خروج ۱۳
۱۳
اوّلی زأکأنَ وقف کودن
1 خوداوند موسایَ بٚفرمأسته: 2 «تومأمٚ ایسرأییلٚ مردومٚ اوّلی زأکأنَ مِرِه وقف بوکون، چونکی تومأمٚ اوّلی زأکأن، چی اینسأن و چی حیوأن، می شین ایسٚد.»
3 پٚس موسا مردومَ بوگفته: «اَ روجَ همیشٚکٚ رِه خأطر بٚدأرید کی شیمی جیویشتن روج جٚه مصرٚ بٚرده بوستنٚ میأن ایسٚه، چونکی خوداوند خو پور قودرتٚ دٚسٚ اَمرأ، شٚمٚره اونی جَا جیویزأنه. خأطر بٚدأرید کی اَ عَیدٚ روجأنٚ میأن، وأستی او نأنَ بوخورید کی خمیرمأیه نأره. 4 ایمرو ابیبٚ مأه میأن مصرٚ جَا شیدی بیرون. 5 خوداوند شیمی پیله‌بابایأنَ وعده بٚدأ کی، کنعأنیأن، حیتیأن، اموریأن، حویأن و یبوسیأنٚ سرزیمینَ فأدٚه شٚمٚره، بأزین، شٚمٚره کی بٚره او سرزیمینٚ میأن کی "شیر و عسلٚ سرزیمین" معروف ایسٚه، وأستی اَ روجَ، همٚتأ سألٚ رِه جشن بیگیرٚد. 6 هفت روجٚ رِه فطیرٚ نأن بوخورید و هفتومی روجٚ میأن ایتأ عَید خوداوندٚ رِه بٚدأرید. 7 اَ هفت روجٚ میأن، فطیرٚ نأن بوخورید. شیمی خأنه‌یأنٚ میأن و حتّا شیمی سرزیمینٚ میأن هیتأ پأ مأله خمیرمأیه جَا بیأفته نٚبه.
8 «هرتأ سأل اَ جشنٚ انجأم دٚئنٚ زمأت، شیمی زأکأنَ بیگید کی اَ جشن خوداوندٚ او پیله کأرٚ وأسی ایسٚه کی شِمِره انجأم بٚدأ و شٚمٚره مصرٚ جَا بأوٚرده بیرون. 9 اَ جشن ایتأ مأله مأنستَن شیمی دٚسٚ سٚر یا ایتأ نیشأنٚ مأنستَن شیمی پیشأنی سٚر بِه کی شٚمٚره خأطر بأوٚره کی همیشٚک خوداوندٚ شریعتٚ میأن فیکر بوکونید و جٚه اون گب بٚزنید، چونکی خوداوند خو پیله قودرتٚ اَمرأ، شٚمٚره مصرٚ جَا بأوٚرده بیرون.
10 «پٚس هرتأ سأل اونی زمأتٚ سٚر اَ عَیدَ جشن بیگیرید.
11 «او زمأت کی خوداوند، شٚمٚره بأوٚره کنعانٚ سرزیمینٚ میأن کی پیشتر اونی وعده‌یَ شیمی پیله‌بابایأنَ فأدأ بو، خأطر بٚدأرید کی 12 شیمی اوّلی پٚسرأن و هطؤیم شیمی حیوأنأنٚ اوّلی نرٚ زأکأن خوداوندٚ شین ایسٚد و وأستی اوشأنَ خودا رِه وقف بوکونید. 13 اولأغٚ اوّلی زأکٚ عوض، ایتأ بٚرّه قوربأنی بوکونید. ولی اگه نخأستید اونَ بٚرّه اَمرأ عوضَ کونید، وأستی اولأغٚ گردنَ بٚشکنید. ولی شیمی اوّلی پٚسرأنٚ رِه حتم وأستی قوربأنی فأدید.
14 «دونبألترأنٚ رِه شیمی زأکأن کی شیمی جَا وأوٚرسٚد: "اَ کأرأن چی وأسی ایسٚه؟" بیگید: "خوداوند خو پور قوّتٚ دٚسٚ اَمرأ مصریأنٚ رِه بٚرده بوستنٚ جَا اَمٚرَه نیجأت بٚبخشِه. 15 چونکی فرعون اسیری جَا اَمٚرَه سرأ نٚدأیی، هنٚ وأسی، خوداوند مصریأنٚ تومأمٚ اوّلی پٚسرأن و هطؤیم اوشأنٚ نرٚ حیوأنأنٚ اوّلی زأکأنَ هلأکَ کوده کی اَمٚرَه نیجأت بٚده. هنٚ وأسی اَمی نرٚ حیوأنأنٚ اوّلی زأکأنَ خوداوندٚ رِه قوربأنی کونیمی کی اَمی اوّلی پٚسر زأکأنٚ رِه قوربأنی فأدیم." 16 اَ جشن ایتأ مأله مأنستَن شیمی دٚسٚ سٚر یا ایتأ نیشأنٚ مأنستَن شیمی پیشأنی سٚر بِه کی شٚمٚره خأطر بأوٚره کی خوداوند خو پور زورٚ دٚسٚ اَمرأ مصرٚ جَا اَمٚرَه بأوٚرده بیرون.»
