پیدأیش ۳۲
۳۲
یعقوب، عیسو دِئنٚ رِه آمأدَه بوسته
1یعقوب خو سٚفرَ ایدأمه بٚدأ. اَ مأبین خودا فٚرٚشته‌یأن اونٚ رِه ظأهیرَ بوستد. 2 او وخت کی یعقوب اوشأنَ بیدِه، بوگفته: «اَن خودا اردو ایسٚه.» پٚس اویَه‌یَ مَحَنایِم نأم بٚنأ.
3 او وخت یعقوب، چن نفرَ اَ پیغأمٚ اَمرأ اوسه کوده خو برأر عیسو ورجأ ادومٚ میأن کی سعیرٚ سرزیمینٚ دورون نهأبو: 4 «تی بنده یعقوب کی چن وخت پیشتر می دأیی لابانٚ ورجأ زٚندیگی کودیم. 5 هسأ گأبأن، اولأغأن، گوسوٚندأن، غولأمأن و کنیزأنٚ فرأوأن بٚدٚس بأوٚردم. اَ قأصدأنَ اوسه کودم کی تٚرَه جٚه می اَمؤن وأخٚوٚرَ کونٚد. اَی می آقأ، اومید دأرم کی تی لوطفٚ جیر بِئیسم.»
6 قأصٚدأن اونٚ پٚسی کی پیغأمَ فأرٚسأنِده، وأگردستٚد یعقوبٚ ورجأ، اونَ بوگفتد: «تی برأر عیسویَ بیدِییم و اون اَسه چأرصد نفرٚ اَمرأ تی پیشوأز رِه اَمؤندره!» 7 یعقوب اَ گبٚ ایشتأوٚستٚنٚ اَمرأ بی‌حدٚحیسأب بٚترسه و دیلوأپسَ بوسته. اون خو خأنوأرٚ آدمأنَ، گلّه‌یأن، رمه‌یأن و شوتورأنٚ اَمرأ دوتأ قیسمتٚ میأن سأم بوکود 8 کی اگه عیسو ایتأ دسته‌یَ حمله بوکونه، اویتأ دسته جیویزه.
9 بأزون یعقوب اَطؤ دوعأ بوکوده: «اَی می پیله بأبأ ایبرأهیمٚ خودا و می پِئر ایسحأقٚ خودا، اَی او خوداوند کی مٚرَه بوگفتی وأگردم می وطن می فکٚ فأمیلٚ ورجأ و قول بٚدأیی کی مٚرَه برکت بٚدی، 10 من لیأقتٚ اَندر لوطف و محبتَ کی تی خأدیمَ بوکودی نأرم. او زمأت کی می وطنَ بٚنأم و بوشؤم و اُردنٚ روخأنٚ جَا دٚوأرٚستم، هیچی جغرز ایتأ دٚسٚ‌چو می اَمرأ نأشتیم، ولی هسأ دوتأ دسته صأب ایسٚم! 11 اَی خوداوند، ایلتمأس کونٚم کی مٚرَه می برأر عیسو دٚسٚ جَا آزأدَ کونی، چونکی جٚه اون ترسم. جٚه اَن ترسم کی نوکونه اون اَ زنأکأن و زأکأنَ هلأکَ کونٚه. 12 خأطر بأوٚر کی تو قول بٚدأیی کی مٚرَه برکت دیهی و می نتأجَ دریأ سأحیلٚ فورشأنٚ مأنستَن بی‌حدٚحیسأب زیأدَ کونی.»
13 یعقوب شبَ اویَه بِئیسأ و جٚه اونچی خو اَمرأ دأشتی اَ پیشکشأنَ اینتخأب بوکوده کی خو برأر عیسویَ فأده: 14 دویست‌تأ مأده بوز، بیست‌تأ نرٚ بوز، دویست‌تأ میش، بیست‌تأ قوچ، 15 سی‌تأ شوتور کی شیر فأدٚده اوشأنٚ زأکأنٚ اَمرأ، چهل‌تأ مأده گأب، دٚه‌تأ نرٚ گأب، بیست‌تأ مأده اولأغ و دٚه‌تأ نرٚ اولأغ. 16 اون اوشأنَ دسته دسته سیوأ بوکوده، خو خأدیمأنَ بیسپأرده و بوگفته: «کس‌کسٚ جَا دورَ بید و پیشتر جٚه من حرکت بوکونید.» 17 او مردأکأنَ کی اوّلی دسته‌یَ رهبری کودیدی بوگفت، او وخت کی عیسو اَمرأ کله بٚکله بوخوردید اگه عیسو اَشأنٚ جَا وأوٚرسه: «کویَه شیدی؟ کی رِه کأر کونیدی؟ و اَ حیوأنأن کی شین ایسٚه؟» 18 وأستی بٚگد: «اَشأن تی بنده یعقوبٚ شین ایسٚد و او پیشکشأن ایسٚد کی خو آقأ عیسو رِه اوسه کوده. خودشٚم اَمی دونبألسر اَمؤندره.»
