इफिसिऔ 6
6
बालक और अईया-अब्बा
1 #
कुलु 3:20
ओ बालकौ, परभु मै अपने अईया-अब्बा की बातौं कै माने करौ कैसेकै जौई सई है। 2“अपने अईया-अब्बा की इज्जत करौ।” जौ पैली आगियाँ है जिसके संग बादो बी है। 3#6:3 जिस बादे के बारे मै आयत 2 मै दिखार खाओ है, बौ बादो आयत 3 मै है।“जिस्सै कै तुमरो भलो हो और तुम धरती मै भौत दिनौ तक जिन्दे रैहओगे।”
4 #
कुलु 3:21
हे अब्बाऔं, तुम अपने बालकौ के संग ऐंसो बरताब ना करौ जिस्सै कै उनकै घुस्सा आए, पर परभु की सिक्छा देकै और चौकस करकै उनको पालन-पोसन करिओ।
सेवक और मालिक
5 #
कुलु 3:22–25
सेवकौ, जो लोग तुमरे जा धरती के मालिक हैं, उनकी बात डर और काँपते भए सच्चे दिल सै मानौ जैसो तुम मसी की बातौं कै मानते आए हौ। 6तुम अपने मालिक कै खुस कन्नै के ताँई दिखावे को काम ना करौ, पर मसी के सेवक के हाँई अपने पूरे दिल सै काम करौ जिस्सै कै परमेसर की मरजी पूरी हो जाय। 7जब्बी तुम अपने मालिक की सेवा करौ हौ तौ तुम बा सेवा कै खुसी सै करिओ मानौ जैसे तुम आदमी की ना पर परभु की सेवा कर रए हौ। 8कैसेकै तुम जानौ हौ कै हर एक आदमी, चाँहे बौ गुलाम होए, या आजाद होए, जो कोई भलाई के काम करैगो, बाकै बाको फल परभु की ओर सै मिलैगो।
9 #
कुलु 4:1;
कुलु 3:25
हे मालिकौं, तुम बी अपने सेवकौ के संग ऐंसोई बरताब करौ और उनकै डरानो धमकानो छोड़ दो। कैसेकै तुम जौ जानौ हौ कै तुमरो और उनको एकई मालिक है, जो सुरग मै है और बौ किसी के संग भेदभाब ना करै है।
आत्मिक लड़ाई के हतियार
10आखरी मै, परभु मै और बाकी सकति मै मजबूत बनौ। 11परमेसर के सिगरे हतियारौं कै बांध लो, जिस्सै कै तुम सैतान की चालाँकी के सामने खड़े रैह सकौ। 12कैसेकै हमरी लड़ाई आदमी के संग ना है, पर जा दुनिया के इन्धेरे के राजा सै, अधकारिऔं सै, परधानौ सै और बा दुसट की आत्मिक सैना सै है जो आसमान मै है। 13इसताँई परमेसर के सिगरे हतियारौं कै बांध लो कै जब दुसट को दिन आगो तौ तुम आखरी तक मुकाबलो कन्नै के बाद मजबूती सै खड़े रैह सकौ।
14ऐंसे तईयार रौह, सच्चाई सै अपनी कमर कस लो और धारमिकता को कबज कै पैहरलो। 15और पाँऐऔं मै मेल-मिलाब की अच्छी खबर के जूता पैहरकै तईयार रौह, 16और जाके संग-संग बिसवास की ढाल लेए रैहऔ, जिस्सै कै तुम सैतान के पजरते भए तीरौं कै बुता सकौ। 17और तुम मुक्ति को टोप और आत्मा की तरवार जो परमेसर को बचन है लेलो।
18और तुम हमेसा आत्मा मै हर तरै सै पिराथना और बिनती करते रौह, और चौकस रैहते भए हर बखत पक्के रैहकै सबई पबित्तर लोगौ के ताँई पिराथना करते रौह। 19तुम मेरे ताँई बी पिराथना करौ कै जब मैं अपने मौह सै बोलौं तौ तबई मैं हिम्मत के संग अच्छी खबर की भेद की बातौं कै बता सकौं। 20जिसकी बजै सै मैं साँकर सै बंधो भओ राजदूत हौं। पिराथना करिओ कै, जिस तरीका सै मैंकै बोलनो चँईऐ, मैं बैसेई बिना डरे अच्छी खबर कै बोल सकौं।
आखरी नमस्कार
21 #
चेलौ 20:4; 2 तीमु 4:12 #
कुलु 4:7,8 तुखिकुस जो परभु मै मेरो पियारो भईया और एक ईमानदार सेवक है, बौ तुमकै मेरी सिगरी बातौं कै बता देगो जिस्सै कै तुमकै पतो चल जाऐ कै, मैं कैसो हो और का कर रओ हौं। 22मैंनै बाकै तुमरे धौंरे इसताँई भेजो कै तुमकै हमरे बारे मै पतो चलै और बौ तुमरी हिम्मत कै बढ़ा सकै।
23पिता परमेसर और परभु ईसु मसी की ओर सै भईयौ कै सान्ति और बिसवास के संग पियार मिलै। 24जो हमरे परभु ईसु मसी सै हमेसा पियार रक्खै हैं, उन सबई के ऊपर किरपा होवै है।
Currently Selected:
इफिसिऔ 6: TKB
Highlight
Copy
Compare
Share
Want to have your highlights saved across all your devices? Sign up or sign in
