ኢያሳ 19

ስሞና ዘረ ጋኬዳ ሻኩዋ

1ላኤን ሳማይ ስሞና ዘረ ኡንቱንቱ ያራን ያራን ጋኬዳ። ኡንቱንታ ጋኬዳ ቢታይ ይሁዳ ዛራቱ ላቴዳ ጋድያ ግዱዋን ደኤ። 2ኡንቱንቱ ላቴዳ ካታማቱ በርሳበሀ ዎይ ሸባአ፥ ሞላዳ፥#1 ኦዱዋ 4:28-33 3ሀጻር-ሹኣላ፥ ባላ፥ ኤጼማ፥ 4ኤልቶላዳ፥ ባቱላ፥ ሆርማ፥ 5ጽቅላጋ፥ ቤት-ማርካቦታ፥ ሀጻር-ሱሳ፥ 6ቤት-ላባኦታነ ሻሩሄና። ኡንቱንቱ ኡባና ታማነ ሄዛ፤ ኡንቱንቱ ዩሹዋን ደእያ ሞቱ ኡንቱንቱን ጉጀቲኖ። 7ቃይ አይና፥ ርሞና፥ ኤቴራነ አሻና። ኡንቱንቱ ኡባና ኦይዱ ካታማቱዋ፤ ኡንቱንቱ ዩሹዋን ደእያ ሞቱካ ኡንቱንቱን ጉጀቲኖ። 8ኔጌባ ዎራን ደእያ ባእላት-ባኤራ ዎይ ራማ ጋካናዉ፥ ሀ ካታማቱዋ ዩሹዋን ደእያ ሞቱዋ ኡባ ላቴድኖ። ስሞና ዛራቱ ባረንቱ ያራን ያራን ላቴዳ ጋዲ ሀዋ። 9ይሁዳ ዘረ ጋኬዳ ቢታይ ኡንቱንቶ አኩዋ ዳሬዳ ድራዉ፥ አፐ ሻክና ስሞና ዛረቶ እመቴዳ።

ዛብሎና ዘረ ጋኬዳ ሻኩዋ

10ሄዘን ሳማይ ዛብሎና ዘረ ኡንቱንቱ ያራን ያራን ጋኬዳ። ኡንቱንቱ ላቴዳ ጋዲ ሳሪዳ ግያ ካታማ ጋኬ። 11ሄዋፐ ቃይ አዋይ ዉልያ ባጋ ቢደ ማርእላ አ፥ ቢደ ዳባሼታ ቦቺደ ቢደ፥ ዮቅናኣማፐ አዋይ ዶልያ ባጋን ደእያ ሻፋ ጋኬ። 12ሀራ ባጋና ቃይ ሳሪዳ ካታማፐ አዋይ ዶልያ ባጋ ስሚደ፥ ክስሎት-ታቦራ ጋኪደ፥ ዳብራታንነ ያፍአን ዛዋቴ። 13ሄዋፐ ቃይ አዋይ ዶልያ ባጋና ጋተ-ሄፌራ፥ ኢት-ቃጺናነ ርሞና ጋኪደ፥ ኔአኮ ምርቀቴ። 14ሁጲሳ ባጋና ዛዋይ ሀናቶና ስሚደ፥ ይፍታህኤላ ዛንጋራን ዛዋቴ። 15ያን ቃጻታ፥ ናህላላ፥ ሽምሮና፥ ይዳላነ ቤተሌመ ጌተትያ ካታማቱካ ደኢኖ። ኡንቱንቱ ኡባና ታማነ ላአ፤ ኡንቱንቱ ዩሹዋን ደእያ ሞቱካ ኡንቱንቱን ጉጀቲኖ። 16ዛብሎና ዛራቱ ባረንቱ ያራን ያራን ላቴዳ ጋድያ ግዶን ደእያ ካታማቱነ ኡንቱንቱ ዩሹዋን ደእያ ሞቱ ሀዋንታ።

