1 ኦዱዋ 6
6
ቄስያ ኡባቱዋ ካፑዋ የለታ
1ሌዊያ ናናይ ገርሾና፥ ቃሃታነ ማራራ።
2ቃሃታ ናናይ አምራማ፥ ይጽሃራ፥ ከብሮናነ ኡዝኤላ።
3አምራማ ናናይ አሮና፥ ሙሳነ ሚርያሞ።
አሮና ናናይ ናዳባ፥ አቢሀ፥ ኤልኣዛራነ እታማራ።
4ኤልኣዛረ ፒንሃሳ የሌዳ፤ ፒንሃስ አብሹአ የሌዳ፤ አብሹእ ቡቃ የሌዳ፤ 5ቡቅ ኡዛ የሌዳ፤ 6ኡዝ ዛራህያ የሌዳ፤ ዛራሄ ማራዮታ የሌዳ፤ 7ማራዮት አማርያ የሌዳ፤ አማር አህጹባ የሌዳ፤ 8አህጹብ ጻዶቃ የሌዳ፤ ጻዶቀ አህማኣቃ የሌዳ፤ 9አህማኣጽ አዛርያሳ የሌዳ፤ አዛርያስ ዮሀናና የሌዳ፤ 10ዮሀናን አዛርያሳ የሌዳ። ሶሎሞነ የሩሳላመን ኬጽሴዳ ጌሻ ጎልያ ኦዳ ቄሲ አዛርያሳ። 11አዛርያስ አማርያ የሌዳ፤ አማር አህጹባ የሌዳ፤ 12አህጹብ ጻዶቃ የሌዳ፤ ጻዶቀ ሻሉማ የሌዳ፤ 13ሻሉም ህልቂያ የሌዳ፤ ህልቂ አዛርያሳ የሌዳ፤ 14አዛርያስ ሳራያ የሌዳ፤ ሳራይ ዮጸዴቃ የሌዳ። 15መና ጎዳይ ይሁዳነ የሩሳላመ ናቡካዳናጾራን ኦሞድሴዳ ዎደ ዮጸዴቅካ ኦሞደቲደ ቤዳ።
ሌዊያ ዛራቱዋ ሀራቱዋ
16ሌዊያ ናናይ ገርሾና፥ ቃሃታነ ማራራ። 17ገርሾና ናናቱዋ ሱንይ ሊብናነ ሽምአ። 18ቃሃታ ናናይ አምራማ፥ ይጽሃራ፥ ከብሮናነ ኡዝኤላ። 19ማራራ ናናይ ማህላነ ሙሻ። ባረንቱ አዉዋ ጎለን ጎለን ጻፈቴዳ ሌዋቱ ያራቱ ሀዋንታ።
20ገርሾና ናአይ ሊብና፤ ሊብና ናአይ ያሃታ፤ ያሃታ ናአይ ዚማ። 21ዚማ ናአይ ዮኣሀ፤ ዮኣሀ ናአይ እዳ፤ እዶ ናአይ ዛራሀ፤ ዛራሀ ናአይ ያአትራያ።
22ቃሃታ ናአይ አምናዳባ፤ አምናዳባ ናአይ ቆራሀ፤ ቆራሀ ናአይ አሲራ፤ 23አሲራ ናአይ ኤልቃና፤ ኤልቃና ናአይ ኤብያሳፋ፤ ኤብያሳፋ ናአይ አሲራ፤ 24አሲራ ናአይ ታሃታ፤ ታሃታ ናአይ ኡርኤላ፤ ኡርኤላ ናአይ ኡዝያና፤ ኡዝያና ናአይ ሻኡላ።
25ኤልቃና ናናይ አማሳያነ አህሞታ። 26አህሞታ ናአይ ኤልቃና፤ ኤልቃና ናአይ ጾፋያ፤ ጾፋያ ናአይ ናሃታ፤ 27ናሃታ ናአይ ኤልኣባ፤ ኤልኣባ ናአይ ይሮሃማ፤ ይሮሃማ ናአይ ኤልቃና።
28ሳመላ ናአይ ባይራይ ዩኤላ፤ ቴፋይ አቢያ።
