پیدأیش ۲۹
۲۹
یعقوب فأرٚسه فَدّان‌اَرامٚ میأن
1 یعقوب خو سٚفرَ ایدأمه بٚدأ تأ مشرقٚ مردومٚ سرزیمینَ فأرٚسِه. 2 بیأبأنٚ دورون ایتأ چأه بیدِه کی سه‌تأ گوسوٚندٚ گلّه اونٚ ورجأ خوفته بود، چونکی جٚه او چأه، گلّه‌یأنَ آب فأدأییدی. ولی ایتأ پیله سنگ چأه دهنه سٚر نٚهأ بو. 3 رسم اَطؤ بو، او وخت کی همٚتأ گلّه‌یأن جمَ بوستیدی، او سنگَ جٚه چأه سٚر اوسأدیدی و اونٚ پٚسی کی گلّه‌یأنَ جٚه آب سِئرَ کودیدی، ایوأردِه سنگَ گٚرأ دٚئیدی چأه سٚر. 4 یعقوب بوشؤ چوپأنأنٚ ورجأ و اوشأنٚ جَا وأوٚرسِه کی کویَه شین ایسٚد. بوگفتد جٚه حران ایسٚد. 5 اَشأنَ بوگفته: «ینی لابان ناحورٚ نوه‌یَ شنأسیدی؟» بوگفتد: «دوروسته، اونَ شنأسیمی.»
6 یعقوب وأوٚرسِه: «اونٚ حأل خُب ایسٚه؟» بوگفتد: «بله، اونٚ حأل خُب ایسٚه. هسأ اونٚ دؤختر راحیلم خو گلّه اَمرأ اَیِه.»
7 یعقوب بوگفته: «هنو غروبٚ رِه خٚیلی بمأنسته. چٚره گوسوٚندأنَ آب فأندیدی کی ایوأردِه بٚشٚد چرأ بوکونٚد؟»
8 جوأب بٚدأده: «تأ همٚتأ گلّه‌یأن چأه سٚر نأیٚد اَمأن نتأنیمی سنگَ اوسأنیم و اَمی گلّه‌یأنَ جٚه آب سِئرَ کونیم.»
9 اَ گب زِئن ایدأمه دأشتی، راحیل خو پِئرٚ گلّه اَمرأ فأرٚسه، چونکی اونم چوپأن بو. 10 او وخت کی یعقوب راحیل، خو دأیی دؤخترَ بیدِه کی لابانٚ گلّه اَمرأ اَمؤندره، سنگَ جٚه چأه سٚر اوسأده و اونٚ گلّه‌یَ جٚه آب سِئرَ کوده. 11 بأزون یعقوب، راحیلَ مأچی بٚدأ، بولندٚ صدا اَمرأ گریه‌یَ سٚربیگیفته! 12 یعقوب خؤرِه معرفی بوکوده و بوگفته کی اونٚ پِئرٚ قوم و خیش و ربکا پٚسر ایسٚه. راحیل هطؤ کی اونٚ گبأنَ بٚشتأوٚسته، بودؤوسته بوشؤ خأنه ور و خو پِئرَ وأخٚوٚرَ کوده. 13 او وخت کی لابان خو خأخورزأ اَمؤنٚ خٚوٚرَ بٚشتأوٚسته بوشؤ اونٚ پیشوأزٚ رِه و اونَ کشأ گیفته، مأچی بٚدأ و بأوٚرده خو خأنه. بأزون یعقوب خو مأجیرأیَ اونٚ رِه بوگفت. 14 لابان اونَ بوگفته: «تو جٚه می گوشت و اوستخأن ایسی!»
یعقوب، لیه و راحیل اَمرأ عروسی کونِه
یک مأهٚ جٚه یعقوبٚ اَمؤنٚ پٚسی، 15 لابان اونَ بوگفته: «تو نوأستی اَنٚ وأسی کی می فکٚ فأمیل ایسی مِرِه مرجأنی کأر بوکونی. بوگو چندر موزد تٚرَه فأدم؟» 16 لابان دوتأ دؤختر دأشتی کی پیله دؤخترٚ نأم لیه و کوجه دؤخترٚ نأم راحیل بو. 17 لیه چومأن ضعیف بو، ولی راحیل قشنگ و یک شوشه بو. 18 یعقوب راحیلَ عأشقَ بوسته بو. پٚس لابانَ بوگفته: «اگه راحیل، تی کوجه دؤخترَ مٚرَه فأدی، هفت سأل تِرِه کأر کونٚم.»
