ዳናቱዋ 13
13
ሳምሶን የለቴዳ
1እስራኤልያ አሳይ መና ጎዳ ስንን ቃይካ ኢታባ ኦዳ። ያትና፥ መና ጎዳይ ኡንቱንታ ኦይታሙ ላይዉ ፕልስጼማ አሳ ኩሽያን አደ እሜዳ።
2ሄ ዎደ ጾርአ ጌተትያ ካታማን ማኑሀ ጌተትያ እት ብታኒ ደኤ። እ ዳና ዛረ፤ አ ማቻታ ማንቶ ግዴዳ ድራዉ፥ ናኣ የላበይኩ። 3እት ጋላስ መና ጎዳ ኪታንቻይ ሄ ማቻትዉ ቤቲደ፥ ሀዋዳን ያጌዳ፤ “በአ፥ ኔን ናኣ የላቤና ማንቶ፤ ሽን ነዉ የሉ አታናዋ፤ ኔን አቱማ ናኣ የላና። 4ሄዋ ድራዉ፥ ዎይንያ ኤሳ ዎይ ማይያ ኡሻ ኡሸናዳንነ ቱናባ አያነ ሜናዳን ናገታ። 5ነዉ የሉ አትና፥ ኔን አቱማ ናኣ የላና። ናአይ የለትያ ዎድያፐ ዶሚደ፥ ጾሳዉ ዱማቴዳ ናዝራዌ ግድያ ድራዉ፥ አ ብናና ኡባካ ሜዶፓ። እ እስራኤልያ ፕልስጼማ አሳ ኩሽያፐ አሻናዉ ዶማና” ያጌዳ።#ፓይ. 6:1-5
6ሄዋፐ ጉይያን ምሽራታ ባደ፥ ባረ አስናዉ ሀዋዳን ያጋደ ኦዳዱ፤ “ጾሳ አሳ እቱ ታኮ ዬዳ፤ አዉ ማላይካ ጾሳ ኪታንቻ ማላ ማላ ሎይ ያሽያዋ። እ ሀቃፐ ዬደንቶካ ታን አ ኦቻበይከ፤ እካ ባረ ሱን ታዉ ኦድቤና። 7ሽን እ ታና፥ ‘ነዉ የሉ አትና፥ ኔን አቱማ ናኣ የላና። ናአይ የለቶደፐ ዶሚደ ሀይቃና ጋካናዉ፥ ጾሳዉ ዱማቴዳ ናዝራዌ ግድያ ድራዉ፥ ዎይንያ ኤሳ ዎይ ማይያ ኡሻ ኡሾፓ፤ አያነ ቱኔዳባ ሞፓ’ ያጌዳ” ያጋደ ኦዳዱ።
8ሄዋፐ ጉይያን ማኑሄ፥ “አቤት መና ጎዳዉ፥ ናአይ የለትያ ዎደ አያ ኦናዉ ኮሽንቶ ኤርሳና ማላ፥ ኔን ካሰና ኪቴዳ ጾሳ አሳይ ኑኮ ስሚደ ያናዳን ኦርኪ” ያጊደ ጾሳ ዎሴዳ።
9መና ጎዳይ ማኑሄ ዎሳ ስሴዳ። ማጫ ምሽራታ ጋደን ኡታ ደእሽን ላኤንዋ ዬዳ፤ ሽን ሄ ዎደ እ አስናይ ማኑሄ እዝና ደኤና። 10ማጫ ምሽራታ ኤለካ ባረ አስናኮ ባደ፥ “በአ፥ እን ጋላስ ታኮ ዬዳ ብታኒ ሀችካ ሀዋን ደኤ” ያጋዱ።
11ሄዋፐ ጉየ ማኑሄ ኡቴዳ ሳፐ ደንዲደ፥ ባረ ማቻቶ ካሊደ ቤዳ፤ ጋኪደ፥ ብታንያ፥ “እን ታ ማቻትና ሃሳዬዳዌ ኔኔ?” ያጊደ ኦቼዳ።
ብታኒ፥ “ኤ ታና” ያጌዳ።
12ሄዋፐ ጉየ ማኑሄ፥ “ኔን ኦዴዳ ቃላይ ፖለትያ ዎደ፥ የለታና ናኣ ደኦነ ኦሶ ዎጋይ አዬ?” ያጊደ አ ኦቼዳ።