29ማራራ ናአይ ማህላ፤ ማህላ ናአይ ሊብና፤ ሊብና ናአይ ሽምአ፤ ሽምአ ናአይ ኡዛ፤ 30ኡዛ ናአይ ሽምአ፤ ሽምአ ናአይ ሀጊያ፤ ሀጊያ ናአይ አሳያ።
ጌሻ ጎልያን የጽያዋንታ
31ዳዊተ ታቦታ የሩሳላመ አሄዳዋፐ ጉይያን፥ ማዝሙርያ የጻናዳን መና ጎዳዉ ጎለን ሱንዳዋንቱ ሀዋፐ ካሊደ ጻፈቴድኖ። 32ሶሎሞነ የሩሳላመን መና ጎዳ ጌሻ ጎልያ ኬጻና ጋካናዉ፥ ጾሳ ታቦታይ ደእያ ዱንካንያ ስንን ኡንቱንቱ ማዝሙርያ የጺደ፥ ካላን ካላን ኦኖ። 33ባረንቱ ናናቱዋና እትፐ የጼዳዋንቱ ሀዋፐ ካሊደ ጻፈቴዳዋንታ።
ቃሃታ ያራቱዋፐ የጽያዌ ሄማና። ሄማን ዩኤላ ናኣ፤ ዩኤል ሳመላ ናኣ፤ 34ሳመል ኤልቃና ናኣ፤ ኤልቃን ይሮሃማ ናኣ፤ ይሮሃም ኤልኤላ ናኣ፤ ኤልኤል ቶሀ ናኣ፤ 35ቶህ ጹፋ ናኣ፤ ጹፍ ኤልቃና ናኣ፤ ኤልቃን ማሃታ ናኣ፤ ማሃት አማሳያ ናኣ፤ 36አማሳይ ኤልቃና ናኣ፤ ኤልቃን ዩኤላ ናኣ፤ ዩኤል አዛርያሳ ናኣ፤ አዛርያስ ጻፋንያ ናኣ፤ 37ጻፋኒ ታሃታ ናኣ፤ ታሃት አሲራ ናኣ፤ አሲር ኤብያሳፋ ናኣ፤ ኤብያሳፍ ቆራሀ ናኣ፤ 38ቆራህ ይጽሃራ ናኣ፤ ይጽሃር ቃሃታ ናኣ፤ ቃሃት ሌዊያ ናኣ፤ ሌዊ እስራኤልያ ናኣ።
39አ ዳቡ አሳፈ አ ኡሸቻ ባጋና ኤቄ። አሳፈ በረክያ ናኣ፤ በረኪ ሽምአ ናኣ፤ 40ሽምእ ምካኤላ ናኣ፤ ምካኤል ባእሴያ ናኣ፤ ባእሴይ ማልክያ ናኣ፤ 41ማልኪ ኤታና ናኣ፤ ኤታን ዛራሀ ናኣ፤ ዛራህ አዳያ ናኣ፤ 42አዳይ ኤታና ናኣ፤ ኤታን ዚማ ናኣ፤ ዚም ሽምአ ናኣ፤ 43ሽምእ ያሃታ ናኣ፤ ያሃት ገርሾና ናኣ፤ ገርሾን ሌዊያ ናኣ።
44ኡንቱንቱፐ ሀድርሳ ባጋና ኡንቱንቱ ዳቦቱ፥ ማራራ ያራቱ ኤቂኖ። ኤታን ቂሻ ናኣ፤ ቂሽ አብዳ ናኣ፤ አብድ ማሉካ ናኣ፤ 45ማሉክ ሀሻብያ ናኣ፤ ሀሻቢ አመስያሳ ናኣ፤ አመስያስ ህልቂያ ናኣ፤ 46ህልቂ አሞጻ ናኣ፤ አሞጽ ባና ናኣ፤ ባን ሸሜራ ናኣ፤ 47ሸሜር ማህላ ናኣ፤ ማህል ሙሻ ናኣ፤ ሙሽ ማራራ ናኣ፤ ማራር ሌዊያ ናኣ። 48ኡንቱንቱ ዳቦቱ ሌዋቱ ጾሳ ዱንካንያዉ ኦናዉ ሱንቴድኖ።
አሮና የለታ
49ሽን አሮነነ አሮና ዘረቱ እጻና ጩዋዪኖ፤ ያርሽያ ሳኣን ጹግያ ያርሹዋካ ያርሺኖ። ጾሳ ቆማይ ሙሴ አዛዜዳዋዳን፥ ኡባፐ አያ ጌሻ ሳኣን ጎይንያ ጎይኖ ኡባዉነ ጾሳይ እስራኤልያ ናጋራ አቶ ጌተትያ ያርሾ አዎተይ ኡንቱንቶ ደኤ።