19 لابان جوأب بٚدأ: «قوبیل کونٚم. می دیل خأیه کی می دؤخترَ تٚرَه کی جٚه می فکٚ فأمیل ایسی فأدم تأ ایتأ بیگأنه‌یَ.»
20 یعقوب راحیلٚ اَمرأ عروسی کودن وأسی هفت سأل لابانٚ رِه کأر بوکوده، ولی اوندر راحیلَ دوس دأشتی کی اَ سالأن اونٚ چومٚ دورون چن روج بأمؤ.
21 او وخت یعقوب لابانَ بوگفته: «اَمی قول و قرأرٚ زمأت تومأنَ بوسته و اونٚ وخت فأرٚسه کی راحیلَ مٚرَه فأدی.»
22 لابان تومأمٚ اویَه مردومَ دعوت بوکوده ایتأ میهمأنی بٚدأ. 23 او وخت کی هوا تأریکَ بوسته، لابان خو دؤختر لیه‌یَ اوسه کوده حجله دورون و یعقوب اونٚ اَمرأ بوخوفت. 24 لابان ایتأ کنیز زولفه نأم لیه‌یَ فأدأ کی اونَ خیدمت بوکونه. 25 ولی فردأیی صُب، یعقوب راحیلٚ عوض، لیه‌یَ خو حجله دورون بیأفته. پٚس بوشؤ، لابانَ بوگفته: «اَن چی کأر بو کی می اَمرأ بوکودی؟ من هفت سأل تِرِه کأر بوکودم کی راحیلَ مٚرَه فأدی. چٚره مٚرَه گول بٚزِیی؟»
26 لابان جوأب بٚدأ: «اَمی رسم اَن نییٚه کی کوجه دؤخترَ زوتر جٚه پیله دؤختر مردَ دیم. 27 صبر بٚدأر کی لیه عروسی هفته رٚدَ بٚه، بأزون راحیلٚ اَمرأیٚم عروسی بوکون، اَ شرطٚ اَمرأ کی قول بٚدی هفت سأل دِه مِرِه کأر بوکونی.»
28 یعقوب قوبیل بوکوده و لابان اونٚ پٚسی کی لیه عروسی هفته تومأنَ بوسته، خو کوجه دؤختر راحیلم یعقوبَ فأدأ. 29 لابان ایتأ کنیز بلهه نأم راحیلَ فأدأ کی اونَ خیدمت بوکونه. 30 یعقوب راحیل اَمرأیم بوخوفته و اونَ ویشتر جٚه لیه دوس دأشتی و اونٚ وأسی لابانٚ رِه هفت سأل دِه کأر بوکوده.
یعقوبٚ زأکأن
31 او وخت کی خودا بیدِه کی یعقوب لیه‌یَ دوس نأره، لیه‌یَ لوطف بوکوده و اون زأی دأر بوبوسته، ولی راحیل نأزأ بمأنسته. 32 او وخت لیه شکم اوسأده و ایتأ پٚسر بٚزأ. اون بوگفته: «خوداوند می بدبختی‌یَ بیدِه و جٚه اَنٚ پٚسی می مردأی مٚرَه دوس دأره.» پٚس اونَ رئوبین نأم بٚنأ. 33 اون ایوأردِه شکم اوسأده، ایتأ پٚسر بودونیأ بأوٚرده و اونَ شمعون نأم بٚنأ، چونکی بوگفته: «خوداوند بٚشتأوٚسته کی مٚرَه هیذره محبت نوکودد و ایتأ دِه پٚسر مٚرَه فأدأ.» 34 لیه ایوأردِه شکم اوسأده و ایتأ پٚسر بودونیأ بأوٚرٚد و اونَ لاوی نأم بٚنأ، چونکی بوگفته: «هسأ حتم دأرم می مردأی مٚرَه دیل دٚوٚده، چونکی اَن سیومی پٚسر ایسٚه کی اونٚ رِه بودونیأ بأوٚردم.» 35 ایوأردِه شکم اوسأده و ایتأ پٚسر بودونیأ بأوٚرده و اونَ یوهودأ نأم بٚنأ، چونکی بوگفته: «اَیدفأرِه خوداوندَ ستأیٚش کونٚم.» او وخت لیه جٚه زأئأن بِئیسأ.
