پیدأیش ۳۳
۳۳
یعقوب عیسو اَمرأ روبرو بِه
1 او وخت یعقوب جٚه دور بیدِه کی عیسو چأرصد نفرٚ جٚه خو آدم نفرأنٚ اَمرأ اَمؤندره. پٚس خو زأکأنَ لیه و راحیل و دوتأ کنیزٚ میأن سأم بوکوده. 2 اَطؤیی خو خأنوأرَ ایتأ رجٚ میأن سه‌تأ دسته دورون سأم بوکود. اوّلی دسته میأن اونٚ دوتأ کنیز و اونٚ زأکأن، دویُمی دسته دورون لیه و اونٚ زأکأن و سیومی دسته دورون راحیل و یوسف ایسأ بود. 3 یعقوب خودشٚم پیشتر جٚه اوشأن شؤئؤندوبو او وخت کی یعقوب خو برأرَ نیزدیکَ بوسته، هفت مرتوه اونَ تعظیم بوکوده. 4 عیسو بودؤو بودؤو بوشؤ اونٚ پیشوأز و اونَ کشأ گیفته، مأچی بٚدأ و هردوتأن گریه بوکودٚد. 5 بأزون عیسو ایتأ چوم زنأکأن و زأکأنٚ ور تأوٚدأ و وأوٚرسه: «اَشأن کیسٚد کی تی اَمرأیٚده؟» یعقوب بوگفته: «او زأکأن ایسٚد کی خودا تی بنده‌یَ بٚبخشه.»
6 او وخت کنیزأن خوشأنٚ زأکأنٚ اَمرأ جولو بأمؤده، عیسویَ تعظیم بوکودٚد، 7 بأزون لیه و اونٚ زأکأن و آخر جٚه همه راحیل و یوسف پیش بأمؤده و اونَ تعظیم بوکودٚد.
8 عیسو وأوٚرسِه: «اَن همه گله و رمه کی رأ دورون بیدِم، چیسٚد؟» یعقوب بوگفته: «می پیشکش ایسٚه تِرِه، کی مٚرَه لوطف بوکونی.»
9 عیسو بوگفته: «برأر، من مِرِه گلّه و رمه اوندر کی مِرِه وٚست بٚبه دأرم. اوشأنَ تِرِه بٚدأر.» 10 یعقوب جوأب بٚدأ: «اگه رأس‌رأسِی مٚرَه لوطف کودأندری، مینّت کونٚم می پیشکشَ قوبیل بوکونی. تی دیمَ دِئن مِرِه خودا دیمَ دِئنٚ مأنستَن بو! هسأ کی تو مهرٚوأنی اَمرأ مٚرَه قوبیل بوکودی، 11 پٚس او پیشکشأنَ کی تٚرَه فأدأم قوبیل بوکون. خودا مِرِه خٚیلی بٚخشنده بو و تومأمٚ می ایحتیأجأنَ رفعَ کوده.» یعقوب اوندر بوگفته کی عیسو اوشأنَ قوبیل بوکوده.
12 عیسو بوگفته: «آمأدَه بو کی بیشیم. من و می آدم نفرأن تی اَمرأ اَییمی.»
13 یعقوب بوگفته: «هطؤ کی دینی بعضیتأ جٚه زأکأن کوجه‌دأنِیٚد و رمه‌یأن و گلّه‌یأن کوته دأرٚده کی اگه اوشأنَ توندأتوند فرأنیم همٚتأ تلفَ بٚده. 14 اَی می آقأ، شومأن پیشتر جٚه شیمی بنده بیشید و اَمأنٚم زأکأن و گلّه‌یأنٚ اَمرأ یوأشتر اَییمی و سعیرٚ میأن شٚمٚره فأرٚسیم.»
15 عیسو بوگفته: «دٚسٚ کم وئأل چن نفر جٚه می آدم نفرأن شیمی اَمرأ بٚبد کی شٚمٚره رأنمأیی و موحأفیظت بوکونٚد.» یعقوب جوأب بٚدأ: «لأزیم نییٚه، اَمأن خودمأن اَییمی. جٚه می آقأ لوطف تشکور کونٚم.»
16 عیسو هو روج خو رأیَ بیگیفته، وأگردسته سعیرَ ور، 17 ولی یعقوب خو خأنوأرٚ اَمرأ بوشؤ سوکوت و اویَه خؤرِه چأدر و خو گله‌یأن و رمه‌یأنٚ رِه سأیبأن چأکوده. هنٚ وأسی او جأیَ سوکوت نأم بٚنأده. 18 بأزون جٚه اویَه سلأمتی جأنٚ اَمرأ بوشؤده شکیم کی کنعانٚ میأن نٚهأ بو و بیرون جٚه شهر چأدر بٚزِده. 19 او زیمینَ کی اونٚ دورون خیمه بٚزِه بود جٚه حمورٚ خأنوأر، شکیمٚ پِئر صدتأ پأره نوقره اَمرأ بیهه بود. 20 اویَه یعقوب ایتأ مذبح بسأخته و اونَ «اِل الوهی ایسرأییل» نأم بٚنأ.
