پیدأیش ۳۰
۳۰
1 راحیل او وخت کی بٚفأمسته نأزأ ایسٚه، خو خأخورٚ اَمرأ حسودی بوکوده. اون یعقوبَ بوگفته: «مٚرَه ایتأ زأی فأدن، وگرنه میرٚم!»
2 یعقوبٚ غیظَ گیفته و بوگفته: «مگه من خودا ایسٚم کی تٚرَه زأی فأدم؟ اونٚ کی تٚرَه نأزأ بوکوده.»
3 راحیل اونَ بوگفته: «می کنیز بلهه اَمرأ بوخوس کی جٚه اون چنتأ زأکٚ صأب بٚبم.» 4 پٚس خو کنیز بِلهه‌یَ یعقوبٚ فأدأ کی اونی زن بٚبه و یعقوب اونٚ اَمرأ بوخوفته. 5 بلهه شکم اوسأده و ایتأ پٚسر یعقوبٚ رِه بٚزأ. 6 راحیل بوگفته: «خودا می دوعأیَ بٚشتأوٚسته و می دأدَ فأرٚسه و هسأ ایتأ پٚسر مٚرَه بٚبخشه»، پٚس اونَ دان (ینی «دأدرسی») نأم بٚنأ. 7 بلهه ایوأردِه شکم اوسأده و دویُمی پٚسرَ یعقوبٚ رِه بٚزأ. 8 راحیل بوگفته: «من می خأخورٚ اَمرأ سخت بٚجنگستم و اونٚ رو بأش بوبوستم»، پٚس اونَ نفتالی نأم بٚنأ.
9 او وخت کی لیه بیدِه کی دِه شکم اونسأنِه، خو کنیز زلفه‌یَ یعقوبَ فأدأ. 10 زلفه یعقوبٚ رِه ایتأ پٚسر بٚزأ. 11 لیه بوگفته: «خوشبختی بأمؤ می ور»، پٚس اونَ جاد نأم بٚنأ. 12 بأزون زلفه دویُمی پٚسرَ یعقوبٚ رِه بٚزأ. 13 لیه بوگفته: «چندر خوشأل ایسٚم! هسأ زنأکأن مٚرَه ایتأ خوشألٚ زنأی دأنٚده.» پٚس اونَ اَشیر نأم بٚنأ.
14 ایتأ روج گندم دیبینی وخت، رئوبین ایپچه مِهرگیاه بیأفته کی ایتأ کیشأورزی زیمینٚ میأن بوجؤر بأمؤ بو، و اونَ خو مأر لیه رِه بأوٚرد. راحیل جٚه لیه خأهیش بوکوده کی ایپچه جٚه اونَ مٚرَه فأدن. 15 ولی لیه اونَ جوأب بٚدأ: «وٚست نییٚه کی می مردأکَ جٚه می دٚس فأگیفتی، هسأ خأیی می پٚسرٚ مهرگیأیَم می جَا فأگیری؟» راحیل بوگفته: «اگه تی پٚسرٚ مهرگیأیَ مٚرَه فأدی، منم وئألم ایمشب یعقوبٚ اَمرأ بوخوسی.»
16 او روج غروب دٚم کی یعقوب جٚه بیأبأن وأگردسته، لیه بوشؤ اونٚ پیشوأز و بوگفته: «ایمشب وأستی می اَمرأ بوخوسی، چونکی تٚرَه او مهرگیأه عوض کی می پٚسر بیأفته، اجیر بوکودم!» پٚس یعقوب او شب اونٚ اَمرأ بوخوفت. 17 خودا اونٚ دوعأیأنَ ایجأبت بوکوده و اون شکم اوسأده، خو پنجومی پٚسرَ بٚزأ. 18 لیه بوگفته: «چونکی می کنیزَ می مردَ فأدأم، خودا مٚرَه پأدأش فأدأ.» پٚس اونَ یساکار (ینی پأدأش) نأم بٚنأ. 19 اون ایوأردِه شکم اوسأده، شیشومی پٚسرَ یعقوبٚ رِه بٚزأ 20 و بوگفته: «خودا مٚرَه ایتأ خورومٚ پیشکش فأدأ. جٚه اَنٚ پٚسی می مردأی مٚرَه ایحترأم کونِه، چونکی اونی رِه شیش‌تأ پٚسر بٚزأم.» پٚس اونَ زبولون (ینی «ایحترأم») نأم بٚنأ. 21 ایتأ زمأتٚ پٚسی ایتأ دؤختر بٚزأ و اونَ دینه نأم بٚنأ.
