خروج ۳۵
۳۵
شَبّأت روجٚ قأنونأن
1 موسا تومأمٚ ایسرأییلٚ مردومَ خو دؤر جمَ کوده و اَشأنَ بوگفته: «اَن ایسٚه او دستورأن کی خوداوند شٚمٚره فأدأ کی اونٚ جَا ایطأعت بوکونید: 2 فقد شیش روج کأر بوکونید و هفتومی روجٚ میأن کی خوداوندٚ موقدسٚ روج ایسٚه ایسترأحت و عیبأدت بوکونید. وأستی بوکوشته بٚبه هرتأ آدم کی هفتومی روجٚ میأن کأر بوکونه. 3 حتّا او روجٚ میأن شیمی خأنه میأن آتشٚم روشنَ نوکونید.»
مولأقأتٚ خیمه رِه پیشکشی
4 بأزون موسا ایسرأییلٚ مردومَ بوگفته: «کی خوداوند بٚفرمأسته 5 جٚه اونچی دأرید اونٚ رِه پیشکش بأوٚرید. او پیشکشأن کی دیلٚ جَا خوداوندَ پیشکش کونٚده اَطؤ چی وأستی بٚبه: طلأ، نوقره، مٚفرغ؛ 6 آبی، ارغوأنی و سورخٚ نخأن؛ ریز بأفٚ کتأن؛ بوزٚ پشم؛ 7 قوچٚ پوست کی اونٚ رنگ سورخ بوبوسته و خزٚ پوست؛ اقاقیا چو؛ 8 چرأغأنٚ رِه روغن زیتون؛ مسحٚ روغنٚ چأکودنٚ رِه خوشبو موأد؛ خوشبو بوخور؛ 9 جزع سنگ، کأهینٚ ایفود و سینهپوشٚ رِه قیمتی سنگأن.
عیبأدتٚ خیمه چأکودنٚ قأنونأن
10 «اَی مأهیرٚ اوستأکأرأن شومأن، بأیید و چأکونید، اونچییَ کی خوداوند دستور بٚدأ: 11 عیبأدت خیمه و اونٚ سٚرٚ لأیأن، پولیکأن، خیمه چودٚوٚد، کولونأن، سوتونأن و پأیهیأن؛ 12 عهدٚ صوندوق و اونٚ اَرأ اورأ بردنٚ رِه چوبأن، رحمتٚ تخت، او پرده کی وأستی قدس و قدسالاقدأسَ جٚه هم سیوأ بوکونه؛ 13 میز و اونٚ اَرأ اورأ بردنٚ رِه چوبأن و تومأمٚ اونٚ ظرفأن، حوضورٚ نأن؛ 14 چرأغدأن، چرأغأنٚ اَمرأ و روغن و اونٚ البأقی دمٚدزگأ اَمرأ؛ 15 بوخورٚ مذبح و اونٚ اَرأ اورأ بردنٚ چوبأن، تدهینٚ رِه روغن و خوشبو بوخور؛ خیمه بودورون شؤئؤن جیگأ رِه پرده؛ 16 سوجأنِئنی قوربأنی رِه مذبح، مٚفرغی منقلٚ سولأخ سولأخ بوبوسته مذبحٚ رِه و اونٚ اَرأ اورأ بردنٚ رِه چوبأن و تومأمٚ اونٚ دمٚدزگأ؛ مٚفرغی چأچه و اونٚ پأیه اَمرأ؛ 17 صأرأ دؤرٚ رِه پردهیأن، سوتونأن و اوشأنٚ پأیهیأن، صأرأ بودورون شؤئؤن جیگأ رِه پرده؛ 18 خیمه و خیمه صأرأ مِخأن و اونٚ لأفندأن؛ 19 قدس میأن خیدمتٚ کودنٚ رِه بٚبأفته رختأن ینی او موقدسٚ رخت کأهینٚ هارونٚ شین و اونی پٚسرأنٚ رختأن.»
