Luk 16
16
Ka Yensa alóbne a nintiku bumarahu kunyiko
1Ayikyik bísiba Yensa anéer funaare ñantaalibehinem, ayéjeeniŋ:
- Ayikyik ulaamer úduk, ummu kunyik. Angu, ulaamero úmár ayikyik údool m'alahákam keeso no bakodiŋo. Angu abári bísiba, ayikyik m'ayéj ulaamero: «Kanda fi, ummu m'alahákone keeso gapuñpuñinepuñpuñin bakodihen!» 2Angu, údiigeeno ahuyor m'alahákamne keeso. Bapútri amiihem ayéjem: «Fi! Iyennehinyennehin mara guyaahayaah bakodiŋo b'agune a keeso!» Angu, ulaku keeso ñopuroŋ. Ayéjem: «Inini, ba butibakan gídekehne, kanda jandiŋ bítibarumo údekekineh k'útebirem bakodihum b'agune na nip. Gútebi mees, udooh kayer k'uñaañ na nip a gubaarhu n'umarane bakodihum. Gubollay, údeker ujellihinem, k'ikir itibaro.» Ayéjem: «Iyoo!»
3Yensa abocin ayéjeeniŋ:
- Angu, ulaku keeso badoonay ayéjoora: «Me! K'egune inini, afúnneemfunn a dohoŋo nómár! Angu me, neeraŋ gídekehne ba bukaano? Karo ílááfihineh k'iyikum na gukodi? Wówo! Dipiren! Yikiri sembehu úlááful. Karo ídek ikiina sadaŋo? Wówo! Irokuneh. Angu, neeraŋ gídekehne bukaano? 4Inini, ípápájul n'ídekehne bukaano angu. Iñantay ídek ihuyor m'ammáágne bakodiŋo imbi ulaamekum, immereŋ nip, ki moŋon moŋon itaahul sinkindhinem. Aji ikaani nim, haani ulaamekum atíbakunum, kanda jamaŋo mungu ampokunkunum . Danhóobulaham bim.» 5Angu, na adak abúuñam ba imbi m'ammáágne, immereŋ nip, ayéjeeniŋ andéker anlahuntam a biiroŋo. Angu, adékiidek uliiho m'amáágne apútor. Bapútri ayéjem: «Fi, buruhu neeraŋ guñantane uŋoyind ulaamekum?» 6Úmár ayéjem: «Me ii, dúlino bárileŋ keme giñantane icaam.» Ayéjem: «Inini, kayerhu konthon inkaŋe. Túyor k'itaahuro sinkindhen k'ifac a bájegineŋo. Aguyhuneh angu bárileŋ jamaŋinak ingi haala (50 - sankont).#16.6 Imbi Ñanyahudo, aji úmááguni wúuro bakodiŋo, ñantaaro úyejem aŋoyinduto h'afaŋ h'ómáágunemne. Nim luwahu Díino amiihulne. Te aji úfegi ulaamero adooh, úduk k'alahákam keeso, ki nim ulaku keeso akaan ho Luwaŋo adíigumne. Angu, ulaku keeso, bapájuli mara ulaamekinem ba bútibakánam gadékehne, ataahir moŋon moŋon sinkindhinem imbi ulaamekinem k'aguy maŋ ni añantane aguy a gubaarhu Luwahu Díino. Inini, noohor k'uñaañ mara bárileŋ jamaŋinak ingi haala, guñantane ucaam. Ñaañar was k'údek!» Angu, anooh k'añaañ mara sinkindhinem abábár bárileŋ jamaŋinak ingi haala. Babollay adék adoona. 7Angu, fo uliiho awusunane, úduk apútor. Bapútri ayéjem: «Fi em? Buruhu neeraŋ gulahurne ulaamekintor?» Úmár ayéjem: «Me ii, maanoŋo#16.7 Agida Luk añaanñaañ na buleŋo, maro immereŋ nómár ganlááfuláhne. gidoone buruhu booreŋ kemeŋ amikilaŋ, (500 - sank son).» Ayéjem: «Inini kayerhu konthon inkaŋe. Doohor k'uñaañ buruhu booreŋeŋ kemeŋ arenekeŋ (400 - katrá son) gudoone, k'itaahuro sinkindhen.» Angu, adooh k'akaan maŋ nim k'adék adoona. Maŋ nim gakanne imbi m'ammáágne nip.
