गिनती 26
26
इसराएलियोन दिसरी गिनती
1ओळी योहोवा मूसा आरू एलीआजर हारुन पुजारान क पोर्या सी कयो, 2इसराएलियो क सब मण्डळी मा जोतरा विस साल क एने ओका सी जादा उमरन क होयने सी इसराएलियो क विच युद्ध करने क योग्य छे, गिनती ओका डाहडा न घोरानान ओनसारे करू। 3एने: मूसा आरू पुजारो एलीआजर मोआब क खोयड़ा मा,यरदन नदि क तट पोर यरीहो नगर क अगळ इस्राएलियों सी कव्यो, 4विस साल एने एरेसी जादा उमोर क लोगहन नू गिनती कोरू। जसी हुकूम योहोवा न मूसा क आप्यो हुतो।
यो मिस्र देश सी बाहर निकळ्या हुया इसराएली हुता:
5इस्राएल क मोटलो पुर्य रूबेन; रुबेन क पुर्य: हनोक, जेरेसी हनोकिय कुळ निकळ्यो; पल्लु जेरेसी पल्लुआयी कुळ निकळ्यो; 6हेस्रोन, जेरेसी हेस्रोनियो कुळ निकळ्यो, कर्मी जेरेसी कर्मियो कुळ निकऴ्यो। 7ये रुबेनियों क कुळ हुतो, जेरेम लोगहन क संख्या तैंतालीस हजार सात सौ तीस हुता। 8ये पल्लु क पुर्या हुता: एलीआब हुतो। 9ये एलीआब क पुर्या हुता : नमूएल , दातान आरू अबीराम। ये इसराएली समाज लारे नेवाड़ला मानुसे हुतो, ज मूसा आरू हारून सी लोड़ाय कर्यो हुतो। हुयो कोरह क टुळा क हुता ज योहोवा सी वाद-विवाद कर्या हुता। 10जब आगठा न दुय सौ पचास लोगहन क भस्म कर्यो तब कळ मुय खुलीन कोरह आरू ओका टुळान-ताकोत क निगळ लिदो आरू हुयो मोर गुयो। हुयो चेतावनी-सोहलानी बोन गुयो! 11ओळी वी कोरह क पुर्य नी मोर्यो हुतो।
12यो आपना-आपना कुळ क ओनसारे शिमोन क पुर्य हुता : नमूएल, जेरेसी नमूएलियो कुळ निकळ्यो; यामीन, जेरेसी यामीनियो कुळ निकळ्यो; याकीन जेरेसी याकीनियो कुळ निकळ्यो; 13जारह, जेरेसी जारहिय कुळ निकळ्यो; शाऊल जेरेसी शाऊलियो कुळ निकळ्यो। 14ये शिमोनीयों क कुळ हुतो, जेरेम लोगहन क आकड़ा बाईस हजार दुय सौ हुता।
15यो आपना-आपना कुळ क ओनसारे गाद क पुर्या हुता : सपोन जेरेसी सपोनियो कुळ निकळ्यो; हाग्गी,जेरेसी हाग्गियों कुळ निकळ्यो; शूनी जेरेसी शूनियो कुळ निकळ्यो, आरू ओजनी जिना सी ओजनियान कुळ चालीयो; 16ओजनी, जेरेसी अरोदियो कुळ निकळ्यो; आरू अरोद,जेरेसि एरीय कुळ निकळ्यो; 17अरेली, जेरेसी अरेलीय कुळ निकळ्यो; अरएली, जेरेसी अरएलीय कुळ निकळ्यो। 18ये गाद क पुर्या क कुळ हुत, जेरेम लोगहन क आकड़ा चाळीस हजार पांच सौ हुता।
19यहूदा न पुर्या एर आरू ओनान हुता। पुन त्या कनान देश मा मर गिया। 20यहूदा क पुर्या क वी कुळ निकळ्या : शेला, जेरेसी शेलीय कुळ निकळ्यो; पेरेस, जेरेसी पेरेसियो कुळ निकळ्यो; जेरह, जेरेसी जेरहीय कुळ निकळ्यो। 21ये पेरेस क पुर्या हुत : हेस्रोन, जेरेसी हेस्रोनियो कुळ निकळ्यो; हामूल, जेरेम हामूलीय कुळ निकळ्यो। 22ये यहूदा क कुळ हुता, जेरेम लोगहन नू आकड़ा छिहत्तर हजार पांच सौ हुता।
