مزمورأن ۵۳
۵۳
شرورٚ آدم
سورودخأنأنٚ رهبرٚ رِه. مَحَلَتٚ مأیه میأن. داوودٚ قصیده.
1 اَحمقه، اونی کی فیکر کونه خودایی نئیسأ. اَطؤ چی آدم فأسید ایسه و نأجور کأرأن انجأم دِهه و هیذره خورومی اونٚ میأن نٚنأ.
2 خوداوند آسمأنٚ جَا آدمأنَ فأندرِه کی ایتأ بٚفأمسته آدم بیأفه کی خودایَ بٚخأیه. 3 ولی همٚتأن رأ جَا اَویرَ بوستد، همٚتأن فأسیدَ بوستد، ایتأ خورومٚ آدم نئیسأ، حتّا اینفر.
4 آیا اَ نأجورٚ آدمأن فأم نأرٚده؟ اوشأن کی می قومَ ایتأ نأنٚ مأنستَن فٚوٚرٚده و خورٚده و هیوخت خودایَ دؤنخأنٚده؟
5 ولی نأخٚوٚرکی او زمأت کی هیذره اونٚ فیکرَ نوکونٚد اَشأنٚ جأنٚ میأن وأشٚت دکفِه، چونکی خودا تومأمٚ اوشأنی کی تٚرَه دؤرَ کودٚده جٚه بین بٚره، اوشأنٚ خأشأنَ زیمینٚ رو پخشٚ پلأ کونه. خودا اوشأنَ پٚس بٚزِه، هنٚ وأسی اونٚ قوم اوشأنٚ رو بأش بٚده.
6 کأشکی نیجأت صهیونٚ جَا ایسرأییل رِه فأرٚسِه بی و خودا خو قومٚ رِه او قدیمٚ سعأدتَ وأگردأنهبی! وئأل یعقوب خوشألی بوکونه و ایسرأییل بٚذوق بأیٚه!
Currently Selected:
مزمورأن ۵۳: GCB
Highlight
Copy
Compare
Share
Want to have your highlights saved across all your devices? Sign up or sign in
The Gilaki Contemporary Bible is a Product of Transform Iran © 2024. All rights reserved. www.kelisayejame.org