8Yensa afak abocin ayéj:
- Angu, adékiidek ulaamekinem ayennehin h'akanne. F'ayennehinne h'akanne, ahuyor ulaku keeso mu wúuhuroŋne. Bapútri ayéjem: « Kanda fi! Uyehunyehun bareŋ deh!» Angu, ulaamekinem pirendeŋ k'añop bayehunku údoolhánom.
Yensa balóbi nim mees abocin ayéj:
Ingah! Marigeno akohne, a duniyaŋo inno mi wúuhuroŋoŋne, m'angune a bumurulo, immereŋ anfaŋne n'anhat bumarahu bakodiŋo. Immereŋ anfaŋi ñanwúuhinno bumarahu bakodiŋo. 9Ŋayri búyejhánan ukaanaŋ ho wúuhuroŋne. Kanda ísiibáásiib k'udoohoŋ bakodihinan ingi kunyikhinan k'uwoseneŋ hóbun ku k'uru ukaanaŋ h'ajónne a duniyaŋo inno. Aji ukaaneŋ nim, uyikeŋ ñaññankay a duniyaŋo inno. Ingi faka, uniirodir, arjanna, hójooninno h'okanne akankáneh ki jamaŋo anjaho hóbun.#16.9 Ulaku keeso újondoŋ, kanda ayehunyehun nintiku bakodiŋo. Angu a funaareŋo unfu, Yensa ayéjyej, gúduk ungo na m'ambúuñahne Díino, gara anwoseneh hóbun hójooninno h'ampirenkinehne ankaan a gubaarhu bakodiŋo b'anlahne. Yensa ásíibáásiib k'ímpájuloŋ maro bakodiŋo ba Díino anéerenne, fo udooh k'ukaan hójooni a duniyaŋo inno ki nim índukoŋo anyennehin Kúmbuuñaamo Kúnsuminno k'aŋŋan a maasayahu Díino. Aji ukaani nim, uyikhineŋ ñaññankay baman gucum tápár.
10Yensa abocin ayéjeeniŋ:
- Ingah! Wúuro, aji úneerem honjo hotinno, k'amara awúuh a honjo hotinno hómár, upirenpiren ufak úneerem honj hóde apirenkineh k'amara awuuh. Kanda aji úneerem honj hotiir, pirendeŋ k'amara, k'akaan ho wúuhuroŋne, dupiren k'úneerem hóduk hóde, maro hómár mees, damararo ajóon. 11Kanda ingah! Eke honjonku Díino ingi arjanna, hómár afaŋunumne n'ayik nafa kunyiku duniyaŋo inno? Angu, aji wúuhuro a bumarahu honjonku duniyaŋo, hóge Díino anékuno k'umara h'ayikne nafa a binaanam? Wówo! Danéero. Fi dupiren k'umara hómár.
Abocin ayéj
12- Ingah! Aji údinhen uraagofo aféfeg mara fi wúuhuro, angu dapiren k'afiyumo ba bumarahu kunyikhinem, hóge wúuro úmár anakuno honj ba bigokon? Wówo! Danéero deh, maro úmár fiyundo!
13Afúrumi na, Yensa ayéj:
- Ingah! Údoolo dapiren k’adóolur ñanlaamer inak, maro ayikhineh m'afaŋunum n'apokun. Úmár mungu adóolukunom hóbun. Ki úduko mungu, dapiren k'adóolurom doho ajóoni. Ingah! Dupiren k’údoolur immereŋ inako nip ininkaman n’añantane aguy. Maŋ nim gakanne imbi Díino ingi kunyikhu duniyaŋo inno. Kara ukokálinkineh Díino k’úbenn kunyiko kara niŋan ukokálinkineh nááfulo k’úbenn Díino. Honakaŋo nip dampiren k'ankokay.
