1 कुरन्थियों 1
1
पौलुस को नमस्कार
1परमेसर की मरजी के हिसाब सै ईसु मसी मै भेजो भओ चेला होनै के ताँई बुलाए भए पौलुस और हमरे भईया सोस्थिनेस की ओर सै जौ चिट्ठी, 2#चेलौ 18:1परमेसर के उन बिसवासिऔ की मंडली के लोगौ के ताँई जो कुरन्थी सैहर मै हैं। इन लोगौ कै ईसु मसी के संग साजे होनै के ताँई परमेसर नै अगल करर खाओ हो, और इनई कै पबित्तर जिन्दगी जीनै के ताँई बुलाओ, और उन सबई बिसवासी लोगौ के ताँई बी जो हर जघै मै हमरे और मेरे परभु ईसु मसी के नाम की बड़ाई करै हैं।
3हमरे परम पिता परमेसर और परभु ईसु मसी की ओर सै तुमकै किरपा और सान्ति मिलती रैह।
पौलुस की ओर सै परमेसर कै धन्नबाद
4ईसु मसी की ओर सै जो किरपा तुमकै मिली भई है। बाके ताँई मैं तुमरी ओर सै परमेसर को हमेसा धन्नबाद करौं हौं। 5तुम मसी के संग साजेदार होनै की बजै सै सबई चीजौ मै सेट हौ; परमेसर के बचन मै और उन सिगरी आत्मिक बातौं मै जिनकै तुम जानौ हौ, सेट बन गए हौ। 6मसी के बारे मै जो गभाई हमनै दई है, बौ तुमरे बीच साबित बी भई है। 7और तुम्मै पबित्तर आत्मा के किसी बी बरदान की कमी ना है और तुम हमरे परभु ईसु मसी के बापस आनै को पैंड़ो देखते रैहए। 8परमेसर अन्त तक तुम लोगौ कै बिसवास मै मजबूत बनाए रखैगो, जिस्सै हमरे परभु ईसु मसी के फिर सै आनै के दिन तुम निरदोस पाए जाऔ। 9परमेसर बिसवासजोग है। जिसनै तुमकै अपने बेटा और हमरे परभु ईसु मसी के संग रैहनै के ताँई बुलाओ।
कुरन्थ के बिसवासिऔ की मंडली मै फूट
10अब हे भईयौ और बहनौ परभु ईसु मसी के नाम सै, मेरी तुम लोगौ सै जौ बिनती है। तुम सबई जनी एकई सोच रक्खौ और तुम्मै आपस मै फूट ना पड़ै, पर तुम एक मन होकै एक दूसरे सै मेल-जोल रखते भए रैहऔ।
11हे भईयौ और बहनौ, मैंकै खलोए के टब्बर सै पतो लगो है कै तुम लोगौ के बीच मै लड़ाई चल रई हैं। 12#चेलौ 18:24मेरो कैनै को मतलब जौ है कै तुम लोगौ मै सै कोई कैबै है “मैं पौलुस को हौं” तौ कोई, “मैं अपोलुस को हौं,” और कोई, “मैं पतरस को हौं” तौ कोई कैबै है, “मैं मसी को हौं।” 13तौ का मसी बट गओ है? का पौलुस तुमरे ताँई कुरूस मै चढ़ो हो? या पौलुस के नाम मै तुमकै जल संस्कार मिलो? 14#चेलौ 18:8; चेलौ 19:29; रोमी 16:23मैं परमेसर को धन्नबाद करौ हौं कै मैंनै किसपुस और गयुस के अलाबा तुम्मै सै किसी और कै जल संस्कार ना दओ। 15इसताँई कोई आदमी जौ ना कैह सकै है कै तुमकै पौलुस के नाम मै जल संस्कार मिलो है। 16#1 कुर 16:15हाँ मैंनै सितेफनुस के टब्बर कै जल संस्कार देओ है। जहाँ तक मैंकै पतो है, मैंनै इनके अलाबा किसी और कै जल संस्कार ना दओ। 17कैसेकै मसी नै मैं जल संस्कार दैनै के ताँई ना, पर अच्छी खबर को परचार कन्नै के ताँई भेजो हौं, और जौ अच्छी खबर मैं चालाँकी बारी बातौं सै ना सुनावौं हौं, जिस्सै कै मसी की कुरूस की तागत बेकार ठैरै।