19 یعقوب هه دستورأنَ دویُمی و سیومی دسته آدم نفرأن و همٚتأ اوشأنَ کی گلّه‌یأنٚ دونبألسر اَمؤندوبودَ بٚدأ، بوگفته: «او وخت کی فأرٚسِئیدی عیسو ورجأ، هه گبأنَ اونَ بیگید. 20 و هطؤیم بیگید: تی بنده یعقوبٚم اَمی دونبألسر اَمؤندره.» یعقوب خو اَمرأ فیکر بوکوده: «اَ پیشکشأنٚ اَمرأ کی می جَا پیشتر اوسه کونٚم اونَ نرمَ کونٚم. اونٚ پٚسی او وخت کی اونَ بیدینٚم بلکی مٚرَه قوبیل بوکونٚه.»
21 پٚس اون پیشکشأنَ پیشتر اوسه کوده ولی خودش شبَ اردوگأ میأن بِئیسأ.
یعقوبٚ کشتی گیفتن فنی‌ئیلٚ میأن
22 هو شب یعقوب ویریشت و خو دوتأ زنأک و دوتأ کنیز و یأزده‌تأ پٚسرَ اوسأده و جٚه یبوقٚ گوذر دٚوأرٚسته. 23 اون اوشأنَ اوسأد و هرچی کی دأشتی اَمرأ روخأنٚ جَا رٚدَ کوده. 24 و یعقوب تنأ بمأنسته و ایتأ مردأی تأ صُبٚ سیفیدی وخت اونٚ اَمرأ کشتی گیفتی. 25 او وخت کی او مردأی بیدِه کی نتأنه یعقوبٚ رو بأش بٚبه، اونٚ رأنٚ خأشٚ نرمی‌یَ موحکم بیگیفت، اوطؤ کی اونٚ لگن جٚه اونٚ جأ جیویشته.
26 بأزون او مردأی بوگفته: «وئأل بٚشٚم، چونکی صُب سیفیدی بٚزِه.» ولی یعقوب بوگفته: «تأ مٚرَه برکت نٚدی، ولأنم کی جٚه اَیَه بیشی.»
27 او مردأی وأوٚرسه: «تی نأم چیسه؟»
جوأب بٚدأ: «یعقوب.»
28 اونَ بوگفته: «جٚه اَنٚ پٚسی تی نأم دِه یعقوب نییٚه، بلکی ایسرأییلٚ، چونکی خودا و مردومٚ ورجأ تٚرَه قأیم بٚدأشتی و بأش بوبوستی.»
29 یعقوب اونٚ جَا وأوٚرسه: «تی نأم چیسه؟»
او مردأی بوگفته: «چٚره می نأمَ وأوٚرسی؟» او وخت اویَه یعقوبَ برکت بٚدأ.
30 یعقوب بوگفته: «اَیَه من خودایَ روبرو بیدِم ولی هنو زٚنده ایسٚم.» پٚس او جأجیگأیَ فنی‌ئیل (ینی «خودا دیم») نأم بٚنأ.
31 یعقوب آفتأب زِئن وخت رأ دکفته. اون اَنٚ وأسی کی اونٚ رأن ضرب بیدِه بو، فلنگستی. 32 بٚنی ایسرأییل تأ ایمرو عِرق النسأ مأیچه‌یَ کی رأنٚ میأن نٚهأیَ نوخورٚده، چونکی اَ قیسمت جٚه یعقوبٚ رأن بو کی او شبٚ میأن ضرب بیدِه.
