EBELEO 4

1MBWÔSO tucini bowa, bwalo bukidiko kilaka kiakaxiyidibwa kia kubwela mu kiomowelu kienci, ximbi ambeci muntu mwoso enu uxeakala ulexi yi kuxikila. 2Bwalo butwamakwambidibwa losangu lunengela luna bobo kabidi ; kate diyi dia losangu diakadi kadisobatetowesa, bwalo butaputolebwadio yi kwetabusa mu bantu baba bakakwombwa. 3Bwalo butwabwela mu kiomowelu kieki bamakwetabusa ; bea biakatôyayi ene, Binakateya kiteyi ku bituku biamene, ene, kabanabwela mu kiomowelu kiamene pô ; isanga makisa akamanibwa pôi kibangolelu kia loboko. 4Bwalo bwamatôyayi mu kinga kidi dia dituku dia sambwali noku ene, Ncembi akakwomowa ku dituku dia sambwali ku makisa anci moso ; 5yi ku kidi kieki kabidi ene, Kabanabwela mu kiomowelu kiamene pô. 6Mbwôso biapwakala bwalo noku ene, banga baxebwela momu, yi bobo bakakwambidibwa losangu lunengela kalikali bakaxikila dia kubwela bwalo bwa ntamu, 7ndo biakalungikayi dinga dituku kabidi ene, Lelo ; pa kutôya mu Dafidi kunyuma kwa kikondo kingi ene, Lelo akali nunakwombwa diyi dienci, kanukolexi micima yenu. 8Bwalo butaxetôyayi dia dinga dituku kunyuma, ndo Yoxuwa akababwesa mu kiomowelu, 9Mbwôso kiomowelu kia Sabado kiamasala bwalo bwa bantu ba Ncembi. 10Bwalo you amabwela mu kiomowelu kienci amakwomowa bwalo bwa makisa anci, bea biakakwomowa Ncembi ku bwalo bwa makisa anci.

11Mbwôso tupalali yi mwokulu kubwela mu kiomowelu kieki, bitaxepona muntu mwoso ku bufwani bobu bwa ntamu. 12Bwalo budi diyi dia Ncembi yi môyo yi kucwa, diamadika mwele mwoso ă mpala ibidi kucwa, diamatubula isanga kunamuna yi mucima yi kidimu bonamu, yi manyungu yi bwongo bwa mifwa ; dibili kukala mitôyelu ya munda yi nkanyi ya mucima. 13Yi kipangu kakinako kitasoakala ololwo ku meso anci ; mo bintu bioso bidi mataka yi biamakwebexebwa ololwo ku meso a you utudi yinanci bwalo.

14Mbwôso bwalo bututani yi Bokanda bunene bunene bwamadika melu moso kulu, Yisu Mwana a Ncembi, tubambi kusakola kwecu nda. 15Bwalo bututasoakala yi bokanda bunene butabiyi kwombwela mabombu ecu mwengo, mo bwakakwelekyexebwa mu bintu bioso luna coco, kutena bubi. 16Mbwôso tukokyeli yi mucima ku lukwasa lwa lwoxixi, bituxeangata mwengo, yi bituxesañana lwoxixi lwa kutukwacisa ku kikondo kia loko.

Currently Selected:

EBELEO 4: Luna_NT

Highlight

Copy

Compare