13ሄዋ ድራዉ መና ጎዳ ኪታንቻይ፥ “ነ ማቻታ ታን ኦዴዳ ኡባባፐ ናገቱ። 14ዎይንያ ቱራፐ ከስያባ አያነ ሙፑ፤ ዎይንያ ኤሳ ዎይ ማይያ ኡሻ ኡሹፑ፤ አያነ ቱኔዳባ ሙፑ። ታን እዞ አዛዜዳዋ ኡባ ፖሉ” ያጊደ ዛሬዳ።
15ማኑሄ ቃይ መና ጎዳ ኪታንቻ፥ “ኑን ነዉ እት ያላጋ ዴሻ ሹኪደ ጊግሳናዉ፥ ሀያና ታካርኪ” ያጌዳ።
16መና ጎዳ ኪታንቻይ ዛሪደ፥ “ታን ታክንቶካ፥ ነ ቁማ ሚከ። ሽን ኔን ጹግያ ያርሹዋ ጊግሳና ኮዮፐ፥ መና ጎዳዉ ያርሻናዉ ዳንዳያሳ” ያጌዳ። እ መና ጎዳ ኪታንቻ ግድያዋ ማኑሄ ኤርቤና።
17ማኑሄ ቃይካ ጾሳ ኪታንቻ፥ “ኔን ኦዴዳ ቃላይ ፖለትያ ዎደ፥ ኑን ኔና ቦንቻና ማላ፥ ነ ሱንይ ኦኔ?” ያጌዳ።
18ጾሳ ኪታንቻይ አ፥ “ታ ሱንይ ማላልስያዋ ግድያ ድራዉ፥ ኔን ታ ሱን አያዉ ኦቻይ?” ያጊደ ዛሬዳ።
19ሄዋፐ ጉየ ማኑሄ ሄ ዴሻነ አ ካ ያርሹዋ አኪደ፥ ዛላ ቦላ መና ጎዳዉ ያርሼዳ። ማኑሄነ አ ማቻታ ጼልሽን፥ መና ጎዳይ ማላልስያባ ኦዳ። 20ያርሹዋ ያርሽያ ሳፐ ታማ ላጩ ፑደ ፖሎላትሽን፥ መና ጎዳ ኪታንቻይ ታማ ላጩዋ ግዱዋና ሳሉዋ ከሴዳ። ማኑሄነ አ ማቻታ ሄዋ በኢደ፥ ዴሙዋ ሳኣ ጋደ ጉፋኔድኖ።
21መና ጎዳ ኪታንቻይ ማኑሄዉነ አ ማቻትዉ ላኤንዋ ቤተናን አግና፥ እ መና ጎዳ ኪታንቻ ግዴዳዋ ማኑሄ ሄ ዎደ አኬኬዳ። 22ማኑሄ ባረ ማቻቶ፥ “ኑን ጾሳ በኤዳ ድራዉ፥ ኑን ሀይቂያዌ ጌሻ” ያጌዳ።
23ሽን አ ዛራደ፥ “መና ጎዳይ ኑና ዎናዉ ኮዬዳዋ ግድንቶ፥ ጹግያ ያርሹዋነ ካ ያርሹዋ ኑ ኩሽያፐ አከና፥ ዎይ ሄ ኡባባ ኑና በሰና፥ ዎይ ሀዋ ኑ ኦደና” ያጋዱ።
24ማጫ ምሽራታ አቱማ ናኣ የላደ ሳምሶና ጋደ ሱንዱ። ናአይካ ድጬዳ፤ መና ጎዳይካ አ አንጄዳ። 25ናአይ ጾርአፐነ ኤሽታኦላፐ ግዱዋን ደእያ ዳና ሞን ደእሽን፥ መና ጎዳ አያናይ አ ደንዋ ዶሜዳ።
Currently Selected:
ዳናቱዋ 13: DFBE
Highlight
Copy
Compare
Share
Want to have your highlights saved across all your devices? Sign up or sign in
