EFESO 5

1MBWÔSO nwakali bokodi ba Ncembi bea bana banangibwi ; 2yi nwendi mu nyinga bea biakatunanga Kalistu kabidi, yi akadilongola ku micwe yecu, dilongi yi kixipilu ku mpala a Ncembi, didi yi mwoxixi ă manonu anengela. 3Kate budibi, yi lobindu Iwoso, yi luxindilu, kabitambibwi pakacikaci penu bea biamalelekyela yi bena babala ; 4ndo nyete, ndo kutôya kwa kanana, ndo miexopo, bitasolelekyela ; kate kuxinga kwa biloba. 5Bwalo bunwalubukwa sôsôlwo dia mudibi mwoso yi muna mbindu yi muna luxindilu (udi bea muxingidi a bwanga bwanci), ene, yei kiena yi mwokito mwoso mu bufumu bwa Kalistu yi Ncembi. 6Muntu kanudimbi yi meyi a kanana ; ku bwalo bwa bintu bebi kulolwa bisusu bia Ncembi kulu kwa bana ba kadiu. 7Mbwôso kanwakadi yinabo busangilañani bumobumwe ; 8bwalo bunwakadi mwedima kalikali, kate nkyekyu nudi obo mu Fumu ; nwendi bea bana ba obo, 9(bwalo bwapwakala dimona dia obo ku kunengela kwoso yi nkwami yi sôsôlwo) ; 10nudi mu kwelekyesa bwalo bobu bwaxekyelesa Fumu. 11Kanwakadi yi busangilafiani bwoso yi makisa a mwedima atena mamoma, kate nwatongoli ; 12bwalo budi bundu isanga kutôya dia malo amakwencebwa kudibo ku busoko. 13Mo malo moso patongolebwao amakwebexebwa ku obo ; kintu kioso kiamakwebesa bintu bioso kidi obo. 14Ndo biatôyayi ene, Bika owe walala tulu, yi emana kudi bafu, yi Kalistu unakutekyela obo.

15Mbwôso nutebeli yi mpaso munwendenda, kumoni bea bantu basaka yi bwinu, kate bea bena bwinu ; 16nudi mu kwololola bipoma bwalo budi matuku aa noku mabi. 17Mbwôso kanwakadi yi budibi, kate nulembeteli nyinga ya Fumu yakyebayi. 18Yi kanukolwi nkolwa ya malufu adi bukadeyakadeya, kate nwolubixibwi yi Mwoxixi a babala. 19Nwambilafiani mu misambu yi mu ncemba yi mu miembikixilu ya Mwoxixi, nudi mu kwembikisa yi kukwameya nkwamenu ku mucima ěnu kudi Fumu. 20Nuxingi biloba matuku moso ku mucwe ă bintu bioso mu dina dia Fumwecu Yisu Kalistu ku mpala a Ncembi, isanga Tete. 21Nudipwesi mikyenu muntu kudi muna kwanci muntu kudi muna kwanci mu bowa bwa Kalistu.

22Bakaxi, nudipwesi mikyenu kudi babayenu, bea kudi Fumu. 23Bwalo budi mwamulumi mucwe ă mukasanci bea bidi Kalistu kabidi Mucwe ă kikokye ; yi yei udi mupandixi a mumbidi. 24Kate bea biamadipwesa kikokye mikyekio kudi Kalistu ndo bixedipwesa mikyeabo babakaxi kabidi kudi babayabo mu kintu kioso. 25Babalumi, nunangi bakaxi benu bea biakananga Kalistu kabidi kikokye, yi akadilongola mikyenci ku mucwe ăkio ; 26bixekibalolayi amakikusula ku kiowelu kia mai ku diyi dia Ncembi, 27bixelongolayi kikokye kudiyi mikyenci yi dikai, kitena ndo kantobo ndo mwanda ku mpala, ndo kintu kioso kia noku ; kate bixeakalakio babala yi kutena bwalo bubi. 28Mo nako babalumi baxenanga bakaxi babo kabidi, bea luna mimbidi yabo mikyeabo. 29You ananga mukasanci udiananga mikyenci ; bwalo butenako muntu pô amanyafiana munyu ănci mikyenci ; kate amaudisa yi amaubungula, bea kabidi Kalistu yi kikokye ; 30bwalo butudi bicini bia mumbidi ănci. 31Ku mucwe ou kunaxiya muntu tetenci yi mamanci yi unasambikibwa kudi mukasanci, yi bubidi bwabo banakala munyu umoumwe. 32Bwalo bobu bwa bwisa budi bunene ; mo ngwatôya dia Kalistu yi dia kikokye. 33Kaninga nonu kabidi, muntu mwoso bienci muntu mwoso bienci, anangi mukasanci bea mikyenci ; yi bwalo bwa mwamukaxi, anemeki bayenci.

Currently Selected:

EFESO 5: Luna_NT

Highlight

Copy

Compare