Luk 17
17
Ka Yensa atengane jamaŋo mara búbááhu wúuro k'uŋanam a hójondoŋo, jínub adé agune na
1Ayikyik bísiba bi Yensa ayéj ñantaalibehinem:
- Ingah! A duniyaŋo n'inguyoŋne inini hójondoŋo alabalaba. Te faka h'awokumbinehne uraagofoŋo k'aŋanam a bukanku hójondoŋo, hómár mees alabalaba. Kanda ingah! Moŋon moŋon úbááhne údinhen ba bukanku hójondoŋo, fi úfekineh baléer báde. Ingah! Aji úfegi údinhen mu pájiireŋ honj, udoorom úbááhárám k'uŋanam a bukanku hójondoŋo, Díino ayehenkuno buyehen búleeri. 2Ingah! Andooh dawaalo k'annébindo k'anworo a jakaamo, hómár akohuneh budoku údinhen mu pájiireŋ honj, k'úbááhárám k'uŋanam a bukanku hójondoŋo.
3Abocin ayéj:
- Ninkinan! Káánunteŋ a níndekorunkánan. Aji úfegi údinhen ufiyunku Díino n'aŋay bukanku hójondoŋo, uñantay utengaham k'ujellihinem kayúulenkinem f'arennumem fet. Angu, aji úfegi maro aŋoyintiŋoyint jamméejhinem imbi Díino, uñantay uyaafuŋam. 4Úpájuli, aji wúur ayúuleni ingi fi f'adék abár waasaŋ alabaheŋ a bísibaŋo ímbenduko, ki waas noŋon noŋon gayúulenne ingi fi, gafégi kayúulenkinem adéker ayéjo, «Yaafuŋaam! Ífefeg angu kayúulenkum, kanda íbennhineh bukaano nim!» Ingah! Haani akaan nim waasaŋ alabaheŋ, fi mungu, uñantay uyaafuŋam waas noŋon noŋon.
Díino haani hotiir gufiyumemne, apiren akando honj hóde
5Angu, ñantaalibeŋo m'anyéjuhne 'ñambúuñuraaŋo andak anyéj Umuyhintor:
- Arafaŋ! Téekint mint neeraŋ gikankineminne k'ifaŋunumiŋ n'ifiyummiŋ Díino!
6Angu úmár ayéjeeniŋ:
- Ingah! Aji ufiyumi Díino hotigilir, Díino afékineh n'ufiyumemne. Angu aji úyejeŋ sinoŋo seŋene, «Fetálar ingi ñanlíbhen nip ba a fankaaso!» Díino akankáneh ki sinoŋo afetála. Ingah! A gufiyunku Díino hotir inho h'ofiyumemeŋne, sinoŋo apádála. Haani gufiyumo g'ufiyumeŋne Díino atiirne ininkaman kódeku mutardo n'atiirne, a gubaarhu gufiyumo gúmár, Díino akankáneh ki sinoŋo apádála.
Nim Yensa alóbne a gubaarhu gufiyunku Díino.
Doho noŋon noŋon guŋane, lókiir mara Díino gudohoorohne
7Aŋoolin ayéj ñantaalibehinem:
- Ingah! Údoolo, aji adéki jálááfulo wola bikooño, aji apútri, ulaamekinem dayéjem: «Déker noohor k'ífututo dúluro!» 8Wówo! Ayéjhinem: «Déker k'úduk uyica! Guyicay, gubollay, ukaana bayaah barenni, k'úduk úteedaram ki me iyaahála! Giyaahálay, gibollay, iruuh, ki fi kireŋ ukuru uyaahála ingi uruuh.» Eke nim gúyejhinehne údoolhon? 9Agida údoolo, aji akaani ho ulaamekinem amiihulne, ulaamekinem daramunam buramun búde, mara údoolo akankaan dohohánom bareŋ. 10Angu, maŋ nim ganik agune imbi Díino. Aji údóoluri Díino k'ukaan ho ámár amiihulne, dútuytuyin ki Díino aramuno. Uñantay ufant úyej: «Me bádi buramun! Ikankaan bareŋ h'eñantane ikaan!»