Currently Selected:
پیدأیش ۲۹: GCB
Highlight
Share
Copy
Want to have your highlights saved across all your devices? Sign up or sign in
The Gilaki Contemporary Bible is a Product of Transform Iran © 2024. All rights reserved. www.kelisayejame.org
پیدأیش ۲۹
۲۹
یعقوب فأرٚسه فَدّان‌اَرامٚ میأن
1 یعقوب خو سٚفرَ ایدأمه بٚدأ تأ مشرقٚ مردومٚ سرزیمینَ فأرٚسِه. 2 بیأبأنٚ دورون ایتأ چأه بیدِه کی سه‌تأ گوسوٚندٚ گلّه اونٚ ورجأ خوفته بود، چونکی جٚه او چأه، گلّه‌یأنَ آب فأدأییدی. ولی ایتأ پیله سنگ چأه دهنه سٚر نٚهأ بو. 3 رسم اَطؤ بو، او وخت کی همٚتأ گلّه‌یأن جمَ بوستیدی، او سنگَ جٚه چأه سٚر اوسأدیدی و اونٚ پٚسی کی گلّه‌یأنَ جٚه آب سِئرَ کودیدی، ایوأردِه سنگَ گٚرأ دٚئیدی چأه سٚر. 4 یعقوب بوشؤ چوپأنأنٚ ورجأ و اوشأنٚ جَا وأوٚرسِه کی کویَه شین ایسٚد. بوگفتد جٚه حران ایسٚد. 5 اَشأنَ بوگفته: «ینی لابان ناحورٚ نوه‌یَ شنأسیدی؟» بوگفتد: «دوروسته، اونَ شنأسیمی.»
6 یعقوب وأوٚرسِه: «اونٚ حأل خُب ایسٚه؟» بوگفتد: «بله، اونٚ حأل خُب ایسٚه. هسأ اونٚ دؤختر راحیلم خو گلّه اَمرأ اَیِه.»
7 یعقوب بوگفته: «هنو غروبٚ رِه خٚیلی بمأنسته. چٚره گوسوٚندأنَ آب فأندیدی کی ایوأردِه بٚشٚد چرأ بوکونٚد؟»
8 جوأب بٚدأده: «تأ همٚتأ گلّه‌یأن چأه سٚر نأیٚد اَمأن نتأنیمی سنگَ اوسأنیم و اَمی گلّه‌یأنَ جٚه آب سِئرَ کونیم.»
9 اَ گب زِئن ایدأمه دأشتی، راحیل خو پِئرٚ گلّه اَمرأ فأرٚسه، چونکی اونم چوپأن بو. 10 او وخت کی یعقوب راحیل، خو دأیی دؤخترَ بیدِه کی لابانٚ گلّه اَمرأ اَمؤندره، سنگَ جٚه چأه سٚر اوسأده و اونٚ گلّه‌یَ جٚه آب سِئرَ کوده. 11 بأزون یعقوب، راحیلَ مأچی بٚدأ، بولندٚ صدا اَمرأ گریه‌یَ سٚربیگیفته! 12 یعقوب خؤرِه معرفی بوکوده و بوگفته کی اونٚ پِئرٚ قوم و خیش و ربکا پٚسر ایسٚه. راحیل هطؤ کی اونٚ گبأنَ بٚشتأوٚسته، بودؤوسته بوشؤ خأنه ور و خو پِئرَ وأخٚوٚرَ کوده. 13 او وخت کی لابان خو خأخورزأ اَمؤنٚ خٚوٚرَ بٚشتأوٚسته بوشؤ اونٚ پیشوأزٚ رِه و اونَ کشأ گیفته، مأچی بٚدأ و بأوٚرده خو خأنه. بأزون یعقوب خو مأجیرأیَ اونٚ رِه بوگفت. 14 لابان اونَ بوگفته: «تو جٚه می گوشت و اوستخأن ایسی!»
یعقوب، لیه و راحیل اَمرأ عروسی کونِه
یک مأهٚ جٚه یعقوبٚ اَمؤنٚ پٚسی، 15 لابان اونَ بوگفته: «تو نوأستی اَنٚ وأسی کی می فکٚ فأمیل ایسی مِرِه مرجأنی کأر بوکونی. بوگو چندر موزد تٚرَه فأدم؟» 16 لابان دوتأ دؤختر دأشتی کی پیله دؤخترٚ نأم لیه و کوجه دؤخترٚ نأم راحیل بو. 17 لیه چومأن ضعیف بو، ولی راحیل قشنگ و یک شوشه بو. 18 یعقوب راحیلَ عأشقَ بوسته بو. پٚس لابانَ بوگفته: «اگه راحیل، تی کوجه دؤخترَ مٚرَه فأدی، هفت سأل تِرِه کأر کونٚم.»