اَبر و آتش
17 آخرپٚسی کی فرعون وئأشته ایسرأییلٚ مردوم مصرٚ جَا بٚشٚد، خودا اَشأنَ جٚه او اصلی رأ میأن نٚبرده کی جٚه فلسطینیأنٚ سرزیمینٚ میأن دٚوأرٚستی، هرچن کی او رأ نیزدیکتر بو. خودا بوگفته: «اگه مردوم جنگَ بیدینٚد، تأنٚده بی‌خیألَ بد، وأگردٚد مصر.» 18 پٚس خودا اَشأنَ جٚه او صأرأیی میأن کی سورخٚ دریأ کنأره نٚهأ بو روأنأ کوده. اَطؤ بو کی ایسرأییلٚ مردوم ایتأ لشکر مأنستَن کی جنگ افزأر دأشتیدی مصرٚ جَا بوشؤده بیرون.
19 موسا اَ سفرٚ میأن یوسفٚ خأشأنم خو اَمرأ بٚبرده، چونکی او زمأت کی یوسف زٚنده بو بنی‌ایسرأییلَ قسم بٚدأ، بوگفته بو: «خودا کی شٚمٚره سٚرأدأ، می خأشأنم جٚه اَیَه شیمی اَمرأ بٚبرید.»
20 پٚس ایسرأییلٚ مردوم سوکوتَ بٚنأده بوشؤده، صأرأیی کنأره ایتامٚ میأن، چأدر بٚزِده. 21 اَ سفرٚ دورون، خوداوند اَشأنَ روجٚ میأن ایتأ سوتون جٚه اَبرٚ اَمرأ و شبٚ میأن ایتأ سوتون جٚه آتشٚ اَمرأ هیدأیت کودی. اَطؤیی بو کی هم روج و هم شبٚ میأن تأنستیدی سفر بوکوند. 22 اَبر و آتشٚ سوتونأن ایتأ لحظه هم اَشأنٚ جَا دورَ نوبوستی.
Currently Selected:
خروج ۱۳: GCB
Highlight
Share
Copy
Want to have your highlights saved across all your devices? Sign up or sign in
The Gilaki Contemporary Bible is a Product of Transform Iran © 2024. All rights reserved. www.kelisayejame.org
خروج ۱۳
۱۳
اوّلی زأکأنَ وقف کودن
1 خوداوند موسایَ بٚفرمأسته: 2 «تومأمٚ ایسرأییلٚ مردومٚ اوّلی زأکأنَ مِرِه وقف بوکون، چونکی تومأمٚ اوّلی زأکأن، چی اینسأن و چی حیوأن، می شین ایسٚد.»
3 پٚس موسا مردومَ بوگفته: «اَ روجَ همیشٚکٚ رِه خأطر بٚدأرید کی شیمی جیویشتن روج جٚه مصرٚ بٚرده بوستنٚ میأن ایسٚه، چونکی خوداوند خو پور قودرتٚ دٚسٚ اَمرأ، شٚمٚره اونی جَا جیویزأنه. خأطر بٚدأرید کی اَ عَیدٚ روجأنٚ میأن، وأستی او نأنَ بوخورید کی خمیرمأیه نأره. 4 ایمرو ابیبٚ مأه میأن مصرٚ جَا شیدی بیرون. 5 خوداوند شیمی پیله‌بابایأنَ وعده بٚدأ کی، کنعأنیأن، حیتیأن، اموریأن، حویأن و یبوسیأنٚ سرزیمینَ فأدٚه شٚمٚره، بأزین، شٚمٚره کی بٚره او سرزیمینٚ میأن کی "شیر و عسلٚ سرزیمین" معروف ایسٚه، وأستی اَ روجَ، همٚتأ سألٚ رِه جشن بیگیرٚد. 6 هفت روجٚ رِه فطیرٚ نأن بوخورید و هفتومی روجٚ میأن ایتأ عَید خوداوندٚ رِه بٚدأرید. 7 اَ هفت روجٚ میأن، فطیرٚ نأن بوخورید. شیمی خأنه‌یأنٚ میأن و حتّا شیمی سرزیمینٚ میأن هیتأ پأ مأله خمیرمأیه جَا بیأفته نٚبه.
