1 ኦዱዋ 4

ይሁዳ የለታ

1ይሁዳ ዛራቱ ፓሬሳ፥ ሄጽሮና፥ ካርማ፥ ሁራነ ሾባላ።

2ሾባላ ናአይ ራኣይ ያሃታ የሌዳ፤ ያሃት አሁማያነ ላሃዳ የሌዳ። ሀዋንቱ ጾርአቱ ያራቱዋ። 3-4ሁር ባረ ዳይ ኤፍራትዉ ባይራ ናኣ፤ ሁር ቤታልሄማ የሌዳ። ኤጻማ አቱማ ናናይ እዝራኤላ፥ ዩሽማነ ይድባሻ፤ ኡንቱንቱ ምቻታ ሀጽለልፖኖ። ፓኑኤል ጋዶራ የሌዳ። ኤጼር ሁሻ የሌዳ። ሀዋንቱ ሁራ ያራቱዋ።

5ታቆአ አዉዋ አሽሁራዉ ሄሎነ ናእሮ ጌተትያ ላኡ ማጫ አሳቱ ደኢኖ። 6ናእራ አሁዛማ፥ ሄፌራ፥ ተምናነ አሀሽታራ አሽሁራዉ የላዱ፤ ሀዋንቱ ናእር ናና። 7ሄላ ጼረታ፥ ጾሃራነ ኤትናና አሽሁራዉ የላዱ። 8ቆጽ አኑባ፥ ጾቤባነ ሀሩማ ናኣ አሀርሄላ ያራቱዋ የሌዳ።

9ያቤጽ ባረ እሻቱዋ ኡባፐ አ ቦንቼቴ። አ ዳያ፥ “ታን አ ኢታ የሉዋን የሌዳ ድራዉ፥ አ ሱንይ ያቤጻ” ጋደ ሱንዱ። 10ያቤጽ#4:10 ያቤጽ፦ ሀ ሱን ብለይ እብራዌዋን፥ “ሳኩዋ” ግያዋ። እስራኤልያ ጾሳ ጼሲደ፥ “አቤት ጾሳዉ፥ ሀይ ታና ኔን አንጃ፤ ታ ጋድያካ አሳ። ታናና እትፐ ግዳ፤ ታና ሳከናዳን ታና ቆህያባፐ ኔን ናጋ” ያጊደ ዎሴዳ። ጾሳይ አ ዎሳ ስሴዳ።

ሀራ አሳቱ የለታ

11ሹሀ እሻይ ካሉብ ማሂራ የሌዳ፤ ማሂር ኤሽቶና የሌዳ። 12ኤሽቶን ቤትራፋ፥ ፓሴሀነ ታህና የሌዳ። ታህን እር-ናሃሻ ካታማ አሳ የሌዳ። ሀዋንቱ ሬካ ጋድያን ደኤድኖ።

13ቃናዛ ናናይ ኦትንኤላነ ሳራያ፤ ኦትንኤላ ናናይ ሀታታነ ማኦኖታያ። 14ማኦኖታይ ኦፍራ የሌዳ። ሳራይ ዮኣባ የሌዳ። ዮኣበ ጀ-ሀራሺማ የሌዳ፤ ኩሽያ ሂላንቻቱዋ ግድያ አሳቱዋ የሌዳ።

15ይፉነ ናኣ ካሌባ ናናይ እራ፥ ኤልያነ ናኣማ። ኤልያ ናአይ ቃናዛ።

16ይሃልኤላ ናናይ ዚፋ፥ ዚፋሀ፥ ቲራያነ አሳርኤላ።

17ኤዝራ ናናይ የተራ፥ መረዳ፥ ኤፌራነ ያሎና። መረድ ግብጼ ካትያ ናቶ ቢቶ አክና እዛ ሚርያሞ፥ ሻማያነ ይሽባ አዉ የላዱ። ይሽብ ኤሽታሞአ የሌዳ። 18ይሁዳ ጋድያፐ አኬዳ ማቻታ ጋዶራ አዉዋ የሬዳ፥ ሶኮ አዉዋ ሄቤራነ ዛኖሀ አዉዋ ያቂትኤላ መረዳዉ የላዱ። 19ናሃማ ምቻት፥ ሆድያ ማቻት ናናይ ጋርማን ደኤዳ ቃኢላ አዉዋነ ማእካን ደኤዳ ኤሽታሞአ አዉዋ።

20ሽሞና ናናይ አምኖና፥ ሪና፥ በንሀናናነ ቲሎና።

ይሽአ ናናይ ዞሄታነ በንዞሄታ።

ሼላ የለታ

21ይሁዳ ናኣ ሼላ ዛራቱ ሌካ አዉዋ ኤራ፥ ማሬሻ አዉዋ ላእዳነ ቤት-አሽቤአ ካታማን ደእያ ሱፍያ ጌተትያ ማዩዋ ዳድያዋንቱ ያራቱዋ። 22ሀራቱ ቃይ ዮቂማ፥ ዮኣሻ፥ ያሹብልሄማ፥ ሞኣበ ጋድያ ሞዴዳ ሳራፋነ ኮዜባ ካታማን ደኤዳ አሳቱዋ። ሀ የለታ ማዝጎባይ በን ዎደፐካ ደእያዋ። 23ሀዋንቱ ናጻኢማንነ ጋዴራን ደኤዳ ኡርቃ መያ አሳቱዋ። ኡንቱንቱ ካትያ ኪታ ኦናዉ አናና እትፐ ደኤድኖ።

