इफिसिऔ 5
5
जोती मै जीनो
1तुम परमेसर की पियारी औलाद हौ, और जैसो बाको चाल-चलन है, बैसोई तुमरो बी होनो चँईऐ। 2पियार के संग जिऔ, ठीक बैसेई जिस तरै सै मसी नै तुमसै पियार करो और हमरे पापौं के ताँई एक अच्छी खसबोई बारी भेंट बनकै परमेसर के सामने खुद कै बलि के ताँई दे दओ।
3तुमरे बीच मै बैबिचार को और लालच को और हर तरै के गंदे सौभाब को जिकर बी ना होए। कैसेकै ऐंसी बात परमेसर के पबित्तर लोगौ के ताँई अच्छी ना हैं। 4और ना तुमरे बीच मै बेसरम और बेबकूफ बारी बात होनी चँईऐ और ना गंदी बातौं सै मजाक, जो तुमरे ताँई अच्छी ना हैं। पर तुमकै बस परमेसर को धन्नबाद देतो रैहनो चँईऐ। 5कैसेकै तुम जौ बात कै जानौ हौ कै बैबिचार कन्नै बारो और गन्दे काम कन्नै बारो और लालची आदमी एक मूरती पूजा कन्नै बारे आदमी के बराबर है और बौ मसी और परमेसर के राज मै कबी ना जा सकै है।
6देखौ, कोई बी तुमकै बेकार की बातौं कै बोलकै धोके मै फसा ना पाऐ। कैसेकै इन सबई बातौं की बजै सै परमेसर की घुस्सा उनके ऊपर पड़ै है जो बाको हुकम ना मानै हैं। 7इसताँई तुम उनके साती ना बनौ।
8कैसेकै पैले एक बखत हो जब तुम इन्धेरे मै हे। पर अब परभु के चेला बन्नै सै तुम जोती मै हौ, इसताँई अब तुम जोती की औलाद के हाँई जिन्दगी जिऔ। 9जहाँ जोती है, बहाँ हर तरै की भलाई, धारमिकता और सच्चाई पैदा होवै है। 10तुम हर बखत जौ जान्नै मै लगे रौह कै परभु कै का अच्छो लगै है। 11जो लोग इन्धेरे के गलत काम करै हैं, तुम उनके कामौ मै सात मत देईयो और उनके गलत कामौ कै सबई के सामने लाऔ। 12कैसेकै जो काम बे चोरी-चोरा करै हैं, उन कामौ की बात कन्नै मै बी सरम आवै है। 13जब जोती को उज्जेरो फैलैगो तौ सबई काम परकट हौंगे। 14कैसेकै जोती आई है, जो सबई कुछ कै परकट करै है। इसताँई ऐंसो कैओ गओ है कै,
“ओ सोनै बारे जगौ,
और मरे भएऔं मै सै जिन्दे हो जाऔ,
और मसी को उज्जेरो तुमरे ऊपर चमकैगो।”
15इसताँई अपनी चाल-चलन कै देखौ कै हम कैसे चल रए हैं और मूरख लोगौ के हाँई बरताब ना करौ, पर अकलमन्द लोगौ के हाँई बरताब करौ। 16#कुलु 4:5हर एक मौके को पूरो फाएदा उठाऔ, कैसेकै दिन बुरे हैं। 17इसताँई तुम बेबकूफ बने ना रैहईओ, पर धियान सै समजिओ कै परभु की मरजी का है? 18और सराप पीकै नसेड़ी मत बनौ, कैसेकै इस्सै लुच्चे काम की इच्छा जगै है। बलकन तुम पबित्तर आत्मा सै भरते जाऔ। 19#कुलु 3:16,17तुम आपस मै मिलजुलकै सच्चे दिल सै परभु के ताँई भजन, किरतन और भक्ति गीत गाते रौह और अपने अपने मन मै बी परभु के गीत गाते रौह। 20सिगरी बातौं मै हमरे परभु ईसु मसी के नाम सै अब्बा परमेसर को हमेसा धन्नबाद करते रौह।
लोग और बईयर कै आगियाँ
21मसी को डर मानते भए एक दूसरे के आधीन मै रौह।
22 #
कुलु 3:18; 1 पतर 3:1 बईयरौं तुम अपने लोगौ के आधीन रौह जैसो तुम परभु के आधीन रैहबौ हौ। 23कैसेकै बईयर की खोपड़ी बाको लोग है, बैसेई बिसवासिऔ की मंडली की खोपड़ी मसी है, जो जाकै#5:23 जाकै, मतलब बिसवासिऔ की मंडली। मुक्ति देवै है। 24जिस तरै सै बिसवासिऔ की मंडली मसी के आधीन है, बैसेई बईयर बी हर एक बातौं मै अपने लोग के आधीन है।