22 بأزون خودا راحیلَ خأطر بأوٚرد و اونٚ دوعأیَ ایجأبت بوکوده، ایتأ زأی اونَ بٚبخشه. 23 اون شکم اوسأده ایتأ پٚسر بٚزأ و بوگفته: «خودا اَ ایسم بدنأمی‌یَ می جَا اوسأده.» 24 بأزون بوگفته: «اَی کأش خوداوند ایوأردِه ایتأ پٚسر مٚرَه فأده!» پٚس اونَ یوسف نأم بٚنأ.
یعقوب و لابانٚ موعأمله
25 جٚه اونٚ پٚسی کی راحیل یوسفَ بٚزأ، یعقوب لابانَ بوگفته: «خأیٚم وأگردم می وطن. 26 وئأل می زنأکأن و می زأکأنَ اوسأنم و می اَمرأ بٚبرم، چونکی دأنی او خیدمتٚ اَمرأ کی تٚرَه بوکودم اوشأنٚ بهأیَ تومأم و کمأل تٚرَه فأدأم.» 27 لابان اونَ بوگفته: «خأهیش کونٚم مٚرَه گوش بٚدٚن، خوداوند تی وأسی مٚرَه برکت بٚدأ. 28 هرچی موزد بٚخأیی تٚرَه فأدم.»
29 یعقوب جوأب بٚدأ: «خُب دأنی کی اَ سالأن کی بوگذشته چوطؤ وفأ اَمرأ تٚرَه خیدمت بوکودم و چوطؤ تی گلّه‌یأنٚ جَا مورأقبت بوکودم. 30 پیشتر جٚه اَنکی بأیٚم تی ورجأ، اوندر گلّه و رمه نأشتی ولی هسأ تی مأل و مینأل بی‌حدٚحیسأب زیأدَ بوسته. خوداوند می وأسی تٚرَه همه جوره برکت بٚدأ. ولی من اَسه وأستی می خأنوأرٚ فیکر بٚبم و اوشأنٚ رِه تهیه بیدینٚم.»
31 لابان ایوأردِه وأوٚرسِه: «چندر موزد خأیی؟» یعقوب جوأب بٚدأ: «لأزیم نییٚه مٚرَه هیچی فأدی. فقد اَ ایتأ کأرَ مِرِه بوکون و من ایوأردِه جٚه تی گلّه‌یأن مورأقبت کونٚم. 32 وئأل ایمرو بٚشٚم تی گلّه‌یأنٚ میأن و تومأمٚ اَبلق و خألدأرٚ گوسوٚندأن و تومأمٚ سیأ بٚرّه‌یأن و همٚتأ اَبلق و خألدأرٚ بوزأنَ می موزدٚ عوض سیوأ بوکونٚم. اَشأن می موزد بٚده. 33 جٚه اونٚ پٚسی، اگه حتّا ایتأ سیفیدٚ بوز یا گوسوٚند می گلّه میأن بیأفتی، بٚدأن کی من اونَ تی جَا بودوزأنِم.»
34 لابان بوگفته: «اونچی‌یَ کی بوگفتی قوبیل کونٚم.»
35 پٚس هو روج لابان تومأمٚ نرٚ بوزأنَ کی خط و خأل دأشتیدی و مأده بوزأنَ کی اَبلق و خألدأر بود و تومأمٚ سیأه بٚرّه‌یأنَ سیوأ بوکود و خو پٚسرأنَ بیسپأرده. 36 او وخت اوشأنَ سه روج رأ اَندر جٚه یعقوب دورَ کوده. اَنٚم بٚگم، یعقوب خودش اویَه بِئیسأ کی لابانٚ بأقی گلّه‌یَ چرأ بٚده.
