1 तीमुथियुस 1
1
1-2 #
चेलौ 16:1
जौ चिट्ठी पौलुस की ओर सै तीमुथियुस के ताँई है, जो बिसवास मै मेरो सच्चो बालक है। मैंकै ईसु मसी को भेजो भओ चेला बन्नै को हुकम, हमकै मुक्ति दैनै बारे परमेसर की ओर सै और परभु ईसु मसी की ओर सै मिलो है, जिसके ऊपर हम आस रक्खै हैं।
हमरे परम पिता परमेसर और परभु ईसु मसी की ओर सै तुमकै आसीस, दया और सान्ति मिलै।
झूँटे सिकानै बारौं के खिलाप चितौनी
3जैसो मैंनै मकिदुनिया मुलक मै जाते दफै तुम लोगौ सै इफिसुस सैहर मै रैहनै की बिनती इसताँई करी कै जो लोग इफिसुस मै गलत सिक्छा दे रए हैं, उनकै समजाऔ कै बे ऐंसो ना करैं। 4उनसै कैऔ कै खानदान की बातौं और बेकार की मन सै बनाई भई कस्ताऔ मै धियान ना देओ, और अपनो बखत बेकार की बातौं मै ना खराब करौ, जो लड़ाई कै बढ़ाबो देवै हैं। इन बातौं सै परमेसर के बा बचन को गियान ना मिलै है, जो बिसवास मै टिको है।
5मेरे हुकम को मकसद पियार है जो सच्चे दिल सै और सुद्द मन सै और बा बिना खोट के बिसवास सै तुम्मै पैदा होए। 6इन बातौं कै छोड़कै कुछ लोग बेकार की बातौं मै भटक गए हैं। 7ऐंसे लोग परमेसर के नियम कै सिकानै बारे तौ बन्नो चाँहै हैं। पर बे जो बात बोलै हैं और जिन बातौं के ऊपर जादा जोर डारै हैं, बे खुद बी उनको मतलब ना जानै हैं।
8हम जौ बात जानै हैं कै जो कोई मूसा के नियमौ के ऊपर सई तरीका सै चलै हैं, तौ नियम बाके ताँई अच्छो है। 9जौ नियम सिरप धरमी लोगौ केई ताँई ना है। पर नियम तोड़नै बारौ के, नियम कै ना माननै बारौ के, परमेसर कै ना माननै बारे लोगौ के, पापी लोगौ के, अपबित्तर लोगौ के, परमेसर की इज्जत ना कन्नै बारौ के, और अईया-अब्बा कै जान सै मारनै बारौ के, खून कन्नै बारौ के, 10और बईयरौं और आदमिऔ के संग सरीर सै गलत काम कन्नै बारौ के, और गुलाम लोगौ कै बेचनै बारौ के, झूँटी बात बोलनै बारौ के, झूँटी कसम खानै बारौ कै, और बे सिगरे लोग जो सच्ची सिक्छा को बिरोद करै हैं, उनके ताँई जौ नियम ठैराओ गओ है। 11जौ सिक्छा धन्न परमेसर की बा महिमा के ताँई उस अच्छी खबर के हिसाब सै है, जो मैंकै सौंपी गई है।
परमेसर की दया के ताँई धन्नबाद
12मैं अपने परभु ईसु मसी को धन्नबाद देवौ हौं, जिसनै मैंकै सकति देई और बिसवासजोग समजकै अपनी सेवा के काम के ताँई चुनो है। 13#चेलौ 8:3; 9:4,5मैं पैले मसी के खिलाप बुराई कन्नै बारो और सतानै बारो और अनियाय कन्नै बारो हो, पर तौबी मेरे ऊपर दया करी, कैसेकै मैं जे काम बिना सोचे समजे और बिना बिसवास सै करै हो। 14और परभु की दया मैंकै पूरी तरै सै मिली है, और बाके संग-संग बौ बिसवास और पियार बी मिलै है जो मसी ईसु मै है।
15जौ बात सच्ची है और हर तरै सै बिसवास के लायक है कै ईसु मसी जा दुनिया मै पापी लोगौ कै बचानै के ताँई आओ, और उन पापी लोगौ मै सबई सै बड़ो पापी मैं हौं। 16पर मुज जैसे सबई सै बड़े पापी के ऊपर ईसु मसी नै दया करकै अपनो सबर इसताँई दिखाओ कै, मैंकै एक उदाहरन के रूप मै उन लोगौ कै दिखाऐ जो आदमी मसी के ऊपर बिसवास करै है बौ हमेसा की जिन्दगी पांऐ। 17हमेसा राज कन्नै बारो राजा और कबी नास ना होनै बारो और जिसकै हम ना देख सकै हैं। बौ एकई परमेसर है और बाकी इज्जत और बड़ाई युगौं-युगौं तक है। ऐंसोई होए।
18ओ मेरे लौंड़ा तीमुथियुस, मैं तेकै जौ हुकम देवौ हौं कै बौ भबिसबानी कै याद कर जैसी तेरे बारे मै पैलेई सै करर खाई ही, कै तू बा बुराई के खिलाप अच्छे तरीका सै लड़तो रैह। 19ईसु मसी के बिसवास मै अग्गे बढ़ और अपने भीतर के मन कै साप रख। कैसेकै कुछ लोग अपने भीतर के मन मै धियान ना देवै हैं, और अपने बिसवास कै खो कै नास कर देवै हैं। 20और इनमै हिमुनियुस और सिकन्दर बी हैं। मैंनै उनकै सैतान के हात मै दे दओ, जिस्सै कै उनकै परमेसर के खिलाप मौह सै बुराई ना कन्नै को सबक सिकाओ जाय।
Currently Selected:
1 तीमुथियुस 1: TKB
Highlight
Copy
Compare
Share
Want to have your highlights saved across all your devices? Sign up or sign in
New Life Compute Institute [NLCI] - CC BY-NC-ND 4.0