14Angu, Yensa balóbi hómáráŋ nip a gubaarhu kunyiko, angu ñanfarasiyaŋo ankomb buyeefihinem. Úpájuli, ñanfarasiyaŋo, immereŋ ampokunpokun kunyikhinin dáde. 15Angu na Yensa atengaheeniŋ ayéjeeniŋ:
- Ninkinan, gútibeheŋtib ki jamaŋo anlahoonuŋ ñanraagof ñanwúuhi, agida Díino apápájul h'agune a hafitenkinan. Ingah! H'ayikne nafa imbi ñanlabahi a duniyaŋo inno, Díino mungu asebseb hómár.
Ka Yensa alóbne mara Luwahu Musa ingi h'añaañaane a Hañaañeno dakoomahar
16Yensa abocin ayéjeeniŋ a gubaarhu luwaŋaŋo:
- Inini, ninkinan, eke biriman fam ñankawandinkinan imme na búteekinkinan maro uñantaheŋ úbuuñahaŋ Luwahu Musa, ingi ho anabiyoŋoŋo aññaañne a Hañaañeno mees? Hómáráŋ nip gankawandinkoonuŋne. Angu, adék baman a jamaanihu Yaya M'ayicumehne. Angu biriman a waato nómár jamaŋo anyennehinne kúmbuuñaamo kúnsuuminno a gubaarhu maasayahu Díino. Te jamaŋo, biriman f'anyennehinne gu maasayahu Díino, imme na n'anliflifeh ki k'ampiren aŋŋan a maasayaŋo nómár.
17Abocin ayéjeeniŋ:
- Kanda janteneŋ baŋ k'íteekinoonuŋ! Ingah! Guyroŋ kara Luwahu Musa akoomkoom angu. Wówo! Luwaŋaŋo nómáráŋ, luwaŋaŋ ajóoniyeŋ baman manini. Ingah! Luwahu Musa ingi ho anabiyoŋoŋo aññaañne a Hañaañeno aguyhuneh na baman dagurumaareŋ. Haani raafo ingi réeŋo akoom, Luwahu Musa ingi ho anabiyoŋoŋo aññaañne dakoom, aguyhuneh na baman dagurumaareŋ. Ingah! Haman kontis kotigiliir k'aññaañne a Hañaañeno dakoom.
18Yensa abocin ayéjeeniŋ:
- Inini, a gubaarhu bajaho, eke aññaaññaañ a Hañaañeno maro aji údiigeeno ingi udikaamo anjahay, bajaho bámár añantay awonn baman da karo údiigeeno, karo udikaamo aniirohunehne? Eke nim gaññaañne a Hañaañeno? Angu inini, aji údiigeeno afúnni udikankánam k'adék ajah udikaam úduk, imbi Díino, udikaamo úmár unakinno guyroŋ udikankánam. Angu, na údiigeeno úmár akankaan basango maro awaanawaana ingi mu guyroŋ udikankánam. Maŋ nim ganik amíirne imbi údiigeeno m'ajahne udikaamo m'afútne bajaho. Imbi Díino hómár júnub. Na mees údiigeeno akankaan basango, maro kunwaana gaŋane ingi udikanku úduk, te údiigenkinem aroŋroŋ a duniya. Agida hómár gaññaañne a Luwahu Musa, te baman bísibaŋo bi gub luwaŋo nómár koomároŋ deh, te dakoomahar.
Nim Yensa alóbne a gubaarhu Luwahu Musa.
