EBELEO 3

1MBWOSO, bakunyi ba babala, bamangata makapa ku kubikidibwa kwa diulu, nunamacisi nkanyi yenu kudi Mutumibwi yi Bokanda bunene bwa kwetabusa kwecu kutwasakola, Yisu ; 2akadi muna kibaku ku mpala a you akamulungika, bea biakadi kabidi Mosese mu bungi bwa ncibo anci. 3Bwalo bwamakwelekyexebwayi ene, amalelekyela yi dikai diamadika dedi dia Mosese bea biamadika you kutumba akapanga ncibo, kumoni ncibo mikyenci. 4Bwalo bwamapangibwa ncibo mwoso kudi muntu, mo you akapanga bintu bioso udi Ncembi. 5Mosese sôsôlwo akadi muna kibaku mu bungi bwa ncibo anci, bea musadi, bwalo bwa ntôbô ya bintu bebi bixekwambidibwa kunyuma ; 6mo Kalistu bea Mwana, kulu kwa ncibo anci ; utudi ncibo anci coco, akali twamabamba mucima ěcu nda pôi ku sula, yi mwanu ă mudingidilu ěcu.

7Mbwôso, bea biamatôya Mwoxixi a babala, ene, Lelo, ndo nunakwombwa diyi dienci, 8kanukolexi micima yenu bea ku kikondo kiakanguxengesabo, bea mu diba dia kielekyexelu mu mbata a kisobe, 9mwakangwelekyesa batetenu pa kungukikisa, yi bakamona makisa amene mbula masangi anai. 10Ndo binakanyungula kungi ku mucima bwalo bwa mwociya yiwa, yi nakatôya ene, Bamaungaunga matuku moso mu micima yabo ; mo bantu baba kabalembetela miesambu yamene ; 11binakateya kiteyi ku bituku biamene, ene, Kabanabwela mu kiomowelu kiamene pô. 12Nudingili bakunyi, ximbi ambeci munda mwa muntu enu mwoso muxeakala mucima mubi utena yi kwetabusa, ă kuncuka kudi Ncembi a môyo ; 13kate nubondañani ku dituku ku dituku, pakala pamabikidibwa ene, Lelo ; bitaxekolexebwa muntu enu mwoso ku ncimi a bubi. 14Bwalo butukyelwa basangilañani yi Kalistu, akali twamabamba bubangabanga bwa kwetabusa kwecu nda pôi ku sula ; 15bwalo bwamatôyebwa ene, Lelo, ndo nunakwombwa diyi dienci, kanukolexi micima yenu, bea ku kikondo kiakanguxengesabo. 16Bañani pako, pakakwombwabo, bakaxengesa ? Ape ka bungi bwabo bakabatuka mu Ecipito muxi mwa Mosese ? 17Yi akakwombwela bañani bituku mbula masangi anai ? Ka bantu bakakwona, bakamwangalaka mimbidi yabo mu mbata a kisobe ? 18Yi ku bwalo bwa bañani kwakateyayi kiteyi ene, kababwedi mu kiomowelu kienci, batena bantu bakadi bena ntamu ? 19Twamamona lolo ene, bakadi kababiyi kubwela bwalo bwakasakabo yi kwetabusa.

Currently Selected:

EBELEO 3: Luna_NT

Highlight

Copy

Compare