19 لابان جوأب بٚدأ: «قوبیل کونٚم. می دیل خأیه کی می دؤخترَ تٚرَه کی جٚه می فکٚ فأمیل ایسی فأدم تأ ایتأ بیگأنه‌یَ.»
20 یعقوب راحیلٚ اَمرأ عروسی کودن وأسی هفت سأل لابانٚ رِه کأر بوکوده، ولی اوندر راحیلَ دوس دأشتی کی اَ سالأن اونٚ چومٚ دورون چن روج بأمؤ.
21 او وخت یعقوب لابانَ بوگفته: «اَمی قول و قرأرٚ زمأت تومأنَ بوسته و اونٚ وخت فأرٚسه کی راحیلَ مٚرَه فأدی.»
22 لابان تومأمٚ اویَه مردومَ دعوت بوکوده ایتأ میهمأنی بٚدأ. 23 او وخت کی هوا تأریکَ بوسته، لابان خو دؤختر لیه‌یَ اوسه کوده حجله دورون و یعقوب اونٚ اَمرأ بوخوفت. 24 لابان ایتأ کنیز زولفه نأم لیه‌یَ فأدأ کی اونَ خیدمت بوکونه. 25 ولی فردأیی صُب، یعقوب راحیلٚ عوض، لیه‌یَ خو حجله دورون بیأفته. پٚس بوشؤ، لابانَ بوگفته: «اَن چی کأر بو کی می اَمرأ بوکودی؟ من هفت سأل تِرِه کأر بوکودم کی راحیلَ مٚرَه فأدی. چٚره مٚرَه گول بٚزِیی؟»
26 لابان جوأب بٚدأ: «اَمی رسم اَن نییٚه کی کوجه دؤخترَ زوتر جٚه پیله دؤختر مردَ دیم. 27 صبر بٚدأر کی لیه عروسی هفته رٚدَ بٚه، بأزون راحیلٚ اَمرأیٚم عروسی بوکون، اَ شرطٚ اَمرأ کی قول بٚدی هفت سأل دِه مِرِه کأر بوکونی.»
28 یعقوب قوبیل بوکوده و لابان اونٚ پٚسی کی لیه عروسی هفته تومأنَ بوسته، خو کوجه دؤختر راحیلم یعقوبَ فأدأ. 29 لابان ایتأ کنیز بلهه نأم راحیلَ فأدأ کی اونَ خیدمت بوکونه. 30 یعقوب راحیل اَمرأیم بوخوفته و اونَ ویشتر جٚه لیه دوس دأشتی و اونٚ وأسی لابانٚ رِه هفت سأل دِه کأر بوکوده.
یعقوبٚ زأکأن
31 او وخت کی خودا بیدِه کی یعقوب لیه‌یَ دوس نأره، لیه‌یَ لوطف بوکوده و اون زأی دأر بوبوسته، ولی راحیل نأزأ بمأنسته. 32 او وخت لیه شکم اوسأده و ایتأ پٚسر بٚزأ. اون بوگفته: «خوداوند می بدبختی‌یَ بیدِه و جٚه اَنٚ پٚسی می مردأی مٚرَه دوس دأره.» پٚس اونَ رئوبین نأم بٚنأ. 33 اون ایوأردِه شکم اوسأده، ایتأ پٚسر بودونیأ بأوٚرده و اونَ شمعون نأم بٚنأ، چونکی بوگفته: «خوداوند بٚشتأوٚسته کی مٚرَه هیذره محبت نوکودد و ایتأ دِه پٚسر مٚرَه فأدأ.» 34 لیه ایوأردِه شکم اوسأده و ایتأ پٚسر بودونیأ بأوٚرٚد و اونَ لاوی نأم بٚنأ، چونکی بوگفته: «هسأ حتم دأرم می مردأی مٚرَه دیل دٚوٚده، چونکی اَن سیومی پٚسر ایسٚه کی اونٚ رِه بودونیأ بأوٚردم.» 35 ایوأردِه شکم اوسأده و ایتأ پٚسر بودونیأ بأوٚرده و اونَ یوهودأ نأم بٚنأ، چونکی بوگفته: «اَیدفأرِه خوداوندَ ستأیٚش کونٚم.» او وخت لیه جٚه زأئأن بِئیسأ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Gilaki Contemporary Bible is a Product of Transform Iran © 2024. All rights reserved. www.kelisayejame.org