Ka Yensa alóbne a nintiku ummu kunyiko ingi uyikirenku kunyiko
19Angu, afúrumi na Yensa ayéj:
- Imbeeŋ índiigeen inak; ummu kunyik ingi uyikirenku kunyik. Angu, ummu kunyiko, gakaanakaana bayaaho bajóoninno b'aseerinno, ayaahálah guyaahála gújooni. Bísiba bísiba anosoh k'angu akaanah h'asúumemne. 20Angu, mu yikireŋne kunyiko, gurethinem Lasar. Angu, Lasar arinkinem nip anoonooh banuyoŋ bareŋ. Angu, úmár gadékedek adék awaana a burukumbanku m'ayikne. 21Angu, jiheŋo andékireh andék amminah banuyoŋo. Angu úmár akankaan jamméejhinem a jafoolaŋo j'afallane karo údiigeeno m'ayikne adék annéeremer k'afoola, kanda údiigeeno úmár nédom haani hotir. 22Maŋ nim gagune maŋ na, fo Díino adék adoohom. Angu, f'aniirone maleekaŋaŋo andoohom k'andékirem ba ka maamankintor Ibrahiima agune. Angu adékiidek, ummu kunyiko, Díino adoohom mees k’anwúbom. 23Baniirohi, maleekaŋaŋo andoohom k'andékirem ba a Bukenum. Angu bapúti na, ayoh dáde. Angu, bayoofunay, aŋanden maŋ bim maamankintor Ibrahiima ingi Lasar n'anooh antéejay. 24Angu, ahuy Ibrahiima ayéjem: «Maamankum Ibrahiima! Yiker bankabaŋ a binaam! Kááñineem deh! Me nanka, a baléero gigune fanfaŋ a kuulo unku k'egune. Inini, ísiibáásiib k'úbuuñutoom Lasar k'anaháraam baaru a kokununkunom bareŋ k'iruuh.» 25-26Ibrahiima ayéjem: « Ah! Nanka deh, dipiren. Ayikyik jamen áde a bájegenenkintor. Mint, dipirenmiŋ k'igáculamiŋ ba imbi ninkinan. Ninkinan mees, wúur dapiren k'agácular adék alahunar mint nanka.» Ayéjem: «Úbákum, wosen baŋ! Eke fi a duniyaŋo fi f'uguyerne a básuumo, ki Lasar aguyerne a baléero? Angu, inini Lasar agune a básuumo fi uguy a baléero!» 27Angu, aŋoolin ayéji: «Inini, maamankum Ibrahiima, inini bonkerer k'úbuuñ Lasar k'adék ba a díku bááhum 28ka índoonenenkum ímákilaŋo angune. Búuñorem k'adék atengaheeniŋ. Yéjer Lasar adék atéekineeniŋ mara aññantay ankúbul jamméejenkinin imbi Díino ki nim immereŋ biki andéker a kantígo inka ka kunyoho.» 29Angu na Ibrahiima aŋoyindem ayéjem: «Ah! Índoonenenken deh m'angune a duniyaŋo anyikyik Tawrato no Musa añaañne ingi líibárenku anabiyoŋoŋo mees. Aji ankaraŋi h'agune na, ampájihineh a gubaarhu kuulo k'ogune.» 30Ayéjem: «Maamankum Ibrahiima, iyennehinyennehin h'ólobne kanda hómár bádáŋ! Inini, kuku úbuuñ wúur m'afúrumokunehne imbi ñanniirohinno ki k'adék atengaheeniŋ a h'agune nanka. Nim ankúbul jamméejenkinin ba imbi Díino.» 31Aŋoyindem ayéjem, «Ingah, índoonenenken ii, lahudaŋaŋ Anabila Musa, ingi mees anabiyoŋoŋo adúkoŋo, immereŋ lahudeeniŋ faka. Angu, haani abúuñaa wúur m'akengunaa a biniirohánom k'adék atéekineeniŋ ki k'ankúbul jamméejenkinin imbi Díino, immereŋ danlaháram.» Nim Ibrahiima aŋoyindne ummu kunyiko m'agune a kuulo.
Nim Yensa ayéjeeniŋne dam.