Dahi infiiramoŋ buramunku Díino a gubaarhu h'akandurne mintor
11Angu, afúrumi na, Yensa ingi ñantaalibehinem anfak annen a binaalo ba hadéko ba Jerusalem. Angu, f'aŋŋane hadéko, andooh binaalo b'anatane bikinku didiirahu Samareya ingi didiirahu Galile. 12K'angu andék f'andék andas saari. Bandasi saariŋo nómár, anfég jamaŋo mi kafaño alahne, immereŋ haala. Agida jamaŋo immereŋ n'andékireh ba imbi Yensa, ki k'ajébineeniŋ. Angu, f'anfégne Yensa, buruhu k'antéejaham, anwonn aŋantin. 13Ampeejeh anhuyoh gurethu Yensa k'anyéjehem:
- Arafaŋ Yensa! Yiker bankabaŋo imbi mint! Bonkerer k'újebun mint!
14Angu Yensa, bafégeeniŋ ayéjeeniŋ:
- Inini, ninkinan dékereŋ ba imbi alimaamaŋo! Gúputeŋ ujellihineeniŋ maro ninkinan újebeŋjeb.#17.14 Aji úfegi Yensa ayéjeeniŋ: «Dekereŋ ba imbi alimaamaŋo!» ki nim alimaamaŋo ámáráŋ ampiren anséediyaheeniŋ mara anjébunaajebun a kafaño. Angu inini, anyikyik binaal k'ampiren ambabay ingi jamaŋo.
Angu, Yensa balóbeeniŋ nim, aŋŋay hadéko ba imbi alimaamaŋo. Kanda f'aŋŋane hadéko, ampájul mara anjébjeb, immereŋ nip. 15Angu, andékeh ba imbi alimaamaŋo, kanda immereŋ nip gireŋ. Agida ayikyik úmánduk m'úpájul, úmár mungu, immi andékeh, úmár anik aŋooliner mángáár k'adéker ba imbi Yensa. Angu, adékireh alóboh wolaŋ, aramunah Díino. Aramunah Díino f'adék apútor imbi Yensa. 16Angu bapútri, aruŋa kib baman a réeŋo bi hádikinem k'aramunkam, aduwakam. Agida údiigeeno úmár, Uyahud gireŋ. Úmár údin Samareya.
17-18Angu Yensa, bafégi maro údiigeeno úmár údin Samareya, ayéj jamaŋo:
- Ninger baŋ! Eke immereŋ haalaŋo nip anjébunaane? Kanda ummu adékridek adék aramun Díino, úmár úmánduk, agida úmár guyroŋ Uyahud, úmár údeka. Ummu bareŋ aramunne Díino a gubaarhu kanjébhinem. Kanda meŋen mingu, immereŋ ímákilaŋo ingi ireneko, horaŋ akanne dékerireŋeŋ ba buramunku Díino?
19Yensa, balóbi nim mees, akira ayéj ummu Samareya:
- Aji úfegi n'újebne, a gubaarhu gufiyumo g'ufiyumeemne. Gúmár akanne újebi. Inini, kenger k'údek.
Ka Yensa alóbne da Maasayahu Díino apútokunehne
20Angu, afúrumi na, ayikyik bísiba, ñanfarasiyaŋo ammiih Yensa anyéjem:
- Arafaŋ! Maasayahu Díino n'ólobumohne, bísiba beeraŋ gapútokunehne?
Angu na Yensa aŋoyindeeniŋ ayéjeeniŋ:
- Ingah! Búputhu maasayahu Díino dupiren k'úfeg ingi ígihen n'adékirehne. 21Dufak uyennehineŋ wúur m'ayéjoonuŋ «Dókuloŋ! Innoniye nanka!» wola « Inno beŋen!» Ninkinan! Janteneŋ baŋ! Maasayahu Díino inno na a bajégenenkinan.
