ሮመ 10
10
እስራኤልያ አሳይ ጾሳ ኦግያ ካልቤና
1ታናዳን አማንያዋንቶ፥ ታን እስራኤልያ አሳዉ ታ ኩመን ዎዛናፐ አሞትያዌነ ጾሳ ዎስያዌ ኡንቱንቱ አታናሳ፤ 2አያዉ ጎፐ፥ ኡንቱንቱ ጾሳዉ ኦናዉ ሎይ ኮይያዋ ታን ማርካታይ፤ ሽን ኡንቱንቱ ጾሳዉ ኦናዉ ሎይ ኮይያ ኮሻይ ቱሙ ኤራተፐ ግደና። 3አያዉ ጎፐ፥ ጾሳይ አሳ ጽልስያ ኦግያ ኡንቱንቱ ኤረናን፥ ባረንቱ ሁጰ ጽሎተ ኤሳናዉ ኮዬድኖ፤ ቃይ ባረንቱ ሁጰዉ ጾሳይ አሳ ጽልስያ ኦገዉ ኤኖ ግበይክኖ። 4አያዉ ጎፐ፥ አማኔዳ ኡባይ ጽላናዳን፥ ክርስቶስ ህግያ ቆፋ ፖሌዳ።
አቶተይ ኡባሳ
5አሳይ ህገዉ አዛዘቲደ ጽልያባዉ ሙሴ፥ “ህጊ አዛዝያዋ ኦያ ኦንነ ሄ ህግያን ፓጻ ደአና” ያግ ጻፌዳ፤#ዎጋ 18:5 6ሽን አማኑዋን ጽልያባዉ ጌተቴዳዌ ሀዋ፤ “ነ ዎዛናን፥ ‘ኦን ሳሉዋ ፑደ ባኔ?’ ጎፓ። ሄዌ ክርስቶሳ ዱገ ዎናሳ፤#ዛረ. 30:12-14 7ዎይ ‘ዱገ ሳኣ ጋርሳ ዎናዌ ኦኔ?’ ጎፓ። ሄዌ ክርስቶሳ ሀይቁዋፐ ደንናሳ። 8ሽን እ ግያዌ ሀዋ፤ ‘ጾሳ ቃላይ ነ ማታና፤ ነ ዶናንነ ነ ዎዛናን ደኤ’ ጌተቴዳ” ያጌ። ሄዌካ ኑን ህንተንቶ ኦድያ አማኑዋ ቃላ።
9ኔን፥ “የሱስ ጎዳ” ጋደ ነ ዶናን ማርካቶፐ፥ ቃይ ጾሳይ ሀይቁዋፐ አ ደንዳዋ ነ ዎዛናን አማኖፐ፥ ኔን አታና። 10አያዉ ጎፐ፥ አሳይ ባረ ዎዛናን አማኒደ ጽሌ፤ ባረ ዶናንካ ማርካቲደ አቴ። 11ጾሳ ማጻፋይ፥ “አን አማንያ ኦንነ ዬላተና” ያጌ።#ኢሳ. 28:16 12አይሁዳ አሳነ አይሁዳ ግደና አሳ ግዶን ዱማተይ ባዋ። እት ጾሳይ ኡባ ጎዳ፤ እ ባረና ጼስያ ኡባቶ ዳሮ ኬካ። 13አያዉ ጎፐ፥ ጾሳ ማጻፋይ፥ “ጎዳ ሱን ጼስያ ኦንነ አታና” ያጌ።#ኢዩ. 2:32
14ያትና፥ ኡንቱንቱ አ አማንቤናዋንታ ግዶፐ፥ ዎት አ ጼሳናዉ ዳንዳዪኖ? ቃይ ቃላ ስስቤናዋንቱ ዋን አማናናዉ ዳንዳዪኖ? ቃላ ኦድያዌ ዮፐ፥ ኡንቱንቱ ዋን ስሳናዉ ዳንዳዪኖ? 15ቃይ ቃላ ኦድያዋንቱ ኪተተናን አጎፐ፥ ኦሱ ዎት ኦደታናዉ ዳንዳዪ? አያዉ ጎፐ፥ ጾሳ ማጻፋይ፥ “ናሸችያ ምሽራቹዋ ኦድያዋንቱ ዩሳይ ዎት ሎኢ!” ያጌ።#ኢሳ. 52:7
16ሽን ኡንቱንቱ ኡባይ ዎንጋላዉ አዛዘትበይክኖ፤ አያዉ ጎፐ እስያስ፥ “ታ ጎዳዉ፥ ኑን ማርካቴዳዋ ኦን አማኔዴ?” ያጌዳ።#ኢሳ. 53:1 17ስም አሳይ ቃላ ስሲደ አማኔ፤ ቃይ እት ኡራይ ክርስቶሳ ቃላ፥ ኦድና ስሴ።
18ሽን ኡንቱንቱ ቃላ ስስቤናዌ ቱሜ ጋደ ታን ኦቻይ። ቱማ ኡንቱንቱ ስሴድኖ፤ ጾሳ ማጻፋይ፥
“ኡንቱንቱ ሃሳያ ኮሻይ
ሳኣ ኡባን ላለቴዳ፤
ኡንቱንቱ ቃላይካ ሳኣ ጋጻ ጋኬዳ”
ያጌዳ።#ማዝ. 19:4 19ሽን እስራኤልያ አሳቱ ኤርበይክኖዬ ጋደ ታን ኦቻይ። ሙሴ ካሰ፥
“ታን ህንተንታ አሳ ግደና አሳቱዋን ሴልሳና፤
ቃይ ኤያ አሳቱዋን ታን ህንተንታ ሀንቀሳና”
ያጌዳ።#ዛረ. 32:21 20ቃይ እስያስ ዳሮ ጻሊደ፥
“ታና ኮይቤናዋንቶ ቤታድ፤
ታና ኦችቤናዋንቶካ ቆንጫድ”
ያጌ።#ኢሳ. 65:1 21ሽን እስራኤላቱዋባ እ ሃሳዪደ፥
“ጋላሳ ኡባ አዛዘተናዋንቶነ
ታዋ እጽያዋንቶ ታ ኩሽያ ምጫድ”
ያጌ።#ኢሳ. 65:2
Currently Selected:
ሮመ 10: DFBE
Highlight
Share
Compare
Copy
Want to have your highlights saved across all your devices? Sign up or sign in
The Word for the World Ethiopia