Currently Selected:
Luk 16: GD
Highlight
Copy
Compare
Share
Want to have your highlights saved across all your devices? Sign up or sign in
Copyright Vision Intégrale, Senegal
Luk 16
16
Ka Yensa alóbne a nintiku bumarahu kunyiko
1Ayikyik bísiba Yensa anéer funaare ñantaalibehinem, ayéjeeniŋ:
- Ayikyik ulaamer úduk, ummu kunyik. Angu, ulaamero úmár ayikyik údool m'alahákam keeso no bakodiŋo. Angu abári bísiba, ayikyik m'ayéj ulaamero: «Kanda fi, ummu m'alahákone keeso gapuñpuñinepuñpuñin bakodihen!» 2Angu, údiigeeno ahuyor m'alahákamne keeso. Bapútri amiihem ayéjem: «Fi! Iyennehinyennehin mara guyaahayaah bakodiŋo b'agune a keeso!» Angu, ulaku keeso ñopuroŋ. Ayéjem: «Inini, ba butibakan gídekehne, kanda jandiŋ bítibarumo údekekineh k'útebirem bakodihum b'agune na nip. Gútebi mees, udooh kayer k'uñaañ na nip a gubaarhu n'umarane bakodihum. Gubollay, údeker ujellihinem, k'ikir itibaro.» Ayéjem: «Iyoo!»
3Yensa abocin ayéjeeniŋ:
- Angu, ulaku keeso badoonay ayéjoora: «Me! K'egune inini, afúnneemfunn a dohoŋo nómár! Angu me, neeraŋ gídekehne ba bukaano? Karo ílááfihineh k'iyikum na gukodi? Wówo! Dipiren! Yikiri sembehu úlááful. Karo ídek ikiina sadaŋo? Wówo! Irokuneh. Angu, neeraŋ gídekehne bukaano? 4Inini, ípápájul n'ídekehne bukaano angu. Iñantay ídek ihuyor m'ammáágne bakodiŋo imbi ulaamekum, immereŋ nip, ki moŋon moŋon itaahul sinkindhinem. Aji ikaani nim, haani ulaamekum atíbakunum, kanda jamaŋo mungu ampokunkunum . Danhóobulaham bim.» 5Angu, na adak abúuñam ba imbi m'ammáágne, immereŋ nip, ayéjeeniŋ andéker anlahuntam a biiroŋo. Angu, adékiidek uliiho m'amáágne apútor. Bapútri ayéjem: «Fi, buruhu neeraŋ guñantane uŋoyind ulaamekum?» 6Úmár ayéjem: «Me ii, dúlino bárileŋ keme giñantane icaam.» Ayéjem: «Inini, kayerhu konthon inkaŋe. Túyor k'itaahuro sinkindhen k'ifac a bájegineŋo. Aguyhuneh angu bárileŋ jamaŋinak ingi haala (50 - sankont).#16.6 Imbi Ñanyahudo, aji úmááguni wúuro bakodiŋo, ñantaaro úyejem aŋoyinduto h'afaŋ h'ómáágunemne. Nim luwahu Díino amiihulne. Te aji úfegi ulaamero adooh, úduk k'alahákam keeso, ki nim ulaku keeso akaan ho Luwaŋo adíigumne. Angu, ulaku keeso, bapájuli mara ulaamekinem ba bútibakánam gadékehne, ataahir moŋon moŋon sinkindhinem imbi ulaamekinem k'aguy maŋ ni añantane aguy a gubaarhu Luwahu Díino. Inini, noohor k'uñaañ mara bárileŋ jamaŋinak ingi haala, guñantane ucaam. Ñaañar was k'údek!» Angu, anooh k'añaañ mara sinkindhinem abábár bárileŋ jamaŋinak ingi haala. Babollay adék adoona. 7Angu, fo uliiho awusunane, úduk apútor. Bapútri ayéjem: «Fi em? Buruhu neeraŋ gulahurne ulaamekintor?» Úmár ayéjem: «Me ii, maanoŋo#16.7 Agida Luk añaanñaañ na buleŋo, maro immereŋ nómár ganlááfuláhne. gidoone buruhu booreŋ kemeŋ amikilaŋ, (500 - sank son).» Ayéjem: «Inini kayerhu konthon inkaŋe. Doohor k'uñaañ buruhu booreŋeŋ kemeŋ arenekeŋ (400 - katrá son) gudoone, k'itaahuro sinkindhen.» Angu, adooh k'akaan maŋ nim k'adék adoona. Maŋ nim gakanne imbi m'ammáágne nip.