37 او وخت یعقوب بأدأم و ویدأر و چنأرٚ دأرأنَ سبز و تأزه خألأنَ بٚکنده و سیفیدٚ خط اوشأنٚ رو بٚتأشته. 38 اَ چوبأنَ آبشخؤرٚ ورجأ بٚنأ تأ او وخت کی گلّه‌یأن آب وأخوردنٚ وأسی اَیٚده، اوشأنَ بیدینٚد. او وخت کی گلّه‌یأن آب وأخوردنٚ وأسی اَمؤییدی و خأستیدی جوفتگیری بوکونٚد، 39 او چوبأنٚ جولو کس‌کسٚ اَمرأ جوفتگیری کودیدی و او بٚرّه‌یأنَ کی زأئیدی خط و خألدأر و اَبلق بود. 40 یعقوب، اَ بٚرّه‌یأنَ جٚه لابانٚ گلّه سیوأ کودی و خو گلّه‌یَ ایضأفَه کودی. اَطؤیی اون لابانٚ گلّه اَمرأ، خو گلّه‌یَ پیلّه کودی. 41 اَطؤیم هر وخت پورقوّتٚ مأده حیوأنأن خأستیدی جوفتگیری بوکونٚد، یعقوب چوبأنَ آبشخؤرٚ دورون اوشأنٚ جولو نأیی کی اوشأنٚ ورجأ جوفتگیری بوکونٚد. 42 ولی اگه حیوأنأن ضعیف بود، چوبأنَ اویَه نٚنأیی. هنٚ وأسی ضعیفٚ حیوأنأن لابانٚ شین و پورقوّتٚ حیوأنأن یعقوبٚ شین بوستیدی. 43 اَطؤیی یعقوب خٚیلی مأل و مینألدأر بوبوسته و کنیزأن و غولأمأن و پیلّه گلّه‌یأن، شوتورأن و اولأغأنٚ فرأوأنٚ صأب بوبوسته.
Currently Selected:
پیدأیش ۳۰: GCB
Highlight
Share
Copy
Want to have your highlights saved across all your devices? Sign up or sign in
The Gilaki Contemporary Bible is a Product of Transform Iran © 2024. All rights reserved. www.kelisayejame.org
پیدأیش ۳۰
۳۰
1 راحیل او وخت کی بٚفأمسته نأزأ ایسٚه، خو خأخورٚ اَمرأ حسودی بوکوده. اون یعقوبَ بوگفته: «مٚرَه ایتأ زأی فأدن، وگرنه میرٚم!»
2 یعقوبٚ غیظَ گیفته و بوگفته: «مگه من خودا ایسٚم کی تٚرَه زأی فأدم؟ اونٚ کی تٚرَه نأزأ بوکوده.»
3 راحیل اونَ بوگفته: «می کنیز بلهه اَمرأ بوخوس کی جٚه اون چنتأ زأکٚ صأب بٚبم.» 4 پٚس خو کنیز بِلهه‌یَ یعقوبٚ فأدأ کی اونی زن بٚبه و یعقوب اونٚ اَمرأ بوخوفته. 5 بلهه شکم اوسأده و ایتأ پٚسر یعقوبٚ رِه بٚزأ. 6 راحیل بوگفته: «خودا می دوعأیَ بٚشتأوٚسته و می دأدَ فأرٚسه و هسأ ایتأ پٚسر مٚرَه بٚبخشه»، پٚس اونَ دان (ینی «دأدرسی») نأم بٚنأ. 7 بلهه ایوأردِه شکم اوسأده و دویُمی پٚسرَ یعقوبٚ رِه بٚزأ. 8 راحیل بوگفته: «من می خأخورٚ اَمرأ سخت بٚجنگستم و اونٚ رو بأش بوبوستم»، پٚس اونَ نفتالی نأم بٚنأ.
9 او وخت کی لیه بیدِه کی دِه شکم اونسأنِه، خو کنیز زلفه‌یَ یعقوبَ فأدأ. 10 زلفه یعقوبٚ رِه ایتأ پٚسر بٚزأ. 11 لیه بوگفته: «خوشبختی بأمؤ می ور»، پٚس اونَ جاد نأم بٚنأ. 12 بأزون زلفه دویُمی پٚسرَ یعقوبٚ رِه بٚزأ. 13 لیه بوگفته: «چندر خوشأل ایسٚم! هسأ زنأکأن مٚرَه ایتأ خوشألٚ زنأی دأنٚده.» پٚس اونَ اَشیر نأم بٚنأ.
