1 ኦዱዋ 18

ዳዊተ ኦላ ጾኑዋ

(18:1—20:8፤ 2 ሳሜላ 8:1-18)

1ሄዋፐ ጉይያን፥ ዳዊተ ፕልስጼማቱዋ ጾኒደ ሞዴዳ፤ ያቲደ ጋተ ጌተትያ ካታማነ አ ሞቱዋ ፕልስጼማ አሳቱዋ ኩሽያፐ ዎ አኬዳ። 2ቃይ ዳዊተ ሞኣበ ጋድያ አሳቱዋ ጾንና፥ ኡንቱንቱ አዉ ሞደቴድኖ፤ ጊራ ጊሬድኖ።

3ሀማታ ካታማ ማታን ደእያ ጾባ ቢታ ካቲ ሀዳድኤዘረ፥ ባረ ካዉተ ኤፍራጺሳ ሻፋ ጋካናዉ አሳናዉ ቢሽን፥ ዳዊተ አ ጾኔዳ። 4ዳዊተ ሀዳድኤዘረፐ እት ሻአ ፓራ ጋረቱዋ፥ ላፑን ሻአ ፓራ አሳቱዋና ላታሙ ሻአ ገድሳ አሳቱዋ ኦሞዴዳ። ዳዊተ ጼቱ ጋረቶ ግዴዳ ፓራቱዋ አሺደ፥ ሀራ ፓራቱዋ ኡባዉ ጋዱዋ ግልዳዬዳ።

5ዳማስቆ ካታማን ደእያ ሶረቱ ጾባ ቢታ ካትያ ሀዳድኤዘራ ማዳናዉ ዬዳ ዎደ፥ ዳዊተ ኡንቱንቱፐ ላታማነ ላኡ ሻአ አሳ ዎዳ። 6ሄዋፐ ጉይያን፥ ሶርያ ቢታን ዳማስቆ ካታማን ኦላንቻቱዋ ጌሶቱዋ መዳ። ያትና፥ ሶርያ አሳቱ ዳዊታዉ ሞደቲደ፥ ጊራ ጊሬድኖ። ዳዊተ ቤዳ ሳኣ ኡባን መና ጎዳይ አዉ ጾኑዋ እሜዳ።

7ካቲ ዳዊተ ሀዳድኤዘራ ኦሳንቻቱ ቶኬዳ ዎርቃ ጎንዳለቱዋ አኪደ፥ የሩሳላመ አፌዳ። 8ቃይ ዳዊተ ሀዳድኤዘረ ሞድያ ጸባሀነ ኩና ካታማቱዋፐ ናሃስያ ግያ ብራታ ሎይ ዳሩዋ አኬዳ። ሄዋፐ ስሚደ፥ ሶሎሞነ ሄ ናሃስያ ብራታፐ አባ ሳኒያ፥ ቱሳቱዋነ ዱማ ዱማ ሚሻቱዋ መዳ።#1 ካታ. 7:40-47፤ 2 ኦዱዋ 4:11-18

9ዳዊተ ጾባ ቢታ ካትያ ሀዳድኤዘራ ኦላንቻቱዋ ኡባ ጾኔዳዋ ሀማታ ካቲ ቶእ ስሴዳ። 10ሀዳድኤዘራ ኦለቲደ ጾኔዳ ድራዉ፥ አ ሀሹ ጋናዉነ ሳሮታናዉ ባረ ናኣ ሀዶራማ ካትያ ዳዊታኮ ኪቴዳ። አያዉ ጎፐ፥ ሀዳድኤዘረ ቶኣራ ኦለቲደ ጋምኤዳ። ሀዶራም ዎርቃፐ፥ ብራፐነ ናሃስያፐ መዳ ሚሻቱዋ አኪደ ዬዳ። 11ካቲ ዳዊተ ኤዶማፐ፥ ሞኣበፐ፥ አሞና አሳቱዋፐ፥ ፕልስጼማቱዋፐነ አማሌቃ አሳቱዋፐ ኦሞድ አኬዳ ብራነ ዎርቃ ሀ ሚሻቱዋና እትፐ ጋደ፥ መና ጎዳዉ ዱማዪደ ዎዳ።

12ጻሩይ ናአይ አብሻይ ኤዶማ አሳፐ ታማነ ሆስፑን ሻአቱዋ ማጽነ ዎምባን ዎዳ።#ማዝ. 60 (ሁጲያ) 13ሄዋፐ ጉይያን፥ ዳዊተ ኤዶማን ኦላንቻቱዋ ጌሶቱዋ መዳ፤ ያትና፥ ሄ ጋድያ አሳይ ኡባይ ዳዊታዉ ሞደቴዳ። ዳዊተ ቤዳ ሳኣ ኡባን መና ጎዳይ አዉ ጾኑዋ እሜዳ።

14ሄዋዳን ኦደ፥ ዳዊተ እስራኤልያ ኡባ ቦላ ካተቴዳ፤ ባረ አሳ ኡባ ጽሎተንነ ሱረ ፕርዳን አኬዳ። 15ጻሩይ ናአይ ዮኣበ ኦላ ጋዳዋ፤ አህሉዳ ናአይ ዮሳፌጸ ሀኔዳባ ጻፍያዋ፤ 16አህጹባ ናአይ ጻዶቅነ አብያታራ ናአይ አብመሌክ ቄሳቱ ዋ፤ ሻብሻ#18:16 ሻብሻ፦ ሀ ብታኒ እብራዌዋን ኦይዱ ዱማ ዱማ ሱንን ጼሰቴ። 2 ሳም። 8:17፤ 20:25 ነ 1 ካት። 4:3 ጼላ። ዋና ጻፍያ፤ 17ዮዳሄ ናአይ ባናይ ዳዊታ ናግያ ኦላንቻቱዋ ካፑዋ፤ ዳዊታ አቱማዋ ናናይ አ ካዉተን ቃ ሳኣ ኦይቂደ ካፓቱዋ።

Currently Selected:

1 ኦዱዋ 18: DFBE

Highlight

Copy

Compare