ዳናቱዋ 14
14
ሳምሶን ማቻቶ አኬዳ
1እት ጋላስ ሳምሶን ትምና ግያ ሳኣ ዎዳ፤ ያን እት ፕልስጼማ ዎዶራቶ በኤዳ። 2ሶይ ስሚደ ባረ አዉዋነ ባረ ዳዮ፥ “ታን ትምናን እት ፕልስጼማ ዎዶራቶ በኣድ፤ ሀእ እዞ ታዉ ኦቺደ እምተ” ያጌዳ።
3ሽን አ አዉነ አታ አ፥ “ማቻቶ ኦቻናዉ ሀ ቃጻረትቤና ፕልስጼማቱዋኮ ባናዉ ኔና አያዉ ኮሼዴ? ኑ ዳባቱ ግዶን ዎይ ኑ አሳ ኡባ ግዶን ነዉ ሀንያ እት ማጫ ናኣ ደማናዉ ዳንዳያበይኪ?” ያጊደ ኦቼድኖ።
ሽን ሳምሶን ባረ አዉዋ፥ “ታዉ እዛ ሎእያ ድራዉ፥ እዞ ጊግሳደ ታዉ እማ” ያጌዳ። 4ፕልስጼማቱዋ ኦላናዉ መና ጎዳይ ጋሱዋ ኮዪደ፥ ሀዋ ኡንቱንቱ ቦላ ኦያዋ ሳምሶና አዉነ አታ ኤርበይክኖ። ሄ ዎደ ፕልስጼማቱ እስራኤልያ አሳ ሞዲኖ።
5ሄዋፐ ጉይያን፥ ሳምሶን ባረ አዉዋናነ ባረ አትና ትምና ዎዳ። ያን ዎይንያ ቱራ ግዱዋና እ አደ ቢሽን፥ እት ዎዳላ ጋሙ ጉዲደ አ ቦላ ከሴዳ። 6መና ጎዳ አያናይ ሳምሶና ቦላን ዎልቃፐ ዎዳ፤ ዴሻ ማራ ዱሰረያዋዳን፥ ባረ ኩሽያን አያነ ኦይቀናን ጋሙዋ ዱሰረ የጌዳ። ሄ ባረ ኦዳዋ ባረ አዎነ ባረ አትዉ ኦድቤና። 7ሄዋፐ ጉይያን ቢደ፥ ዎዶራቶ ሃሳይሴዳ፤ እዛ አዉ ሎኣዱ።
8ጉ ዎድያፐ ጉይያን፥ እዞ ቡላቻናዉ ያ ስሚደ ቤዳ፤ ባረ ዎዳ ጋሙዋ በአናዉ ኦግያፐ ሸርእ ጊደ ብያ ዎደ፥ ጋሙዋ አሃ ግዶን ማይ ኤሳ ኤሴዳዋ በኤዳ። 9ኤሳፐ አማሬዳዋ ካሽ አኪደ፥ ኦግያን ሚደ ቤዳ። ባረ አዉዋኮነ ባረ ዳይኮ ጋኪደ፥ ባረ ኦይቄዳ ኤሳፐ አማሬዳዋ እምና፥ ኡንቱንቱካ ሜድኖ፤ ሽን ሳምሶን ሄ ኤሳ ጋሙዋ አሃ ግዶፐ አኬዳዋ ኡንቱንቶ ኦድቤና።
