उत्पत्ति 13
13
अब्राम क कनान लौटनो
1तोत्यार अब्राम हेरी लाड़ी आरु आपसी आखी जायदाद लीन, लुत काजे वी पुठी लीन, मिसर काजे छुड़ीन कनान क दोखेवरे देश मा आया। 2अब्राम गाडरा बुकड़ा, गाय बुईल, आरु सोना रीपिया क मोटो धनी हुतो। 3ओळतेन हेना दोखेवरे देश गोथा बेतेल क पास तेनात जागा मा पुग्या, जां पेहले हुयो हेरु तंबु उबो करीयो हुतो, जो बेतेल आरु ऐ क वीच मा छे। 4यु जागु तेनी वेदी क छे, जु हीयु पेहले बनायो हुतो; आरु होयां अब्राम ओळी योहोवा सी वीनता कोर्यो। 5लुत क पास वी, जु अब्राम क सात मा चालतो हुतो, गाडरा बुकड़ा, गाय बुईल, आरु तंबु हुतो। 6ओतरान कोरीन हीना देश मा हीनु दुय क लीय पुरतु जागु नी होतु क हुये एकठा रोय सोके; काहकी हीन्दरे जुळ घोन सोंटो धोन हुतो ओतरान कोरीन हीये एकठा नी रोय सोकतला। 7अब्राम आरु लुत क गाडरा बुकड़ा आरु गाय बुईल क गुवाळ्या मा झगड़ो हुयो। तेन टेमे कनानी आरु परीज्जी मानुस उना देश मा रोहता हुता। 8अब्राम लुत सी कोहने लाग्यो, मारा आरु तारा वीच, आरु मारा आरु तारे गुवाळ्या क वीच मा झगड़ो नी होयनो जुवे; काहकी आपनु भाई बन्धु छे। 9काय आखो देश तारे सामने नी? ओतरान कोरीन मार सी ओलोग हुय जा; बाखुन तु डाख्र्यु जाउ ती मे जेवड़ु जाईस; आरु तु जेवड़ु जाय ती मे डाख्र्यु जाइस 10ती लुत डुळा उचाकोरीन, यरदन नदी क पास वाली आखी तराई क देख्यो की हियी आखी सिंचली छे। जोत्यार लोगुन योहोवा न सदोम आरु गमोरा क नष्ट नि करीयो हुतो, तीत्यार लोगुन सोअर क वाट तक हियी तराई योहोवा की वाटिक, आरु मिसर देश क जोसो उपजाऊ हुती। (उत्प. 20:10) 11ओतरान कोरीन लुत हेरे लीय यरदन क आखी तराई क नेवाड़ीन उगेवनो भीनी चाल्यो, आरु हुये एक दिसरा सी ओलोग हुय गोया। 12अब्राम कनान देश मा रोयो, लुत तेनी तराई क सोहोर मा रोहने लाग्यो; आरु आपसो तंबु सदोम क धोड़े उबो कोर्यो। 13सदोम क मानुस योहोवा क लेखा मा मोटा दुष्ट आरु पापी हुता। 14जोत्यार लुत अब्राम सी ओलोग हुय गोयो तेरे वाद मा योहोवा अब्राम सी कयो, “डुळा उचा कोरीन जेना जागा पोर तु छे चां सी दोखेवरे बोखेवरो, उगेवनो बुडेवनो, च्यारु मेर निगा कोर। 15काहकी जोतरु जागु तुसे देखा पोड़े हेना सब क मे तुसे आरु तारा ओवलीयाद क जोलोम् जोलोम क लीय आपीस। (प्रेरीत 7:5) 16आरु हांव तारा ओवलीयाद क कोळी क धूवा क कीनका क समान घोना कोरीस, या तोक की जौ कुदु कोळी क धुवु क कीनका क गिन सोके तोसो तारा ओवलीयाद वी गिन सोकसे। 17उठ, एना देश क नाम्बाय आरु चोड़ाई मा चाल फिर, काहकी हांव तेनाक तुसे आपीस।” 18एरे वाद अब्राम आपस तंबु उखावीन, मम्रे क वांजीया झाड़ क वीच जी हेब्रोन मा हुता, जाईन रोहने लाग्या; आरु होया वी योहोवा क एक वेदी बनायो।
Currently Selected:
उत्पत्ति 13: Dii25
Highlight
Copy
Compare
Share
Want to have your highlights saved across all your devices? Sign up or sign in
The Dhankavi Bible © The Word for the World International and Dhankavi Mandli, Khargon, Raykhed, Nandurbar, Maharashtra 2025
Videos for उत्पत्ति 13
Ep 37. Genesis 13: How Do Famine and Wealth Both Test Faith?
The Bible Show
Ep 41. Genesis 17: What Does the Covenant of Circumcision Really Mean?
The Bible Show
Ep 42. Genesis 18 Part 1: Abraham Fails Again, and Sarah Laughs at God
The Bible Show
Ep. 45 Genesis 19 Part 2: Can God Redeem Even the Worst Family History?
The Bible Show