14 ایتأ روج گندم دیبینی وخت، رئوبین ایپچه مِهرگیاه بیأفته کی ایتأ کیشأورزی زیمینٚ میأن بوجؤر بأمؤ بو، و اونَ خو مأر لیه رِه بأوٚرد. راحیل جٚه لیه خأهیش بوکوده کی ایپچه جٚه اونَ مٚرَه فأدن. 15 ولی لیه اونَ جوأب بٚدأ: «وٚست نییٚه کی می مردأکَ جٚه می دٚس فأگیفتی، هسأ خأیی می پٚسرٚ مهرگیأیَم می جَا فأگیری؟» راحیل بوگفته: «اگه تی پٚسرٚ مهرگیأیَ مٚرَه فأدی، منم وئألم ایمشب یعقوبٚ اَمرأ بوخوسی.»
16 او روج غروب دٚم کی یعقوب جٚه بیأبأن وأگردسته، لیه بوشؤ اونٚ پیشوأز و بوگفته: «ایمشب وأستی می اَمرأ بوخوسی، چونکی تٚرَه او مهرگیأه عوض کی می پٚسر بیأفته، اجیر بوکودم!» پٚس یعقوب او شب اونٚ اَمرأ بوخوفت. 17 خودا اونٚ دوعأیأنَ ایجأبت بوکوده و اون شکم اوسأده، خو پنجومی پٚسرَ بٚزأ. 18 لیه بوگفته: «چونکی می کنیزَ می مردَ فأدأم، خودا مٚرَه پأدأش فأدأ.» پٚس اونَ یساکار (ینی پأدأش) نأم بٚنأ. 19 اون ایوأردِه شکم اوسأده، شیشومی پٚسرَ یعقوبٚ رِه بٚزأ 20 و بوگفته: «خودا مٚرَه ایتأ خورومٚ پیشکش فأدأ. جٚه اَنٚ پٚسی می مردأی مٚرَه ایحترأم کونِه، چونکی اونی رِه شیش‌تأ پٚسر بٚزأم.» پٚس اونَ زبولون (ینی «ایحترأم») نأم بٚنأ. 21 ایتأ زمأتٚ پٚسی ایتأ دؤختر بٚزأ و اونَ دینه نأم بٚنأ.
22 بأزون خودا راحیلَ خأطر بأوٚرد و اونٚ دوعأیَ ایجأبت بوکوده، ایتأ زأی اونَ بٚبخشه. 23 اون شکم اوسأده ایتأ پٚسر بٚزأ و بوگفته: «خودا اَ ایسم بدنأمی‌یَ می جَا اوسأده.» 24 بأزون بوگفته: «اَی کأش خوداوند ایوأردِه ایتأ پٚسر مٚرَه فأده!» پٚس اونَ یوسف نأم بٚنأ.
یعقوب و لابانٚ موعأمله
25 جٚه اونٚ پٚسی کی راحیل یوسفَ بٚزأ، یعقوب لابانَ بوگفته: «خأیٚم وأگردم می وطن. 26 وئأل می زنأکأن و می زأکأنَ اوسأنم و می اَمرأ بٚبرم، چونکی دأنی او خیدمتٚ اَمرأ کی تٚرَه بوکودم اوشأنٚ بهأیَ تومأم و کمأل تٚرَه فأدأم.» 27 لابان اونَ بوگفته: «خأهیش کونٚم مٚرَه گوش بٚدٚن، خوداوند تی وأسی مٚرَه برکت بٚدأ. 28 هرچی موزد بٚخأیی تٚرَه فأدم.»
