1 ኦዱዋ 2

ይሁዳ የለታ

1እስራኤልያ አቱማ ናናይ ሀዋንታ: ሮቤላ፥ ስሞና፥ ሌዊያ፥ ይሁዳ፥ ይሳኮራ፥ ዛብሎና፥ 2ዳና፥ ዮሴፋ፥ ቢንያማ፥ ንፍታሌማ፥ ጋዳነ አሴራ።

3ካናነ ባትሹእፐ ይሁዳይ የሌዳ ሄዙ አቱማ ናናይ ኤራ፥ ኦናናነ ሼላ። ይሁዳ ናአይ ባይራይ፥ ኤር መና ጎዳ ስንን ኢታባ ኦዳ ድራዉ፥ መና ጎዳይ አ ዎዳ። 4ይሁዳ ናኣ ማቻታ ትእማራ ይሁዳዉ ፓሬሳነ ዛራሀ የላዱ። ይሁዳዉ ኡባና እቼሹ አቱማ ናናይ ደኢኖ።

5ፓሬሳ አቱማ ናናይ ሄጽሮናነ ሀሙላ።

6ዛራሀ አቱማ ናናይ ዝምራ፥ ኤታና፥ ሄማና፥ ካልኮላነ ዳርዳአ፤ ኡንቱንቱ ኡባና እቼሻ። 7ዛራሀ ዘረፐ ግዴዳ ካርማ ናአይ አካን#2:7 አካን፦ ሀ ሱን ብለይ እብራዌዋን፥ “ባሻ” ግያዋ። ጺንያ ጌተት ኡቴዳ ሚሻ ኦሞዱዋ አኪደ፥ እስራኤልያ አሳ ዋይሴዳዋ።#ኢያሳ 7:1 8ኤታና ናአይ አዛርያ።

ሄጽሮናፐ ቢደ ዳዊታ ጋካናዉ ደእያ የለታ

9ሄጽሮነ የሌዳ ናናይ ይራህማኤላ፥ ራማነ ካሌባ። 10ራመ አምናዳባ የሌዳ። አምናዳበ ይሁዳ ዛራቱዋ ካፑዋ ናአሶና የሌዳ። 11ናአሶነ ሳልሞና የሌዳ፤ ሳልሞን ቦኤዛ የሌዳ፤ 12ቦኤዘ ዮቤዳ የሌዳ፤ ዮቤድ እሰያ የሌዳ። 13እሰይ ባረ ባይራ ናኣ ኤልኣባ፥ ላኤን ናኣ አምናዳባ፥ ሄዘን ናኣ ሻማ፥ 14ኦይደን ናኣ ናታንኤላ፥ እቼሻን ናኣ ራዳያ፥ 15ኡሱፑን ናኣ ኦጼማነ ላፑን ናአይ ዳዊታ የሌዳ። 16እሰያ ማጫ ናናይ ጻሩዮነ አብጋሎ። ጻሩይ ናናይ ሄዛቱ አብሻያ፥ ዮኣባነ አሳሄላ። 17አብጋላ አማሳ የላዱ፤ አማሳ አዉ እስማኤልያ የተራ።

ሄጽሮና የለታ

18ሄጽሮና ናአይ ካሌብ ባረ ማቻት አዙብና፥ ይሪኦቶ ጌተትያ ናቶ የሌዳ። ይሪኦታ የሼራ፥ ሾባባነ አርዶና የላዱ። 19አዙባ ሀይቂና፥ ካሌብ ኤፍራቶ አኬዳ፤ ኤፍራታ ሁራ የላዱ። 20ሁር ኡራ የሌዳ፤ ኡር ባጻልኤላ የሌዳ።

21ሄጽሮነ ኡሱፑን ታሙ ላይፐ ጉይያን፥ ጋላኣደ አዉዋ ማክራ ናቶ አኪደ፥ ሳጉባ የሌዳ። 22ሳጉብ ያኢራ የሌዳ። ያኢር በን ጋላኣደ ጋድያን ላታማነ ሄዙ ካታማቱዋ ሞዴዳ። 23ሽን ጋሹራነ ሶርያ ካተቱ ሀቦት-ያኢራ ካታማቱዋ ቃናታነ አ ሄራቱዋ ኡሱፑን ታሙ ካታማቱዋ ኦለቲደ ኦይቄድኖ፤ ያን ደኤዳ አሳይ ኡባይ ጋላኣደ አዉዋ ማክራ ዛርያ። 24ሄጽሮነ ካሌባ ኤፍራታ ግያ ሳን ሀይቄዳዋፐ ጉይያን፥ ሄጽሮና ማቻታ አቢያ ታቆአ አዉዋ አሽሁራ የላዱ።

ይራህማኤላ የለታ

25ሄጽሮና ናኣ ባይራ ይራህማኤላ ናአይ ባይራይ ራማ፤ ቴፋቱ ቡና፥ ኦሬና፥ ኦጼማነ አኪያ። 26ይራህማኤላዉ አታሮ ጌተትያ ሀራ ማቻታ ደአዉ፤ አታራ ኦናማ ዳዮ።