مردوم پیشکشی تقدیم کونٚده
20 پٚس تومأمٚ ایسرأییلٚ مردوم جٚه موسا ورجأ بوشؤده، 21 ولی اوشأنی کی اَشأنٚ سٚر اَثر بوکوده بو شوق و ذوقٚ اَمرأ وأگردستٚد و پیشکشأن او موقدسٚ رختأن، مولأقأتٚ خیمه و اوچیأن کی لأزیم ایسٚه اونٚ خیدمت کودنٚ رِه، چأکودنٚ وأسی بأوٚردٚد خوشأنٚ اَمرأ کی خوداوندَ پیشکش بوکونٚد. 22 خٚیلی شوق و ذوقٚ اَمرأ مردأکأن و زنأکأن بأمؤده و او جوأهیرأن کی سونجأق، گوشوأره، انگوشتر، گردنبٚند و طلأ جَا البأقی چیأن بوستید خوداوندٚ رِه پیشکش بوکودٚد. 23 ای عیدهیٚم آبی، ارغوأنی و سورخٚ نخأن؛ ریز بأفٚ کتأن؛ بوزٚ پشم؛ قوچٚ سورخ بوبوسته پوست و خزٚ پوستَ بأوٚردٚد. 24 ای عیده دیگهیٚم نوقره و مٚفرغ خوداوندٚ رِه پیشکش بوکودٚد. ای عیدهیٚم خیمه چأکودنٚ رِه اقاقیا چوبَ خوشأنٚ اَمرأ بأوٚردٚد.
25 او زنأکأن کی نخ تأوأنِن و وأفتنٚ کأرٚ میأن اوستأ بود، آبی و ارغوأنی و سورخٚ نخأن و ریز بأفٚ کتأن خوشأنٚ اَمرأ بأوٚردٚد. 26 تومأمٚ او زنأکأن کی دوس دأشتید خوشأنٚ فندٚ جَا ایستفأده بوکونٚد بوزٚ پشمٚ جَا نخ چأکودٚد. 27 قومٚ پیلهکسأن، کأهینٚ ایفود و سینهپوشٚ زینت دٚئنٚ رِه جزع سنگ و البأقی سنگأن کی ارزش دأشتیدی بأوٚردٚد، 28 و هطؤیم روشنأیی رِه عطرأن و روغن و مسحٚ روغن خورومٚ عطرٚ بوخورٚ. 29 اَطؤیی تومأم بنیایسرأییلٚ مردأکأن و زنأکأن کی دوس دأشتید او کأرٚ میأن کی خوداوند موسایَ دستور بٚدأ بو یاور بٚدد، خوشأنٚ پیشکشأنَ خوشألی اَمرأ خوداوندَ تقدیم بوکودٚد.
هنرمندٚ اوستأکأرأن
30 بأزون موسا بنیایسرأییلَ بوگفته: «خوداوند، جٚه یوهودأ طأیفه حورٚ نوه، بِصَلئیلَ (اوری پٚسر) اینتخأب بوکوده 31 و اونَ خو روحٚ جَا پورَ کوده و حیکمت و توأنأیی و مهأرت بٚبخشِه، کی عیبأدتٚ خیمه و تومأمٚ اونٚ دمٚدزگأیَ چأکونٚه. 32 اون طلأ و نوقره و مٚفرغٚ ظرفأنٚ چأکودنٚ میأن، 33 هطؤیم حکأکی و نجأری و جوأهیر چأکودنٚ کأرٚ میأن و هرتأ صنعتٚ میأن اوستأ ایسٚه. 34 خودا اون و اهولیابَ (جٚه دانٚ طأیفه اخیسامکٚ پٚسر) اَ هنرٚ البأقیأنٚ آمؤختنَ ایستعدأد بٚبخشِه. 35 خوداوند اوشأنَ آبی، ارغوأنی و سورخٚ نخأن و ریز بأفٚ کتأنَ طرأز کودنٚ میأن و نقش و نیگأر تأوٚدأنٚ کأرٚ میأن ایتأ مخصوصٚ مهأرت بٚبخشِه. اَشأن مأهیرٚ اوستأکأرأن ایسٚد.»
