1 थिसलुनीकियौ 3
3
1 #
चेलौ 17:15
इसताँई जब हम और जादा बरदास ना कर सके, तौ हमनै एथेन्स मै इकले रुकनै को फैसला करो, 2और तीमुथियुस जो मसी की अच्छी खबर कै फैलानै मै हमरो संगी भईया और परमेसर की सेवा कन्नै बारो है, बाकै हमनै तुमरे धौंरे इसताँई भेजो कै बौ तुमकै बिसवास मै मजबूत करकै तुमरी हिम्मत बढ़ाऐ, 3जिस्सै कै कोई बी इन दुखौ की बजै सै ना घबराऐ। कैसेकै तुम जानौ हौ कै जौ सबई हमरे ताँई परमेसर की मरजी सै है। 4कैसेकै पैले बी जब हम तुमरे हिंया हे तौ तुमसै कैबै हे कै हमकै दुख झेलने पड़ंगे, और बैसोई भओ। तुमकै जा बात को पतो बी है। 5इसताँई जब मैंसै रैहओ ना गओ तौ तुमरे बिसवास को हालचाल जान्नै के ताँई मैंनै तीमुथियुस कै भेजो। कैसेकै मैंकै जा बात को डर हो कै कहीं सैतान तुमकै अपने लालच मै फसा ना लै और हमरी मैहनत बेकार चली जाय।
अच्छी खबर कै लेकै तीमुथियुस को आनो
6 #
चेलौ 18:5
पर अब तीमुथियुस तुमरे बिसवास और पियार की खबर लेकै लौहटो है। बौ हमकै बताबै है कै तुम हमेसा हमकै पियार सै याद करौ हौ और हम सै फिर मिलनै के ताँई जितने तुम बेचैन हौ उत्तेई हम बी हैं। 7इसताँई हे भईयौ और बहनौ, तुमरे बिसवास के बारे मै सुनकै हमनै सिगरे दुख और दरद मै बी हिम्मत पाई है। 8हम जौ बात सुनकै भौत खुस हैं कै तुम बिसवास मै मजबूत होकै खड़े हौ और परभु के संग हौ। 9जैसी खुसी परमेसर के सामने हमकै तुमरी बजै सै मिली है। बाकी बजै सै हम परमेसर को धन्नबाद किस तरीका सै करै? 10हम रात-दिन पूरे दिल सै परमेसर सै जौ पिराथना करै हैं कै तुमकै देख सकैं। अगर तुमरे भीतर बिसवास की कुछ कमी है तौ बाकै पूरो करैं।
11अब हमरो परम पिता परमेसर और परभु ईसु हमकै तुमरे धौंरे आनै के ताँई रस्ता दिखागो। 12और परभु ऐंसो करै कै जैसो हम तुमसै पियार करै हैं, बैसोई तुम लोग बी आपस मै करौ, और तुमरो पियार सबई आदमिऔ के संग बढ़तो जाय। 13हम जौ पिराथना करै हैं कै तुमरे दिल मजबूत हौंऐ। जब हमरो परभु ईसु अपने पबित्तर लोगौ के संग आय, तौ बा बखत मै बी तुम परमेसर के सामने पबित्तर और निरदोस ठैर सकौ।
Currently Selected:
1 थिसलुनीकियौ 3: TKB
Highlight
Copy
Compare
Share
Want to have your highlights saved across all your devices? Sign up or sign in
New Life Compute Institute [NLCI] - CC BY-NC-ND 4.0