10አ አዉ ምሽራት ሶ ቢና፥ ሳምሶን ያን ባላ ጊግሴዳ። ሄዋ ማላ ግብራይ ቡላቻዉ ካሰፐካ ኦያ ዎጋ። 11ሄ አሳይ አ በኤዳ ዎደ፥ አናና ጋምአናዳን ሀታሙ ዎዳላ ናና ዶሬዳ። 12ሳምሶን ኡንቱንታ፥ “አነ ህንተንቱ ኤርንቶነ እት ቃንእሽያ ታን ህንተንታ ቃንእሻይ፤ ቡላቻ ባላይ ቦንቼትያ ላፑን ጋላሳ ግዱዋን ሀ ቃንእሽያ ብርሸ ታዉ ህንተንቱ ኦድያዋ ግዶፐ፥ ታን ህንተዉ ሀታሙ ሱፍያ ቃምሸቱዋነ ሀታሙ ኩመን ማዮቱዋ እማና። 13ሽን ህንተንቱ ታዉ ብርሸ ኦዳናዉ ዳንዳያና ዮፐ፥ ህንተንቱ ታዉ ሀታሙ ሱፍያ ቃምሸቱዋነ ሀታሙ ኩመን ማዮቱዋ እሚታ” ያጌዳ።
ሄዋፐ ጉየ ኡንቱንቱ፥ “ኤኖ፥ ነ ቃንእሽያ አነ ኑ ኦዳ” ያጌድኖ።
14እ ኡንቱንታ፥
“ምያዋፐ ምያባይ ቤቴዳ፤
ምኑዋ ግዶፐ ማልእያባይ ከሴዳ” ያጌዳ።
ሄዛን ጋላስ ጋካናዉ ኡንቱንቱ ቃንእሽያ ብርሸ እማናዉ ዳንዳይበይክኖ።
15ኦይደን ጋላስ ኡንቱንቱ ሳምሶና ማቻቶ፥ “አነ ነ አስና ጭማደ ቃንእሽያ ብርሸ እ ኑዉ ኦዳናዳን ኦ። ሄዌ ዮፐ፥ ኑን ኔናነ ነ አዉዋ ጎልያ ታማን ጹጋና። ህንተንቱ ኑና ጼሴዳዌ ኑና ማንቀናሴ?” ያጌድኖ።
16ያትና፥ ሳምሶና ማቻታ ዬካደ አኮ ሺቃደ፥ “ኔን ታና ሲቃካ! ኔን ታና ሎይ እጻሳ! አያዉ ጎፐ፥ ኔን ታ ጋድያ አሳ ቃንእሽያ ቃንእሻደ፥ አ ብርሸ ታዉ ኦዳበይካ” ያጋዱ።
ሄዋፐ ጉየ እ ዛሪደ፥ “በአ፥ ሀዋ ታን ታ አዎካ ታ አትዉካ ኦዳበይከ። ያትና፥ ነዉ አያዉ ኦዶ?” ያጌዳ። 17ሄዋፐ ጉየ ቡላቻ ባላይ ቦንቼትያ ላፑን ጋላሳ ኡባን ዬካደ ሸምፑዋ ድግና፥ ላፑን ጋላስ ቃንእሽያ ብርሸ እዝዉ ኦዴዳ። አካ ባደ ባረ ጋደ አሳዉ ኦዳዱ።
18ያትና፥ ላፑን ጋላስ አዋይ ዉላናፐ ካሰ ካታማ አሳቱ ባረ ዛሩዋ አኪደ ዪደ፥ ሳምሶና፥
“ኤሳፐ አደ ማልእያባይ አዬ?