23ये आपना आपना कुळ नू ओनसारे इस्साकार क पुर्या हुता : तोला, जेरेसी तोलियो कुळ निकळ्यो; पुव्वा, जेरेसी पुव्वियो कुळ निकळ्यो; 24याशूब,जेरेसी याशूबियो कुळ निकळ्यो; शिम्रोन, जेरेसी शिम्रोनियो कुळ निकळ्यो। 25ये इस्साकार क कुळ हुता, जेरेम लोगहन नू संख्या चौंसठ हजार तीन सौ हुता।
26ये आपना-आपना कुळ नू ओनसारे जबूलून क पुर्या हुता: सेरेद, जेरेसी सेरेदियो कुळ निकळ्यो; एलोन, जेरेसी एलोनियो कुळ निकळ्यो यहलेल, जेरेसी यहलेलियो कुळ निकळ्यो। 27ये जबूलूनियों क कुळ हुता, ओकाम लोगहन नू संख्या साठ हजार पांच सौ हुता।
28ये आपना-आपना कुळ नू ओनसारे यूसुफ क पुर्या हुता : मनश्शे आरू एप्रैम। 29ये मनश्शे क पुर्य हुतो : माकीर, जेरेसी माकीरियों कुळ निकळ्यो। माकीर न गिलाद क पयदा कर्यो। गिलआद सी गिलादियोन कुळ निकळ्यो। 30यो गिलाद क पुर्यो हुतो : ईएजेर, जेरेसी ईएजेरियो कुळ निकळ्यो; हेलक, जेरेसी, हेलकीय कुळ निकळ्यो; 31असरीएल, जेरेसी असरीएलीय कुळ निकळ्यो; शेकेम, जेरेसी शेकमीय कुळ निकळ्यो; 32शमीदा, जिना सी शमीदीय कुळ निकळ्यो; हेपेर,जेरेसी हेपेरीयो कुळ निकळ्यो। 33हेपेर क पुर्य सलोफाद क पुर्य नी पुन पुरायटा हुया।ये ओका पुरायटा क नाव छे: महला। नोआ, होग्ला, मिल्का आरू तीर्सा। 34ये मनश्शे क कुळ हुता, ओकामा लोगहन नू संख्या बावन हजार सात सौ हुता।
35ये आपना - आपना कुळ क ओनसारे एप्रैम क पुर्या हुता: शूतेलह, जेरेसी शूतेलही कुळ निकळ्यो; बेकेर, जेरेसी बेकेरियो कुळ निकळ्यो; तहन, जेरेसी तहनियो कुळ निकळ्यो; 36ये शूतेलह क पुर्या हुता: एरन, जरेसी एरनीय कुळ निकळ्यो। 37ये एप्रैमन क पुर्या क कुळ हुतो, ओकामा लोगहन नू संख्या बत्तीस हजार पांच सौ हुता। या आपना-आपना कुळ नू ओनसारे यूसुफ क पुर्या हुता।
38ये आपना-आपना कुळ नू ओनसारे बिन्यामीन क पुर्यो हुतो: बेला, जेरेसी बेलियो कुळ निकळ्यो; अशबेल, जेरेसी अशबेलियो कुळ निकळ्यो; अहीरम,जेरेसी अहीरामियोन कुळ निकळ्यो; 39शपूपाम, जेरेसी शपूपामियो कुळ निकळ्यो; हूपाम, जेरेसी हूपमीय कुळ निकळ्यो। 40बेला क पुर्य अर्द आरू नामन हुतो। अर्द सी अर्दीय कुळ निकळ्यो, आरू नामान सी नामानियो कुळ निकळ्यो। 41ये आपना-आपना कुळ नू ओनसारे बिन्यामीन क पुर्या हुता, जरेम लोगहन नू संख्या पैंतालीस हजार छ: सौ हुता।
42ये आपना-आपना कुळ नू ओनसारे दान क पुर्या हुता: शूहाम, जेरेसी शूहामियो कुळ निकळ्यो। येज आपना-आपना कुळ नू ओनसारे दान क कुळ हुतो। 43शूहामियो कुळ मा लोगहन नू संख्या चौंसठ हजार चार सौ हुता।
44ये आपना-आपना कुळ नू ओनसारे आशेर क पुर्या हुता: यिम्ना, जेरेसी यिश्रियो कुळ निकळ्यो। यिश्वी, जेरेसी यिश्वीय कुळ निकळ्यो; बरीआ, जेरेसी बरीइयो कुळ निकळ्यो। 45ये बरीआ क पुर्या हुता: हेबेर, जेरेसी हेबेरीय कुळ निकळ्यो; मल्कीएल, जेरेसी मल्किएलियोंन कुळ निकळ्यो। 46आशेर नू पोरयटा न नाव सेरह हुतो। 47ये आशेर क पुर्या क कुळ हुतो,ओकामा लोगहन नु संख्या तिर्पन हजार चार सौ हुता।
