EBELEO 6

1MBWÔSO tuxiyi diyi kunyuma dia bubangabanga bwa Kalistu, yi tudiki kuya ku bwabukulu ; kutena kwabaka kabidi kibangolelu kia kwela kwa lwombixi bwalo bwa makisa mafu, yi kia kwetabusa kwa Ncembi, 2kia kweyesa kwa binumeyelu, yi kia kubaka kwa makaci, yi kia kubisa kwa bafu, yi kia lopelo lwa kô kô. 3Yi tunakwenca noku ndo Ncembi unakwetabusa. 4Bwalo butasolubukwabo,—ku mucwe ă bantu bakalumuxibwa kalikali, yi bakakikisa dilongi dia diulu, yi bakatekyebwa basangilañani yi Mwoxixi a Babala, 5yi bakakikisa diyi dinengela dia Ncembi, yi makisa a ngulu a mwociya ou utanalanda kulwa, 6ndo baba banasaluka,— kabasolubukwa kubapingasa ku kwela kwa lwombixi ; badi mu kudikopekyela Mwana a Ncembi, yi badi mu kumuxipa bundu butupu. 7Loboko lolu lwamanwa mai a mbula yilolwa kulu kwalu matuku moso, yi lwamalelañana bidibwa biamalelekyela yi bantu bamadimibwalu ku micwe yabo, Iwamalwangwasanibwa kudi Ncembi ; 8mo ndo lwamalelañana mieba yi tumpedyampedi, lwamanyañanibwa, ludi pepe yi kufingibwa difingu ; yi ku sula kunakwoxebwalu mudilu.

9Mo ku bwalo bwenu, banangibwi, twamakwetabuxixibwa malo adika aa noku loko, malo anamatañana yi kupandixibwa kwa môyo, isanga twamatôya noku. 10Bwalo butasosaka Ncembi yi nkwami bea ndo kwelwa mudimo ěnu bwilwa, yi nyinga yinwamakwebesa bwalo bwa dina dienci, binwakasadila bena babala ; yi nukidi mu kukisa nako. 11Yi twakyeba bwalo bwa muntu mwoso yinenu a-ebesi mulukutu ă noku ku bwalo bwa kilubukilu kia mudingidilu ou pôi ku sula ; 12binutaxeakala bena mampoci, mo bokodi ba bantu bamakita bilaka bwalo bwa kwetabusa yi bwa bwika.

13Ncembi, pakaxiyilayi Abalami kilaka, bwalo bwakasakayi mungaumwadika munene ndo kuteya kiteyi kudiyi, akateya kudiyi mikyenci 14ene, Pa kukulwangwasana nakukulwangwasana sôsôlwo, yi pa kukulundisa bungi nakukulundisa ; 15yi mo nako, pakadi amakwekyela yi kiekyelo kia bwika, akangata kilaka. 16Bwalo bwateya bantu biteyi kudi you ubadika munene, yi ku bwalo bwabo bwoso, kiteyi kuteyebwa kidi kisudeyelu kia mbata mwoso. 17Mo nako Ncembi, bwalo bwakakyebayi kwebesa bakitañani ba kilaka lukanyi lwanci dyendeli lutabiyi kukulumuka, akadisokyeya yi kiteyi ; 18mbwôso ku mucwe ă bintu bibidi bitabiyi kukulumuka, bitabiyi Ncembi kudimba kudibio, ndo kutuxeakala coco yi kibondelu kia ngulu, bamacina ku kicininu ndo kubamba mudingidilu ămatekyebwa ku mpala ecu ; 19utudi yinau bea ngindu a mucima udi nku yi bô, amabwela mu kidi kidi munda mwa ngumbu a mbuxa ; 20mwakabwela Yisu, mukyenci ku bwalo bwecu, amalwa bokanda bunene bwa kô kô bwa butonga bwa Melekisedekye.

Currently Selected:

EBELEO 6: Luna_NT

Highlight

Copy

Compare