8Yensa afak abocin ayéj:
- Angu, adékiidek ulaamekinem ayennehin h'akanne. F'ayennehinne h'akanne, ahuyor ulaku keeso mu wúuhuroŋne. Bapútri ayéjem: « Kanda fi! Uyehunyehun bareŋ deh!» Angu, ulaamekinem pirendeŋ k'añop bayehunku údoolhánom.
Yensa balóbi nim mees abocin ayéj:
Ingah! Marigeno akohne, a duniyaŋo inno mi wúuhuroŋoŋne, m'angune a bumurulo, immereŋ anfaŋne n'anhat bumarahu bakodiŋo. Immereŋ anfaŋi ñanwúuhinno bumarahu bakodiŋo. 9Ŋayri búyejhánan ukaanaŋ ho wúuhuroŋne. Kanda ísiibáásiib k'udoohoŋ bakodihinan ingi kunyikhinan k'uwoseneŋ hóbun ku k'uru ukaanaŋ h'ajónne a duniyaŋo inno. Aji ukaaneŋ nim, uyikeŋ ñaññankay a duniyaŋo inno. Ingi faka, uniirodir, arjanna, hójooninno h'okanne akankáneh ki jamaŋo anjaho hóbun.#16.9 Ulaku keeso újondoŋ, kanda ayehunyehun nintiku bakodiŋo. Angu a funaareŋo unfu, Yensa ayéjyej, gúduk ungo na m'ambúuñahne Díino, gara anwoseneh hóbun hójooninno h'ampirenkinehne ankaan a gubaarhu bakodiŋo b'anlahne. Yensa ásíibáásiib k'ímpájuloŋ maro bakodiŋo ba Díino anéerenne, fo udooh k'ukaan hójooni a duniyaŋo inno ki nim índukoŋo anyennehin Kúmbuuñaamo Kúnsuminno k'aŋŋan a maasayahu Díino. Aji ukaani nim, uyikhineŋ ñaññankay baman gucum tápár.
10Yensa abocin ayéjeeniŋ:
- Ingah! Wúuro, aji úneerem honjo hotinno, k'amara awúuh a honjo hotinno hómár, upirenpiren ufak úneerem honj hóde apirenkineh k'amara awuuh. Kanda aji úneerem honj hotiir, pirendeŋ k'amara, k'akaan ho wúuhuroŋne, dupiren k'úneerem hóduk hóde, maro hómár mees, damararo ajóon. 11Kanda ingah! Eke honjonku Díino ingi arjanna, hómár afaŋunumne n'ayik nafa kunyiku duniyaŋo inno? Angu, aji wúuhuro a bumarahu honjonku duniyaŋo, hóge Díino anékuno k'umara h'ayikne nafa a binaanam? Wówo! Danéero. Fi dupiren k'umara hómár.
Abocin ayéj
12- Ingah! Aji údinhen uraagofo aféfeg mara fi wúuhuro, angu dapiren k'afiyumo ba bumarahu kunyikhinem, hóge wúuro úmár anakuno honj ba bigokon? Wówo! Danéero deh, maro úmár fiyundo!
13Afúrumi na, Yensa ayéj:
- Ingah! Údoolo dapiren k’adóolur ñanlaamer inak, maro ayikhineh m'afaŋunum n'apokun. Úmár mungu adóolukunom hóbun. Ki úduko mungu, dapiren k'adóolurom doho ajóoni. Ingah! Dupiren k’údoolur immereŋ inako nip ininkaman n’añantane aguy. Maŋ nim gakanne imbi Díino ingi kunyikhu duniyaŋo inno. Kara ukokálinkineh Díino k’úbenn kunyiko kara niŋan ukokálinkineh nááfulo k’úbenn Díino. Honakaŋo nip dampiren k'ankokay.