48ये आपना-आपना कुळ नू ओनसारे नप्ताली क पुर्या हुता : यहसेल, जेरेसी यहसेलियान कुळ निकळ्यो; गूनी, जेरेसी गूनियो कुळ निकळ्यो; 49येसेर,जेरेसी येसेरियो कुळ निकळ्यो; शिल्लेम, जेरेसी शिल्लेमीय कुळ निकळ्यो। 50येज आपना-आपना कुळ नू ओनसारे नप्ताली क कुळ हुतो, ओकामा लोगहन नू संख्या पैंतालीस हजार चार सौ हता।
51ये इसराएली लोगहन नू कुळ संख्या हुती: छव: लाख एक हजार सात सौ तीस।
चिट्ठि नाखीन जागान वाटो करनो
52योहोवा मूसा सी कव्यो, 53एनू लोगहन मा, ओका नावोन गिनतिन ओनसारे जागान वाटो बासोन-सम्पत्ति क लिय कोर्यो जासे। 54तू मोटा कुळ क मोटा बासोन जागान-वाटो आपजु। होरीक कुळ क, ओका लोगहन आकड़ान ओनसारे बासोक जागान-वाटो आप्यो जासे। 55पुन जागान वाटो चिट्ठी नाखीन कोर्यो जासे। हुये आपना-आपना बासोन-कुळ नू नावोन ओनसारे जागा पोर होक कोरसे। 56ओक जागान-वाटो मोटा आरू नाना कुळ क विच मा चिट्ठी नाखीन वाट्यो जासे।
57ये आपना-आपना कुळ नू ओनसारे , जेरी गिनती कर गई, लेवी क ओवलियाद छे : गेर्शोन, जेरेसी गेर्शोनीय कुळ निकळ्यो ; कहात, जेरेसी कहातियो कुळ निकळ्यो; मरारी , जेरेसी मरारियो कुळ निकळ्यो। 58ये लेवी क कुळ छे: लिब्नियों, हेब्रोनियों कुळ,महलियों कुळ, मूशियों कुळ आरू कोरहियो कुळ। कहात न अम्राम क पयदा कर्यो हुतो। 59अमराम नू लाड़ी नू नाव योकेबेद हुतो, ज लेवीन पोरय हुती। हुयी मिस्र देश मा लेवीन पयदा होयली हुती। हुयी अम्राम सी हारून आरू मूसा क एने ओकी बोहनीस मिर्याम क जन्म आपली हुती। 60हारून सी नादाब, अबीहू, एलीआजर आरू ईतामार नावन पुर्य पयदा हुयो हुतो। 61पुन जब नादाब आरू अबीहू न यहोवान अगळ विटुळ आगठो चोड़ाया,तब हुये मोर गुया हुता। 62लेवीय लोगहन नू संख्या ज एक मोहना एने एरेसी जादा उमोर क हतला, तेईस हजार हुता ओकि गणना दिसरा इसराएली लोगहन क साथ नी कोर्या हुता, काहकी इसराएली समाज क वीच मा ओका बासोन जागान-वाटो नी आप्या हुता ।
63मूसा आरू पुजारो एलीआजर न मोआब क खोयड़ा मा, यरदन क कतट पोर यरीहो नगर क सामने इस्राएली लोगहन नू गिनती कोर्या हुता। ओका लारे गिनला लोगहन नू संख्या यी हतली। 64पुन इस्राएली एनी गिनती मा एक वी मानुस असो नी गीन्यो गुयो, जेरी ओकी गिनती मा गिन्यो गुयो हुतो, ज मूसा आरू पुजारा हारून न सीनाय क निर्जन पोरदेश मा कोर्यो हुतो; 65काहकी योहोवा न ओका बाराम कव्यो हुतो, हुये निर्जन पोरदेश मा मोर जासे। ओकामा योपुन्ने क पुर्य कालेब एने नुन क पुर्य यहोशु क छुड़िन एक वी मानुस नी वाच्यो हुतो।
The Dhankavi Bible © The Word for the World International and Dhankavi Mandli, Khargon, Raykhed, Nandurbar, Maharashtra 2025