The Word for the World Ethiopia
ዳናቱዋ 13
13
ሳምሶን የለቴዳ
1እስራኤልያ አሳይ መና ጎዳ ስንን ቃይካ ኢታባ ኦዳ። ያትና፥ መና ጎዳይ ኡንቱንታ ኦይታሙ ላይዉ ፕልስጼማ አሳ ኩሽያን አደ እሜዳ።
2ሄ ዎደ ጾርአ ጌተትያ ካታማን ማኑሀ ጌተትያ እት ብታኒ ደኤ። እ ዳና ዛረ፤ አ ማቻታ ማንቶ ግዴዳ ድራዉ፥ ናኣ የላበይኩ። 3እት ጋላስ መና ጎዳ ኪታንቻይ ሄ ማቻትዉ ቤቲደ፥ ሀዋዳን ያጌዳ፤ “በአ፥ ኔን ናኣ የላቤና ማንቶ፤ ሽን ነዉ የሉ አታናዋ፤ ኔን አቱማ ናኣ የላና። 4ሄዋ ድራዉ፥ ዎይንያ ኤሳ ዎይ ማይያ ኡሻ ኡሸናዳንነ ቱናባ አያነ ሜናዳን ናገታ። 5ነዉ የሉ አትና፥ ኔን አቱማ ናኣ የላና። ናአይ የለትያ ዎድያፐ ዶሚደ፥ ጾሳዉ ዱማቴዳ ናዝራዌ ግድያ ድራዉ፥ አ ብናና ኡባካ ሜዶፓ። እ እስራኤልያ ፕልስጼማ አሳ ኩሽያፐ አሻናዉ ዶማና” ያጌዳ።#ፓይ. 6:1-5
6ሄዋፐ ጉይያን ምሽራታ ባደ፥ ባረ አስናዉ ሀዋዳን ያጋደ ኦዳዱ፤ “ጾሳ አሳ እቱ ታኮ ዬዳ፤ አዉ ማላይካ ጾሳ ኪታንቻ ማላ ማላ ሎይ ያሽያዋ። እ ሀቃፐ ዬደንቶካ ታን አ ኦቻበይከ፤ እካ ባረ ሱን ታዉ ኦድቤና። 7ሽን እ ታና፥ ‘ነዉ የሉ አትና፥ ኔን አቱማ ናኣ የላና። ናአይ የለቶደፐ ዶሚደ ሀይቃና ጋካናዉ፥ ጾሳዉ ዱማቴዳ ናዝራዌ ግድያ ድራዉ፥ ዎይንያ ኤሳ ዎይ ማይያ ኡሻ ኡሾፓ፤ አያነ ቱኔዳባ ሞፓ’ ያጌዳ” ያጋደ ኦዳዱ።
8ሄዋፐ ጉይያን ማኑሄ፥ “አቤት መና ጎዳዉ፥ ናአይ የለትያ ዎደ አያ ኦናዉ ኮሽንቶ ኤርሳና ማላ፥ ኔን ካሰና ኪቴዳ ጾሳ አሳይ ኑኮ ስሚደ ያናዳን ኦርኪ” ያጊደ ጾሳ ዎሴዳ።
9መና ጎዳይ ማኑሄ ዎሳ ስሴዳ። ማጫ ምሽራታ ጋደን ኡታ ደእሽን ላኤንዋ ዬዳ፤ ሽን ሄ ዎደ እ አስናይ ማኑሄ እዝና ደኤና። 10ማጫ ምሽራታ ኤለካ ባረ አስናኮ ባደ፥ “በአ፥ እን ጋላስ ታኮ ዬዳ ብታኒ ሀችካ ሀዋን ደኤ” ያጋዱ።
11ሄዋፐ ጉየ ማኑሄ ኡቴዳ ሳፐ ደንዲደ፥ ባረ ማቻቶ ካሊደ ቤዳ፤ ጋኪደ፥ ብታንያ፥ “እን ታ ማቻትና ሃሳዬዳዌ ኔኔ?” ያጊደ ኦቼዳ።
ብታኒ፥ “ኤ ታና” ያጌዳ።