8 «هرتأ سأل اَ جشنٚ انجأم دٚئنٚ زمأت، شیمی زأکأنَ بیگید کی اَ جشن خوداوندٚ او پیله کأرٚ وأسی ایسٚه کی شِمِره انجأم بٚدأ و شٚمٚره مصرٚ جَا بأوٚرده بیرون. 9 اَ جشن ایتأ مأله مأنستَن شیمی دٚسٚ سٚر یا ایتأ نیشأنٚ مأنستَن شیمی پیشأنی سٚر بِه کی شٚمٚره خأطر بأوٚره کی همیشٚک خوداوندٚ شریعتٚ میأن فیکر بوکونید و جٚه اون گب بٚزنید، چونکی خوداوند خو پیله قودرتٚ اَمرأ، شٚمٚره مصرٚ جَا بأوٚرده بیرون.
10 «پٚس هرتأ سأل اونی زمأتٚ سٚر اَ عَیدَ جشن بیگیرید.
11 «او زمأت کی خوداوند، شٚمٚره بأوٚره کنعانٚ سرزیمینٚ میأن کی پیشتر اونی وعده‌یَ شیمی پیله‌بابایأنَ فأدأ بو، خأطر بٚدأرید کی 12 شیمی اوّلی پٚسرأن و هطؤیم شیمی حیوأنأنٚ اوّلی نرٚ زأکأن خوداوندٚ شین ایسٚد و وأستی اوشأنَ خودا رِه وقف بوکونید. 13 اولأغٚ اوّلی زأکٚ عوض، ایتأ بٚرّه قوربأنی بوکونید. ولی اگه نخأستید اونَ بٚرّه اَمرأ عوضَ کونید، وأستی اولأغٚ گردنَ بٚشکنید. ولی شیمی اوّلی پٚسرأنٚ رِه حتم وأستی قوربأنی فأدید.
14 «دونبألترأنٚ رِه شیمی زأکأن کی شیمی جَا وأوٚرسٚد: "اَ کأرأن چی وأسی ایسٚه؟" بیگید: "خوداوند خو پور قوّتٚ دٚسٚ اَمرأ مصریأنٚ رِه بٚرده بوستنٚ جَا اَمٚرَه نیجأت بٚبخشِه. 15 چونکی فرعون اسیری جَا اَمٚرَه سرأ نٚدأیی، هنٚ وأسی، خوداوند مصریأنٚ تومأمٚ اوّلی پٚسرأن و هطؤیم اوشأنٚ نرٚ حیوأنأنٚ اوّلی زأکأنَ هلأکَ کوده کی اَمٚرَه نیجأت بٚده. هنٚ وأسی اَمی نرٚ حیوأنأنٚ اوّلی زأکأنَ خوداوندٚ رِه قوربأنی کونیمی کی اَمی اوّلی پٚسر زأکأنٚ رِه قوربأنی فأدیم." 16 اَ جشن ایتأ مأله مأنستَن شیمی دٚسٚ سٚر یا ایتأ نیشأنٚ مأنستَن شیمی پیشأنی سٚر بِه کی شٚمٚره خأطر بأوٚره کی خوداوند خو پور زورٚ دٚسٚ اَمرأ مصرٚ جَا اَمٚرَه بأوٚرده بیرون.»
اَبر و آتش
17 آخرپٚسی کی فرعون وئأشته ایسرأییلٚ مردوم مصرٚ جَا بٚشٚد، خودا اَشأنَ جٚه او اصلی رأ میأن نٚبرده کی جٚه فلسطینیأنٚ سرزیمینٚ میأن دٚوأرٚستی، هرچن کی او رأ نیزدیکتر بو. خودا بوگفته: «اگه مردوم جنگَ بیدینٚد، تأنٚده بی‌خیألَ بد، وأگردٚد مصر.» 18 پٚس خودا اَشأنَ جٚه او صأرأیی میأن کی سورخٚ دریأ کنأره نٚهأ بو روأنأ کوده. اَطؤ بو کی ایسرأییلٚ مردوم ایتأ لشکر مأنستَن کی جنگ افزأر دأشتیدی مصرٚ جَا بوشؤده بیرون.
19 موسا اَ سفرٚ میأن یوسفٚ خأشأنم خو اَمرأ بٚبرده، چونکی او زمأت کی یوسف زٚنده بو بنی‌ایسرأییلَ قسم بٚدأ، بوگفته بو: «خودا کی شٚمٚره سٚرأدأ، می خأشأنم جٚه اَیَه شیمی اَمرأ بٚبرید.»
20 پٚس ایسرأییلٚ مردوم سوکوتَ بٚنأده بوشؤده، صأرأیی کنأره ایتامٚ میأن، چأدر بٚزِده. 21 اَ سفرٚ دورون، خوداوند اَشأنَ روجٚ میأن ایتأ سوتون جٚه اَبرٚ اَمرأ و شبٚ میأن ایتأ سوتون جٚه آتشٚ اَمرأ هیدأیت کودی. اَطؤیی بو کی هم روج و هم شبٚ میأن تأنستیدی سفر بوکوند. 22 اَبر و آتشٚ سوتونأن ایتأ لحظه هم اَشأنٚ جَا دورَ نوبوستی.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Gilaki Contemporary Bible is a Product of Transform Iran © 2024. All rights reserved. www.kelisayejame.org