ስሞና የለታ

24ስሞና ናናይ ነሙኤላ፥ ያሚና፥ ያሪባ፥ ዛራሀነ ሻኡላ። 25ሻኡላ ናአይ ሻሉማ፤ ሻሉማ ናአይ ምብሳማ፤ ምብሳማ ናአይ ምሽማአ፤ 26ምሽማአ ናአይ ሀሙኤላ፤ ሀሙኤላ ናአይ ዛኩራ፤ ዛኩራ ናአይ ሽምአ። 27ሽምአዉ ታማነ ኡሱፑን አቱማ ናናይነ ኡሱፑን ማጫ ናናይ ደኢኖ፤ ሽን አ እሻቶ ጮራ ናናይ ባዋ። ይሁዳ ዛራቱዋዳን ስሞና ዛራቱ ጮራትበይክኖ።

28ስሞና ዛራቱ በርሳበሀ ካታማንነ ሞላዳ፥ ሀጻር-ሹኣላ፥#ኢያሳ 19:2-8 29ባላ፥ ኤጼማ፥ ቶላዳ፥ 30ባቱኤላ፥ ሆርማ፥ ጽቅላጋ፥ 31ቤት-ማርካቦታ፥ ሆጻር-ሱሲማ፥ ቤትቢራነ ሻእራይማ ካታማቱዋን ደኤድኖ። ዳዊተ ካተታና ጋካናዉ ሀዋንቱ ኡንቱንቱ ካታማቱዋ ግዲደ ደኤድኖ። 32ቃይ ኡንቱንቱ ሞቱ ኤጻማ፥ አይና፥ ርሞና፥ ቶኬናነ አሻና። ኡንቱንቱ ኡባና እቼሹ ካታማቱዋ። 33ባኣላታ ጋካናዉ፥ ሀ ካታማቱዋ ዩሹዋን ደእያ ሞቱ ኡባይ ኡንቱንቱን ጉጀቲኖ። ሀዋንታ ኡንቱንቱ ደኤዳ ሳኣ ኡንቱንቱ ባረንቱ የለታ ማራን ማዝጎብያን ጻፊደ ኦይቄድኖ።

34ስሞና ያራቱ ካፓቱ ሀዋፐ ካሊደ ጻፈቴዳዋንታ። ኡንቱንቱ ማሾባባ፥ ያምሌካ፥ አመስያሳ ናኣ ዮሻ፥ 35ዩኤላነ ዮሺብያ ናኣ ዬሀ። ዬሁ አዉዋ አዉ አሳኤላ ናኣ ሳራያ። 36ሀራ ካፓቱ ቃይ ኤልዮኤናያ፥ ያእኮባ፥ ያሾሃያ፥ አሳያ፥ አዲኤላ፥ ያሽምኤላ፥ ባናያነ 37ዚዛ። ዚዝ ሽፍአ ናኣ፤ ሽፍእ አሎና ናኣ፤ አሎን ያዳያ ናኣ፤ ያዳይ ሺምራ ናኣ፤ ሺምር ሻማእያ ናኣ። 38ስሞና ያራቱ ካፓቱ ሀዋንታ።

ኡንቱንቱ አዎቱዋ ዘረይ ሎይ ጮራቴዳ። 39ኡንቱንቱ ባረንቱ መህያዉ ሄምያ ሳኣ ኮያናዉ ጋዶራ ገልያ ሳኣ ማታን ደእያ ዎምባዉ አዋይ ዶልያ ባጋና ደእያ ሳኣ ጋካናዉ ቤድኖ። 40እት ሎይ አራዴዳ ሎኦ ሄምያ ሳኣ ደሜድኖ፤ ሄ ቢታይ ዎፓይነ ሳሮተይ ኩሜዳ አኮ ቢታ። በን ዎደ ሄ ጋድያን ደኤዳዋንቱ ካማ ዘረቱዋ። 41ሀዋፐ ቆሞ ባጋና ሱንይ ጻፈቴዳ ስሞና ዛራቱ ይሁዳ ካትያ ህዝቂያሳ ዎደ ጋዶራ ጋድያ ቢደ፥ ያን ደእያ ካማ ዘረቱዋነ ማኡና አሳቱዋ ኦለቲደ ይሴድኖ። ሄ ጋድያን ኡንቱንቱ መህያዉ ሄምያ ሳአይ ደእያ ድራዉ፥ ስሞና ዛራቱ ሀቼ ጋናዉ ያን ኡቴድኖ።

42ስሞና ዛራቱዋፐ እቼሹ ጼቱ አሳቱ ሰኢራ ደርያኮ ቤድኖ። ኡንቱንቱ ካፓቱ ፓላጽያ፥ ናኣርያ፥ ራፋያነ ኡዝኤላ፤ ኡንቱንቱ ይሽአ ናና። 43አማሌቃ አሳቱዋፐ ካሰ ባቃት አቴዳዉንታ ስሞና አሳቱ ይሴድኖ። ኡንቱንቱ ሀቼ ጋካናዉ ሄ ቢታን ደኢኖ።

Currently Selected:

1 ኦዱዋ 4: DFBE

Highlight

Copy

Compare