25 #
कुलु 3:19; 1 पतर 3:7 ओ लोगौ अपनी अपनी बईयरौं सै बैसेई पियार करौ जैसो मसी नै बिसवासिऔ की मंडली सै करो और खुद कै बाके ताँई अपनी जान बी दे दई। 26जिस्सै कै बौ बचन के दुआरा पानी से नभा धुबा कै बाकै सुद्द करकै पबित्तर बनाऐ। 27कैसेकै बौ अपने ताँई एक ऐंसी चमकदार बिसवासिऔ की मंडली बनाकै खड़ी कन्नी चाँहै हो जिसमै ना तौ कोई दाग, ना झुररी और ना कोई दोस हो, बलकन पबित्तर और निरदोस हो। 28ऐंसेई लोग के ताँई जौ सई है कै बौ अपनी बईयर सै बैसेई पियार करै जैसो अपने सरीर सै करै है। जो अपनी बईयर सै पियार करै है बौ खुद सै बी पियार करै है। 29कैसेकै कोई बी अपने सरीर सै नफरत ना करै है, पर बौ बाको पालन-पोसन करै है, जिस तरै सै मसी बिसवासिऔ की मंडली को करै है। 30कैसेकै हम बी बाके सरीर के अंग हैं। 31पबित्तर सास्तर मै ऐंसो लिखो है कै, “आदमी अपने अईया-अब्बा के छोड़कै अपनी बईयर के संग रैहगो और बे दौनौ एक सरीर बनंगे।” 32जौ भेद की बात तौ बेसानी बड़ी है, पर मैं तुमकै मसी और बिसवासिऔ की मंडली के बारे मै कैबौ हौं।
33पर तुम्मै सै हर एक कै अपनी बईयर सै पियार कन्नो चँईऐ जैसो तुम खुद अपने आप सै करौ हौ, और बईयर कै बी अपने लोग को डर मानते भए बाकी इज्जत कन्नी चँईऐ।
Currently Selected:
इफिसिऔ 5: TKB
Highlight
Copy
Compare
Share
Want to have your highlights saved across all your devices? Sign up or sign in
New Life Compute Institute [NLCI] - CC BY-NC-ND 4.0
इफिसिऔ 5
5
जोती मै जीनो
1तुम परमेसर की पियारी औलाद हौ, और जैसो बाको चाल-चलन है, बैसोई तुमरो बी होनो चँईऐ। 2पियार के संग जिऔ, ठीक बैसेई जिस तरै सै मसी नै तुमसै पियार करो और हमरे पापौं के ताँई एक अच्छी खसबोई बारी भेंट बनकै परमेसर के सामने खुद कै बलि के ताँई दे दओ।
3तुमरे बीच मै बैबिचार को और लालच को और हर तरै के गंदे सौभाब को जिकर बी ना होए। कैसेकै ऐंसी बात परमेसर के पबित्तर लोगौ के ताँई अच्छी ना हैं। 4और ना तुमरे बीच मै बेसरम और बेबकूफ बारी बात होनी चँईऐ और ना गंदी बातौं सै मजाक, जो तुमरे ताँई अच्छी ना हैं। पर तुमकै बस परमेसर को धन्नबाद देतो रैहनो चँईऐ। 5कैसेकै तुम जौ बात कै जानौ हौ कै बैबिचार कन्नै बारो और गन्दे काम कन्नै बारो और लालची आदमी एक मूरती पूजा कन्नै बारे आदमी के बराबर है और बौ मसी और परमेसर के राज मै कबी ना जा सकै है।
6देखौ, कोई बी तुमकै बेकार की बातौं कै बोलकै धोके मै फसा ना पाऐ। कैसेकै इन सबई बातौं की बजै सै परमेसर की घुस्सा उनके ऊपर पड़ै है जो बाको हुकम ना मानै हैं। 7इसताँई तुम उनके साती ना बनौ।
