ማቶሳ ምሽራቹዋ ገሉዋ
ገሉዋ
ማቶስ ጻፌዳ ምሽራቹ፥ የሱስ ያና ጌተትያ ህዶታይ ካሰ ኦደት ኡቴዳ ልያ ግድያዋነ ጾሳይ ካሰ ኤጫ ጫቁዋን ባረ አሳዉ እሜዳ ህዶታ ቃላ ፖሌዳዌ የሱሳ ባጋና ግድያዋ ኦድያ ምሽራቹዋ ቃላ ኦይቄዳዋ። ሀ ምሽራቹዋ ቃላይ የሱስ ኡንቱንቱ ግዶን የለቲደ ድጬዳዌ አይሁዳቱ ጻላላሳ ግደናን፥ አላምያ ኡባን ደእያ አሳሳ።
ማቶስ ጻፌዳ ምሽራቹዋ ቃላይ ዳሮ አኬካን ጻፈቴዳ ማጻፋ። የሱሳ የለታን ዶሚደ፥ እ ጻማቀቴዳዋነ እ ፓጨቴዳዋ ኦድ ስሚደ፥ ጋሊላን እ ቃላ ኦዴዳዋ፥ ታማርሴዳዋነ ሀርጋንቻቱዋ ፓዳዋ ኦዴ። ሄዋፐ ካሊደ የሱስ ጋሊላፐ የሩሳላመ ቤዳዋነ እ ሀ አላምያን ጋምኤዳ ዉርሰ ሳምንታን ሀኔዳ የዋቱዋ ቆንጭሴ። ሄዋንቱካ እ ካቀቶዋ፥ ሀይቄዳዋነ ደንዴዳዋ ኦዲኖ።
ሀ ምሽራቹዋ ቃላይ የሱሳ፥ ጾሳ ህግያ ብለ እማናዉ ማታይ ደእያዋነ ጾሳ ካዉተባ ኤርስያ ዎልቃማ ታማርስያዋ ኦደ ሺሼዳ። አ ትምርትያፐ ዳርያ ባጋይ፥ ዱማ ዱማ ኦግያን ጊገቴዳ እቼሹ ሳን ሻከቴ።
1. ጾሳ ካዉተን ደአና አሳ ኤሻ፥ ኦሱዋ፥ ማታነ ዉርሰ ካጫ ኦድያ ደርያ ቦላ ትምርትያ (ማቶሳ 5:1—7:28)።
2. ታማነ ላኡ የሱሳ ካልያዋንቱ ምሽራቹዋ ቃላ ታማርሳናዉ ቤዳ ዎደ ኡንቱንቶ እመቴዳ ካለዋ (ማቶሳ 10)።
3. ጾሳ ካዉተባ ታማርስሽን ሺቄዳ ዱማ ዱማ ሌምሳቱዋ (ማቶሳ 13)።
4. የሱሳ ካልያዋንቱባ ብል ኦድያ ትምርትያ (ማቶሳ 18)።
5. ሀእ ዎድያ ዉርሰነ ጾሳ ካዉተ ዩሳ ጼልያዋን እመቴዳ ትምርትያ (ማቶሳ 24-25)።
ሸምፓቱዋ ኡባቶ እመቴዳ ቃን ቆፋቱዋ
የሱስ ክርስቶሳ ጉየ ዘረነ የለታ 1:1—2:23
ጻማቅያ ዮሃንሳ ኦሱዋ 3:1-12
የሱስ ጻማቀቶዋነ ፓጨቶዋ 3:13—4:11
የሱስ ኦሱዋ ጋሊላን ዶሞዋ 4:12—18:35
የሱስ ጋሊላፐ የሩሳላመ ቦዋ 19:1—20:34
የሩሳላመንነ እዝ ዩሹዋን የሱሳ ዉርሰ ሳምንታ 21:1—27:66
ኑ ጎዳ የሱሳ ደንዱዋነ ቆንጨ 28:1-20
Currently Selected:
ማቶሳ ምሽራቹዋ ገሉዋ: DFBE
Highlight
Copy
Compare
Share
Want to have your highlights saved across all your devices? Sign up or sign in
The Word for the World Ethiopia