ጋሙዋፐ አደ ምንያባይ አዬ?” ያጌድኖ።
ሄዋፐ ጉየ ሳምሶን ኡንቱንታ፥
“ህንተንቱ ታ ኡሳትን ጎሸናባ ግድንቶ፥
ታ ቃንእሽያ ብርሸ ኤርክታ ሽን” ያጌዳ።
19ሄዋፐ ጉይያን፥ መና ጎዳ አያናይ አ ቦላን ዎልቃፐ ዎና፥ አስቃሎና ካታማ ዎደ፥ ሀታሙ አሳቱዋ ዎዳ፤ ኡንቱንቱ ማዩዋ ቃር አኪደ፥ ቃንእሽያ ብሊደ አሳቶ አሂደ እሜዳ። ሀኔዳባን ኡባን ሀንቁዋ ኤጸቲደ፥ ባረ አዉዋ ሶ ስሚደ ቤዳ። 20ሳምሶና ማቻታ አ ላግያዉ፥ አ ዋና ሚዝያዉ እመታዱ።
Currently Selected:
ዳናቱዋ 14: DFBE
Highlight
Copy
Compare
Share
Want to have your highlights saved across all your devices? Sign up or sign in
The Word for the World Ethiopia
ዳናቱዋ 14
14
ሳምሶን ማቻቶ አኬዳ
1እት ጋላስ ሳምሶን ትምና ግያ ሳኣ ዎዳ፤ ያን እት ፕልስጼማ ዎዶራቶ በኤዳ። 2ሶይ ስሚደ ባረ አዉዋነ ባረ ዳዮ፥ “ታን ትምናን እት ፕልስጼማ ዎዶራቶ በኣድ፤ ሀእ እዞ ታዉ ኦቺደ እምተ” ያጌዳ።
3ሽን አ አዉነ አታ አ፥ “ማቻቶ ኦቻናዉ ሀ ቃጻረትቤና ፕልስጼማቱዋኮ ባናዉ ኔና አያዉ ኮሼዴ? ኑ ዳባቱ ግዶን ዎይ ኑ አሳ ኡባ ግዶን ነዉ ሀንያ እት ማጫ ናኣ ደማናዉ ዳንዳያበይኪ?” ያጊደ ኦቼድኖ።
ሽን ሳምሶን ባረ አዉዋ፥ “ታዉ እዛ ሎእያ ድራዉ፥ እዞ ጊግሳደ ታዉ እማ” ያጌዳ። 4ፕልስጼማቱዋ ኦላናዉ መና ጎዳይ ጋሱዋ ኮዪደ፥ ሀዋ ኡንቱንቱ ቦላ ኦያዋ ሳምሶና አዉነ አታ ኤርበይክኖ። ሄ ዎደ ፕልስጼማቱ እስራኤልያ አሳ ሞዲኖ።
5ሄዋፐ ጉይያን፥ ሳምሶን ባረ አዉዋናነ ባረ አትና ትምና ዎዳ። ያን ዎይንያ ቱራ ግዱዋና እ አደ ቢሽን፥ እት ዎዳላ ጋሙ ጉዲደ አ ቦላ ከሴዳ። 6መና ጎዳ አያናይ ሳምሶና ቦላን ዎልቃፐ ዎዳ፤ ዴሻ ማራ ዱሰረያዋዳን፥ ባረ ኩሽያን አያነ ኦይቀናን ጋሙዋ ዱሰረ የጌዳ። ሄ ባረ ኦዳዋ ባረ አዎነ ባረ አትዉ ኦድቤና። 7ሄዋፐ ጉይያን ቢደ፥ ዎዶራቶ ሃሳይሴዳ፤ እዛ አዉ ሎኣዱ።
8ጉ ዎድያፐ ጉይያን፥ እዞ ቡላቻናዉ ያ ስሚደ ቤዳ፤ ባረ ዎዳ ጋሙዋ በአናዉ ኦግያፐ ሸርእ ጊደ ብያ ዎደ፥ ጋሙዋ አሃ ግዶን ማይ ኤሳ ኤሴዳዋ በኤዳ። 9ኤሳፐ አማሬዳዋ ካሽ አኪደ፥ ኦግያን ሚደ ቤዳ። ባረ አዉዋኮነ ባረ ዳይኮ ጋኪደ፥ ባረ ኦይቄዳ ኤሳፐ አማሬዳዋ እምና፥ ኡንቱንቱካ ሜድኖ፤ ሽን ሳምሶን ሄ ኤሳ ጋሙዋ አሃ ግዶፐ አኬዳዋ ኡንቱንቶ ኦድቤና።