22Yensa balóbi nim mees ñanfarasiyaŋo, akir ayéj ñantaalibehinem:
- Ingah! Ayikhineh bísiba bi ninkinan uhaamihineŋne búfekum me Údiigeeno M'acaabenaane. Oo! Uhaamihineŋ k'uguyoŋ ingi me haani buruhu bísiba ímbenduk, kanda dupireneŋ k'úfegemuŋ haani buruhu bísiba ímbenduk. 23A waato nómár anyéjhunoonuŋ: «Ingah! Údiigeeno M'acaabenaane aŋoolintiŋoolint! Ummooŋe nanka!» Wola: «Ummoŋone beŋen!» Kanda dahu údomoŋ h’anlóbne. Dahu úduk ugireŋ ba bim.
24Abocin ayéjeeniŋ:
- Túyoreŋ k'íteekinoonuŋ h'ayikhinehne da Údiigeeno M'acaabenaane aŋoolinekinehne, k'awonnun maasayahu Díino: Ingah! Dam jamaŋo nip anfékinem arenn. Eke gufalalo g'awotaane, jamaŋo nip ganfégehne n'ayaaŋárinehne raafo nip. Eke raafo gayaaŋayaaŋ, biriman bi bísibaŋo afúruntohne baman b'añunumohne? Moŋon moŋon úfeg. Angu maŋ nim gakankánehne da Údiigeeno M'acaabenaane aŋoolinekinehne. Jamaŋo nip anfékinem jaharaŋ. 25Kanda jandiŋ bísibaŋo bímár bapútumor, jamaŋo anyehenkinem dáde, te mi waato inno ancucunkunom. Agida hómáráŋ nip añantay ayik jandiŋ d'aŋoolinekinehne ba buwonnunku maasayahánam.
26Abocin ayéjeeniŋ:
- Angu, Údiigeeno M'acaabenaane gaŋoolinti, alahunakuneh jamaŋo n'ankaanah maŋ ni ankaanahne fam a jamaanihu Nuha. 27Agida a waato nómár immereŋ n'anduuhah a guyaahálaŋo, buruuho, bukanduku imberenkinin bajahaŋo. Angu, immereŋ nip jamméejenkinin nip a hómáráŋ bareŋ gakokne. Maŋ nim gankaanahne baman da Nuha ingi jamankánam anyifane a sídeeno.#17.27 Ninger Jenes 7:7 Angu mi yifaraŋaŋne a sídeeno dam, Díino atereŋeeniŋ k'akoomuneeniŋ, immereŋ nip a kágimo.
28Abocin ayéjeeniŋ:
- Maŋ nim ganik agune nuko a jamaanihu Lut fo Lut agune a saarihu Sodom. Na mees Díino atereŋtereŋ jamaŋo. A waato nómár mees, agida ni jamaŋo anduuha a guyaahálaŋo, buruuho, gugilaŋo, gujuliyaŋo, jálááfulo, kalódo, maŋ ni anguyerne a hómáráŋ biriman fam. Anduuhaduuha a hómáráŋ bareŋ. 29Agida Díino n'atenga Lut ayéjemer afúr a saariŋo. Angu, da Lut afúrne a saarihu Sodom, dam Díino awotne na bayenno b'ayikne pañumeŋo k'atereŋ m'anfallane a saariŋo. Angu, immereŋ nip anniirone. 30Angu da Údiigeeno M'acaabenaane aŋoolinekinehne, dam mees Díino aterenkinehne jamaŋo. Alahunakuneh ñanlabay n'anduuha a honjoronku duniyaŋo ki kúbiireŋeŋ jamméejenkinin imbi ámár Díino. Angu jamaŋo immereŋ anyehunkunuh. 31Angu dam, moŋon moŋon uŋafne a raafununku teraaso, dahu ukuc uŋan a gufaco ba budoku bayakan. Fi mungu, ukuc k'úgir maŋ fam. Ki moŋon moŋon adékne a kanaŋaŋo, dahu uŋoolin ba a dígo ba budoku bayakan, úgir maŋ fam. 32Ninkinan, dahu ufiiramaŋ h'ayikne udikanku Lut f'aŋane hágiro k'afúr Sodom. Udikaamo úmár kandaŋ ho Díino atéekineemne ki Díino adoohom maŋ fam! #17.32 Ninger Líibárhu Gúloku Díino n'aretuhne Jenes 19:26: «Kanda udikanku Lut baningilay a mángákánám akúla akaan uraagofo m'alódumaa ingi múmmeer.» Agida na udikanku Lut afuusulfuusul gúlobo gu Díino alóbne. Agida Díino n'ayéjem arenn fet biki aningila a mángákánám. Angu, f'alentálinne jamaŋo a nintiku udikanku Lut, na Yensa atengane jamaŋo biki anfuusul h'afúruntne balóbo a gubaarhu guŋoolino ba a dígo.