Currently Selected:
پیدأیش ۳۲: GCB
Highlight
Share
Copy
Want to have your highlights saved across all your devices? Sign up or sign in
The Gilaki Contemporary Bible is a Product of Transform Iran © 2024. All rights reserved. www.kelisayejame.org
پیدأیش ۳۲
۳۲
یعقوب، عیسو دِئنٚ رِه آمأدَه بوسته
1یعقوب خو سٚفرَ ایدأمه بٚدأ. اَ مأبین خودا فٚرٚشته‌یأن اونٚ رِه ظأهیرَ بوستد. 2 او وخت کی یعقوب اوشأنَ بیدِه، بوگفته: «اَن خودا اردو ایسٚه.» پٚس اویَه‌یَ مَحَنایِم نأم بٚنأ.
3 او وخت یعقوب، چن نفرَ اَ پیغأمٚ اَمرأ اوسه کوده خو برأر عیسو ورجأ ادومٚ میأن کی سعیرٚ سرزیمینٚ دورون نهأبو: 4 «تی بنده یعقوب کی چن وخت پیشتر می دأیی لابانٚ ورجأ زٚندیگی کودیم. 5 هسأ گأبأن، اولأغأن، گوسوٚندأن، غولأمأن و کنیزأنٚ فرأوأن بٚدٚس بأوٚردم. اَ قأصدأنَ اوسه کودم کی تٚرَه جٚه می اَمؤن وأخٚوٚرَ کونٚد. اَی می آقأ، اومید دأرم کی تی لوطفٚ جیر بِئیسم.»
6 قأصٚدأن اونٚ پٚسی کی پیغأمَ فأرٚسأنِده، وأگردستٚد یعقوبٚ ورجأ، اونَ بوگفتد: «تی برأر عیسویَ بیدِییم و اون اَسه چأرصد نفرٚ اَمرأ تی پیشوأز رِه اَمؤندره!» 7 یعقوب اَ گبٚ ایشتأوٚستٚنٚ اَمرأ بی‌حدٚحیسأب بٚترسه و دیلوأپسَ بوسته. اون خو خأنوأرٚ آدمأنَ، گلّه‌یأن، رمه‌یأن و شوتورأنٚ اَمرأ دوتأ قیسمتٚ میأن سأم بوکود 8 کی اگه عیسو ایتأ دسته‌یَ حمله بوکونه، اویتأ دسته جیویزه.
9 بأزون یعقوب اَطؤ دوعأ بوکوده: «اَی می پیله بأبأ ایبرأهیمٚ خودا و می پِئر ایسحأقٚ خودا، اَی او خوداوند کی مٚرَه بوگفتی وأگردم می وطن می فکٚ فأمیلٚ ورجأ و قول بٚدأیی کی مٚرَه برکت بٚدی، 10 من لیأقتٚ اَندر لوطف و محبتَ کی تی خأدیمَ بوکودی نأرم. او زمأت کی می وطنَ بٚنأم و بوشؤم و اُردنٚ روخأنٚ جَا دٚوأرٚستم، هیچی جغرز ایتأ دٚسٚ‌چو می اَمرأ نأشتیم، ولی هسأ دوتأ دسته صأب ایسٚم! 11 اَی خوداوند، ایلتمأس کونٚم کی مٚرَه می برأر عیسو دٚسٚ جَا آزأدَ کونی، چونکی جٚه اون ترسم. جٚه اَن ترسم کی نوکونه اون اَ زنأکأن و زأکأنَ هلأکَ کونٚه. 12 خأطر بأوٚر کی تو قول بٚدأیی کی مٚرَه برکت دیهی و می نتأجَ دریأ سأحیلٚ فورشأنٚ مأنستَن بی‌حدٚحیسأب زیأدَ کونی.»
13 یعقوب شبَ اویَه بِئیسأ و جٚه اونچی خو اَمرأ دأشتی اَ پیشکشأنَ اینتخأب بوکوده کی خو برأر عیسویَ فأده: 14 دویست‌تأ مأده بوز، بیست‌تأ نرٚ بوز، دویست‌تأ میش، بیست‌تأ قوچ، 15 سی‌تأ شوتور کی شیر فأدٚده اوشأنٚ زأکأنٚ اَمرأ، چهل‌تأ مأده گأب، دٚه‌تأ نرٚ گأب، بیست‌تأ مأده اولأغ و دٚه‌تأ نرٚ اولأغ. 16 اون اوشأنَ دسته دسته سیوأ بوکوده، خو خأدیمأنَ بیسپأرده و بوگفته: «کس‌کسٚ جَا دورَ بید و پیشتر جٚه من حرکت بوکونید.» 17 او مردأکأنَ کی اوّلی دسته‌یَ رهبری کودیدی بوگفت، او وخت کی عیسو اَمرأ کله بٚکله بوخوردید اگه عیسو اَشأنٚ جَا وأوٚرسه: «کویَه شیدی؟ کی رِه کأر کونیدی؟ و اَ حیوأنأن کی شین ایسٚه؟» 18 وأستی بٚگد: «اَشأن تی بنده یعقوبٚ شین ایسٚد و او پیشکشأن ایسٚد کی خو آقأ عیسو رِه اوسه کوده. خودشٚم اَمی دونبألسر اَمؤندره.»
