1 Kor 5
5
Ukuphinga kwabaseKorinte. Ukuphathwa kwezoni
1Impela kuyatshiwo ukuthi kukhona ukuphinga phakathi kwenu, futhi ukuphinga kohlobo olungekho ngitsho laphakathi kwabangakholwayo, okokuthi omunye wakini uthethe umkayise.#Dute 22:30 2Kodwa lina liyazikhukhumeza kulokuba likhale; lalowo owenze lokho kasuswe phakathi kwenu. 3Ngoba mina, lanxa ngingekho ngokomzimba, kodwa ngikhona ngokomoya, sengiqumile ngalowomuntu owenze lobobubi ngokungathi ngikhona, 4ukuba ebizweni leNkosi uJesu selihlangene lina lomoya wami kanye lamandla eNkosi yethu uJesu Kristu, 5onjalo kanikelwe kuSathane kukho ukubhubha kwenyama yakhe, ukuze umoya wakhe usiliswe osukwini lweNkosi.
6Kakukuhle ukuzincoma kwenu. Kalazi yini ukuthi imvubelo encinyane ibilisa inhlama yonke na?#Gal 5:9 7Khuphani imvubelo endala ukuze libe yinhlama entsha; ngoba lempela lingabangelamvubelo. Ngoba elethu iwundlu lePhasika elinguKristu selihlatshiwe.#Eks 12:5 8Ngakhoke asigcine umkhosi, kungabi ngemvubelo endala, kungabi ngemvubelo yobubi lokona, kodwa kube ngesinkwa esingelamvubelo sobuqotho leseqiniso.#Eks 13:7; Dute 16:3
9Ngalilobela encwadini yami ukuba lingahlanganyeli leziphingi; 10kangitsho iziphingi zomhlaba nje, ingabe izihwaba labaphangi, labakhonza izithombe, ngoba phela kungafanela ukuba liphume emhlabeni. 11Kodwa ngalilobela ukuba lingahlangani lomuntu obizwa ngokuthi ungumzalwane, uba eyisiphingi, loba eyisihwaba, loba ekhonza izithombe, loba eyisithuki, loba eyisidakwa, ingabe engumphangi; lingaze ladla laye lakanye. 12Ngoba ngilomsebenzi bani lokuthonisisa abangaphandle na? 13KunguNkulunkulu othonisisa abangaphandle. Lina lithonisisa abasebandleni. Mxotsheni omubi phakathi kwenu.#Dute 13:5; 17:7
Currently Selected:
1 Kor 5: BE1978
Highlight
Copy
Compare
Share
Want to have your highlights saved across all your devices? Sign up or sign in
Bible Society of Zimbabwe 1978