Currently Selected:
خروج ۳۵: GCB
Highlight
Share
Copy
Want to have your highlights saved across all your devices? Sign up or sign in
The Gilaki Contemporary Bible is a Product of Transform Iran © 2024. All rights reserved. www.kelisayejame.org
خروج ۳۵
۳۵
شَبّأت روجٚ قأنونأن
1 موسا تومأمٚ ایسرأییلٚ مردومَ خو دؤر جمَ کوده و اَشأنَ بوگفته: «اَن ایسٚه او دستورأن کی خوداوند شٚمٚره فأدأ کی اونٚ جَا ایطأعت بوکونید: 2 فقد شیش روج کأر بوکونید و هفتومی روجٚ میأن کی خوداوندٚ موقدسٚ روج ایسٚه ایسترأحت و عیبأدت بوکونید. وأستی بوکوشته بٚبه هرتأ آدم کی هفتومی روجٚ میأن کأر بوکونه. 3 حتّا او روجٚ میأن شیمی خأنه میأن آتشٚم روشنَ نوکونید.»
مولأقأتٚ خیمه رِه پیشکشی
4 بأزون موسا ایسرأییلٚ مردومَ بوگفته: «کی خوداوند بٚفرمأسته 5 جٚه اونچی دأرید اونٚ رِه پیشکش بأوٚرید. او پیشکشأن کی دیلٚ جَا خوداوندَ پیشکش کونٚده اَطؤ چی وأستی بٚبه: طلأ، نوقره، مٚفرغ؛ 6 آبی، ارغوأنی و سورخٚ نخأن؛ ریز بأفٚ کتأن؛ بوزٚ پشم؛ 7 قوچٚ پوست کی اونٚ رنگ سورخ بوبوسته و خزٚ پوست؛ اقاقیا چو؛ 8 چرأغأنٚ رِه روغن زیتون؛ مسحٚ روغنٚ چأکودنٚ رِه خوشبو موأد؛ خوشبو بوخور؛ 9 جزع سنگ، کأهینٚ ایفود و سینهپوشٚ رِه قیمتی سنگأن.
عیبأدتٚ خیمه چأکودنٚ قأنونأن
10 «اَی مأهیرٚ اوستأکأرأن شومأن، بأیید و چأکونید، اونچییَ کی خوداوند دستور بٚدأ: 11 عیبأدت خیمه و اونٚ سٚرٚ لأیأن، پولیکأن، خیمه چودٚوٚد، کولونأن، سوتونأن و پأیهیأن؛ 12 عهدٚ صوندوق و اونٚ اَرأ اورأ بردنٚ رِه چوبأن، رحمتٚ تخت، او پرده کی وأستی قدس و قدسالاقدأسَ جٚه هم سیوأ بوکونه؛ 13 میز و اونٚ اَرأ اورأ بردنٚ رِه چوبأن و تومأمٚ اونٚ ظرفأن، حوضورٚ نأن؛ 14 چرأغدأن، چرأغأنٚ اَمرأ و روغن و اونٚ البأقی دمٚدزگأ اَمرأ؛ 15 بوخورٚ مذبح و اونٚ اَرأ اورأ بردنٚ چوبأن، تدهینٚ رِه روغن و خوشبو بوخور؛ خیمه بودورون شؤئؤن جیگأ رِه پرده؛ 16 سوجأنِئنی قوربأنی رِه مذبح، مٚفرغی منقلٚ سولأخ سولأخ بوبوسته مذبحٚ رِه و اونٚ اَرأ اورأ بردنٚ رِه چوبأن و تومأمٚ اونٚ دمٚدزگأ؛ مٚفرغی چأچه و اونٚ پأیه اَمرأ؛ 17 صأرأ دؤرٚ رِه پردهیأن، سوتونأن و اوشأنٚ پأیهیأن، صأرأ بودورون شؤئؤن جیگأ رِه پرده؛ 18 خیمه و خیمه صأرأ مِخأن و اونٚ لأفندأن؛ 19 قدس میأن خیدمتٚ کودنٚ رِه بٚبأفته رختأن ینی او موقدسٚ رخت کأهینٚ هارونٚ شین و اونی پٚسرأنٚ رختأن.»
