1 थिसलुनीकियौ 5
5
परभु को दिन
1ओ मेरे भईयौ और बहनौ, तुमरे ताँई परभु के बापस आनै को बखत और तारीक के बारे मै लिखनै की जरूरत ना है। 2#मत्ती 24:43; लूका 12:39; 2 पतर 3:10कैसेकै तुम खुदई अच्छी तरै सै जानौ हौ कै जैसे चोर रात कै अचानक सै आवै है बैसेई परभु को दिन बी आगो। 3जब लोग जौ कैंगे कै, “अब तौ चैन और किसी बात को डर ना है” तौ तबई एकदम बिनास आगो और ऐंसो कै जैसे एक गरबबती बईयर के बालक जननै के बखत जो दरद अचानक सै आवै है बैसेई आगो और बा बिनास सै कोई बी बच ना पागो।
4पर ओ भईयौ और बहनौ, तुम इन्धेरे के ना हौ कै तुमरे ऊपर बौ दिन चोर के हाँई अचानक सै आय और तुम अचम्बे मै ना पड़ौ। 5कैसेकै हम ना तौ रात की और नाई इन्धेरे की औलाद हैं। पर तुम सबई उज्जेरे और दिन की औलाद हौ। 6इसताँई औरौं के हाँई हमकै सोते भए ना रैहनो है, बलकन जगते और होसिआर रैहनो है। 7कैसेकै जो सोवै हैं, बे रात कैई सोवै हैं। और जो दारू पीवै हैं, बे रात कै पीकै नसा मै रैहबैं हैं। 8#इफि 6:13–17पर हम दिन के हैं और हमकै खुद के ऊपर काबू रखनो चँईऐ। और बिसवास और पियार को कबज पैहरकै और मुक्ति की उमीद को टोप कै पैहरलो।
9कैसेकै परमेसर नै हमकै अपनी घुस्सा की सजा के ताँई ना पर इसताँई ठैराओ है कै हम अपने परभु ईसु मसी के दुआरा मुक्ति पांऐ। 10बौ हमरे ताँई इसताँई मरो जिस्सै कै हम चाँहे जिन्दे रैंह या मर गए हौं, जब बौ बापस आगो सबई मिलकै बाईके संग जिन्दगी जीऐं। 11इसताँई एक दूसरे कै सान्ति दो, और एक दूसरे की हिम्मत बढ़ाते रौह। जैसो कै तुम कर बी रए हौ।
आखरी हुकम और नमस्कार
12ओ भईयौ और बहनौ, हम तुमसै बिनती करै हैं कै, जो लोग तुमरे ताँई बेसानी मैहनत करै हैं और परभु मै तुमकै रस्ता दिखाबै हैं और तुमकै सिकाबै हैं, उनकी इज्जत करौ। 13और जो काम बे करै हैं उन कामौ की बजै सै पियार के संग उनकी खूब इज्जत करौ। और तुम सबई आपस मै मिलजुलकै रैहऔ। 14ओ भईयौ और बहनौ, हम तुमसै बिनती करैं हैं कै जो लोग आबारा हैं उनकै चितौनी दो। डरनै बारौ की हिम्मत बढ़ाऔ और कमजोरौ की सायता करौ और सबई के संग सबर रक्खौ। 15और तुम जा बात को धियान रक्खौ कै बुराई के बदले कोई बुराई ना करै, पर हमेसा एक दूसरे के संग और सबई लोगौ के संग भलाई कन्नै की कोसिस करे करौ।
16हमेसा खुस रैहऔ। 17हमेसा पिराथना करौ। 18और हर एक बात मै परमेसर कै धन्नबाद देओ कैसेकै तुमरे ताँई मसी ईसु मै परमेसर की इच्छा जौई है।
19पबित्तर आत्मा के कामौ कै मत दबाऔ। 20परमेसर की ओर सै बोलनै बारे की बातौं कै बेकार ना समजौ। 21पर सिगरी बातौं कै परखौ और जो अच्छी हैं उनकै मजबूती सै पकड़े रौह। 22और हर एक तरै की बुराई सै बचे रौह।
23सान्ति दैनै बारो परमेसर खुदई तुमकै पूरी तरै पबित्तर करै; और तुमरी आत्मा, पिरान और सरीर कै हमरे परभु ईसु मसी के आनै तक निरदोस रखैगो। 24तुमकै बुलानै बारो सच्चो है और बौ ऐंसोई करैगो।
25पियारे भईयौ और बहनौ हमरे ताँई बी पिराथना करौ। 26सबई बिसवासी लोग पियार सै नमस्ते के संग आपस मै गले मिले करौ। 27मैं तुमकै परभु के नाम सै जौ हुकम देवौ हौं कै जौ चिट्ठी सिगरे बिसवासी लोगौ के बीच मै जोर सै पढ़ी जाय।
28हमरे परभु ईसु मसी की किरपा तुम सबई के ऊपर होती रैह।
Currently Selected:
1 थिसलुनीकियौ 5: TKB
Highlight
Copy
Compare
Share
Want to have your highlights saved across all your devices? Sign up or sign in
New Life Compute Institute [NLCI] - CC BY-NC-ND 4.0
