KIEBEXELU 8
8
1YI pakaxipayi kilembetelu kia sambwali, mu diulu mwakadi polo nya pa Iwedi lwa ola pakacikaci.
2Yi nakamona bangele sambwali bamakwemana emana ku mpala a Ncembi, yi mpungi sambwali yakabapebwa. 3Yi munga mwangele akalwa, akakwemana pepe yi kilongolelu, udi yi lusala lwa manonu lwa ôlo ; yi bukula bungi bwa manonu bwakamupebwa, bixebusangisayi yi ndombu ya bena babala boso ku kilongolelu kia ôlo kiakadi ku buxi bwa lukwasa. 4Yi munyinga ă bukula bwa manonu ăkaximuna yi ndombu ya bena babala, mu kianca kia mwangele ku mpala a Ncembi 5Yi mwangele akangata lusala, akalwolubisa mudilu ă ku kilongolelu, yi akalwela pa loboko ; yi meyi akalwa, yi makongola, yi misadi ya kapenya, yi kutepa kwa loboko.
6Yi bangele sambwali bakadi yi mpungi sambwali bakadilungika ndo kukuma mpungi.
7You a buxi akakuma mpungi ; yi mabwe a mbula akalwa yi mudilu, muputola yi maxi, yi biakakwelebwa pa loboko ; yi kicini kimokimwe kiakakwoxebwa kia bicini bisatu bia loboko, yi kicini kimokimwe kiakakwoxebwa kia bicini bisatu bia mici, yi bilo bioso biakadi mai biakakwoxebwa.
8Yi mwangele amubidi akakuma mpungi ; yi lupongo lunene lwakakwelebwa mu mai manene, luna ndo lutanalumuka mudilu, yi kicini kimokimwe kiakalwa maxi kia bicini bisatu bia mai manene ; 9yi kicini kimokimwe kiakafwa kia bicini bisatu bia bipangu bia môyo biakadi mu mai manene ; yi kicini kimokimwe kiakaxipibwa kia bicini bisatu bia bibusu.
10Yi mwangele amusatu akakuma mpungi ; yi mutoto munene ăkapona mu diulu, ăkadi mu kulumuka mudilu luna dikolobo, yi ăkapona kulu kwa kicini kimokimwe kia bicini bisatu bia ncedi, yi kulu kwa mpokolo ya mai. 11Dina lolo dia mutoto didi ene, Apasinto ; yi kicini kimokimwe kiakalwa Apasinto kia bicini bisatu bia mai, yi bantu bangi băkafwa bwalo bwa mai, bwalo bwakatekyebwao bululu.
12Yi mwangele amunai akakuma mpungi ; yi kicini kimokimwe kiakakumibwa kia bicini bisatu bia diba, yi kicini kimokimwe kia bicini bisatu bia ngondo, yi kicini kimokimwe kia bicini bisatu bia mitoto ; bixepindixibwa kicini kiabio kimokimwe kia bicini bisatu, bitaxemoneka munyinya ku kicini kimokimwe kia bicini bisatu bia munyinya, yi mo nako ku butuku.
13Nakamona lolo, yi nakakwombwa mpungu apumbuka mu diulu, udi mu kwamena yi diyi dikola ene, Mpeya, mpeya, mpeya, kudi bantu bamaxikama ku loboko ; bwalo bwa meyi a mpungi a bangele basatu batanalanda kukuma.
Currently Selected:
KIEBEXELU 8: Luna_NT
Highlight
Copy
Compare
Share
Want to have your highlights saved across all your devices? Sign up or sign in
© La Société biblique de Genève