50አሮና የለታይ ሀዋፐ ካሊደ ጻፈቴዳዋ። አሮና ናአይ ኤልኣዛራ፤ ኤልኣዛራ ናአይ ፒንሃሳ፤ ፒንሃሳ ናአይ አብሹአ፤ 51አብሹአ ናአይ ቡቃ፤ ቡቃ ናአይ ኡዛ፤ ኡዛ ናአይ ዛራህያ። 52ዛራህያ ናአይ ማራዮታ፤ ማራዮታ ናአይ አማርያ፤ አማርያ ናአይ አህጹባ፤ 53አህጹባ ናአይ ጻዶቃ፤ ጻዶቃ ናአይ አህማኣጻ።
ሌዊያ ያራቱ ደኤዳ ሳአቱዋ
54አሮና ዛራቱ ባረንቱ ዛዋ ግዶን ደአናዉ ኡንቱንቱ ኡተዳን ኡንቱንቶ እመቴዳ ሳአቱ ሀዋፐ ካሊደ ጻፈቴዳዋንታ።
ቃሃታ ያራቱ ኮይሮ ሳማ አኬድኖ። 55ሄ ሳማን ይሁዳን ደእያ ከብሮነ ካታማነ ከብሮነ ዩሹዋን ደእያ ሄን ጋደቱዋ ኡንቱንቶ እሜድኖ፤ 56ሽን ካታማ ጎሻነ ካታማ ዩሹዋን ደእያ ሞቱዋ ይፉነ ናኣ ካሌባዉ እሜድኖ። 57አሮና ናናዉ አሳይ ባቃት ቢደ አትያ ካታማ፥ ከብሮነነ ሀራ ካታማቱዋ ያትራ፥ ሊብናነ ኤሽታሞአ አ ሄን ጋደቱዋ፥ 58ሂለናነ አ ሄን ጋደቱዋ፥ ዳቢራነ አ ሄን ጋደቱዋ፥ 59አሻናነ አ ሄን ጋደቱዋነ ቤት-ሸመሻነ አ ሄን ጋደቱዋ እሜድኖ። 60ቃይ ቢንያማ ዛራቱዋፐ ገባአነ አ ሄን ጋደቱዋ፥ አለሜቱዋነ አ ሄን ጋደቱዋነ አናቶታነ አ ሄን ጋደቱዋ እሜድኖ። አሮና ናናዉ እመቴዳ ካታማቱ ኡባና ታማነ ሄዛ። 61ምናሰ ያራቱ ባጋቱ ጋድያፐ ታሙ ካታማቱዋ አቴዳ ቃሃታ ያራቶ ሳማን እሜድኖ።
62ይሳኮራ ዛራቱዋ ጋድያፐ፥ አሴራ ዛራቱዋ ጋድያፐ፥ ንፍታሌማ ዛራቱዋ ቢታፐነ ባሳነን ደእያ ምናሰ ያራቱ ጋድያፐ ታማነ ሄዙ ካታማቱዋ ገርሾና ያራቶ ሳማን እሜድኖ።
63ሮቤላ ዛራቱዋ ጋድያፐ፥ ጋደ ዛራቱዋ ቢታፐነ ዛብሎና ዛራቱዋ ጋድያፐ ታማነ ላኡ ካታማቱዋ ማራራ ያራቶ ሳማን እሜድኖ።
64ሄዋዳን ኦደ፥ እስራኤልያ አሳይ ሌዋቶ ሀ ካታማቱዋነ ካታማቱዋ ሄራን ደእያ ሄን ጋደቱዋ እሜዳ። 65ቃይ ይሁዳ ዛራቱዋ ጋድያፐ፥ ስሞና ዛራቱዋ ቢታፐነ ቢንያማ ዛራቱዋ ጋድያፐ፥ ሀዋፐ ቆሞ ባጋና ባረንቱ ሱንን ጻፈቴዳ ካታማቱዋ ኡንቱንቶ ሳማን እሜዳ።