29 یعقوب جوأب بٚدأ: «خُب دأنی کی اَ سالأن کی بوگذشته چوطؤ وفأ اَمرأ تٚرَه خیدمت بوکودم و چوطؤ تی گلّه‌یأنٚ جَا مورأقبت بوکودم. 30 پیشتر جٚه اَنکی بأیٚم تی ورجأ، اوندر گلّه و رمه نأشتی ولی هسأ تی مأل و مینأل بی‌حدٚحیسأب زیأدَ بوسته. خوداوند می وأسی تٚرَه همه جوره برکت بٚدأ. ولی من اَسه وأستی می خأنوأرٚ فیکر بٚبم و اوشأنٚ رِه تهیه بیدینٚم.»
31 لابان ایوأردِه وأوٚرسِه: «چندر موزد خأیی؟» یعقوب جوأب بٚدأ: «لأزیم نییٚه مٚرَه هیچی فأدی. فقد اَ ایتأ کأرَ مِرِه بوکون و من ایوأردِه جٚه تی گلّه‌یأن مورأقبت کونٚم. 32 وئأل ایمرو بٚشٚم تی گلّه‌یأنٚ میأن و تومأمٚ اَبلق و خألدأرٚ گوسوٚندأن و تومأمٚ سیأ بٚرّه‌یأن و همٚتأ اَبلق و خألدأرٚ بوزأنَ می موزدٚ عوض سیوأ بوکونٚم. اَشأن می موزد بٚده. 33 جٚه اونٚ پٚسی، اگه حتّا ایتأ سیفیدٚ بوز یا گوسوٚند می گلّه میأن بیأفتی، بٚدأن کی من اونَ تی جَا بودوزأنِم.»
34 لابان بوگفته: «اونچی‌یَ کی بوگفتی قوبیل کونٚم.»
35 پٚس هو روج لابان تومأمٚ نرٚ بوزأنَ کی خط و خأل دأشتیدی و مأده بوزأنَ کی اَبلق و خألدأر بود و تومأمٚ سیأه بٚرّه‌یأنَ سیوأ بوکود و خو پٚسرأنَ بیسپأرده. 36 او وخت اوشأنَ سه روج رأ اَندر جٚه یعقوب دورَ کوده. اَنٚم بٚگم، یعقوب خودش اویَه بِئیسأ کی لابانٚ بأقی گلّه‌یَ چرأ بٚده.
37 او وخت یعقوب بأدأم و ویدأر و چنأرٚ دأرأنَ سبز و تأزه خألأنَ بٚکنده و سیفیدٚ خط اوشأنٚ رو بٚتأشته. 38 اَ چوبأنَ آبشخؤرٚ ورجأ بٚنأ تأ او وخت کی گلّه‌یأن آب وأخوردنٚ وأسی اَیٚده، اوشأنَ بیدینٚد. او وخت کی گلّه‌یأن آب وأخوردنٚ وأسی اَمؤییدی و خأستیدی جوفتگیری بوکونٚد، 39 او چوبأنٚ جولو کس‌کسٚ اَمرأ جوفتگیری کودیدی و او بٚرّه‌یأنَ کی زأئیدی خط و خألدأر و اَبلق بود. 40 یعقوب، اَ بٚرّه‌یأنَ جٚه لابانٚ گلّه سیوأ کودی و خو گلّه‌یَ ایضأفَه کودی. اَطؤیی اون لابانٚ گلّه اَمرأ، خو گلّه‌یَ پیلّه کودی. 41 اَطؤیم هر وخت پورقوّتٚ مأده حیوأنأن خأستیدی جوفتگیری بوکونٚد، یعقوب چوبأنَ آبشخؤرٚ دورون اوشأنٚ جولو نأیی کی اوشأنٚ ورجأ جوفتگیری بوکونٚد. 42 ولی اگه حیوأنأن ضعیف بود، چوبأنَ اویَه نٚنأیی. هنٚ وأسی ضعیفٚ حیوأنأن لابانٚ شین و پورقوّتٚ حیوأنأن یعقوبٚ شین بوستیدی. 43 اَطؤیی یعقوب خٚیلی مأل و مینألدأر بوبوسته و کنیزأن و غولأمأن و پیلّه گلّه‌یأن، شوتورأن و اولأغأنٚ فرأوأنٚ صأب بوبوسته.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Gilaki Contemporary Bible is a Product of Transform Iran © 2024. All rights reserved. www.kelisayejame.org