እብራዊ 2
2
ካአቲ ፋይና
1ሃኑን ካማልነኖ አየስኮ ፋላዳይነ ጎጎኢኖንኮ ካማልነኖ አየሱን ኣሎ እስኦራታኖ ዶትሳራ። 2ኤርግቻልኮክ ጋራነ ካሰጋመራ ሃፉራ ሩም ሌራ፤ ሂካ ሃፉራኮ ካሽርማራና ሂካ ሃፉራን ካአጃጃሞን ታዶትሳቶ ሙሮ አታታራ። 3ሀያ ኖ ሂካ ካአቲ ፋይናን ዶና ኦላኖ ጎሌነ፥ ምሲ ሄሲን ዳንዳና? ሂካ ፋይና ኖን ካስሰራ ጎታ እሲያ፤ ኡሱኮና ካማለራ እባዶ ሂካዋ አዴስሰራ። 4ዋ እሶን አደ ማላታል፥ ካሳድስሮ አየስ፥ ካሞጋን ባሳ ፈላኖዪና ፈኢቴሳክ ማለ ኦዳናባመራን አያና ቁሉክ እላቦልኮክ ጋራነ አቶታኖክሶ አታይሰራ።
የሱሳ ካፋይና ሶረሳ ላኖ
5ዋ ሆረንባን ካኤሜይናሮን፥ ሂካ ግዳ ኖ ካኮአዬሳኖ አላም ኤርግቻ ኦዶናት ጎጎባርስሮ ላኮየለሮ። 6ኡሱማለና ቁሉክ ማጻፋጆል ባንኤ ቶይ ሃ አማራ፤
“አት ጎጎቆፍቶን እባዶ መያ?
አት ኡሱን ጎጎማራርቶ ኤረ ካእባዶ መያ?
7አባራን ኤርግቻልኮ የራሰ፥
ካካባጃና ካሶማ ካላቻ ኡሱ ጉት ካይተ፤
ገነታ ኦፈልተቶ ፈሎ ጉት ሹሚተ፤#2፡7 ፉሬን ቶቶይ “ገነታኮኒዕ ፈሎይ ሹምተ” ካአማሮ ላኮአዳራን።
8ዱባና ኦዶናትኬሳ ሄገሊ ካይተ።”#ማዛ. 8፡4-6።
ካመን ዱባ ኦዶናትኬሳኮ ሄገሌ ካኮካይተ ጎራታ፥ ኦዶናትኬሳኮ ሄገሊ አንካይኖን አት ካሃሴታ አየስ ኮና ላግሮ። አየሱን ጎአመን ግዳ ጎጎግሮይ ካመን ዱባ ኦዶናትኬሳ ሄገሊ ካግሮ ጋና ላኮዴነኔ። 9ግዳ አዴ ኤርግቻልኮ ጎራታ ክጫሩን ሁስንተ ታግቴ፥ ታጎይ ራኮ አታታኖኮት ኣላንቲ ካካባጃና ካሶማ ካላቻ ካካተሮ የሱሳ ድናና፤ ኡሱና ስኖ ታዋይ ኖ ማራን ጎየራ። 10ካመን ዱባ ኡሱይና ኡሱን ካመጣመራ ዋ ይስ ካሞጋን ካባጃ ቶስ ኬኒን ፋይናክሶክ ሶረሳ ካሌሮ የሱሳ ራኮ ኦሮማርሰ ሮርሳኖይ ዱዶክ ጎጎሌሮን ሂክ አየስ ካዶትሳሮ ማንኮሌ ማራን ዋ ፈለራ።
11እባዶ ዋዉን ካቁሎይሳራና ጋራኬሳነ የሱሳ ኦቁሎዋራን ኦዶ ኮክ ይስያን፤ ሂካኮት ኣላንቲ ኡሱ እሶ፥ “አቢላልቴ” አም ኡምን ላኮሙላሮ። 12ሃኑን ቁሉክ ማጻፋጆል
“መገካ አብላልቴዉን ሰጊናራ፥
ጎሳ ካዋ ኦሮ ህኢቴይ ጋላትናራ” አማራ፥#ማዛ. 22፡22።
13ኡሱማለና፥ “አብድቴና ኡሱ ጉት ካይናራ” አማራ፥
አደና፥ “ሂክማ አንና ዋ ኢን ካስሰራ ይንሳ ህታኒ ግና” አማራ።
14ሃንሱን ይስኬሳ ሶና ኢግ ካአቦ እባዶ ማንኮሌራን ማራን የሱሳና እሶ ኣን እባዶ ሌ፥ ሂካ ካኮንየለራ ጎይኮክ ጋራነ ጎይ ጉት ኦዶናት ካአቦ ዱርሳ ባስንያ፤ 15ኡሱማለና ጎይ አብሳታኖኮት ኣላንቲ ኡሊ ካኮግራን ጌስ ዱባይ ድዩማ ኢምናሜን ኦግሬኑን ዎዶ ሊንያ። 16ኦግራን የሱሳ ካኮንኤመተራ ኤርግቻ ጋርጋርን አንሌኖን ግራን ታአብራመ ሳኒ ጋርጋርንያ፤ 17ሃኑን ካመን ዱባይ አቢላል ኣን ላኖ ማንኮዶትሳሮ ማራን አቢላል ኣን ሌ፤ ሂካ ካኮንየለራ ጩቦ ካእባዶ ሀሄሶ አምን አመረ ዋዉን ሀንዳይን ካአብዳመና ካነኔኤይሳታሮ ቱቃሞልኮክ ዎይቻ ሌ። 18ኡሱ እሲ ጫፋመረ ራኮ ማንኮአታተሮ ማራን ኦጫፋማራን ጋርጋርን ዳንዳራ።
Currently Selected:
እብራዊ 2: BayNTEth
Highlight
Copy
Compare
Share
Want to have your highlights saved across all your devices? Sign up or sign in
The Word for the World Ethiopia
Learn More About አማቶ ኦኡሱብ