8कैसेकै पैले एक बखत हो जब तुम इन्धेरे मै हे। पर अब परभु के चेला बन्नै सै तुम जोती मै हौ, इसताँई अब तुम जोती की औलाद के हाँई जिन्दगी जिऔ। 9जहाँ जोती है, बहाँ हर तरै की भलाई, धारमिकता और सच्चाई पैदा होवै है। 10तुम हर बखत जौ जान्नै मै लगे रौह कै परभु कै का अच्छो लगै है। 11जो लोग इन्धेरे के गलत काम करै हैं, तुम उनके कामौ मै सात मत देईयो और उनके गलत कामौ कै सबई के सामने लाऔ। 12कैसेकै जो काम बे चोरी-चोरा करै हैं, उन कामौ की बात कन्नै मै बी सरम आवै है। 13जब जोती को उज्जेरो फैलैगो तौ सबई काम परकट हौंगे। 14कैसेकै जोती आई है, जो सबई कुछ कै परकट करै है। इसताँई ऐंसो कैओ गओ है कै,
“ओ सोनै बारे जगौ,
और मरे भएऔं मै सै जिन्दे हो जाऔ,
और मसी को उज्जेरो तुमरे ऊपर चमकैगो।”
15इसताँई अपनी चाल-चलन कै देखौ कै हम कैसे चल रए हैं और मूरख लोगौ के हाँई बरताब ना करौ, पर अकलमन्द लोगौ के हाँई बरताब करौ। 16#कुलु 4:5हर एक मौके को पूरो फाएदा उठाऔ, कैसेकै दिन बुरे हैं। 17इसताँई तुम बेबकूफ बने ना रैहईओ, पर धियान सै समजिओ कै परभु की मरजी का है? 18और सराप पीकै नसेड़ी मत बनौ, कैसेकै इस्सै लुच्चे काम की इच्छा जगै है। बलकन तुम पबित्तर आत्मा सै भरते जाऔ। 19#कुलु 3:16,17तुम आपस मै मिलजुलकै सच्चे दिल सै परभु के ताँई भजन, किरतन और भक्ति गीत गाते रौह और अपने अपने मन मै बी परभु के गीत गाते रौह। 20सिगरी बातौं मै हमरे परभु ईसु मसी के नाम सै अब्बा परमेसर को हमेसा धन्नबाद करते रौह।
लोग और बईयर कै आगियाँ
21मसी को डर मानते भए एक दूसरे के आधीन मै रौह।
22 #
कुलु 3:18; 1 पतर 3:1 बईयरौं तुम अपने लोगौ के आधीन रौह जैसो तुम परभु के आधीन रैहबौ हौ। 23कैसेकै बईयर की खोपड़ी बाको लोग है, बैसेई बिसवासिऔ की मंडली की खोपड़ी मसी है, जो जाकै#5:23 जाकै, मतलब बिसवासिऔ की मंडली। मुक्ति देवै है। 24जिस तरै सै बिसवासिऔ की मंडली मसी के आधीन है, बैसेई बईयर बी हर एक बातौं मै अपने लोग के आधीन है।
25 #
कुलु 3:19; 1 पतर 3:7 ओ लोगौ अपनी अपनी बईयरौं सै बैसेई पियार करौ जैसो मसी नै बिसवासिऔ की मंडली सै करो और खुद कै बाके ताँई अपनी जान बी दे दई। 26जिस्सै कै बौ बचन के दुआरा पानी से नभा धुबा कै बाकै सुद्द करकै पबित्तर बनाऐ। 27कैसेकै बौ अपने ताँई एक ऐंसी चमकदार बिसवासिऔ की मंडली बनाकै खड़ी कन्नी चाँहै हो जिसमै ना तौ कोई दाग, ना झुररी और ना कोई दोस हो, बलकन पबित्तर और निरदोस हो। 28ऐंसेई लोग के ताँई जौ सई है कै बौ अपनी बईयर सै बैसेई पियार करै जैसो अपने सरीर सै करै है। जो अपनी बईयर सै पियार करै है बौ खुद सै बी पियार करै है। 29कैसेकै कोई बी अपने सरीर सै नफरत ना करै है, पर बौ बाको पालन-पोसन करै है, जिस तरै सै मसी बिसवासिऔ की मंडली को करै है। 30कैसेकै हम बी बाके सरीर के अंग हैं। 31पबित्तर सास्तर मै ऐंसो लिखो है कै, “आदमी अपने अईया-अब्बा के छोड़कै अपनी बईयर के संग रैहगो और बे दौनौ एक सरीर बनंगे।” 32जौ भेद की बात तौ बेसानी बड़ी है, पर मैं तुमकै मसी और बिसवासिऔ की मंडली के बारे मै कैबौ हौं।
33पर तुम्मै सै हर एक कै अपनी बईयर सै पियार कन्नो चँईऐ जैसो तुम खुद अपने आप सै करौ हौ, और बईयर कै बी अपने लोग को डर मानते भए बाकी इज्जत कन्नी चँईऐ।
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
New Life Compute Institute [NLCI] - CC BY-NC-ND 4.0