo ezimiselwe unkulunkulukazi uAshera ngomlilo, libulale izithombe ezibaziweyo zabonkulunkulu bazo, licime ibizo lazo kuleyondawo.#Dute 7:5 4Lingazilingisi ekuyidumiseni iNkosi uNkulunkulu wenu; 5kodwa lizadinga iNkosi uNkulunkulu wenu endaweni ezakuyikhetha phakathi kwazo zonke izizwe zakini, ukuba idunyiswe khona ealtareni layo. Lizakuya khona, 6lilethe iminikelo yenu yokutshiswa lemihlatshelo yenu, lokwetshumi kwempahla yenu, lomnikelo wokuphana kwenu, leminikelo yokugcwalisa izithembiso zenu, leminikelo yesihle, lamazibulo ezinkomo zenu lawezimvu zenu; 7lidle khona phambi kweNkosi uNkulunkulu wenu, lithokoze lina labendlu zenu ngakho konke elikwenzayo, iNkosi uNkulunkulu wenu elibusise ngakho. 8Kaliyikwenza njengokwenza kwethu konke esikwenzayo lamuhla, yilowo lalowo wenza okulungileyo emehlweni akhe; 9ngoba kalikafiki endaweni yokuphumula, elizweni elinika lona iNkosi uNkulunkulu wenu. 10Kodwa lapho selichaphile iJordani, selihlezi elizweni iNkosi uNkulunkulu wenu elinika lona libe ngelenu, isiliphumuzile ezitheni zenu zonke inxa zonke, lihlale livikelekile, 11kung’khona lizakuya endaweni iNkosi uNkulunkulu wenu ezakuyikhetha ukuba idunyiselwe kiyo, liletha konke engililaya khona, iminikelo yenu yokutshiswa lemihlatshelo yenu, lokwetshumi kwempahla yenu, lomnikelo wokuphana kwenu, leminikelo yonke yokugcwalisa izithembiso zenu elizithembisa eNkosini. 12Lizakuthaba phambi kweNkosi uNkulunkulu wenu lina lamadodana enu lamadodakazi enu, lezinceku zenu lezincekukazi zenu, lamaLevi aphakathi kwemizi yenu ngoba engelasabelo selizwe phakathi kwenu.
13Qaphelani ukuba linganikeli iminikelo yenu yokutshiswa endaweni zonke elizibonayo; 14kodwa kuleyondawo iNkosi ezakuyikhetha kwesinye sezizwe zakini nikelani lapho iminikelo yenu yokutshiswa, lenze konke engililaya khona. 15Kantike lingahlaba lidle inyama enengi phakathi kwayo yonke imizi yenu njengokufisa kwenu, lanjengesibusiso seNkosi uNkulunkulu wenu elinike sona; abangahlambulukanga labahlambulukileyo bangadla inyama yomziki leyempala. 16Kodwa lingadli igazi; lichitheleni emhlabathini njengamanzi.#Gen 9:4; Levi 7:26, 27; 17:10–14; 19:26; Dute 15:23 17Lingadleli emizini yenu okwetshumi kwamabele enu lokwewayini lenu lokwamafutha enu, loba amazibulo ezinkomo zenu lawezimvu zenu, loba iminikelo yokugcwalisa izithembiso zenu elizithembisayo, loba iminikelo yenu yesihle, lomnikelo wokuphana kwenu; 18kodwa lizakudlela lokho phambi kweNkosi uNkulunkulu wenu endaweni ezakuyikhetha, lina lamadodana enu lamadodakazi enu, inceku zenu lencekukazi zenu, lomLevi ophakathi kwemizi yenu, lithabe phambi kweNkosi uNkulunkulu wenu ngakho konke elikwenzayo. 19Qaphelani ukuba lingamkhohlwa umLevi isikhathi sonke sokuhlala kwenu elizweni lakini.
20Lapho iNkosi uNkulunkulu wenu isandisa ilizwe lenu njengokulithembisa kwayo, beselikhanuka inyama, lithi: Sifisa ukudla inyama; lizakudla inyama enengi njengokufisa kwenu. 21Uba indawo iNkosi uNkulunkulu wenu ezakuyikhetha ukuba ibizo layo lidunyiselwe kiyo ikhatshana lani, lingahlaba enkomeni zenu loba ezimvini zenu iNkosi elinike zona, njengokulilaya kwami, lidlele emizini yenu lize lisuthe. 22Lingazidla sibili, njengalokhu kudliwa umziki lempala; abangahlambulukanga labahlambulukileyo bangadla. 23Kodwake nanzelelani ukuba lingadli igazi, ngoba igazi liyikuphila, kaliyikudla ukuphila kanye lenyama.#Levi 17:10–14 24Lingabokudla igazi, kodwa lichitheleni emhlabathini njengamanzi. 25Lingalidli ukuba kulilungele labantwana benu emva kwenu, lapho lisenza okulungileyo emehlweni eNkosi. 26Izinto ezingcwele elifanele ukuzinikela, leminikelo yokugcwalisa izithembiso zenu lizakuzithatha, liye endaweni ezakuyikhetha iNkosi, 27linikele iminikelo yenu yokutshiswa, inyama kanye legazi, ealtareni leNkosi uNkulunkulu wenu; igazi lemihlatshelo yenu lithululwe phezu kwealtare leNkosi uNkulunkulu wenu, kodwa inyama lingayidla. 28Qaphelani ukuba lilalele wonke amazwi la engililaya wona, ukuba kulilungele labantwana benu emva kwenu kokuphela, lapho lisenza okulungileyo lokuhle emehlweni eNkosi uNkulunkulu wenu.
Isixwayiso ngokukhonza abanye onkulunkulu
29Lapho iNkosi uNkulunkulu wenu ichitha izizwe phambi kwenu eliya kuzo ukuzinqoba, lalapho selizithumbile lahlala elizweni lazo, 30qaphelani ukuba lingakhohliswa lizilandele emva kokuchithwa kwazo ngaphambi kwenu, lokuba lingabuzi ngonkulunkulu bazo lithi: Izizwe lezi zazikhonza kanjani onkulunkulu bazo na? Lathi sizakwenza njalo. 31Kaliyikwenza njalo eNkosini uNkulunkulu wenu; ngoba zonke izinto ezinengekayo eNkosini ezizondwa yiyo zizenzele onkulunkulu bazo; futhi zitshisela onkulunkulu bazo amadodana lamadodakazi azo ngomlilo.
32Gcinani kuhle konke engililaya khona, lingengezeleli lutho kukho, futhi lingaphunguli lutho kukho.#Dute 4:2; Isam 22:18, 19
Currently Selected:
Dute 12: BE1978
Highlight
Copy
Compare
Share
Want to have your highlights saved across all your devices? Sign up or sign in
Bible Society of Zimbabwe 1978