10አ አዉ ምሽራት ሶ ቢና፥ ሳምሶን ያን ባላ ጊግሴዳ። ሄዋ ማላ ግብራይ ቡላቻዉ ካሰፐካ ኦያ ዎጋ። 11ሄ አሳይ አ በኤዳ ዎደ፥ አናና ጋምአናዳን ሀታሙ ዎዳላ ናና ዶሬዳ። 12ሳምሶን ኡንቱንታ፥ “አነ ህንተንቱ ኤርንቶነ እት ቃንእሽያ ታን ህንተንታ ቃንእሻይ፤ ቡላቻ ባላይ ቦንቼትያ ላፑን ጋላሳ ግዱዋን ሀ ቃንእሽያ ብርሸ ታዉ ህንተንቱ ኦድያዋ ግዶፐ፥ ታን ህንተዉ ሀታሙ ሱፍያ ቃምሸቱዋነ ሀታሙ ኩመን ማዮቱዋ እማና። 13ሽን ህንተንቱ ታዉ ብርሸ ኦዳናዉ ዳንዳያና ዮፐ፥ ህንተንቱ ታዉ ሀታሙ ሱፍያ ቃምሸቱዋነ ሀታሙ ኩመን ማዮቱዋ እሚታ” ያጌዳ።
ሄዋፐ ጉየ ኡንቱንቱ፥ “ኤኖ፥ ነ ቃንእሽያ አነ ኑ ኦዳ” ያጌድኖ።
14እ ኡንቱንታ፥
“ምያዋፐ ምያባይ ቤቴዳ፤
ምኑዋ ግዶፐ ማልእያባይ ከሴዳ” ያጌዳ።
ሄዛን ጋላስ ጋካናዉ ኡንቱንቱ ቃንእሽያ ብርሸ እማናዉ ዳንዳይበይክኖ።
15ኦይደን ጋላስ ኡንቱንቱ ሳምሶና ማቻቶ፥ “አነ ነ አስና ጭማደ ቃንእሽያ ብርሸ እ ኑዉ ኦዳናዳን ኦ። ሄዌ ዮፐ፥ ኑን ኔናነ ነ አዉዋ ጎልያ ታማን ጹጋና። ህንተንቱ ኑና ጼሴዳዌ ኑና ማንቀናሴ?” ያጌድኖ።
16ያትና፥ ሳምሶና ማቻታ ዬካደ አኮ ሺቃደ፥ “ኔን ታና ሲቃካ! ኔን ታና ሎይ እጻሳ! አያዉ ጎፐ፥ ኔን ታ ጋድያ አሳ ቃንእሽያ ቃንእሻደ፥ አ ብርሸ ታዉ ኦዳበይካ” ያጋዱ።
ሄዋፐ ጉየ እ ዛሪደ፥ “በአ፥ ሀዋ ታን ታ አዎካ ታ አትዉካ ኦዳበይከ። ያትና፥ ነዉ አያዉ ኦዶ?” ያጌዳ። 17ሄዋፐ ጉየ ቡላቻ ባላይ ቦንቼትያ ላፑን ጋላሳ ኡባን ዬካደ ሸምፑዋ ድግና፥ ላፑን ጋላስ ቃንእሽያ ብርሸ እዝዉ ኦዴዳ። አካ ባደ ባረ ጋደ አሳዉ ኦዳዱ።
18ያትና፥ ላፑን ጋላስ አዋይ ዉላናፐ ካሰ ካታማ አሳቱ ባረ ዛሩዋ አኪደ ዪደ፥ ሳምሶና፥
“ኤሳፐ አደ ማልእያባይ አዬ?
ጋሙዋፐ አደ ምንያባይ አዬ?” ያጌድኖ።
ሄዋፐ ጉየ ሳምሶን ኡንቱንታ፥
“ህንተንቱ ታ ኡሳትን ጎሸናባ ግድንቶ፥
ታ ቃንእሽያ ብርሸ ኤርክታ ሽን” ያጌዳ።
19ሄዋፐ ጉይያን፥ መና ጎዳ አያናይ አ ቦላን ዎልቃፐ ዎና፥ አስቃሎና ካታማ ዎደ፥ ሀታሙ አሳቱዋ ዎዳ፤ ኡንቱንቱ ማዩዋ ቃር አኪደ፥ ቃንእሽያ ብሊደ አሳቶ አሂደ እሜዳ። ሀኔዳባን ኡባን ሀንቁዋ ኤጸቲደ፥ ባረ አዉዋ ሶ ስሚደ ቤዳ። 20ሳምሶና ማቻታ አ ላግያዉ፥ አ ዋና ሚዝያዉ እመታዱ።
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Word for the World Ethiopia