New Life Compute Institute [NLCI] - CC BY-NC-ND 4.0
इफिसिऔ 6
6
बालक और अईया-अब्बा
1 #
कुलु 3:20
ओ बालकौ, परभु मै अपने अईया-अब्बा की बातौं कै माने करौ कैसेकै जौई सई है। 2“अपने अईया-अब्बा की इज्जत करौ।” जौ पैली आगियाँ है जिसके संग बादो बी है। 3#6:3 जिस बादे के बारे मै आयत 2 मै दिखार खाओ है, बौ बादो आयत 3 मै है।“जिस्सै कै तुमरो भलो हो और तुम धरती मै भौत दिनौ तक जिन्दे रैहओगे।”
4 #
कुलु 3:21
हे अब्बाऔं, तुम अपने बालकौ के संग ऐंसो बरताब ना करौ जिस्सै कै उनकै घुस्सा आए, पर परभु की सिक्छा देकै और चौकस करकै उनको पालन-पोसन करिओ।
सेवक और मालिक
5 #
कुलु 3:22–25
सेवकौ, जो लोग तुमरे जा धरती के मालिक हैं, उनकी बात डर और काँपते भए सच्चे दिल सै मानौ जैसो तुम मसी की बातौं कै मानते आए हौ। 6तुम अपने मालिक कै खुस कन्नै के ताँई दिखावे को काम ना करौ, पर मसी के सेवक के हाँई अपने पूरे दिल सै काम करौ जिस्सै कै परमेसर की मरजी पूरी हो जाय। 7जब्बी तुम अपने मालिक की सेवा करौ हौ तौ तुम बा सेवा कै खुसी सै करिओ मानौ जैसे तुम आदमी की ना पर परभु की सेवा कर रए हौ। 8कैसेकै तुम जानौ हौ कै हर एक आदमी, चाँहे बौ गुलाम होए, या आजाद होए, जो कोई भलाई के काम करैगो, बाकै बाको फल परभु की ओर सै मिलैगो।
9 #
कुलु 4:1;
कुलु 3:25
हे मालिकौं, तुम बी अपने सेवकौ के संग ऐंसोई बरताब करौ और उनकै डरानो धमकानो छोड़ दो। कैसेकै तुम जौ जानौ हौ कै तुमरो और उनको एकई मालिक है, जो सुरग मै है और बौ किसी के संग भेदभाब ना करै है।
आत्मिक लड़ाई के हतियार
10आखरी मै, परभु मै और बाकी सकति मै मजबूत बनौ। 11परमेसर के सिगरे हतियारौं कै बांध लो, जिस्सै कै तुम सैतान की चालाँकी के सामने खड़े रैह सकौ। 12कैसेकै हमरी लड़ाई आदमी के संग ना है, पर जा दुनिया के इन्धेरे के राजा सै, अधकारिऔं सै, परधानौ सै और बा दुसट की आत्मिक सैना सै है जो आसमान मै है। 13इसताँई परमेसर के सिगरे हतियारौं कै बांध लो कै जब दुसट को दिन आगो तौ तुम आखरी तक मुकाबलो कन्नै के बाद मजबूती सै खड़े रैह सकौ।
14ऐंसे तईयार रौह, सच्चाई सै अपनी कमर कस लो और धारमिकता को कबज कै पैहरलो। 15और पाँऐऔं मै मेल-मिलाब की अच्छी खबर के जूता पैहरकै तईयार रौह, 16और जाके संग-संग बिसवास की ढाल लेए रैहऔ, जिस्सै कै तुम सैतान के पजरते भए तीरौं कै बुता सकौ। 17और तुम मुक्ति को टोप और आत्मा की तरवार जो परमेसर को बचन है लेलो।
18और तुम हमेसा आत्मा मै हर तरै सै पिराथना और बिनती करते रौह, और चौकस रैहते भए हर बखत पक्के रैहकै सबई पबित्तर लोगौ के ताँई पिराथना करते रौह। 19तुम मेरे ताँई बी पिराथना करौ कै जब मैं अपने मौह सै बोलौं तौ तबई मैं हिम्मत के संग अच्छी खबर की भेद की बातौं कै बता सकौं। 20जिसकी बजै सै मैं साँकर सै बंधो भओ राजदूत हौं। पिराथना करिओ कै, जिस तरीका सै मैंकै बोलनो चँईऐ, मैं बैसेई बिना डरे अच्छी खबर कै बोल सकौं।
आखरी नमस्कार
21 #
चेलौ 20:4; 2 तीमु 4:12 #
कुलु 4:7,8 तुखिकुस जो परभु मै मेरो पियारो भईया और एक ईमानदार सेवक है, बौ तुमकै मेरी सिगरी बातौं कै बता देगो जिस्सै कै तुमकै पतो चल जाऐ कै, मैं कैसो हो और का कर रओ हौं। 22मैंनै बाकै तुमरे धौंरे इसताँई भेजो कै तुमकै हमरे बारे मै पतो चलै और बौ तुमरी हिम्मत कै बढ़ा सकै।
23पिता परमेसर और परभु ईसु मसी की ओर सै भईयौ कै सान्ति और बिसवास के संग पियार मिलै। 24जो हमरे परभु ईसु मसी सै हमेसा पियार रक्खै हैं, उन सबई के ऊपर किरपा होवै है।
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
New Life Compute Institute [NLCI] - CC BY-NC-ND 4.0