2 ኦዱዋ 4
4
ጌሻ ጎልያ ሚሻቱዋ
(1 ካታ. 7:23-51)
1ሄዋፐ ጉይያን፥ ሶሎሞነ ጌሳይ ላታሙ ዋ፥ ጎምፓይ ላታሙ ዋ፥ ጌሳይ ታሙ ዋ ግድያ ያርሽያ ሳኣ ናሃስያ ብራታፐ ኦስሴዳ።#ከሳ 27:1-2
2ቃይ ናሃስያ ብራታ ሲልሲደ፥ ዶናይ ያ ጋጻፐ ሀ ጋጻ ጋካናዉ ታሙ ዋ፥ ጌሳይ እቼሹ ዋነ ዩሹ ሀታሙ ዋ ግድያ አባ ግያ ሳኒያ መሴዳ። 3አባ ሳኒያ ዶናን ካረ ባጋና ዝቂ ጊደ፥ አናና ኦይቀቲደ መቴዳ ምስለቱ ደኢኖ፤ ሄ ምስለቱ ላኡ ማራን ደእያ ቦራቱዋ ምስለቱዋ።
4ሄ አባ ሳኒ ናሃስያ ብራታፐ መቴዳ ታማነ ላኡ ቦራቱዋ ምስለቱ ዞክያን ኡቴዳ። ቦራቱዋፐ ሄዛቱ ሁጲሳ ባጋ፥ ሄዛቱ አዋይ ዉልያ ባጋ፥ ሄዛቱ ገድሳ ባጋ፥ ሄዛቱ ቃይ አዋይ ዶልያ ባጋ ስሚደ ጼልያዋ ማላትኖ። አባ ሳኒ ኡንቱንቱ ቦላ ኡቴዳ፤ ኡንቱንቶ ጉየ ባጋይ ግዱዋኮ ስም ኡቴዳ። 5አባ ሳኒ እት ታካ ኬሻ ኦርዱዋ፤ አ ዶናይ ዋንጫ ዶና ማላ፤ ቃይ ጪሻይ ጪሼዳዋካ ማላቴ። ሄ አባ ሳኒ ኡሱፑን ታሙ ሻአ ሊትሮ ግድያ ሃ ኦይቂያዋ።
6ሶሎሞነ ቃይካ ሜጨትያ ታሙ ከረቱዋ መሴዳ፤ መሴዳ እቼሻቱዋ ገድሳ ባጋና፥ ቃይ እቼሻቱዋ ሁጲሳ ባጋና ዎዳ። ኡንቱንቱን ጹግያ ያርሹዋ አሹ ሜጨቴ፤ ሽን አባ ሳኒያ ሃን ቄሳቱ ሜጨትኖ።#ከሳ 30:17-21
7ሄዋፐ ጉይያን፥ ሶሎሞነ ኡንቱንቶ እመቴዳ ሀልቹዋዳን ጾምፕያ ዎያ ባላቱዋ ታማቱዋ ዎርቃፐ ኦስሲደ፥ እቼሻቱዋ ኡሸቻ ባጋና፥ እቼሻቱዋ ሀድርሳ ባጋና ጌሻ ጎልያ ግዶን ዎዳ።#ከሳ 25:31-40 8ቃይካ እ ታሙ ጻርጴዛቱዋ ኦደ፥ እቼሻቱዋ ኡሸቻ ባጋና፥ እቼሻቱዋ ሀድርሳ ባጋና ጌሻ ጎልያ ግዶን ዎዳ። ቃይ ጼቱ ኩይጻሮቱዋካ ዎርቃፐ መሴዳ።#ከሳ 25:23-30
9ሶሎሞነ ቄሳቶ ግዶ ዳባባነ ካረ ባጋ ዎልቃማ ዳባባ ጊግሴዳ፤ ዳባባዉ ፐንገቱዋ ጊግሲደ፥ ፐንገቱዋ ናሃስያ ብራታን ሼሼዳ። 10አባ ሳኒያ ጌሻ ጎልያፐ ገድሳ አዋይ ዶልያ ባጋ ዎዳ።