ይሳኮራ ዘረ ጋኬዳ ሻኩዋ

17ኦይደን ሳማይ ይሳኮራ ዘረ ኡንቱንቱ ያራን ያራን ጋኬዳ። 18ኡንቱንቱ ጋድያ ካታማቱ እዝራኤላ፥ ካሱሎታ፥ ሹኔማ፥ 19ሀፋራይማ፥ ሽኦና፥ አናሀራታ፥ 20ራቢታ፥ ቅሽዮና፥ አቤጻ፥ 21ረሜታ፥ ኤንጋኒማ፥ ኤንሃዳነ ቤት-ጳጼጻ። 22ሄ ጋድያ ዛዋይ ታቦራ፥ ሻሀጹማነ ቤት-ሸመሻ ቦቺደ ቢደ፥ ዮርዳኖሳ ሻፋን ዛዋቴ። ኡንቱንቱ ኡባና ታማነ ኡሱፑና፤ ኡንቱንቱ ዩሹዋን ደእያ ሞቱካ ኡንቱንቱን ጉጀቲኖ። 23ይሳኮራ ዛራቱ ባረንቱ ያራን ያራን ላቴዳ ጋድያ ግዶን ደእያ ካታማቱነ ኡንቱንቱ ዩሹዋን ደእያ ሞቱ ሀዋንታ።

አሴራ ዘረ ጋኬዳ ሻኩዋ

24እቼሸን ሳማይ አሴራ ዘረ ኡንቱንቱ ያራን ያራን ጋኬዳ። 25ኡንቱንቱ ጋድያ ካታማቱ ሄልቃታ፥ ሀላ፥ በጼና፥ አክሻፋ፥ 26አላመለካ፥ አምኣዳነ ምሽኣላ። አዋይ ዉልያ ባጋና ቃርመሎሳንነ ሽሆር-ልብናታን ዛዋቴ። 27ቃይ አዋይ ዶልያ ባጋ ስም ቤት-ዳጎናኮ ምርቀቲደ፥ ዛብሎና ጋድያነ ይፍታህኤላ ዛንጋራ ቦች ቢደ፥ ቤት-ኤሜቃነ ናእኤላ ጋኬ። ቃይ ሁጲሳ ባጋና ካቡላ ጋኬ። 28ሄዋፐ ቃይ ኤብሮና፥ ራሆባ፥ ሀሞናነ ቃና አደ፥ ሲዶናን ዛዋቴ። 29ሄዋፐ ቃይ ጋድያ ዛዋይ ራማ ስሚደ፥ ግምበቴዳ ጺሮሳ ካታማ ጋኬ። ሄዋፐ ቃይ ሆሳኮ ምርቀቲደ፥ ሜድትራነ አባን ዛዋቴ። ቃይ ማሀላባ፥ አክዚባ፥ 30ኡማ፥ አፌቃነ ራሆባ ጌተትያ ካታማቱካ ያን ደኢኖ። ኡንቱንቱ ኡባና ላታማነ ላኡዋ፤ ኡንቱንቱ ዩሹዋን ደእያ ሞቱካ ኡንቱንቱን ጉጀቲኖ። 31አሴራ ዛራቱ ባረንቱ ያራን ያራን ላቴዳ ጋድያን ደእያ ካታማቱነ ኡንቱንቱ ዩሹዋን ደእያ ሞቱ ሀዋንታ።