Currently Selected:
پیدأیش ۳۳: GCB
Highlight
Share
Copy
Want to have your highlights saved across all your devices? Sign up or sign in
The Gilaki Contemporary Bible is a Product of Transform Iran © 2024. All rights reserved. www.kelisayejame.org
پیدأیش ۳۳
۳۳
یعقوب عیسو اَمرأ روبرو بِه
1 او وخت یعقوب جٚه دور بیدِه کی عیسو چأرصد نفرٚ جٚه خو آدم نفرأنٚ اَمرأ اَمؤندره. پٚس خو زأکأنَ لیه و راحیل و دوتأ کنیزٚ میأن سأم بوکوده. 2 اَطؤیی خو خأنوأرَ ایتأ رجٚ میأن سه‌تأ دسته دورون سأم بوکود. اوّلی دسته میأن اونٚ دوتأ کنیز و اونٚ زأکأن، دویُمی دسته دورون لیه و اونٚ زأکأن و سیومی دسته دورون راحیل و یوسف ایسأ بود. 3 یعقوب خودشٚم پیشتر جٚه اوشأن شؤئؤندوبو او وخت کی یعقوب خو برأرَ نیزدیکَ بوسته، هفت مرتوه اونَ تعظیم بوکوده. 4 عیسو بودؤو بودؤو بوشؤ اونٚ پیشوأز و اونَ کشأ گیفته، مأچی بٚدأ و هردوتأن گریه بوکودٚد. 5 بأزون عیسو ایتأ چوم زنأکأن و زأکأنٚ ور تأوٚدأ و وأوٚرسه: «اَشأن کیسٚد کی تی اَمرأیٚده؟» یعقوب بوگفته: «او زأکأن ایسٚد کی خودا تی بنده‌یَ بٚبخشه.»
6 او وخت کنیزأن خوشأنٚ زأکأنٚ اَمرأ جولو بأمؤده، عیسویَ تعظیم بوکودٚد، 7 بأزون لیه و اونٚ زأکأن و آخر جٚه همه راحیل و یوسف پیش بأمؤده و اونَ تعظیم بوکودٚد.
8 عیسو وأوٚرسِه: «اَن همه گله و رمه کی رأ دورون بیدِم، چیسٚد؟» یعقوب بوگفته: «می پیشکش ایسٚه تِرِه، کی مٚرَه لوطف بوکونی.»
9 عیسو بوگفته: «برأر، من مِرِه گلّه و رمه اوندر کی مِرِه وٚست بٚبه دأرم. اوشأنَ تِرِه بٚدأر.» 10 یعقوب جوأب بٚدأ: «اگه رأس‌رأسِی مٚرَه لوطف کودأندری، مینّت کونٚم می پیشکشَ قوبیل بوکونی. تی دیمَ دِئن مِرِه خودا دیمَ دِئنٚ مأنستَن بو! هسأ کی تو مهرٚوأنی اَمرأ مٚرَه قوبیل بوکودی، 11 پٚس او پیشکشأنَ کی تٚرَه فأدأم قوبیل بوکون. خودا مِرِه خٚیلی بٚخشنده بو و تومأمٚ می ایحتیأجأنَ رفعَ کوده.» یعقوب اوندر بوگفته کی عیسو اوشأنَ قوبیل بوکوده.
12 عیسو بوگفته: «آمأدَه بو کی بیشیم. من و می آدم نفرأن تی اَمرأ اَییمی.»
13 یعقوب بوگفته: «هطؤ کی دینی بعضیتأ جٚه زأکأن کوجه‌دأنِیٚد و رمه‌یأن و گلّه‌یأن کوته دأرٚده کی اگه اوشأنَ توندأتوند فرأنیم همٚتأ تلفَ بٚده. 14 اَی می آقأ، شومأن پیشتر جٚه شیمی بنده بیشید و اَمأنٚم زأکأن و گلّه‌یأنٚ اَمرأ یوأشتر اَییمی و سعیرٚ میأن شٚمٚره فأرٚسیم.»
15 عیسو بوگفته: «دٚسٚ کم وئأل چن نفر جٚه می آدم نفرأن شیمی اَمرأ بٚبد کی شٚمٚره رأنمأیی و موحأفیظت بوکونٚد.» یعقوب جوأب بٚدأ: «لأزیم نییٚه، اَمأن خودمأن اَییمی. جٚه می آقأ لوطف تشکور کونٚم.»
16 عیسو هو روج خو رأیَ بیگیفته، وأگردسته سعیرَ ور، 17 ولی یعقوب خو خأنوأرٚ اَمرأ بوشؤ سوکوت و اویَه خؤرِه چأدر و خو گله‌یأن و رمه‌یأنٚ رِه سأیبأن چأکوده. هنٚ وأسی او جأیَ سوکوت نأم بٚنأده. 18 بأزون جٚه اویَه سلأمتی جأنٚ اَمرأ بوشؤده شکیم کی کنعانٚ میأن نٚهأ بو و بیرون جٚه شهر چأدر بٚزِده. 19 او زیمینَ کی اونٚ دورون خیمه بٚزِه بود جٚه حمورٚ خأنوأر، شکیمٚ پِئر صدتأ پأره نوقره اَمرأ بیهه بود. 20 اویَه یعقوب ایتأ مذبح بسأخته و اونَ «اِل الوهی ایسرأییل» نأم بٚنأ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Gilaki Contemporary Bible is a Product of Transform Iran © 2024. All rights reserved. www.kelisayejame.org