11ሁራም ከረቱዋ፥ አካፋቱዋነ ኩይጻሮቱዋ መዳ፤ ያቲደ ሁራም ካትያ ሶሎሞናዉ ጾሳ ጌሻ ጎልያን ኪታ ኦደ ፖሌዳ። 12እ ኦዳ ኦሶቱካ ላኡ ቱሳቱዋ፥ ቱሳቱዋ ሁጲያን ዎያ ሳአይነ ማላ ላኡ ጉምቦቱዋ፥ ቱሳቱዋ ቦላይ ደእያ ላኡ ጉምቦቱዋ አሌቂስያ ላኡ ግተ ማላ ሳንሳላታቱዋ፥ 13እት እት ጉምቡዋ ቦላ ላኡ ማራን ናሃስያፐ መቴዳ እት እት ጼቱ ሮማነ ቴራ ምስለቱዋ፥ ኡባና ኦይዱ ጼቱ ሮማነ ቴራ ምስለቱዋ፥ 14ታሙ ጋረቱዋ፥ ጋረቱዋ ቦላን ዎያ፥ ሜጨትያ ታሙ ከረቱዋ፥ 15አባ ሳኒያነ አፐ ጋርሳን ደእያ ታማነ ላኡ ቦራቱዋ ምስለቱዋ፥ 16ከረቱዋ፥ አካፋቱዋ፥ ዛምቤልያነ ሀራ ሚሻቱዋ ኡባ።
ሁራም ካትያ ሶሎሞናዉ መና ጎዳ ጌሻ ጎልያ ኦሶ መዳ ሀ ሚሻቱዋ ኡባ ቁጨቴዳ ናሃስያፐ መዳ። 17ካቲ ሶሎሞነ ሱኮታፐነ ጻሬዳፐ ግዱዋን፥ ዮርዳኖሳ ደምባን ደእያ ናሃስያ ብራታ ሲልስያ ሳኣን ሀዋንታ ኡባ ኦስሴዳ። 18ናሃስያ ብራታፐ መቴዳ ሀ ሚሻይ ኡባይ ሎይ ዳሮ ግዴዳ ድራዉ፥ ዎይሳ ዴጽንቶ፥ ልኪ ኤረትቤና።
19ቃይካ ሶሎሞነ ጾሳ ጌሻ ጎልያ ደእያ ሚሻቱዋ ዎርቃፐ ኡባ መሴዳ። ሄዋንቱካ ዎርቃፐ ኦዳ ያርሽያ ሳኣ፥ ጾሳ ስንን ዎያ ኡክይ ኡትያ ጻራጴዛ፥ 20ኡንቱንቶ ዎዳ ዎጋዳን ኡባፐ አያ ጌሻ ሳኣ ስንን ፖአናዳን ጾምፕያ ዎያ ዎርቃ ባላቱዋ፥ ኡንቱንቱ ዎርቃ ጾምፐቱዋ፥ 21ጌሻ ዎርቃፐ ኦዳ ጪሻ ምስለቱዋ፥ ጾምፕያ ቶይስያ ቃጰቱዋ። 22ጾምፕያ ቶይስያ ቃጰቱዋ፥ ኩይጻሮቱዋ፥ እጻና ጩዋይያባቱዋነ ታማ አክያ ሚሻቱዋ። ሀ ሚሻቱ ኡባይ ጌሻ ዎርቃፐ ኦሰቴድኖ። ጌሻ ጎልያዉ ካረ ባጋ ፐንገቱዋነ ኡባፐ አያ ጌሻ ሳኣ ገልያ ፐንገቱዋ ዎርቃን ሼሼዳ።
Currently Selected:
2 ኦዱዋ 4: DFBE
Highlight
Copy
Compare
Share
Want to have your highlights saved across all your devices? Sign up or sign in
The Word for the World Ethiopia
