1 ኦዱዋ 9
9
ኦሞዱዋፐ ስሜዳ እስራኤልያ አሳ
1እስራኤልያ አሳይ ኡባይ ባረ የለታን የለታን ጻፈቴዳ፤ ሀ ታርኪ እስራኤልያ ካተቱ ማጻፋን ደኤ።
ይሁዳ አሳይ አማነትቤና ድራዉ፥ ባብሎነ ጋድያ ኦሞደት ቤድኖ። 2ኮይሮ ስሜዳ እስራኤልያ አሳይ፥ ቄሳቱ፥ ሌዋቱነ ጌሻ ጎልያን ኦያዋንቱ ባረንቱ ሳአቱዋንነ ባረንቱ ካታማቱዋን ኡቴድኖ።#እዝራ 2:27፤ ናህ. 7:73 3ይሁዳ ዛራቱዋፐ፥ ቢንያማ ዛራቱዋፐ፥ ኤፍሬማ ዛራቱዋፐነ ምናሰ ዛራቱዋፐ አማሬዳዋንቱ የሩሳላመን ደኤድኖ።
ይሁዳ ያራቱዋ
4ይሁዳ ናኣ ፓሬሳ ያራቱዋፐ ኡታይ የሩሳላመን ኡቴዳዋንቱ ካፑዋ። ኡታይ አምሁዳ ናኣ፤ አምሁድ ኦምራ ናኣ፤ ኦምር እምራ ናኣ፤ እምር ባና ናኣ።
5ይሁዳ ናኣ ሼላ ያራቱዋፐ አሳይነ አ ናናይ የሩሳላመን ኡቴዳዋንቱ ካፓቱዋ።
6ይሁዳ ናኣ ዛራሀ ያራቱዋፐ ይኡኤል የሩሳላመን ኡቴዳዋንቱ ካፑዋ።
ይሁዳ ዛራቱ ፓይድና ኡባና ኡሱፑን ጼታነ ኡዱፑን ታማ።
ቢንያማ ያራቱዋ
7-9ቢንያማ ያራቱ ካፓቱ ሀዋፐ ካሊደ ጻፈቴድኖ።
ካፑ ሳሉ ማሹላማ ናኣ፤ ማሹላም ሆዳዊያ ናኣ፤ ሆዳዊ ሀሳኑአ ናኣ።
ካፑ ይብናይ ይሮሃማ ናኣ።
ካፑ ኤል ኡዛ ናኣ፤ ኡዝ ሚክራ ናኣ።
ካፑ ማሹላም ሻፋያ ናኣ፤ ሻፋጽ ራኡኤላ ናኣ፤ ራኡኤል ይብንያ ናኣ።
ቢንያማ ዛራቱ ፓይድና ኡባና ኡዱፑን ጼታነ እሻታማነ ኡሱፑና።
የሩሳላመን ደኤዳ ቄሳቱ ዋ
10የሩሳላመን ደኤዳ ቄሳቱ ሀዋፐ ካሊደ ጻፈቴዳዋንታ።
ኡንቱንቱ ያዳያ፥ ይሆያርባ፥ ያኪናነ 11ጾሳ ጌሻ ጎልያን ካፖትያ አዛርያሳ። አዛርያስ ህልቂያ ናኣ፤ ህልቂ ማሹላማ ናኣ፤ ማሹላም ጻዶቃ ናኣ፤ ጻዶቀ ማራዮታ ናኣ፤ ማራዮት አህጹባ ናኣ።
12ሀራቱ ቃይ ይሮሃማ ናኣ አዳያነ አዲኤላ ናኣ ማእሳያ። ይሮሃም ፓሽሁራ ናኣ፤ ፓሽሁር ማልክያ ናኣ። አዲኤል ያህዜራ ናኣ፤ ያህዜር ማሹላማ ናኣ፤ ማሹላም ማሽለሚታ ናኣ፤ ማሽለሚት እሜራ ናኣ።
13ባረንቱ ሶይ አሳዉ ካፖትያ ቄሳቱ እት ሻአነ ላፑን ጼታነ ኡሱፑን ታማ። ሀዋንቱ ጾሳ ጌሻ ጎልያን ኦናዉ ዳንዳይያ አሳቱዋ።
የሩሳላመን ደኤዳ ሌዋቱዋ
14የሩሳላመን ደኤዳ ሌዋቱ ሀዋፐ ካሊደ ጻፈቴዳዋንታ።
