TITO 2
2
1KANINGA tôya owe malo amalelekyela yi kweyesa kwa loko ; 2ene, babalumi badi binunu bakali bena mulangu, bena buxitu, bena bweso ; bena loko ku bwalo bwa kwetabusa, bwa nyinga, bwa bwika. 3Babakaxi badi binunu bakali mo nako yi mwosambu ămalelekyela yi babafa, kumoni bena mietangu, kumoni bena nkolwa ya malufu, beyexi ba bwalo budi bunengela ; 4bixekwekyelesabo babakaxi batena binunu banangi babayabo, yi banangi bana babo ; 5bakali bena bweso, yi mwosambu ă susu, badi yi mulukutu ă mudimo ă ncibo, banengela, bedeya edeya babayabo yi diedya, bitaxetangolebwa diyi dia Ncembi. 6Mapulwa kabidi, ubabondibondi bakali bena bweso. 7Ku bintu bioso udiebesi mikyebe kielekyexelu kia makisa anengela ; ku kweyesa kwebe, kumoni musalu, mo buxitu, 8mutôyelu ă loko, utasolubukwa kubelebwa ; bixefwayi bundu udi ku bunga bwalo, bwalo butenayi yi kintu kioso kibi kutôya ku bwalo bwecu.
9Basadi badipwesi mikyeabo kudi bafumu babo, bakali yi nonu mu bintu bioso ; kumoni bena mpeto ; 10kumoni bena misaka ; kate badi mu kwebesa kibaku kioso kinengela bixebongesabo kweyesa kwa Ncembi Mupandixi ecu mu bintu bioso.
11Bwalo bwamamoneka lwoxixi lwa Ncembi ; ludi mu kucwala kupandixibwa kwa môyo kudi bantu boso ; 12ludi mu kutweyesa tunyanani bwalo bwoso butena yi mwosambu ă Ncembi, yi xindilu ya loboko, yi twakali yi bweso, yi nkwami, yi mwosambu ă Ncembi mu mwociya ou ă nkyekyu ; 13tudi mu kudingidila mudingidilu ou ă kiango, yi kimonekyelu kia Ncembi ecu munene yi Mupandixi Yisu Kalistu ; 14akadilongola ku micwe yecu, bixetupikulayi ku kwona kwoso, yi bixeditekyelayi bantu yi babala bakali bantu banci mikyenci, badi yi mulukutu ă kulukutila makisa anengela.
15Tôya malo aa, yi bondabonda, yi kama makamu, yi bumanya bwoso. Muntu mwoso kiutamuni.
Currently Selected:
TITO 2: Luna_NT
Highlight
Copy
Compare
Share
Want to have your highlights saved across all your devices? Sign up or sign in
© La Société biblique de Genève
