तीतुस 3
3
परभु के लोगौं को बरताब
1लोगौ कै याद दिब्बातो रैह, कै बे राजाऔं और अधकारिऔं के आधीन रैंह, और उनकी आगियाँ मानै, और हर एक अच्छे काम के ताँई तईयार रैंह, 2किसी की बदनामी ना करैं, झगड़ो कन्नै बारे ना हौं, पर सान्त सौभाब के हौं, और सब लोगौं के संग अच्छो बरताब करैं।
3कैसेकै हम बी पैले, मूरख और आगियाँ ना माननै बारे, और भरम मै पड़े भए और हर तरै की बुरी बासनाऔ और सुकबिलास के गुलाम हे, बैरभाव, जरन और नफरत कन्नै मै जिन्दगी बिता रए हे, हम सै लोग नफरत करै हे, और हम बी एक दूसरे सै बैर रक्खै हे। 4पर जब हमरे मुक्तिदाता परमेसर की किरपा और लोगौं मै उसको पियार परकट भओ, 5तौ बानै हमकै मुक्ति दई, और जौ हमरे धरम के कामौ के कारन ना, पर अपनी दया के अनुसार उसनै हमरी रक्छा उस इसनान के दुआरा करी जिसमै हम फिर पैदा होवै हैं और पबित्तर आत्मा के दुआरा नए बनाए जावै हैं। 6जो परमेसर नै हमरे मुक्तिदाता ईसु मसी के दुआरा पबित्तर आत्मा हमरे ऊपर भरपूरी सै उड़ेलो। 7जिस्सै हम बाकी किरपा सै धरमी होकै, हमेसा की जिन्दगी की उमीद के अनुसार बारिस बनै।
8जौ बात सच है, और मैं चाँहौ हौं कै, तू इन बातौं के बारे मै हिम्मत सै बोलै, इसताँई कै जिनौनै परमेसर मै बिसवास करो है, बे भले भले कामौ मै लगे रैहनै को धियान रक्खैं। जे बात भली और आदमिऔ के काम की हैं। 9पर मूरखता के झगड़ौं, और बंसाबलिऔ, और बैर बिरोद, और उन लड़ाईऔं सै जो नियम के बारे मै हौं, बचो रैह, कैसेकै बे बेकार हैं और उनसै कोई फाएदा ना है। 10जो आदमी फूट डारै है बाकै एक दो दफै समजा-बुझाकै बासै अगल रैह, 11जौ जानकै कै ऐंसो आदमी भटक गओ है, और अपने आपकै दोसी मानकै पाप करतो रैहबै है।
याद रखनै की कुछ बात
12 #
चेलौ 20:4; इफि 6:21,22; कुलु 4:7,8; 2 तीमु 4:12 जब मैं तेरे धौंरे अरतिमास या तुखिकुस कै भेजौं तौ मेरे धौंरे निकुपुलिस सैहर मै आनै की कोसिस करिए, कैसेकै मैंनै बहीं जाड़ो काटनै को फैसला करो है। 13#चेलौ 18:24; 1 कुर 16:12जेनास बकील और अपोलुस के सफर के ताँई जो कुछ जरूरी है पौंचा दे, और देख, कै, उनकै किसी चीज की कमी ना रैह। 14जिस्सै हमरे लोग बी जरूरतौं कै पूरी कन्नै के ताँई अच्छे कामौ मै लगे रैहनो सीकैं जिस्सै बे बेकार ना रैंह।
15मेरे सब सातिऔं को, तेकै नमस्कार। जो बिसवास के कारन हम सै पियार रक्खैं हैं, उनकै बी नमस्कार। तुम सबके ऊपर किरपा होती रैह।
Currently Selected:
तीतुस 3: TKB
Highlight
Copy
Compare
Share
Want to have your highlights saved across all your devices? Sign up or sign in
New Life Compute Institute [NLCI] - CC BY-NC-ND 4.0