27ይራህማኤላ ናኣ ባይራ ራማ ናናይ ማኣጻ፥ ያሚናነ ኤቄራ።

28ኦናማ ናናይ ሻማያነ ያደ።

ሻማያ ናናይ ናዳባነ አብሹራ። 29አብሹራ ማቻታ አብሀይላ አህባናነ ሞሊዳ የላዱ። 30ናዳባ አቱማ ናናይ ሰለዳነ አፋይማ፤ ሰለድ ናኣ የለናን ሀይቄዳ። 31አፋይማ ናአይ ይሽአ፤ ይሽአ ናአይ ሼሻና፤ ሼሻና ናአይ አህላያ።

32ሻማያ እሻ ያደ ናናይ የተራነ ዮናታና፤ የተር ናኣ የለናን ሀይቄዳ። 33ዮናታና ናናይ ፐሌታነ ዛዛ።

ሀዋንቱ ይራህማኤላ ዘረ።

34ሼሻናዉ ማጫዋፐ አትና፥ አቱማ ናናይ ባዋ። ሼሻናዉ ያርሀአ ጌተትያ ቆማይ ግብጼ ጋድያፐ ዬዳዌ ደኤ። 35ሼሻን ባረ ቆማ ያርሀአዉ ባረ ማጫ ናናቱዋፐ እትኖ እምና ናታ አታያ የላዱ። 36አታይ ናታና የሌዳ፤ ናታን ዛባዳ የሌዳ፤ 37ዛባድ ኤፍላላ የሌዳ፤ ኤፍላል ዮቤዳ የሌዳ፤ 38ዮቤድ ዬሀ የሌዳ፤ ዬሁ አዛርያ የሌዳ፤ 39አዛሪ ሄሌጻ የሌዳ፤ ሄሌጽ ኤልኣሳ የሌዳ፤ 40ኤልኣስ ስስማያ የሌዳ፤ ስስማይ ሻሉማ የሌዳ፤ 41ሻሉም ይቃምያ የሌዳ፤ ይቃመ ኤልሻማአ የሌዳ።

ካሌባ የለታ

42ይራህማኤላ እሻ ካሌባ ናአይ ባይራይ ሜሻ። ሜሻ ናአይ ዚፋ፤ ዚፋ ናአይ ማሬሻ፤ ማሬሻ ናአይ ከብሮና። 43ከብሮነ ናናይ ቆራሀ፥ ታፑሀ፥ ረቄማነ ሸማአ። 44ሸማእ ዮርቃኣማ አዉዋ ራሃማ የሌዳ። ረቄም ሻማያ የሌዳ። 45ሻማያ ናአይ ማኦና። ማኦን ቤትጹራ የሌዳ።

46ካሌባ ቆማታ ኤፋ ሃራና፥ ሞጻነ ጋዜዛ የላዱ፤ ሃራን ጋዜዛ የሌዳ።

47ያህዳያ ናናይ ረጌማ፥ ዮኣታማ፥ ገሻና፥ ፐሌጻ፥ ኤፋነ ሻኣፋ።

48ካሌባ ቆማታ ማእካ ሸቤራነ ትርሃና የላዱ። 49ቃይካ ማእካ ሻኣፋነ ሻዋ የላዱ። ሻኣፍ ማድማና የሌዳ። ሻው ማክቤናነ ግባአ የሌዳ።

ካሌባ ናታ አክሶ።

50ካሌባ ናናይ ሀራቱ ሀዋፐ ካሊደ ጻፈቴድኖ። ካሌብ ባረ ባይራ ናኣ ሁራ ባረ ማቻት ኤፍራትን የሌዳ። ሁራ ናናይ ቅርያት-ይኣሪማ አዉዋ ሾባላ፥ 51ቤታልሄማ አዉዋ ሳልሞናነ ቤት-ጋዴራ አዉዋ ሀሬፋ። 52ቅርያት-ይኣሪማ አዉዋ ሾባላ ያራቱ ሀሮኤታታነ ማኑሆታ ያራቱዋፐ ባጋቱዋ። 53ቅርያት-ይኣሪማ ያራቱ ያትራታ፥ ፑታታ፥ ሹማታታነ ምሽራአታ። ጾርአትነ ኤሽታኦላት ሀዋንቱፐ የለቴድኖ። 54ቤታልሄማ አዉዋ ሳልሞና ያራቱ ናጾፋታ፥ አጽሮት-ቤታዮኣባታ፥ ማኑሆታ ያራቱዋፐ አትያ ባጋቱዋነ ጾርአታ። 55ያቤጻ ካታማን ደእያ ጻፍያዋንቱ ያራቱ ቃይ ትርአታ፥ ሽምኣታታነ ሱካታ። ሀዋንቱ ረካባቱ አዉዋ ሃማቱዋፐ የለቴዳ ቄናታ።

Currently Selected:

1 ኦዱዋ 2: DFBE

Highlight

Copy

Compare