33Afúrumi na Yensa ayéjeeniŋ:
- Ingah! Wúuro m'alókine biniiroŋo a gubaarhu n'atifilineemne, wúuro úmár ayikhineh kanjébo ka bandór. Ki wúuro m'atíbehne bikooñhu ñankindenkinem, adékidirdek wúuro úmár afootaháneh. 34Jantenteŋ hóbun! Jaketo no Údiigeeno M'acaabenaane aŋoolinekinehne, ininkaman aji ayiki ñanraagof inak m'anwaana a ránjángálo íránduko, Díino ayoofhuneh úmánduk k'aŋanam arjanna k'abénn úduko na ki k'ayehenaa. 35Ki aji alahuni indikaam inak m'aŋŋay sinjumpay, Díino ayoofhuneh úmánduk k'aŋanam arjanna k'abénn na úduko. 36[A kanaŋaŋo mees, ininkaman aji ayiki índiigeen inak m'aŋŋay dohoŋo, Díino ayoofhuneh úmánduk k'aŋanam arjanna k'abénn na úduko mees.]#17.36 A kayereŋo kánduko werso inno ñaañiiraa.
37Yensa balóbi nim mees, ñantaalibehinem anyéjem:
- Arafaŋ! Angu inho nip h'ólobne, beeraŋ gadékehne guyiko?
Úmár aŋoyindeeniŋ anéereeniŋ funaare ayéjeeniŋ:
- A kantígo ka abóno aniirone, eke na lohaareŋo ganrahahne? Ingah! Da Údiigeeno M'acaabenaane aŋoolinekinehne hómár arennhineh imbi jamaŋo nip.
Currently Selected:
Luk 17: GD
Highlight
Copy
Compare
Share
Want to have your highlights saved across all your devices? Sign up or sign in
Copyright Vision Intégrale, Senegal
Luk 17
17
Ka Yensa atengane jamaŋo mara búbááhu wúuro k'uŋanam a hójondoŋo, jínub adé agune na
1Ayikyik bísiba bi Yensa ayéj ñantaalibehinem:
- Ingah! A duniyaŋo n'inguyoŋne inini hójondoŋo alabalaba. Te faka h'awokumbinehne uraagofoŋo k'aŋanam a bukanku hójondoŋo, hómár mees alabalaba. Kanda ingah! Moŋon moŋon úbááhne údinhen ba bukanku hójondoŋo, fi úfekineh baléer báde. Ingah! Aji úfegi údinhen mu pájiireŋ honj, udoorom úbááhárám k'uŋanam a bukanku hójondoŋo, Díino ayehenkuno buyehen búleeri. 2Ingah! Andooh dawaalo k'annébindo k'anworo a jakaamo, hómár akohuneh budoku údinhen mu pájiireŋ honj, k'úbááhárám k'uŋanam a bukanku hójondoŋo.
3Abocin ayéj:
- Ninkinan! Káánunteŋ a níndekorunkánan. Aji úfegi údinhen ufiyunku Díino n'aŋay bukanku hójondoŋo, uñantay utengaham k'ujellihinem kayúulenkinem f'arennumem fet. Angu, aji úfegi maro aŋoyintiŋoyint jamméejhinem imbi Díino, uñantay uyaafuŋam. 4Úpájuli, aji wúur ayúuleni ingi fi f'adék abár waasaŋ alabaheŋ a bísibaŋo ímbenduko, ki waas noŋon noŋon gayúulenne ingi fi, gafégi kayúulenkinem adéker ayéjo, «Yaafuŋaam! Ífefeg angu kayúulenkum, kanda íbennhineh bukaano nim!» Ingah! Haani akaan nim waasaŋ alabaheŋ, fi mungu, uñantay uyaafuŋam waas noŋon noŋon.
