ዛካራሳ 9

ማስህያ ዩሳነ ጾሳ ካዉተይ በስያዋዳን ኤረቱሳ

1ሀድራካ ግያ ቢታይነ ዳማስቆ ካታማይ ሙረታናዋ ጾሳይ ኦዴዳ ፕርዳ ቃላይ ሀዋ።#ኢሳ. 17:1-3፤ ኤር. 49:23-27፤ አሞጻ 1:3-5#ኢሳ. 23:1-18፤ ህዝ. 26:1—28:26፤ ኢዩ. 3:4-8፤ አሞጻ 1:9-10፤ ማቶሳ 11:21-22፤ ሉቃሳ 10:13-14 ሶርያ ዋና ካታማይ ዳማስቁካ መና ጎዳሳ ግድያ ድራዉ፥ እስራኤልያ ዛራቱዋ ጻላላ ግደናን አሳ ኡባ አይፊ ፑደ መና ጎዳኮ ጼሌ። 2ቃይ ሄ ፕርዳይ ሀድራካና ዛዋትያ ሀማታ ካታማ ቦላካ ጋካና፤ ኡንቱንቱ አዳ ኤራንቻ ግዶፐነ፥ ጺሮሳነ ሲዶና ካታማቱዋካ ሀ ፕርዳይ ጋካና። 3ጺሮሳ ካታማይ ዳሮ ምኖ ጌሱዋ ግምቤዳ። ቃይ ብራ ቢታዳን ዶሬዳ፤ ዎርቃካ ኦግያ ኡርቃዳን ጉፔዳ። 4ሽን እዛ ሺሼዳዋ ኡባ ጎዳይ ዉርስ አካና፤ እዝ አባ ዎልቃ ይሳና፤ ካታማይካ ታማን ሜተታና።

5አስቃሎና ካታማይ ሄዋ በኢደ ያያና፤ ጋዛ ካታማይካ በኢደ ኡንኤና፤ ቃይ ኤቅሮና ካታማይካ ህዶታ ያና። ጋዛ ባረ ካትያ ያና፤ አስቃሎና ካታማይካ መላ ግዳናዋ።#ኢሳ. 14:29-31፤ ኤር. 47:1-7፤ ህዝ. 25:15-17፤ ኢዩ. 3:4-8፤ አሞጻ 1:6-8፤ ሶፎ. 2:4-7 6አሽዶዳ ካታማን ዋላካ አሳይ ደአና።

ታን፥ “ፕልስጼማቱዋ ኦቶሩዋካ ይሳና። 7ታን ሱ ኡንቱንቱ ዶናፐ፥ ድገቴዳ ቁማ ኡንቱንቱ አቻፐ ድጋና። ኡንቱንቱፐ አቴዳዋንቱ ኑ ጾሳ አሳ ግዳና። ቃይ ይሁዳ ያራ ማላ ግዳና። ኤቅሮና አሳይ ያቡሳ አሳዳን፥ ታ አሳ ግዳና። 8ሄዋፐ ጉይያን፥ ኦላንቻቱ ካንናዳን፥ ታን ታ ጋድያ ናጋና። ታን ታ ሁጲያን ናግያ ድራዉ፥ ላኤን ኦንነ ታ አሳ ኡቁነና” ያጌ።

ይያ ካትያ

9ኔኖ ጽዮነ ካታማቴነ የሩሳላመ ካታማቴ፥ እልላ!#ማቶሳ 21:5፤ ዮሃ. 12:15 በአ፥ ጾኔዳ ነ ጽሎ ካቲ ኔኮ ዬ። ነ ካቲ አሽከ ግዲደ፥ ሀርያ ቦላ፥ ሀርያ ማራ ቦላ ኡቲደ፥ ኔኮ ዬ።

10ታን፥ “ፓራ ጋረቱዋ እስራኤልያፐ፥ ኦላ ፓራቱዋካ የሩሳላመፐ ይሳና፤ ኦላ ዎንዳፊካ መኤረታና። ቃይ ነ ካቲ ካዉተቶ ሳሩዋ አዋያና፤ እ ሀ አባ ጋጻፐ ህን አባ ጋጻ ጋካናዉነ ኤፍራጺሳ ሻፋፐ ሳኣ ጋጻ ጋካናዉ ሞዳና ያጌ።#ማዝ. 72:8

ጾሳይ ባረ አሳ አሻና

11“ኔና ግዶፐ፥ ቃይ ታን ኔናና ጫቀቴዳ ጫቁዋ ሱ ድራዉ፥ ነ አሳቱዋ ኡንቱንቱ ቃሸቴዳ ሃይ ባይና ኦላፐ ታን ከሳደ የዳና።#ከሳ 24:8 12ህንተኖ ህዶታን ደእያ ቃሸቶ አሳቶ፥ ህንተ ጌሱዋኮ ስምተ፤ ካሰዋ ድራዉ ዳኩዋ አቁዋ ህንተንቶ እማናዋ ሀች ታን ህንተንቶ አዋያይ። 13አያዉ ጎፐ፥ ታን ይሁዳ ዎንዳፍያዳን፥ እስራኤልያካ ዎንዳፍያ ፖዳን ጎኤታና። ጽዮኔ፥ ታን ነ ናናቱዋ ግሪከ ጋድያ ናናቱ ቦላ ደንና፤ ኔናካ ዎልቃማ ኦላንቻ ማሻ ማላ ኦና” ያጌ።

14ሄ ዎደ መና ጎዳይ ኡንቱንቱ ቦላ ቆንጫና፤ አ ዎንዳፊካ ዋልቃንዳን ዋልቃማና። ኡባ ማርያ መና ጎዳይ ማላካታ ፑናና፤ ገድሳ ባጋ ጎቲ አያዋዳንካ አና። 15ኡባፐ ዎልቃማ መና ጎዳይ ኡንቱንታ ናጋና። ኡንቱንቱካ ባረንቱ ሞርከቱዋ ዉርሳና፤ ያምባርሻን ኦልያዋንታካ የና። ኡንቱንቱ ባረንቱ ሞርከቱዋ ሱ ዎይንያ ኤሳዳን ኡሻና፤ ሱይ ከርያን ኩምያዋዳን ኩማና፤ ቃይ ያርሽያ ሳኣን ጉክያዋዳን ጉካና።

16ሄ ጋላስ መና ጎዳይ ኡንቱንቱ ጾሳይ ኡንቱንታ አሻና፤ አያዉ ጎፐ፥ ኡንቱንቱ አ አሳ ዉደቱዋ። ካላቻ ቦላ ደእያ አሌቁዋዳን፥ ጾሳ ጋድያ ቦላን ኡንቱንቱ ጶላና። 17ኡንቱንቱ ዋኒደ ሎአነ ማላ ፑላ ግዳንድኖሻ! ዎዳላ ናናቱዋ ካይ፥ ዎዶሮ ናናቱዋካ ዎይንያ ኤሳይ አጭሳና።

Currently Selected:

ዛካራሳ 9: DFBE

Highlight

Copy

Compare