Kinganga-Nzambi 19
19
Wapi mutindu Nzambi zola ti ba sadila yandi
1Yave tubaka na Moyize 2na kuzabisa na mukangu nyonso ya bana ya Isayeli mutindu yayi:
«Beno kuvwanda ya longo. Samu ti munu, Yave Nzambi ya beno, mu kele ya longo#1Py 1.16!»
3«Konso muntu na kati ya beno fwana kuzitisa tata ya yandi na mama ya yandi#Kbk 20.12; 21.17; Mus 5.16; Eze 22.7; Mat 15.4; Efe 6.2. Yandi fwana mpe kuzitisa basaba ya munu#Kbk 20.8-11; Mus 5.12-15; Eze 22.8; Mat 12.1-2. Mu kele Yave, Nzambi ya beno.»
4«Beno sambila ve banzambi ya luvunu#Kbk 20.3; 34.14; Mga 81.10; Mat 4.10. Beno yidika ve banzambi ya biteki na bisengo ya kusulumuka#Kbk 20.4-5; 32.1-6; 34.17; Mus 27.15; 1Bt 12.28-30. Mu kele Yave, Nzambi ya beno.»
5«Ntangu beno ke pesa na Yave Minkayulu ya kiwisa, beno landa misiku, samu ti Yave kundima yawu. 6Mbisi ya kibulu yina me pesama mutindu munkayulu, beno ke kudya yawu kaka na kilumbu yina ba me kufwa yawu to na kilumbu yina ke landa. Mbisi yina ke bikana na manima ya bilumbu zole, ba ke losa yawu na tiya. 7Kana ba me kudya yawu na manima ya bilumbu zole, Yave ke ndima yawu ve. Mbisi yina ke dyaka ve ya mbote. 8Muntu yina ke kudya yawu, disumu ya yandi ke vwanda na zulu ya yintu ya yandi, samu ti yandi me sumuna kima ya longo ya Yave. Ba ke katula yandi na lutangu ya bantu ya yandi.»
9«Ntangu ya kuyonzika bambuma ya bilanga na yinsi ya beno, beno kuyonzika ve bambuma yina kele na ndilu ya bilanga. Beno vutuka ve na kwenda lokota bambuma yina bikanaka na bisika yina beno vwandaka me yonzika yimeni. 10Beno vutuka mpe ve na bilanga ya bayinti ya vinu samu na kwenda buka bambuma yina bikanaka, to na kwenda lokota bambuma yina kubwaka na ntoto. Beno bikila yawu bamputu na banzenza. Mu kele Yave, Nzambi ya beno#Mus 24.1-22.»
11«Beno kulaba ve. Muntu kuvuna to kusadila ve mayuya na mpangi ya yandi yina ba kele yinsi mosi#Kbk 20.15; Mus 5.19. 12Beno kudya ve bandefi ya luvunu na nkumbu ya munu#Kbk 20.7,16; Yel 5.2; Mat 5.33; Bis 6.13. Yina kele kuvweza nkumbu ya Nzambi ya nge. Mu kele Yave.»
13«Kusalisa ve mpangi ya nge kisalu ya mpamba. Kulaba ve yandi. Difuta ya muntu yina me sadila nge kisalu fwana kulala ve na sika ya nge#Kbk 22.20; Mus 24.14-15; Eze 22.12. 14Kuzonza ve mambu ya nsiingulu na muntu yina kele na makutu ya kufwa. Kutula ve na mantwala ya mpofo kima yina lenda bwisa yandi#Mus 27.18; Yob 29.15. Zitisa Nzambi ya nge. Mu kele Yave.»
15«Na kati ya balufundusu ya beno, beno sala ve mambu ya kondwa kudedama. Kunungisa ve mputu mpe kupesa ve mpemba na muntu ya mfunu. Kasi fundisa mpangi ya nge yina beno kele yinsi mosi na ludedomo nyonso#Kbk 23.3,6-8; Mus 1.17; 16.19. 16Kukwenda vunina ve bampangi ya nge mambu. Kuzonza ve mambu ya luvunu na mpangi samu ti ba kufwa yandi. Mu kele Yave.»
17«Kuyina ve mpangi ya nge na yisi ya ntima. Kasi kukima ve na kusemba yandi#Mat 18.15, samu ti nge kuzwa ve disumu samu na yandi. 18Kuvutula ve yimbi na muntu yina me sala nge yimbi. Kukangila ve mpangi ya nge nkele. Zola mpangi ya nge mutindu nge mosi#Mat 5.43; 19.19; 22.39; Mke 12.31; Lke 10.27; Lom 13.9; Nga 5.14; Zak 2.8. Mu kele Yave.»
