2 كورينتوس 2
2
1نّيغ د‑يخف‑ينو غ‑ووسّان‑ان ءور‑را‑ن‑دارون‑اشكغ سّطيّرغ‑اون‑تّ‑داغ. 2اشكو ءيغ‑ن‑وشكيغ سّطيّرغ‑اون‑تّ، ما‑را‑ن‑افغ غ‑دارون ا‑يّي‑يسّفرح ابلا كونّي لّي‑مي‑ستّ‑سّطيّرغ؟ 3مايان ا‑ف‑ن‑وريغ تابرات‑ان، ءور‑ن‑دارون‑وشكيغ، اشكو ءور‑ريغ اد‑يّي‑دارون‑طيّر كونّي لّي‑ف‑يلّا ا‑يّي‑تسّفرحم. اشكو سّنغ ءيغ‑فرحغ نكّي را‑ديدي‑كولّو‑تفرحم. 4والاينّي س‑يمطّاون گّوتنين ا‑س‑اون‑ين‑وريغ تابرات‑ان، اشكو تقامام گيگي، اسيغ فلّاون تاغوفت باهرا. ءور‑اون‑ين‑وريغ باش اد‑اون‑تّ‑سّطيّرغ س‑وگُّار، والاينّي ءوريغ‑اون‑ين باش ا‑تيسّانم منشك اد‑داري‑تعزّام.
صامحات ءي‑والّي ءيسكرن ما‑يُخشنّ
5والاينّي ءيغ‑يلّا ما‑ستّ‑يسّطيّرن ءي‑وايّاض، كونّي ا‑مي‑ستّ‑يسّطيّر ءوگُّار ن‑ماد‑يّي‑تّ‑يسّطيّر نكّي. ءيسّطيّر‑اون‑تّ كولّوكن س‑يميكّ نغد س‑كيگان. غمكان ا‑س‑راد‑ينيغ اشكو ءور‑ريغ اد‑ينيغ ف‑ورگاز‑ان ءوگُّار ن‑ماد‑اس‑يگان. 6والاينّي توودا‑ت لعقوبيت لّي‑فلّاس‑يوت ما‑يگّوتن گيگون. 7ييلي فلّاون غيلاد اد‑اس‑تصامحم تسّفجّيجم‑ت، ا‑ور‑تي‑تنرو‑تگوضي باهرا. 8را‑كُن‑ضالبغ اد‑اس‑تملم ءيس‑ا‑ت‑سول‑تّيريم. 9مايان ا‑ف‑اون‑ين‑وريغ تابرات‑ان، باش ا‑كُن‑ارمغ، ءيسّانغ ءيس‑راد‑بدّا‑تسكارم س‑واوال‑ينو. 10وانّا مي تصامحم ف‑كرا ءيسكر، هاتي صامحغ‑اس ءولا نكّي. د‑اينّا‑ف‑صامحغ نكّي، ءيغ‑نّيت‑صامحغ ف‑كرا، سّيبت‑نّون ا‑ف‑فلّاس‑صامحغ س‑يسم لّماسيح، 11باش ا‑ور‑تّ‑فلّانّغ‑يزّري شيطان، اشكو نسّن تيلّاي‑نس.
تلكم توجّوت لّماسيح كرايگاتّ ماني
12غاكود لّيغ لكمغ تامدينت ن‑تروّاس، ءيرژم سيديتنّغ غ‑لگدّام‑ينو يان‑يمي ف‑تووري لّخبار ءيفولكين لّماسيح. 13والاينّي ءور‑يهنّا‑وول‑ينو، اشكو ءور‑ن‑وفيغ گماتنّغ تيطوس. فلغ ءيلمّا مدّن ن‑غين، مودّوغ س‑ماكيدونيّا. 14ار‑باهرا‑نتالغ ربّي لّي‑اغ‑بدّا‑يزگّورون غ‑وكابار لّماسيح لّي‑يتنرون كولّو ما‑يلّان، ار‑سرنّغ‑يسّلكام اضو ن‑تواسّنا‑نس س‑كرايگاتّ ماني. 15اشكو نگا غ‑دار ربّي زوند توجّوت لّماسيح غ‑گر كولّو مدّن، غويلّي نجمنين ءولا غويلّي تياوهلاكنين. 16تگ توجّوت‑ان اضو لّموت ءي‑ويلّي تياوهلاكنين، تگ اضو ن‑تودرت ءي‑ويلّي نجمنين. والاينّي ءيس‑يلّا ما‑يژضارن ءي‑تووري‑اد ءيهيّان؟ 17ءور‑نگي نكُّني زوند ما‑يگّوتن ار‑تبرّاحن س‑واوال ن‑ربّي غير باش اد‑سرس‑قُّاين ءيقاريدن. اشكو نكُّني س‑نّييت ن‑وول‑نّغ ا‑س‑ا‑نساوال س‑يسم لّماسيح، نيسّان ءيزد ربّي اد‑اغ‑يوزنّ ار‑اغ‑بدّا‑يتمناد.
Currently Selected:
2 كورينتوس 2: SHINT10
Highlight
Copy
Compare
Share
Want to have your highlights saved across all your devices? Sign up or sign in
New Testament in Tashelhayt (Arabic script) © United Bible Societies, 1998, 2010.