66ቃሃታ ያራቱዋፐ አማሬዳዋንቱ ባረንቱ ካታማቱዋ ኤፍሬማ ዛራቱዋ ካታማቱዋፐ አኬድኖ። 67ኡንቱንቶ አሳይ ባቃት ቢደ አትያ ካታማቱዋ፥ ኤፍሬማ ገዝያን ደእያ ሰኬማነ አ ሄን ጋደቱዋ፥ ገዜራነ አ ሄን ጋደቱዋ፥ 68ዮቅማኣማነ አ ሄን ጋደቱዋ፥ ቤት-ሆሮናነ አ ሄን ጋደቱዋ፥ 69አያሎናነ አ ሄን ጋደቱዋነ ጋተ-ርሞናነ አ ሄን ጋደቱዋ እሜድኖ። 70ምናሰ ዛራቱዋ ባጋቱዋፐ አኔራነ አ ሄን ጋደቱዋነ ብልኣማነ አ ሄን ጋደቱዋ አኪደ፥ ቃሃታ ያራቱዋፐ አቴዳዋንቶ እሜድኖ።
71ምናሰ ዛራቱዋ ባጋቱዋፐ ባሳነን ደእያ ጎላናነ አ ሄን ጋደቱዋነ አስታሮታነ አ ሄን ጋደቱዋ አኪደ፥ ገርሾና ያራቶ እሜድኖ። 72ቃይ ይሳኮራ ዛራቱዋፐ ቃዴሳነ አ ሄን ጋደቱዋ፥ ዳብራታነ አ ሄን ጋደቱዋ፥ 73ራሞታነ አ ሄን ጋደቱዋነ አኔማነ አ ሄን ጋደቱዋ አኪደ፥ ኡንቱንቶ እሜድኖ። 74ቃይካ አሴራ ዛራቱዋፐ ማሻላነ አ ሄን ጋደቱዋ፥ አብዶናነ አ ሄን ጋደቱዋ፥ 75ሁቆቃነ አ ሄን ጋደቱዋነ ራሆባነ አ ሄን ጋደቱዋ አኪደ፥ ኡንቱንቶ እሜድኖ። 76ሄዋዳንካ ንፍታሌማ ዛራቱዋፐ ጋሊላን ደእያ ቀዴሻነ አ ሄን ጋደቱዋ፥ ሀሞናነ አ ሄን ጋደቱዋነ ቅርያታይማነ አ ሄን ጋደቱዋ አኪደ፥ ኡንቱንቶ እሜድኖ።
77አቴዳ ማራራ ያራቶ ዛብሎና ዛራቱዋፐ ርሞናነ አ ሄን ጋደቱዋነ ታቦራነ አ ሄን ጋደቱዋ አኪደ እሜድኖ። 78ቃይ ሮቤላ ዛራቱዋፐ ያርኮ ባጋን፥ ዮርዳኖሳፐ ሄፍንን አዋይ ዶልያ ባጋና፥ መላ ቢታን ደእያ ቤኤራነ አ ሄን ጋደቱዋ፥ ያህአነ አ ሄን ጋደቱዋ፥ 79ቅደሞታነ አ ሄን ጋደቱዋነ መፋኣታነ አ ሄን ጋደቱዋ አኪደ፥ ኡንቱንቶ እሜድኖ። 80ቃይካ ጋደ ዛራቱዋፐ ጋላኣደን ደእያ ራሞታነ አ ሄን ጋደቱዋ፥ ማህናይማነ አ ሄን ጋደቱዋ፥ 81ሀሰቦናነ አ ሄን ጋደቱዋነ ያእዜራነ አ ሄን ጋደቱዋ አኪደ ኡንቱንቶ እሜድኖ።
Currently Selected:
1 ኦዱዋ 6: DFBE
Highlight
Copy
Compare
Share
Want to have your highlights saved across all your devices? Sign up or sign in
The Word for the World Ethiopia