12ሄዋፐ ጉየ ማኑሄ፥ “ኔን ኦዴዳ ቃላይ ፖለትያ ዎደ፥ የለታና ናኣ ደኦነ ኦሶ ዎጋይ አዬ?” ያጊደ አ ኦቼዳ።
13ሄዋ ድራዉ መና ጎዳ ኪታንቻይ፥ “ነ ማቻታ ታን ኦዴዳ ኡባባፐ ናገቱ። 14ዎይንያ ቱራፐ ከስያባ አያነ ሙፑ፤ ዎይንያ ኤሳ ዎይ ማይያ ኡሻ ኡሹፑ፤ አያነ ቱኔዳባ ሙፑ። ታን እዞ አዛዜዳዋ ኡባ ፖሉ” ያጊደ ዛሬዳ።
15ማኑሄ ቃይ መና ጎዳ ኪታንቻ፥ “ኑን ነዉ እት ያላጋ ዴሻ ሹኪደ ጊግሳናዉ፥ ሀያና ታካርኪ” ያጌዳ።
16መና ጎዳ ኪታንቻይ ዛሪደ፥ “ታን ታክንቶካ፥ ነ ቁማ ሚከ። ሽን ኔን ጹግያ ያርሹዋ ጊግሳና ኮዮፐ፥ መና ጎዳዉ ያርሻናዉ ዳንዳያሳ” ያጌዳ። እ መና ጎዳ ኪታንቻ ግድያዋ ማኑሄ ኤርቤና።
17ማኑሄ ቃይካ ጾሳ ኪታንቻ፥ “ኔን ኦዴዳ ቃላይ ፖለትያ ዎደ፥ ኑን ኔና ቦንቻና ማላ፥ ነ ሱንይ ኦኔ?” ያጌዳ።
18ጾሳ ኪታንቻይ አ፥ “ታ ሱንይ ማላልስያዋ ግድያ ድራዉ፥ ኔን ታ ሱን አያዉ ኦቻይ?” ያጊደ ዛሬዳ።
19ሄዋፐ ጉየ ማኑሄ ሄ ዴሻነ አ ካ ያርሹዋ አኪደ፥ ዛላ ቦላ መና ጎዳዉ ያርሼዳ። ማኑሄነ አ ማቻታ ጼልሽን፥ መና ጎዳይ ማላልስያባ ኦዳ። 20ያርሹዋ ያርሽያ ሳፐ ታማ ላጩ ፑደ ፖሎላትሽን፥ መና ጎዳ ኪታንቻይ ታማ ላጩዋ ግዱዋና ሳሉዋ ከሴዳ። ማኑሄነ አ ማቻታ ሄዋ በኢደ፥ ዴሙዋ ሳኣ ጋደ ጉፋኔድኖ።
21መና ጎዳ ኪታንቻይ ማኑሄዉነ አ ማቻትዉ ላኤንዋ ቤተናን አግና፥ እ መና ጎዳ ኪታንቻ ግዴዳዋ ማኑሄ ሄ ዎደ አኬኬዳ። 22ማኑሄ ባረ ማቻቶ፥ “ኑን ጾሳ በኤዳ ድራዉ፥ ኑን ሀይቂያዌ ጌሻ” ያጌዳ።
23ሽን አ ዛራደ፥ “መና ጎዳይ ኑና ዎናዉ ኮዬዳዋ ግድንቶ፥ ጹግያ ያርሹዋነ ካ ያርሹዋ ኑ ኩሽያፐ አከና፥ ዎይ ሄ ኡባባ ኑና በሰና፥ ዎይ ሀዋ ኑ ኦደና” ያጋዱ።
24ማጫ ምሽራታ አቱማ ናኣ የላደ ሳምሶና ጋደ ሱንዱ። ናአይካ ድጬዳ፤ መና ጎዳይካ አ አንጄዳ። 25ናአይ ጾርአፐነ ኤሽታኦላፐ ግዱዋን ደእያ ዳና ሞን ደእሽን፥ መና ጎዳ አያናይ አ ደንዋ ዶሜዳ።
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Word for the World Ethiopia