2 ኦዱዋ 17
17
ዮሳፌጸ ይሁዳን ካተቴዳ
1አሳ ናአይ ዮሳፌጸ አ ኮታን ካተቴዳ፤ ዮሳፌጸ እስራኤልያ ኦላናዉ ባረና ምንሴዳ። 2ግምበት ኡቴዳ ይሁዳ ካታማቱዋ ኡባን ኦላንቻቱዋ ዎዳ፤ ቃይ ይሁዳ ቢታንነ አ አዉ አሳይ ኦሞዴዳ ኤፍሬማ ጋድያ ካታማቱዋን ኦላንቻቱ ጌሱዋ መዳ።
3-4መና ጎዳይ ዮሳፌጻ አንጄዳ፤ አያዉ ጎፐ፥ አ አዉ ኮይሮ ካትያ ግዴዳ ዎደ፥ ጾሳዉ አማነቴዳዋዳን፥ እካ አማነቴዳ። ባኣላ ኤቃ ምስልያዉ ጎይነናን እጼዳ። ዮሳፌጸ ባረ አዉዋ ኦግያን ሀመቲደ፥ ጾሳ አዛዙዋ ፖሌዳ። እ እስራኤልያ ካተቱ ኦዳ ኢታ ኪታ ኦቤና። 5ሄዋ ድራዉ፥ መና ጎዳይ አ ይሁዳ ካዉተን ሎይ ኤሴዳ። ይሁዳ አሳይ ኡባይ ዮሳፌጻዉ እሙዋ አሄድኖ፤ ያትና፥ እ ሎይ ዱረቴዳነ ቦንቼቴዳ። 6ዮሳፌጸ መና ጎዳዉ ዎዛናፐ ኦያ አሳ ግዴዳ። ሄዋ ቦላንካ ጎይንያ ቃ ሳአቱዋነ አሼሮ ግያ ጾሳት ኤቃ ምስለቱዋ ይሁዳ ጋድያፐ ይሴዳ።
7ዮሳፌጸ ባረ ካተቴዳ ሄዘን ላይ ይሁዳ ካታማቱዋን ታማርሳናዳን ባረ ኦሳንቻቱዋ በንሀይላ፥ ኦባድያ፥ ዛካራሳ ናታንኤላነ ምካያ ኪቴዳ። 8ቃይ ኡንቱንቱና እትፐ ሌዋቱዋ ሻማእያ፥ ናታንያ፥ ዛባድያ፥ አሳሄላ፥ ሻምራሞታ፥ ዮናታና፥ አዶንያ፥ ጾቢያነ ጾባዶንያ የዴዳ፤ ቃይካ ቄሳቱ ዋ ኤልሻማአነ ዮራማ ኡንቱንቱና እትፐ ኪቴዳ። 9ኡንቱንቱ ኡባይ መና ጎዳ ህግያ ማጻፋ ባረናና አኪደ፥ ይሁዳ ቢታን ደእያ ካታማቱዋ ኡባ ቢደ፥ ያን አሳ ታማርሴድኖ።
ዮሳፌጻ ግታተ
10ይሁዳ ቢታ ዩሹዋን ደእያ ካዉተቱዋ ኡባ መና ጎዳይ ያሽስና፥ ኡንቱንቱ ዮሳፌጻና ኦለትበይክኖ። 11ፕልስጼማ አሳቱዋፐ አማሬዳዋንቱ እሙዋነ ብራ ጊራ ዮሳፌጻዉ አሄድኖ፤ ቃይ አራባቱካ አዉ ላፑን ሻአነ ላፑን ጼቱ ዶርሳ ኦርገቱዋነ ላፑን ሻአነ ላፑን ጼቱ ዴሻ ኦርገቱዋ አሄድኖ። 12ሄዋ ድራዉ፥ ዮሳፌጸ ሎይ ምን ምን ቤዳ። እ ይሁዳን ጌሶቱዋነ ምንጅያዋ ዎያ ካታማቱዋ ኬጼዳ። 13እ ሄ ካታማቱዋን ዳሮባ ምንጄዳ።
የሩሳላመን አዉ ምኖ ኦላንቻቱ ደኢኖ። 14ኡንቱንቱ ባረንቱ አዎቱዋ ጎለን ጎለን ሀዋፐ ካሊደ ጻፈቴድኖ። ይሁዳ ዛርያፐ ሻላቃይ አድናሀ፤ አናና 300,000 ምኖ ኦላንቻቱ ደኢኖ።
15አድናሀ ካሊደ ደእያ ካፑ ዮሀናና፤ አናና 280,000 ምኖ ኦላንቻቱ ደኢኖ።
16መና ጎዳዉ ባረ ሸንያን ከሴዳ አማሳይ አ ካሊደ ደእያ ሄዘን ካፑዋ፤ እ ዚክራ ናኣ። አማሳያና 200,000 ምኖ ኦላንቻቱ ደኢኖ።
17ቢንያማ ዛርያፐ ካፑ ምኖ ኦላንቻ ኤልያዳአ፤ አናና ዎንዳፍያነ ጎንዳልያ ኦይቂያ 200,000 ኦላንቻቱ ደኢኖ።
18ኤልያዳአ ካሊደ ደእያ ካፑ ይሆዛባዳ፤ አናና ኦላ ባናዉ ዳንጬዳ 180,000 ኦላንቻቱ ደኢኖ።
19ሀ ኡባ ኦላንቻቱ ካትያዉ የሩሳላመን ኦዳዋንታ፤ ሀዋንቱ ፓይዱ ይሁዳን ደእያ ግምበቴዳ ካታማቱዋን ኡባን ካቲ ዎዳ ኦላንቻቱዋ ጉጀና።
Currently Selected:
2 ኦዱዋ 17: DFBE
Highlight
Copy
Compare
Share
Want to have your highlights saved across all your devices? Sign up or sign in
The Word for the World Ethiopia