Díino haani hotiir gufiyumemne, apiren akando honj hóde
5Angu, ñantaalibeŋo m'anyéjuhne 'ñambúuñuraaŋo andak anyéj Umuyhintor:
- Arafaŋ! Téekint mint neeraŋ gikankineminne k'ifaŋunumiŋ n'ifiyummiŋ Díino!
6Angu úmár ayéjeeniŋ:
- Ingah! Aji ufiyumi Díino hotigilir, Díino afékineh n'ufiyumemne. Angu aji úyejeŋ sinoŋo seŋene, «Fetálar ingi ñanlíbhen nip ba a fankaaso!» Díino akankáneh ki sinoŋo afetála. Ingah! A gufiyunku Díino hotir inho h'ofiyumemeŋne, sinoŋo apádála. Haani gufiyumo g'ufiyumeŋne Díino atiirne ininkaman kódeku mutardo n'atiirne, a gubaarhu gufiyumo gúmár, Díino akankáneh ki sinoŋo apádála.
Nim Yensa alóbne a gubaarhu gufiyunku Díino.
Doho noŋon noŋon guŋane, lókiir mara Díino gudohoorohne
7Aŋoolin ayéj ñantaalibehinem:
- Ingah! Údoolo, aji adéki jálááfulo wola bikooño, aji apútri, ulaamekinem dayéjem: «Déker noohor k'ífututo dúluro!» 8Wówo! Ayéjhinem: «Déker k'úduk uyica! Guyicay, gubollay, ukaana bayaah barenni, k'úduk úteedaram ki me iyaahála! Giyaahálay, gibollay, iruuh, ki fi kireŋ ukuru uyaahála ingi uruuh.» Eke nim gúyejhinehne údoolhon? 9Agida údoolo, aji akaani ho ulaamekinem amiihulne, ulaamekinem daramunam buramun búde, mara údoolo akankaan dohohánom bareŋ. 10Angu, maŋ nim ganik agune imbi Díino. Aji údóoluri Díino k'ukaan ho ámár amiihulne, dútuytuyin ki Díino aramuno. Uñantay ufant úyej: «Me bádi buramun! Ikankaan bareŋ h'eñantane ikaan!»
Dahi infiiramoŋ buramunku Díino a gubaarhu h'akandurne mintor
11Angu, afúrumi na, Yensa ingi ñantaalibehinem anfak annen a binaalo ba hadéko ba Jerusalem. Angu, f'aŋŋane hadéko, andooh binaalo b'anatane bikinku didiirahu Samareya ingi didiirahu Galile. 12K'angu andék f'andék andas saari. Bandasi saariŋo nómár, anfég jamaŋo mi kafaño alahne, immereŋ haala. Agida jamaŋo immereŋ n'andékireh ba imbi Yensa, ki k'ajébineeniŋ. Angu, f'anfégne Yensa, buruhu k'antéejaham, anwonn aŋantin. 13Ampeejeh anhuyoh gurethu Yensa k'anyéjehem:
- Arafaŋ Yensa! Yiker bankabaŋo imbi mint! Bonkerer k'újebun mint!
14Angu Yensa, bafégeeniŋ ayéjeeniŋ:
- Inini, ninkinan dékereŋ ba imbi alimaamaŋo! Gúputeŋ ujellihineeniŋ maro ninkinan újebeŋjeb.#17.14 Aji úfegi Yensa ayéjeeniŋ: «Dekereŋ ba imbi alimaamaŋo!» ki nim alimaamaŋo ámáráŋ ampiren anséediyaheeniŋ mara anjébunaajebun a kafaño. Angu inini, anyikyik binaal k'ampiren ambabay ingi jamaŋo.
Angu, Yensa balóbeeniŋ nim, aŋŋay hadéko ba imbi alimaamaŋo. Kanda f'aŋŋane hadéko, ampájul mara anjébjeb, immereŋ nip. 15Angu, andékeh ba imbi alimaamaŋo, kanda immereŋ nip gireŋ. Agida ayikyik úmánduk m'úpájul, úmár mungu, immi andékeh, úmár anik aŋooliner mángáár k'adéker ba imbi Yensa. Angu, adékireh alóboh wolaŋ, aramunah Díino. Aramunah Díino f'adék apútor imbi Yensa. 16Angu bapútri, aruŋa kib baman a réeŋo bi hádikinem k'aramunkam, aduwakam. Agida údiigeeno úmár, Uyahud gireŋ. Úmár údin Samareya.