14Angu, Yensa balóbi hómáráŋ nip a gubaarhu kunyiko, angu ñanfarasiyaŋo ankomb buyeefihinem. Úpájuli, ñanfarasiyaŋo, immereŋ ampokunpokun kunyikhinin dáde. 15Angu na Yensa atengaheeniŋ ayéjeeniŋ:
- Ninkinan, gútibeheŋtib ki jamaŋo anlahoonuŋ ñanraagof ñanwúuhi, agida Díino apápájul h'agune a hafitenkinan. Ingah! H'ayikne nafa imbi ñanlabahi a duniyaŋo inno, Díino mungu asebseb hómár.
Ka Yensa alóbne mara Luwahu Musa ingi h'añaañaane a Hañaañeno dakoomahar
16Yensa abocin ayéjeeniŋ a gubaarhu luwaŋaŋo:
- Inini, ninkinan, eke biriman fam ñankawandinkinan imme na búteekinkinan maro uñantaheŋ úbuuñahaŋ Luwahu Musa, ingi ho anabiyoŋoŋo aññaañne a Hañaañeno mees? Hómáráŋ nip gankawandinkoonuŋne. Angu, adék baman a jamaanihu Yaya M'ayicumehne. Angu biriman a waato nómár jamaŋo anyennehinne kúmbuuñaamo kúnsuuminno a gubaarhu maasayahu Díino. Te jamaŋo, biriman f'anyennehinne gu maasayahu Díino, imme na n'anliflifeh ki k'ampiren aŋŋan a maasayaŋo nómár.
17Abocin ayéjeeniŋ:
- Kanda janteneŋ baŋ k'íteekinoonuŋ! Ingah! Guyroŋ kara Luwahu Musa akoomkoom angu. Wówo! Luwaŋaŋo nómáráŋ, luwaŋaŋ ajóoniyeŋ baman manini. Ingah! Luwahu Musa ingi ho anabiyoŋoŋo aññaañne a Hañaañeno aguyhuneh na baman dagurumaareŋ. Haani raafo ingi réeŋo akoom, Luwahu Musa ingi ho anabiyoŋoŋo aññaañne dakoom, aguyhuneh na baman dagurumaareŋ. Ingah! Haman kontis kotigiliir k'aññaañne a Hañaañeno dakoom.
18Yensa abocin ayéjeeniŋ:
- Inini, a gubaarhu bajaho, eke aññaaññaañ a Hañaañeno maro aji údiigeeno ingi udikaamo anjahay, bajaho bámár añantay awonn baman da karo údiigeeno, karo udikaamo aniirohunehne? Eke nim gaññaañne a Hañaañeno? Angu inini, aji údiigeeno afúnni udikankánam k'adék ajah udikaam úduk, imbi Díino, udikaamo úmár unakinno guyroŋ udikankánam. Angu, na údiigeeno úmár akankaan basango maro awaanawaana ingi mu guyroŋ udikankánam. Maŋ nim ganik amíirne imbi údiigeeno m'ajahne udikaamo m'afútne bajaho. Imbi Díino hómár júnub. Na mees údiigeeno akankaan basango, maro kunwaana gaŋane ingi udikanku úduk, te údiigenkinem aroŋroŋ a duniya. Agida hómár gaññaañne a Luwahu Musa, te baman bísibaŋo bi gub luwaŋo nómár koomároŋ deh, te dakoomahar.
Nim Yensa alóbne a gubaarhu Luwahu Musa.