مردوم پیشکشی تقدیم کونٚده
20 پٚس تومأمٚ ایسرأییلٚ مردوم جٚه موسا ورجأ بوشؤده، 21 ولی اوشأنی کی اَشأنٚ سٚر اَثر بوکوده بو شوق و ذوقٚ اَمرأ وأگردستٚد و پیشکشأن او موقدسٚ رختأن، مولأقأتٚ خیمه و اوچیأن کی لأزیم ایسٚه اونٚ خیدمت کودنٚ رِه، چأکودنٚ وأسی بأوٚردٚد خوشأنٚ اَمرأ کی خوداوندَ پیشکش بوکونٚد. 22 خٚیلی شوق و ذوقٚ اَمرأ مردأکأن و زنأکأن بأمؤده و او جوأهیرأن کی سونجأق، گوشوأره، انگوشتر، گردنبٚند و طلأ جَا البأقی چیأن بوستید خوداوندٚ رِه پیشکش بوکودٚد. 23 ای عیدهیٚم آبی، ارغوأنی و سورخٚ نخأن؛ ریز بأفٚ کتأن؛ بوزٚ پشم؛ قوچٚ سورخ بوبوسته پوست و خزٚ پوستَ بأوٚردٚد. 24 ای عیده دیگهیٚم نوقره و مٚفرغ خوداوندٚ رِه پیشکش بوکودٚد. ای عیدهیٚم خیمه چأکودنٚ رِه اقاقیا چوبَ خوشأنٚ اَمرأ بأوٚردٚد.
25 او زنأکأن کی نخ تأوأنِن و وأفتنٚ کأرٚ میأن اوستأ بود، آبی و ارغوأنی و سورخٚ نخأن و ریز بأفٚ کتأن خوشأنٚ اَمرأ بأوٚردٚد. 26 تومأمٚ او زنأکأن کی دوس دأشتید خوشأنٚ فندٚ جَا ایستفأده بوکونٚد بوزٚ پشمٚ جَا نخ چأکودٚد. 27 قومٚ پیلهکسأن، کأهینٚ ایفود و سینهپوشٚ زینت دٚئنٚ رِه جزع سنگ و البأقی سنگأن کی ارزش دأشتیدی بأوٚردٚد، 28 و هطؤیم روشنأیی رِه عطرأن و روغن و مسحٚ روغن خورومٚ عطرٚ بوخورٚ. 29 اَطؤیی تومأم بنیایسرأییلٚ مردأکأن و زنأکأن کی دوس دأشتید او کأرٚ میأن کی خوداوند موسایَ دستور بٚدأ بو یاور بٚدد، خوشأنٚ پیشکشأنَ خوشألی اَمرأ خوداوندَ تقدیم بوکودٚد.
هنرمندٚ اوستأکأرأن
30 بأزون موسا بنیایسرأییلَ بوگفته: «خوداوند، جٚه یوهودأ طأیفه حورٚ نوه، بِصَلئیلَ (اوری پٚسر) اینتخأب بوکوده 31 و اونَ خو روحٚ جَا پورَ کوده و حیکمت و توأنأیی و مهأرت بٚبخشِه، کی عیبأدتٚ خیمه و تومأمٚ اونٚ دمٚدزگأیَ چأکونٚه. 32 اون طلأ و نوقره و مٚفرغٚ ظرفأنٚ چأکودنٚ میأن، 33 هطؤیم حکأکی و نجأری و جوأهیر چأکودنٚ کأرٚ میأن و هرتأ صنعتٚ میأن اوستأ ایسٚه. 34 خودا اون و اهولیابَ (جٚه دانٚ طأیفه اخیسامکٚ پٚسر) اَ هنرٚ البأقیأنٚ آمؤختنَ ایستعدأد بٚبخشِه. 35 خوداوند اوشأنَ آبی، ارغوأنی و سورخٚ نخأن و ریز بأفٚ کتأنَ طرأز کودنٚ میأن و نقش و نیگأر تأوٚدأنٚ کأرٚ میأن ایتأ مخصوصٚ مهأرت بٚبخشِه. اَشأن مأهیرٚ اوستأکأرأن ایسٚد.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Gilaki Contemporary Bible is a Product of Transform Iran © 2024. All rights reserved. www.kelisayejame.org