19 یعقوب هه دستورأنَ دویُمی و سیومی دسته آدم نفرأن و همٚتأ اوشأنَ کی گلّه‌یأنٚ دونبألسر اَمؤندوبودَ بٚدأ، بوگفته: «او وخت کی فأرٚسِئیدی عیسو ورجأ، هه گبأنَ اونَ بیگید. 20 و هطؤیم بیگید: تی بنده یعقوبٚم اَمی دونبألسر اَمؤندره.» یعقوب خو اَمرأ فیکر بوکوده: «اَ پیشکشأنٚ اَمرأ کی می جَا پیشتر اوسه کونٚم اونَ نرمَ کونٚم. اونٚ پٚسی او وخت کی اونَ بیدینٚم بلکی مٚرَه قوبیل بوکونٚه.»
21 پٚس اون پیشکشأنَ پیشتر اوسه کوده ولی خودش شبَ اردوگأ میأن بِئیسأ.
یعقوبٚ کشتی گیفتن فنی‌ئیلٚ میأن
22 هو شب یعقوب ویریشت و خو دوتأ زنأک و دوتأ کنیز و یأزده‌تأ پٚسرَ اوسأده و جٚه یبوقٚ گوذر دٚوأرٚسته. 23 اون اوشأنَ اوسأد و هرچی کی دأشتی اَمرأ روخأنٚ جَا رٚدَ کوده. 24 و یعقوب تنأ بمأنسته و ایتأ مردأی تأ صُبٚ سیفیدی وخت اونٚ اَمرأ کشتی گیفتی. 25 او وخت کی او مردأی بیدِه کی نتأنه یعقوبٚ رو بأش بٚبه، اونٚ رأنٚ خأشٚ نرمی‌یَ موحکم بیگیفت، اوطؤ کی اونٚ لگن جٚه اونٚ جأ جیویشته.
26 بأزون او مردأی بوگفته: «وئأل بٚشٚم، چونکی صُب سیفیدی بٚزِه.» ولی یعقوب بوگفته: «تأ مٚرَه برکت نٚدی، ولأنم کی جٚه اَیَه بیشی.»
27 او مردأی وأوٚرسه: «تی نأم چیسه؟»
جوأب بٚدأ: «یعقوب.»
28 اونَ بوگفته: «جٚه اَنٚ پٚسی تی نأم دِه یعقوب نییٚه، بلکی ایسرأییلٚ، چونکی خودا و مردومٚ ورجأ تٚرَه قأیم بٚدأشتی و بأش بوبوستی.»
29 یعقوب اونٚ جَا وأوٚرسه: «تی نأم چیسه؟»
او مردأی بوگفته: «چٚره می نأمَ وأوٚرسی؟» او وخت اویَه یعقوبَ برکت بٚدأ.
30 یعقوب بوگفته: «اَیَه من خودایَ روبرو بیدِم ولی هنو زٚنده ایسٚم.» پٚس او جأجیگأیَ فنی‌ئیل (ینی «خودا دیم») نأم بٚنأ.
31 یعقوب آفتأب زِئن وخت رأ دکفته. اون اَنٚ وأسی کی اونٚ رأن ضرب بیدِه بو، فلنگستی. 32 بٚنی ایسرأییل تأ ایمرو عِرق النسأ مأیچه‌یَ کی رأنٚ میأن نٚهأیَ نوخورٚده، چونکی اَ قیسمت جٚه یعقوبٚ رأن بو کی او شبٚ میأن ضرب بیدِه.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Gilaki Contemporary Bible is a Product of Transform Iran © 2024. All rights reserved. www.kelisayejame.org