ሃሹባ ናአይ ሻማኤ ማራራ ያራ። ሀሹብ አዝርቃማ ናኣ፤ አዝርቃም ሀሻብያ ናኣ።
15ሀራቱ ቃይ ባቅባቃራ፥ ሄሬሻ፥ ጋላላነ ማታንያ። ማታኔ ሚካ ናኣ፤ ሚክ ዚክራ ናኣ፤ ዚክር አሳፋ ናኣ።
16ሀራቱ ቃይ ናጾፋ አሳቱዋ ሞቱዋን ኡቴዳ ኦባድያነ በረክያ። ኦባድ ሻማእያ ናኣ፤ ሻማኤ ጋላላ ናኣ፤ ጋላል ይዱቱና ናኣ። በረኪ አሳ ናኣ፤ አሳይ ኤልቃና ናኣ።
የሩሳላመን ፐንግያ ናግያዋንታ
17ጌሻ ጎልያ ፐንግያ ናግያዋንቱ ሻሉማ፥ አቁባ፥ ጻልሞና፥ አህማናነ ኡንቱንቱ ዳቦቱዋ። ሻሉም ኡንቱንቱ ካፑዋ። 18ሀ ያራቱ ካሰ አዋይ ዶልያ ባጋና ደእያ፥ ካትያ ፐንግያ ግያ ፐንግያ ናጌድኖ። ሄዋፐ ካሰ ኡንቱንቱ ሌዋቱ ዱንካንያ ዎደ ናጌድኖ።
19ሻሉም ኤብያሳፋ ናኣ ቆረ ናኣ፤ እ ቆራሀ ያራ አሳ። ቆራሀ ያራቱ ካሰ መና ጎዳ ዱንካንያ ናጌዳዋዳን፥ ሻሉምነ ቆራሀ ያራ ግድያ አ ዳቦቱ ጌሻ ጎልያ ገልያ ፐንግያ ናጊኖ።
20ኤልኣዛራ ናአይ ፒንሃስ በን ዎደ ቆራሀ ያራቱ ካፑዋ፤ መና ጎዳይ አናና ደኤዳ።
21ማሸለምያ ናአይ ዛካራስ ጋከትያ ዱንካንያ ገልያ ፐንግያ ናጌዳ።
22ፐንግያ ናጋናዉ ዶረቴዳዋንቱ ኡባና ላኡ ጼታነ ታማነ ላኡዋ፤ ሀዋንቱ ባረንቱ ሞን ሞን ፓይደቲደ ጻፈቴድኖ። ኡንቱንቱ ያራቶ ሀ አዎተ እሜዳዋንቱ ካትያ ዳዊታነ ትምቢትያ ኦድያ ሳመላ። 23ሄዋ ድራዉ፥ ኡንቱንቱነ ኡንቱንቱ ናናይ መና ጎዳ ጌሻ ጎልያ ገልያ ፐንግያ ናጊኖ። 24ኦይዱ ዞዘቱን ዉላሃንነ፥ ዶላሃን፥ ሁጲሳንነ ገድሳና እት እት ፐንጊ ደኤ፤ ሄ ፐንገቱዋ ናግያዋንቱካ ደኢኖ። 25ሄ ሞን ደእያ ኡንቱንቱ ዳቦቱ ላፑን ላፑን ጋላሳን ላመት ናጊደ፥ ኡንቱንታ ማድኖ።
26ፐንግያ ናግያ ኦይዱ ካፓቱ ሌዋቱዋ፤ ኡንቱንቱ ጾሳ ጌሻ ጎልያዉ፥ አ ግዶ ክፍለቶነ ክፍለቱ ግዱዋን ደእያ ሚሻቶ አዎቲኖ። 27ጾሳ ጌሻ ጎልያ ናግያዋንቱነ ቃይ ጉራ ጉራ ካርያ ዶይያዋንቱ ኡንቱንታ ግድያ ድራዉ፥ ያን አቂኖ።
ሀራ ሌዋቱዋ