Ka Yensa alóbne a nintiku ummu kunyiko ingi uyikirenku kunyiko
19Angu, afúrumi na Yensa ayéj:
- Imbeeŋ índiigeen inak; ummu kunyik ingi uyikirenku kunyik. Angu, ummu kunyiko, gakaanakaana bayaaho bajóoninno b'aseerinno, ayaahálah guyaahála gújooni. Bísiba bísiba anosoh k'angu akaanah h'asúumemne. 20Angu, mu yikireŋne kunyiko, gurethinem Lasar. Angu, Lasar arinkinem nip anoonooh banuyoŋ bareŋ. Angu, úmár gadékedek adék awaana a burukumbanku m'ayikne. 21Angu, jiheŋo andékireh andék amminah banuyoŋo. Angu úmár akankaan jamméejhinem a jafoolaŋo j'afallane karo údiigeeno m'ayikne adék annéeremer k'afoola, kanda údiigeeno úmár nédom haani hotir. 22Maŋ nim gagune maŋ na, fo Díino adék adoohom. Angu, f'aniirone maleekaŋaŋo andoohom k'andékirem ba ka maamankintor Ibrahiima agune. Angu adékiidek, ummu kunyiko, Díino adoohom mees k’anwúbom. 23Baniirohi, maleekaŋaŋo andoohom k'andékirem ba a Bukenum. Angu bapúti na, ayoh dáde. Angu, bayoofunay, aŋanden maŋ bim maamankintor Ibrahiima ingi Lasar n'anooh antéejay. 24Angu, ahuy Ibrahiima ayéjem: «Maamankum Ibrahiima! Yiker bankabaŋ a binaam! Kááñineem deh! Me nanka, a baléero gigune fanfaŋ a kuulo unku k'egune. Inini, ísiibáásiib k'úbuuñutoom Lasar k'anaháraam baaru a kokununkunom bareŋ k'iruuh.» 25-26Ibrahiima ayéjem: « Ah! Nanka deh, dipiren. Ayikyik jamen áde a bájegenenkintor. Mint, dipirenmiŋ k'igáculamiŋ ba imbi ninkinan. Ninkinan mees, wúur dapiren k'agácular adék alahunar mint nanka.» Ayéjem: «Úbákum, wosen baŋ! Eke fi a duniyaŋo fi f'uguyerne a básuumo, ki Lasar aguyerne a baléero? Angu, inini Lasar agune a básuumo fi uguy a baléero!» 27Angu, aŋoolin ayéji: «Inini, maamankum Ibrahiima, inini bonkerer k'úbuuñ Lasar k'adék ba a díku bááhum 28ka índoonenenkum ímákilaŋo angune. Búuñorem k'adék atengaheeniŋ. Yéjer Lasar adék atéekineeniŋ mara aññantay ankúbul jamméejenkinin imbi Díino ki nim immereŋ biki andéker a kantígo inka ka kunyoho.» 29Angu na Ibrahiima aŋoyindem ayéjem: «Ah! Índoonenenken deh m'angune a duniyaŋo anyikyik Tawrato no Musa añaañne ingi líibárenku anabiyoŋoŋo mees. Aji ankaraŋi h'agune na, ampájihineh a gubaarhu kuulo k'ogune.» 30Ayéjem: «Maamankum Ibrahiima, iyennehinyennehin h'ólobne kanda hómár bádáŋ! Inini, kuku úbuuñ wúur m'afúrumokunehne imbi ñanniirohinno ki k'adék atengaheeniŋ a h'agune nanka. Nim ankúbul jamméejenkinin ba imbi Díino.» 31Aŋoyindem ayéjem, «Ingah, índoonenenken ii, lahudaŋaŋ Anabila Musa, ingi mees anabiyoŋoŋo adúkoŋo, immereŋ lahudeeniŋ faka. Angu, haani abúuñaa wúur m'akengunaa a biniirohánom k'adék atéekineeniŋ ki k'ankúbul jamméejenkinin imbi Díino, immereŋ danlaháram.» Nim Ibrahiima aŋoyindne ummu kunyiko m'agune a kuulo.
Nim Yensa ayéjeeniŋne dam.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright Vision Intégrale, Senegal