17-18Angu Yensa, bafégi maro údiigeeno úmár údin Samareya, ayéj jamaŋo:
- Ninger baŋ! Eke immereŋ haalaŋo nip anjébunaane? Kanda ummu adékridek adék aramun Díino, úmár úmánduk, agida úmár guyroŋ Uyahud, úmár údeka. Ummu bareŋ aramunne Díino a gubaarhu kanjébhinem. Kanda meŋen mingu, immereŋ ímákilaŋo ingi ireneko, horaŋ akanne dékerireŋeŋ ba buramunku Díino?
19Yensa, balóbi nim mees, akira ayéj ummu Samareya:
- Aji úfegi n'újebne, a gubaarhu gufiyumo g'ufiyumeemne. Gúmár akanne újebi. Inini, kenger k'údek.
Ka Yensa alóbne da Maasayahu Díino apútokunehne
20Angu, afúrumi na, ayikyik bísiba, ñanfarasiyaŋo ammiih Yensa anyéjem:
- Arafaŋ! Maasayahu Díino n'ólobumohne, bísiba beeraŋ gapútokunehne?
Angu na Yensa aŋoyindeeniŋ ayéjeeniŋ:
- Ingah! Búputhu maasayahu Díino dupiren k'úfeg ingi ígihen n'adékirehne. 21Dufak uyennehineŋ wúur m'ayéjoonuŋ «Dókuloŋ! Innoniye nanka!» wola « Inno beŋen!» Ninkinan! Janteneŋ baŋ! Maasayahu Díino inno na a bajégenenkinan.
22Yensa balóbi nim mees ñanfarasiyaŋo, akir ayéj ñantaalibehinem:
- Ingah! Ayikhineh bísiba bi ninkinan uhaamihineŋne búfekum me Údiigeeno M'acaabenaane. Oo! Uhaamihineŋ k'uguyoŋ ingi me haani buruhu bísiba ímbenduk, kanda dupireneŋ k'úfegemuŋ haani buruhu bísiba ímbenduk. 23A waato nómár anyéjhunoonuŋ: «Ingah! Údiigeeno M'acaabenaane aŋoolintiŋoolint! Ummooŋe nanka!» Wola: «Ummoŋone beŋen!» Kanda dahu údomoŋ h’anlóbne. Dahu úduk ugireŋ ba bim.
24Abocin ayéjeeniŋ:
- Túyoreŋ k'íteekinoonuŋ h'ayikhinehne da Údiigeeno M'acaabenaane aŋoolinekinehne, k'awonnun maasayahu Díino: Ingah! Dam jamaŋo nip anfékinem arenn. Eke gufalalo g'awotaane, jamaŋo nip ganfégehne n'ayaaŋárinehne raafo nip. Eke raafo gayaaŋayaaŋ, biriman bi bísibaŋo afúruntohne baman b'añunumohne? Moŋon moŋon úfeg. Angu maŋ nim gakankánehne da Údiigeeno M'acaabenaane aŋoolinekinehne. Jamaŋo nip anfékinem jaharaŋ. 25Kanda jandiŋ bísibaŋo bímár bapútumor, jamaŋo anyehenkinem dáde, te mi waato inno ancucunkunom. Agida hómáráŋ nip añantay ayik jandiŋ d'aŋoolinekinehne ba buwonnunku maasayahánam.
26Abocin ayéjeeniŋ:
- Angu, Údiigeeno M'acaabenaane gaŋoolinti, alahunakuneh jamaŋo n'ankaanah maŋ ni ankaanahne fam a jamaanihu Nuha. 27Agida a waato nómár immereŋ n'anduuhah a guyaahálaŋo, buruuho, bukanduku imberenkinin bajahaŋo. Angu, immereŋ nip jamméejenkinin nip a hómáráŋ bareŋ gakokne. Maŋ nim gankaanahne baman da Nuha ingi jamankánam anyifane a sídeeno.#17.27 Ninger Jenes 7:7 Angu mi yifaraŋaŋne a sídeeno dam, Díino atereŋeeniŋ k'akoomuneeniŋ, immereŋ nip a kágimo.
