EBELEO 9

1MBWÔSO isanga disambi dia buxi diakadi kabidi yi mixiyilu ya kixingilu kia Ncembi ; yi kidi kiadio kia babala kia kwelekyesa kipangu kincimancima. 2Bwalo bwakalungikibwa ncibo a bixeba, ngumbu a buxi akadi mwinda munda, yi mesa, yi kiebexelu kia mampa ; kayou amabikidibwa ene, Kidi kia babala. 3Mo kunyuma kwa ngumbu a mbuxa amubidi, ncibo amabikidibwa ene, Babala a babala ; 4akadi yi mpamba a manonu a ôlo yi muxeti ă disambi muncibika dyendeli yi ôlo, ăkadi yi dibungu dia ôlo diakadi “ Mana ” munda, yi kanonge ka Alono kakapandika masusu, yi bikidi bia disambi ; 5yi kulu kwau kwakadi bakyelubi ba dikai bakakwengamina nkwasa a mwengo. Ku bwalo bwa bintu bebi katubiyi kutôya ku kintu ku kintu nkyekyu.

6Mbwôso pakadi bintu bebi biamalungikibwa, makanda akabwela bwela matuku moso mu ncibo a buxi, akadi mu kunama kixingilu ; 7mo mu ncibo amubidi mwakabwela bokanda bunene butupu, dibwela dimodimwe ku mbula umoumwe, kumoni kutena maxi, akalongolayi ku mucwe ănci mikyenci yi ku mucwe ă malo a bwilwa a bantu. 8Mwoxixi a babala akakwebesa nako ene, ncila a kubwela mu kidi kia babala akadi ukidi kasokwebexebwa, pakadi ncibo a buxi ukidi mu kwemana ; 9udi kielekyexelu ku bwalo bwa kikondo kia nkyekyu ; yi ku bwalo bwanci kwakaiongolebwa yi malongi yi bixipilu bitasolubukwa kukukisa muxingidi a kixingilu ku kilubukilu kia munda ; 10bidi mo ku mucwe ă kudya yi ă kunwa yi ă binga binumeyelu, mixiyilu ya munyu yakaxiyibwa pôi kikondo kla kikwameyelu kia bintu.

11Mo Kalistu akalwa Bokanda bunene bwa bintu binengela bilolwa, bwalo bwa ncibo amadika munene yi amadika kukuka, utasopangibwa ku makad, kulexi yi kutôya ene, kumoni a kipangu kiekio, 12yi kumoni lolo ku mucwe ă maxi a mbuxi yi a bana ba ñombi, mo ku mucwe ă maxi anci mikyenci, kwakabwelayi ku kikondo kimokimwe dyendeli nya mu bidi bia babala, bwalo bwakadiyi amasañana mpiku ya kô kô. 13Bwalo ndo maxi a mbuxi yi a ñombi, yi macu a mwana a ñombi, pa kucakibwa kulu kwa bena mbindu, amabalola bantu bwalo bwa kususula kwa munyu ; 14ka maxi a Kalistu, akadilongola mikyenci kudi Mwoxixi a kô kô ku mpala a Ncembi, kutena kantobo kamokamwe, amadika kususula kilubukilu kienu kia munda bwaio bwa makisa mafu, ndo kusadila Ncembi a môyo ? 15Yi ku mucwe ou kudiyi musambodi a disambi dipyadipya ; nako, bwalo bwamafwibwa lufu, kipikudilu kia mabi akakwencebwa muxi mwa disambi dia buxi, bobo bamabikidibwa baxeangata kilaka kia mwokito ă kô kô. 16Ku kidi kioso kiapwakala mukanda ă mwokito, koku kudi dibambu dia lufu kufwibwa lwa you akaufunda. 17Mukanda ă mwokito ulolwa bwalo, panakaia bantu bamafwa ; yi kausolwa bwalo pô pakala mufundi au ukidi yi môyo. 18Mbwôso isanga disambi dia buxi diakadi kadisobangolebwa kutena maxi. 19Pakadi mulangu mwoso ămatôyebwa ă bwadi ku macu a bungi bwa bantu kudi Mosese, akangata maxi a bana ba ñombi yi a mbuxi, yi mai, yi nyonyi ya mikwakwa ya telelelele, yi usopo, yi akacaka yi mukanda mikyeu yi bungi bwa bantu, 20ene, Aa ndo maxi a disambi diamanulanga Ncembi. 21Yi ncibo a bixeba kabidi yi bungi bwa mpamba ya kixingilu ndo akacakayi mo nako yi maxi. 22Yi ku bwalo bwa bwadi, bintu bidi mo bibende nci bitasosusudibwa yi maxi, yi kutena kuncula kwa maxi, kakuna kulekyelebwa kwa mabi pô.

23Mbwôso dibambu diakadiko dia bielekyexelu bia bintu mu melu kulu kususudibwa ku bintu bebi ; mo bintu mikyebio bia mu melu kulu ku bixipilu biamadika bebi binengela. 24Bwalo butabwela Kalistu mu bidi bia babala biamapangibwa ku makaci, biakadi yi bufwani bwa bebi bia sôsôlwo ; kate mu diulu mikyedio, ndo kumoneka ku mpala a Ncembi nkyekyu ku micwe yecu ; 25yi kumoni kudilongola mikyenci i malongola mangi, bea biamabwela bokanda bunene mu bidi bia babala ku mbula mwoso yi maxi atena anci ; 26ximbi noku uxetata matata mangi pôi kibangolelu kia loboko. Mo nkyekyu amakwebexebwa diebesa dimodimwe ku sula kwa mieciya ndo kuncula bubi ku kixipilu kia mikyenci.

27Yi bea biakalungikidibwa bantu ndo kufwa difwa dimodimwe, yi kunyuma kwaku ndo kubelebwa, 28mo i nako Kalistu kabidi, bwalo bwamalongolebwayi dilongola dimodimwe ndo kucwala mabi a bantu bangi, unamoneka diamubidi kutena bubi kudi bantu bamwadingidila, ku kipandilu kia môyo.

Currently Selected:

EBELEO 9: Luna_NT

Highlight

Copy

Compare