LOMA 7
7
1KANUSOLUBUKWA bakunyi, (bwalo buntanakwambila bantu balubukwa bwadi), ene, bwadi budi yi bufumu kulu kwa muntu ku kikondo kidiyi yi môyo ? 2Mwamukaxi ndo udi yi mwamulumi amasukibwa kudi bayenci ku bwalo bwa bwadi pakala yei udi yi môyo. Mo akali mwamulumi amafwa, yei amapauka bwalo bwa mulangu ă mwamulumi you. 3Mbwôso ndo yei unasangila yi munga mwamulumi pakala bayenci ukidi yi môyo, unabikidibwa ene, mudibi. Mo ndo mwamulumi amafwa, amapauka bwalo bwa mulangu ănci ; yi isanga uxesangila yi munga mwamulumi, kiena mudibi pô. 4Mbwôso bakunyi bamene, nonu nwamatekyebwa bafu ku bwalo bwa bwadi ku mumbidi ă Kalistu ; binuxesangila yi munga, isanga yi you akabixibwa kudi bafu, bituxekama manwma anengela ku mpala a Ncembi.
5Ku kikondo kitwakadi mu munyu, xindilu ya mabi yakasadixibwa ku bwadi yakakwencañana mu bicini bia mumbidi ecu ndo kukama mamoma a lufu. 6Mo nkyekyu twamapaudibwa bwalo bwa bwadi, bwalo butwamafwa ku mucwe ă dibambu dedi ditwakabambibwa ; bituxesala yi musadilu mupyamupya, ă Mwoxixi, kumoni yi musadilu ă kalikali ă diyi ditupu.
7Mbwôso tunatôya beci ? Bwadi budi bubi ? Ai, kumoni. Bwalo bunxeakala kialembetela bubi kutena ku bwadi ; bwalo buntaxelubukwa luxindilu kutena bwadi bwakatôya ene, Kukyebi. 8Mo bubi, pakasañanabu kipoma ku bwalo bwa mulangu ou, bwakakwenca butonga bwoso bwa luxindilu munda mwamene. Bwalo bwa kutena bwadi, bubi budi bufu. 9Mo meme nakadi muna môyo kutena bwadi kalikali ; mo pakalwa mulangu, bubi bwakabika yi môyo, yi meme nakafwa. 10Yi mulangu ou ăkalangibwa bwalo bwa môyo, meme nakausañana udi yi bwalo bwa lufu ; 11bwalo bubi, pakasañanabu kipoma ku mulangu ou, bwakangudimba yi bwakanguxipa kudiu.
12Mbwôso bwadi budi babala sôsôlwo, yi mulangu udi yi babala yi nkwanu yi kunengela.
13Ape lolo, bwalo bobu bunengela bwakatulolwa lufu ku bwalo bwamene ? Ai, kumoni. Kate bubi ; bixemonekabu ene, bubi ; bwalo bwakangufikixilabu lufu ku kintu kidi kunengeia. Nako, bwalo bwa mulangu ou, bubi buxemoneka bubi bungi.
14Bwalo butwalubukwa ene, bwadi budi bwa Mwoxixi, mo meme ndi muna munyu ; namakwodixibwa mupika ndo kusadila bubi. 15Bwalo bobu bungwencenca, kisobubikila ene, bwamene ; bwalo bungwakisa bwalo bobu buntasokyeba kwenca ; kate bwalo bunamanyañana, ka bobu bungwencenca.
16Mo ndo ngwencenca bwalo buntasokyeba kwenca, namakwetabusa ku bwalo bwa bwadi ene, budi yi nkwami. 17Mbwôso kakuna kabidi meme encenca noku, kate bubi bobu bwapwakala munda mwamene. 18Bwalo bungwalubukwa ene, munda mwamene, mu munyu ămene, kamusoakala kunengela ; bwalo bwa kukyeba kudiko yinami, mo kukisa kwa kunengela kakunako. 19Bwalo buntasokwenca kunengela koku kungwakyeba kwenca ; kate bubi bobu buntasokyeba, ka bobu ndo mbwencenca.
20Mo akali ngwencenca bwalo buntasokyeba meme, kakuna kabidi meme encenca noku, kate bubi bwapwakala munda mwamene. 21Nako namasokolola mwosambu ou, ene, ku bwalo bwamene akyeba kwenca kunengela, bubi budi koku yinămi. 22Bwalo bungwaxekyelela yi mulangu ă Ncembi kudi muntu a munda ; 23mo ngwamona munga mulangu mu bicini bia mumbidi ămene ămatandañana yi mulangu ă lukanyi lwamene, ămangupwesa ku bupika muxi mwa mulangu ă bubi bwapwakala mu bicini bia mumbidi ămene.
24Kai buxitu budi yinami ! Ñani unangupaula mu mumbidi ou ă lufu ?
25Ncembi axingibwi biloba kudi Yisu Kalistu Fumwecu. Mbwôso meme mikyemi ngwasadiia mulangu ă Ncembi ku lukanyi ; mo ku munyu, mulangu ă bubi.
Currently Selected:
LOMA 7: Luna_NT
Highlight
Share
Copy
Want to have your highlights saved across all your devices? Sign up or sign in
© La Société biblique de Genève