19«Beno landa bansalulu ya munu. Kukwelisa ve bibulu ya makanda zole ya kuswaswana. Kukuna ve bambuma ya makanda zole ya kuswaswana na kati ya bilanga mosi. Kulwata ve kinkuti yina ba yidikaka na basinga ya mitindu zole ya kuswaswana#Mus 22.9-11.»
20«Kana bakala me vukisa mfulu na kento yina kele mundongo, kana kento yango wisanaka ntete na muntu ya nkaka samu na kukwelana na yandi, kasi nabunu ba futila yandi mbongo samu na kukuula yandi na bundongo, to nabunu ba pesa yandi kimpwanza ya kukwenda ya yandi, ba fwana kupesa bakala yina kitumbu. Kasi ba ke kufwa bawu ve, samu ti kento yina vwandaka ntete mundongo. 21Bakala yango ke nata dimeme ya mbakala na Yave. Yandi ke nata yawu na mwelo ya Yinzo ya Mbwabanu, samu na Munkayulu ya kikodi na yimbi yina yandi me sala. 22Nganga-Nzambi ke sala kisalu samu na kukatula masumu ya bakala yina. Yandi ke sala kisalu yango na dimeme yango ya mbakala na mantwala ya Yave. Mpe bakala yango ke kuzwa mulemvo ya masumu ya yandi.»
23«Ntangu beno ke kota na yinsi ya Kaana, mpe beno ke kuna bayinti ya bambuma ya kudya ya mutindu na mutindu, beno ke tala yawu mutindu bambuma yina ba yiminaka. Yawu ke vwanda bambuma yina ba yiminaka samu na beno, bamvula tatu. Beno ke kudya yawu ve. 24Na mvula ya yiya, beno ke baka bambuma nyonso yina, beno ke tula yawu na lweka samu na Yave. Beno ke sala yawu na kati ya mukembo ya nene yina ba ke salaka samu na Yave. 25Na mvula ya tanu, beno lenda banda na kudya bambuma ya bayinti yango. Na mutindu yina, bayinti ya beno ke banda na kubuta mingi. Mu kele Yave, Nzambi ya beno.»
26«Beno kudya ve kibulu na kisika yina beno me mwangisa menga ya yawu. Beno kusadila ve mikisi to bunganga samu na kuzaba mambu yina ke kwiza#Mus 18.10-11; 2Bt 17.17; 21.6; 2Kk 33.6. 27Beno kuteba ve bandilu ya bansuki ya beno. Kuteba ve balweka ya mandefo ya nge. 28Beno kulwalisa ve banzutu samu ti muntu me kufwa#Mus 14.1; Yel 41.5. Beno kusala ve bansamba na banzutu ya beno. Mu kele Yave.»
29«Kusumuna ve mwana ya nge ya kento na kutumisa yandi na kusala kindumba#Mus 23.18; Yel 2.20, samu ti yinsi kubeba ve na kinsuza, mpe yawu kufuluka ve na mambu ya nsoni. 30Beno zitisa basaba ya munu mpe beno zitisa Yinzo ya munu ya longo. Mu kele Yave.»
31«Beno kwendaka tala ve bantu yina ke sololaka na bantu ya kufwa#Mus 18.10-11; 1Sa 28.3; 2Bt 23.24; Esa 8.19, to bayina ke sadilaka bampeve samu na kuzaba mambu. Beno sosa bawu ve, samu ti beno kuvwanda ve ya kuvedila ve samu na bawu. Mu kele Yave, Nzambi ya beno.»
32«Telama na buzitu na ntadisi ya kiboba. Vumina muntu ya kununa. Zitisa Nzambi ya nge. Mu kele Yave.»
33«Kana nzenza me kwiza zinga na yinsi ya beno, beno kutalisa yandi mpasi ve. 34Nzenza yina me kwiza zinga na yinsi ya beno, bakila yandi mutindu muntu ya yinsi. Zola yandi mutindu nge mosi. Samu ti beno mpe beno vwandaka banzenza na yinsi ya Ngipiti#Kbk 22.20; Mus 24.17-18; 27.19. Mu kele Yave, Nzambi ya beno.»
35«Beno kusala mayuya ve, ya vwanda na bamfundusu, ya vwanda na kuteza yinda, ya vwanda na kuteza bakilo, ya vwanda na kuzonga bima. 36Beno vwanda na bipezolo ya kulunga, Efa#Kbk 16.36 ya kulunga, bayine#Kbk 29.40 ya kulunga#Mus 25.13-16; Bng 11.1; 20.10; Eze 45.10-12; Amo 8.5; Mka 6.11. Mu kele Yave, Nzambi ya beno. Ni munu basisaka beno na yinsi ya Ngipiti.»
37«Beno keba misiku nyonso ya munu na bansalulu nyonso ya munu. Mpe beno sadila yawu. Mu kele Yave.»
Currently Selected:
Kinganga-Nzambi 19: BNT
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