ንፍታሌማ ዘረ ጋኬዳ ሻኩዋ

32ኡሱፑን ሳማይ ንፍታሌማ ዘረ ኡንቱንቱ ያራን ያራን ጋኬዳ። 33ኡንቱንቱ ዛዋይ ሄሌፋፐነ ዳእናኒማ ዎላፐ ዶሚደ፥ አዳም-ነቄባ፥ ያብንኤላነ ላቁማ አደ ቢደ፥ ዉርሰይ ዮርዳኖሳ ሻፋ ጋኬ። 34ሄዋፐ ቃይ ዛዋይ አዋይ ዉልያ ባጋ አዝኖት-ታቦራኮ ምርቀቴ፤ ሄዋፐ ቃይ ሁቆቃ ስሚደ፥ ገድሳ ባጋና ዛብሎና ቢታንነ አዋይ ዉልያ ባጋና አሴራ ጋድያን ዛዋቲደ፥ አዋይ ዶልያ ባጋና ዮርዳኖሳ ሻፋ ጋኬ። 35ግምበቴዳ ካታማቱ ጽዲማ፥ ጼራ፥ ሃማታ፥ ራቃታ፥ ክናሬታ፥ 36አዳማ፥ ራማ፥ ሀጾራ፥ 37ቀዴሻ፥ ኤድራአ፥ ኤንሀጾራ፥ 38ይርኦና፥ ምግዳልኤላ፥ ሆሬማ፥ ቤት-አናታነ ቤት-ሸመሻ። ኡንቱንቱ ኡባና ታማነ ኡዱፑና፤ ኡንቱንቱ ዩሹዋን ደእያ ሞቱካ ኡንቱንቱን ጉጀቲኖ። 39ንፍታሌማ ዛራቱ ባረንቱ ያራን ያራን ላቴዳ ጋድያን ደእያ ካታማቱነ ኡንቱንቱ ዩሹዋን ደእያ ሞቱ ሀዋንታ።

ዳና ዘረ ጋኬዳ ሻኩዋ

40ላፑን ሳማይ ዳና ዘረ ኡንቱንቱ ያራን ያራን ጋኬዳ። 41ኡንቱንቱ ላቴዳ ጋድያ ካታማቱ ጾርአ፥ ኤሽታኦላ፥ እርሸሜሻ፥ 42ሻአልቢማ፥ አያሎና፥ ይታላ፥ 43ኤሎና፥ ትምና፥ ኤቅሮና፥ 44ኤልታቀ፥ ግባቶና፥ ባእላታ፥ 45ይሁዳ፥ ባነባራቃ፥ ጋተ-ርሞና፥ 46መያርቆና፥ ራቆናነ ቃይ ዮጰ ካታማ ዩሹዋን ደእያ ሄራቱዋ። 47ዳና ዛራቱ ጋድያ ላታናዉ እንጀተናዋ በኤዳ ዎደ፥ ቢደ ላይሻ ካታማ ኦለቲደ ጾኔድኖ፤ ጾኒደ ሄ ካታማን ደእያ አሳ ቃራ ማሻን ዎ ዉርሲደ፥ ካታማ ባረንቱ አኪደ ያን ደኤድኖ። ሄ ካታማ ሱንካ ላሚደ፥ ባረንቱ አዉዋ ዳና ሱንን ዳና ጊደ ሱንድኖ።#ዳና. 18:27-29 48ዳና ዛራቱ ባረንቱ ያራን ያራን ላቴዳ ጋድያን ደእያ ካታማቱነ ኡንቱንቱ ዩሹዋን ደእያ ሞቱ ሀዋንታ።

ኢያሳ ጋኬዳ ግሹዋ

49እስራኤልያ አሳይ ጋድያ ሻክ ዉርሴዳ ዎደ፥ ነዌ ናኣ ኢያሱ ላትያ ጋድያ ባረንቱ ግዶን እሜድኖ። 50መና ጎዳይ አዛዜዳዋዳን፥ ኢያሱ ኦችና፥ ኤፍሬማ ገዝያን ደእያ ትምናት-ሰራሀ ጌተትያ ካታማ አዉ እምና ካታማ ዎ የግ ኬጺደ፥ ያን ደኤዳ። 51ቄስያ ኤልኣዛረ፥ ነዌ ናአይ ኢያሱነ እስራኤልያ አሳ ዛረቶ ያራቱ ካፓቱ መና ጎዳ ስንን ሴሎን፥ መና ጎዳ ዱንካንያ ፐንግያን ሳማ የጊደ፥ ግሼዳ ላታ ጋዲ ሀዋ። ኡንቱንቱ ጋድያ ያት ሻክ ፖሌድኖ።

Currently Selected:

ኢያሳ 19: DFBE

Highlight

Copy

Compare