परमेसर की बुद्धि और सकति मसी है
18कैसेकै जो बरबादी के रस्ता मै चल रए हैं, उनके ताँई मसी की कुरूस की मौत की खबर मूरखता है, पर हम मुक्ति पानै बारौ के ताँई जौ परमेसर की सकति है। 19कैसेकै पबित्तर सास्तर मै लिखो है, “मैं गियानी लोगौ के बुद्धि कै खतम कर दंगो और समजदार लोगौ की समजकै बेकार कर दंगो।”
20कहाँ है बुद्धि? कहाँ है सास्तरी और कहाँ है जा दुनिया के बैहसबाजी कन्नै बारे? कैसेकै परमेसर नै जा दुनिया की बुद्धि कै मूरख ठैरा दओ है। 21कैसेकै परमेसर के बुद्धि के हिसाब सै जा दुनिया के लोग अपनेई बुद्धि सै परमेसर कै ना जानै हैं। तबई परमेसर कै जौ अच्छो लगो कै जिन परचार कन्नै बारे लोगौ कै जा दुनिया के लोगौ नै मूरख समजो उनई के परचार के दुआरा बिसवास कन्नै बारौ के ताँई मुक्ति को रस्ता खुलो।
22यहूदी लोग चमत्कार के चिन्न माँगै हैं और गैर यहूदी बुद्धि की खोज मै रैहबैं हैं। 23पर हम तौ बा मसी को परचार करै हैं, जिसकै कुरूस मै चढ़ाओ गओ हो। जौ यहूदी लोगौ के ताँई रुकाबट है और जो यहूदी ना हैं उनके ताँई मूरखता की बात हैं। 24पर उन लोगौ के ताँई जो बुलाए भए हैं। चाँहे बे यहूदी हौं या गैर यहूदी हौं, उनके ताँई परमेसर की सकति और बुद्धि मसी है। 25कैसेकै परमेसर की मूरखता आदमिऔ के बुद्धि सै बी बढ़कै है, और परमेसर की कमजोरी आदमिऔ की तागत सै बी बढ़कै है।
26हे भईयौ और बहनौ, जरा सोचौ कै जब परमेसर नै तुमकै बुलाओ हो तौ तुम्मै सै भौस्से लोग ना तौ दुनिया की नजरौ मै अकलमन्द हे, और ना तागत बारे और ना खानदानी हे। 27पर परमेसर नै दुनिया मै ऐंसे लोगौ कै चुनो जिनकै लोग मूरख समजै हे, जिस्सै कै बुद्धि बारे लोगौ की बेजती होए, और परमेसर नै दुनिया मै ऐंसे लोगौ कै चुनो जिनकै लोग कमजोर समजै हैं, जिस्सै कै तागत बारे लोगौ की बेजती होए।
28परमेसर नै जा दुनिया मै ऐंसे लोगौ कै चुनो जिनकै लोग नीच समजै हैं और जिनसै नफरत करै हैं। परमेसर नै उनकै जो कुछ बी ना है इसताँई चुनो कै जो लोग खुद कै दुनिया मै कुछ समजै हैं, उनकै बे मिटा दैं। 29जिस्सै कै कोई बी आदमी परमेसर के सामने घमंड ना करै। 30परमेसर की बजै सै तुम लोग ईसु मसी के अंग बन गए हौ, और परमेसर की ओर सै ईसु मसी हमरे ताँई बुद्धि ठैरो। मसी की बजै सै हम परमेसर मै सई ठैराए गए और बाके पबित्तर लोग बन गए और हमकै पाप सै छुटकारो मिलो। 31इसताँई जैसो कै पबित्तर सास्तर मै लिखो है, “अगर कोई घमंड कन्नो चाँहै है, तौ बौ परभु मै करै।”
Currently Selected:
1 कुरन्थियों 1: TKB
Highlight
Copy
Compare
Share
Want to have your highlights saved across all your devices? Sign up or sign in
New Life Compute Institute [NLCI] - CC BY-NC-ND 4.0
