EFESO 6

1BANA, nwedeyi batetenu yi bamamenu mu Fumu ; kudi yi nkwami ndo kwenca noku. 2Nemeka tetebe yi mabebe, (ou ndo mulangu ă buxi musangisa yi kilaka), 3bixeakala bwalo bwebe loko, yi bixeakala owe yi môyo kikondo kingi ku loboko. 4Yi nonu batete, kanuxengexi bana benu biakalabo yi bisusu, kate nubabunguli yi kiekyelo kia Fumu, yi mulangu ănci.

5Basadi, nwedeyi bantu badi bafumu benu mu munyu, yi bowa yi lukomba, yi mucima umoumwe bea ndo kwedeya Kalistu. 6Kumoni ku mudimo ă ku meso kutupu, bea ndo kuxekyelesa bantu ; kate bea basadi ba Kalistu, nudi mu kwenca nyinga ya Ncembi pôi ku mucima ; 7nudi mu kusala mudimo yi mucima unengela bea kusadila Fumu, kumoni bantu. 8Bwalo bunwalubukwa ene, kintu kioso kinengela kiencenca muntu mwoso, kakieki kinangatayi kabidi kudi Fumu, ndo mupika ndo mwana a bula. 9Yi nonu bafumu ba basadi, nwenci bebi bintu ku bwalo bobu, yi nulekyeli kubaxekyeya ; bwalo bunwalubukwa ene, Fumwabo yi Fumwenu udi mu diulu, yi yei kasoyila bantu kikanda.

10Pôi nkyekyu nukolexebwi mu Fumu, yi mu ngulu ya mpinyu yenci. 11Nulati kilamba kincimancima kia bipiko bia Ncembi, binuxelubukwa kwemana ku mpala a malo a lwomonyi a diabolo. 12Bwalo butena mbita utwatanda mbita a munyu yi maxi, kate yi makalanga yi mamanya yi mafumu a mwedima ou a bungi bwa loboko, yi malo mabi a bidimu mu melu kulu. 13Mbwôso nwangati kilamba kindmandma kia bipiko bia Ncembi, binuxelubukwa kutanda mu diba dia bubi ; yi binuxelubukwa kwemana panakala nwamakwenca bintu bioso. 14Mbwôso nwemani, nwamakoba makondu enu yi sôsôlwo, yi nwamalata kibukilu kia kiedi kia nkwami, 15yi nwamalata makaka ku makasa enu a kilungikilu kia losangu lunengeia lwa polo. 16Nwangati lolo ngabwe a kwetabusa ununalubukwa yinand kuncima mipulu mioso ya mudilu ya you a bubi. 17Yi nwangati kifulu kia kipandilu kia môyo, yi mwele ă Mwoxixi, udi diyi dia Ncembi. 18Nulombi ku bikondo bioso mu Mwoxixi, yi kulomba kwoso yi kubondabonda kwoso ; nudingili bwalo bobu yi mwoxinu mwoso yi mulombelelu mwoso ku bwalo bwa bena babala boso 19yi ku bwalo bwamene, bixengupebwa mutôyelu, pa kudipula musuku ămene, ă kusakola bwalo busokoka yi mudma bwa losangu lunengela, 20lundi mukyend ku bwalo bwalu ku nkanu ; binxetôya yi mucima ku bwalo bwalu bea binxetôya.

21Mo binuxelubukwa kabidi malo amene, bingwakala, Tikiko, mwakunyi munangibwi yi musadi a kibaku mu Fumu, unanulubukisa bintu bioso, 22unamatuma kunudi ku mucwe ou binuxelubukwa mwakadilu ěcu, yi bixebondabondayi micima yenu.

23Folo akali yi bakunyi, yi nyinga misangisa yi kwetabusa, kudi Ncembi yi kudi Fumu Yisu Kalistu. 24Lwoxixi lwakali yi bungi bwabo bananga Fumwecu Yisu Kalistu kutena musalu.

Currently Selected:

EFESO 6: Luna_NT

Highlight

Copy

Compare