28ሌዋቱዋፐ አማሬዳዋንቱ ጎይንያ ዎደ ጎኤትያ ሚሻቶ አዎቲኖ፤ ሄ ሚሻቱዋ ካረ ከስያ ዎደነ ሶ ገልስያ ዎደ ኡንቱንቱ ፓይዲኖ። 29ቃይ ኡንቱቱፐ እቱ እቱ ጌሻ ጎልያ ግዱዋን ጎኤትያ ሀራ ሚሻቶ፥ ሊቆ ልያዉ፥ ዎይንያ ኤሳዉ፥ ዛይትያዉ፥ እጻናዉነ ሳዎቶ አዎቲኖ። 30ሽን ቄሳቱዋ ናናቱዋፐ እቱ እቱ ሳዉዋ ልኪ ልኪደ ዋላኪኖ።
31ቆራሀ ያራቱዋፐ ሻሉማ ባይራ ናአይ ማቲተ ያርሹዋ ኡክ ኡክያዎ አዎቴ። 32ቃሃታ ያራ ግድያ ኡንቱንቱ ዳባቱዋፐ አማሬዳዋንቱ ቃይ ሳምባታን ሳምባታን ጻርጴዛን ዎያ ኡክ ጊግስያ አዎተ ኦይቄድኖ።
33ሌዋቱ ዛራቱዋፐ አማሬዳ ካፓቱ ጌሻ ጎልያን የጽያዋንታ። ቃማካ ጋላስካ ኡንቱንቱ ኦያ ድራዉ፥ ሀራ ኦሱዋ ኦናን፥ ኤሻ ጎልያ ድርሳ ግዶን ደእያ ጎለቱዋን ደኢኖ።
34ሌዊያ ዛራቱዋ ሶይ አሳ ካፓቱ ኡባይ ሀዋፐ ቆሞና ጻፈቴዳዋንታ፤ ኡንቱንቱ የሩሳላመን ደኤድኖ።
ካትያ ሳኦላ የለታ
(8:29-38)
35ጋባኦና አዉ ይእኤል ጋባኦና ካታማን ደኤዳ። አ ማቻት ሱንይ ማእኮ። 36አ ናአይ ባይራይ አብዶና፤ አ ናናይ ሀራቱ ጹራ፥ ቂሳ፥ ባኣላ፥ ኔራ፥ ናዳባ፥ 37ጋዶራ፥ አህያ፥ ዛካራሳ ምቅሎታ። 38ምቅሎት ሽምአ የሌዳ። ሀዋንቱ ቃይ የሩሳላመን ደእያ ባረንቱ ዳባቱ ማታን ደኤድኖ።
39ኔር ቂሳ የሌዳ፤ ቂስ ሳኦላ የሌዳ። ሳኦል ዮናታና፥ ማልክሹአ፥ አብናዳባነ ኤሽባኣላ የሌዳ። 40ዮናታና ናአይ ማሪባኣላ፤#9:40 ማሪባኣላ፦ እ ቃይ ማንፍቦሼታ ጌተቴዳ። 2 ሳም። 4:4 ጼላ። ማሪባኣል ሚክያሳ የሌዳ።
41ሚክያሳ ናናይ ፕቶና፥ መለካ፥ ታሬአነ አካዛ። 42አካዝ ያኢራ የሌዳ። ያኢር አለሜታ፥ አዝማዌቱዋነ ዝምራ የሌዳ። ዝምር ሞጻ የሌዳ፤ 43ሞጽ ቢንአ የሌዳ፤ ቢንእ ራፋያ የሌዳ፤ ራፋይ ኤልኣሳ የሌዳ፤ ኤልኣስ አጼላ የሌዳ።
44አጼላዉ ኡሱፑን አቱማ ናናይ ደኢኖ። ኡንቱንቱ ሱንይ አዝርቃማ፥ ቦከራ፥ እስማኤላ፥ ሻኣርያ፥ ኦባድያነ ሀናና፤ ሀዋንቱ ኡባይ አጼላ ናና።
Currently Selected:
1 ኦዱዋ 9: DFBE
Highlight
Copy
Compare
Share
Want to have your highlights saved across all your devices? Sign up or sign in
The Word for the World Ethiopia