28Abocin ayéjeeniŋ:
- Maŋ nim ganik agune nuko a jamaanihu Lut fo Lut agune a saarihu Sodom. Na mees Díino atereŋtereŋ jamaŋo. A waato nómár mees, agida ni jamaŋo anduuha a guyaahálaŋo, buruuho, gugilaŋo, gujuliyaŋo, jálááfulo, kalódo, maŋ ni anguyerne a hómáráŋ biriman fam. Anduuhaduuha a hómáráŋ bareŋ. 29Agida Díino n'atenga Lut ayéjemer afúr a saariŋo. Angu, da Lut afúrne a saarihu Sodom, dam Díino awotne na bayenno b'ayikne pañumeŋo k'atereŋ m'anfallane a saariŋo. Angu, immereŋ nip anniirone. 30Angu da Údiigeeno M'acaabenaane aŋoolinekinehne, dam mees Díino aterenkinehne jamaŋo. Alahunakuneh ñanlabay n'anduuha a honjoronku duniyaŋo ki kúbiireŋeŋ jamméejenkinin imbi ámár Díino. Angu jamaŋo immereŋ anyehunkunuh. 31Angu dam, moŋon moŋon uŋafne a raafununku teraaso, dahu ukuc uŋan a gufaco ba budoku bayakan. Fi mungu, ukuc k'úgir maŋ fam. Ki moŋon moŋon adékne a kanaŋaŋo, dahu uŋoolin ba a dígo ba budoku bayakan, úgir maŋ fam. 32Ninkinan, dahu ufiiramaŋ h'ayikne udikanku Lut f'aŋane hágiro k'afúr Sodom. Udikaamo úmár kandaŋ ho Díino atéekineemne ki Díino adoohom maŋ fam! #17.32 Ninger Líibárhu Gúloku Díino n'aretuhne Jenes 19:26: «Kanda udikanku Lut baningilay a mángákánám akúla akaan uraagofo m'alódumaa ingi múmmeer.» Agida na udikanku Lut afuusulfuusul gúlobo gu Díino alóbne. Agida Díino n'ayéjem arenn fet biki aningila a mángákánám. Angu, f'alentálinne jamaŋo a nintiku udikanku Lut, na Yensa atengane jamaŋo biki anfuusul h'afúruntne balóbo a gubaarhu guŋoolino ba a dígo.
33Afúrumi na Yensa ayéjeeniŋ:
- Ingah! Wúuro m'alókine biniiroŋo a gubaarhu n'atifilineemne, wúuro úmár ayikhineh kanjébo ka bandór. Ki wúuro m'atíbehne bikooñhu ñankindenkinem, adékidirdek wúuro úmár afootaháneh. 34Jantenteŋ hóbun! Jaketo no Údiigeeno M'acaabenaane aŋoolinekinehne, ininkaman aji ayiki ñanraagof inak m'anwaana a ránjángálo íránduko, Díino ayoofhuneh úmánduk k'aŋanam arjanna k'abénn úduko na ki k'ayehenaa. 35Ki aji alahuni indikaam inak m'aŋŋay sinjumpay, Díino ayoofhuneh úmánduk k'aŋanam arjanna k'abénn na úduko. 36[A kanaŋaŋo mees, ininkaman aji ayiki índiigeen inak m'aŋŋay dohoŋo, Díino ayoofhuneh úmánduk k'aŋanam arjanna k'abénn na úduko mees.]#17.36 A kayereŋo kánduko werso inno ñaañiiraa.
37Yensa balóbi nim mees, ñantaalibehinem anyéjem:
- Arafaŋ! Angu inho nip h'ólobne, beeraŋ gadékehne guyiko?
Úmár aŋoyindeeniŋ anéereeniŋ funaare ayéjeeniŋ:
- A kantígo ka abóno aniirone, eke na lohaareŋo ganrahahne? Ingah! Da Údiigeeno M'acaabenaane aŋoolinekinehne hómár arennhineh imbi jamaŋo nip.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright Vision Intégrale, Senegal